ചേരുവകൾ
ഗോതമ്പ് – 1/2 കിലോ,
വെള്ളം – 3 ലിറ്റർ
സവാള അരിഞ്ഞത് – 1
ഉപ്പ് – ആവശ്യത്തിന്
കറുവപ്പട്ട, ഏലക്കായ – ഒന്നോ രണ്ടോ
കശുവണ്ടി, ഉണക്കമുന്തിരി, ഉള്ളി – വിതറാൻ ആവശ്യത്തിന്
ചിക്കൻ – 150 ഗ്രാം
നെയ്യ് – 30 ഗ്രാം
തയാറാക്കുന്ന വിധം
ചിക്കൻ ചെറുകഷണങ്ങളാക്കുക. ഗോതമ്പ്, സവാള അരിഞ്ഞത്, സുഗന്ധവ്യഞ്ജനങ്ങൾ, ഉപ്പ് എന്നിവ വെള്ളത്തോട് ചേർത്ത് ചിക്കൻ വേവിക്കുക. വേവും വരെ ചെറിയ തീയിൽ വേണം വെക്കാൻ. തീയണച്ച് ചിക്കൻ കഷണങ്ങൾ മാറ്റി വെച്ച് ബാക്കിയുള്ളവ നല്ലവണ്ണം യോജിപ്പിക്കുക. ഇതിലേക്ക് കഷണം ഇടുക. പിന്നീട് കശുവണ്ടി, ഉണക്കമുന്തിരി എന്നിവ നെയ്യിൽ വഴറ്റി ഇതിലേക്ക് ഒഴിക്കുക. ഉള്ളി പ്രത്യേകം വഴറ്റി അതിൻമേൽ വിതറുക. രുചിയേറും ചിക്കൻ ഹലീം തയാർ, ചൂടോടെ വിളമ്പുക.
