ശബരിമല നിരോധനാജ്ഞ ശനിയാഴ്ച വരെ നീട്ടി. സിസംബർ 8 അർധരാത്രി വരെയാണ് നീട്ടിയത്. നിലയ്ക്കൽ, പമ്പ, ഇലവുങ്കൽ, സന്നിധാനം എന്നിവിടങ്ങളിലാണ് നിരോധനാജ്ഞ. നാമജപത്തിന് തടസ്സമില്ല. എസ്പിയും എഡിഎമ്മും നിരോധനാജ്ഞ നീട്ടണമെന്ന് റിപ്പോർട്ട് നൽകിയതിന്റെ  അടിസ്ഥാനത്തിലാണ് നിരോധനാജ്ഞ നീട്ടുന്നതായി ജില്ല മജിസ്ട്രേറ്റ് അറിയിച്ചത്.

ശബരിമലയിൽ ഹൈക്കോടതി മൂന്നംഗം സമിതിയെ  നിയോഗിച്ചതിനെതിരെ സർക്കാർ.നടപടി ഭരണഘടന വിരുദ്ധമെന്ന് കാണിച്ച് സുപ്രീം കോടതിയെ സമീപിക്കും. വിധി നടപ്പിലാക്കാൻ ഹൈക്കോടതിയല്ല മേൽനോട്ടം വഹിക്കേണ്ടതെന്നും ആവശ്യമെങ്കിൽ സുപ്രീംകോടതി സമിതിയെ നിയോഗിക്കട്ടെ എന്ന് സർക്കാർ. സമിതിയെ നിയോഗിച്ചതിൽ നിയമ പ്രശ്നമാകും സർക്കാർ ചൂണ്ടിക്കാണിക്കുക. ഇതിനെതിരെ സർക്കാർ സുപ്രീം കോടതിയെ സമീപിച്ചേക്കും.സർക്കാരോ ദേവസ്വം ബോർഡോ നേരിട്ട് സുപ്രീം കോടതിയെ സമീപിച്ചേക്കില്ല. പോലീസാകും സുപ്രീം കോടതിയെ സമീപിക്കുക.

സർക്കാരും സിപിഎമ്മും തന്ത്രിമാർക്ക് എതിരല്ലെന്ന് മുഖ്യമന്ത്രി. തന്ത്രി സമൂഹം ക്ഷേത്ര പരിപാലനവുമായി മുന്നോട്ട് പോകേണ്ടവരാണ്. അതിൽ കൈകടത്താൻ സർക്കാരില്ലെന്നും മുഖ്യമന്ത്രി. ശബരിമല തിരുവിതാംകൂർ ദേവസ്വം ബോർഡ് ഭരിക്കും അതാരും എടുത്ത് അമ്മാനമാടാൻ നോക്കണ്ട. തന്ത്രിമാർക്കെതിരെ സർക്കാർ യുദ്ധം ഒന്നും പ്രഖ്യപിച്ചിട്ടില്ല. അത്തരം തെറ്റിധാരണകൾ ആരും പറഞ്ഞു പരത്തണ്ടെന്നും  മുഖ്യമന്ത്രി പറഞ്ഞു.

സർക്കാരിനെതിരെ ശബരിമല വിഷയത്തിൽ പ്രതികരണവുമായി എൻഎസ്എസ്.രാഷ്ട്രീയ നേട്ടമുണ്ടാക്കാനാണ് സർക്കാർ ശ്രമിക്കുന്നത്. യുവതീ പ്രവേശന പ്രശ്നത്തിൽ നവോത്ഥാനവുമായി ബന്ധമില്ല. സവർണ്ണരെയും അവർണ്ണരെയും വേർത്തിരിക്കുന്ന രീതിയാണ്, കൂടാതെ ജാതീയ വിഭാഗീയത ഉണ്ടാക്കുവാനും നിരീശ്വരവാദം നടപ്പാക്കാനുമാണ് സർക്കാർ ശ്രമിക്കുന്നത് എന്നും എൻഎസ്എസ്സ്. വാർത്താക്കുറിപ്പിലൂടെയാണ്  എൻ എസ്എസ് സർക്കാരിനെതിരെയുള്ള പ്രതികരണം അറിയിച്ചത്.

കോഴിക്കോട് ബി ജെ പി സംസ്ഥാന നേതൃയോഗത്തിൽ ഇരുവിഭാഗങ്ങൾ തമ്മിൽ വാദപ്രതിവാദങ്ങൾ. അധ്യക്ഷൻ പി എസ് ശ്രീധരൻപിള്ളക്കെതിരെയും വി.മുരളീധരനെതിരെയും വിമർശനം.ശ്രീധരൻപിള്ളയുടെ പല പ്രസ്താവനകളും പാർട്ടിക്ക് ക്ഷീണമുണ്ടാക്കിയതായി ഒരു വിഭാഗം. എന്നാൽ വി.മുരളീധരൻ അധ്യക്ഷന്റെ അത്മാർത്ഥയെ ചോദ്യ ചെയ്തതായും മറുവിഭാഗം. ശബരിമല സമര പ്രശ്നത്തിന്റെ പശ്ചാതത്തിലാണ്  ബി ജെ പി ക്കുള്ളിലെ പ്രശ്നത്തിരിവ് ഉണ്ടായിരിക്കുന്നത്.

ശബരിമലയിൽ ശിവമണിയുടെ സംഗീതാർച്ചന നടപ്പന്തലിലെ സ്റ്റേജിൽ നടത്താനാകില്ല. നിരോധനാജ്ഞ തുടർന്നാണ് നടപടി. മരാമത്ത് കോംപ്ലസിലെ വിരിവെപ്പ് കേന്ദ്രത്തിലാണ്  സ്ഥലം അനുവദിച്ചിരിക്കുന്നത്. എല്ലാവരും വലിയ നടപ്പന്തലിലാണ് സംഗീത ആർച്ച നടത്തിയിരുന്നത്. നാളെ രാവിരെ ആറരയ്ക്കാണ്  ശിവമണിയുടെ സംഗീതാർച്ചന. തിരുമുറ്റവും വലിയ നടപ്പന്തലും നിയന്ത്രിത മേഖലയെന്ന് പോലീസ് അറിയിച്ചു.

സന്നിധാനം,പമ്പ, ഇലവുങ്കൽ എന്നിവടങ്ങളിൽ നിരോധനാജ്ഞ 4 ദിവസത്തേക്ക് കൂടി നീട്ടി. ഡിസംബർ 4 വരെയാണ് നിലവിൽ നിരോധനാജ്ഞ നീട്ടിയിരിക്കുന്നത്. എന്നാൽ സമരത്തിൽ നിന്നൊക്കെ ബി ജെ പി വൃത്തങ്ങൾ പിന്നോട്ട് വലിഞ്ഞിരുന്നു. ശബരിമല സംഘർഷ അവസ്ഥയിൽ നിന്ന് അയവു വന്നിട്ടുള്ള സാഹചര്യത്തിലുമാണ് നിരോധനാജ്ഞ നീട്ടിയിരിക്കുന്നത്.