ഇന്ത്യൻ ക്രിക്കറ്റ് താരം ഗൗതം ഗംഭീർ വിരമിച്ചു

ഇന്ത്യൻ ക്രിക്കറ്റ് താരം ഗൗതം ഗംഭീർ രാജ്യന്തര ക്രിക്കറ്റിൽ നിന്നും വിരമിച്ചു.15 വർഷത്തെ ക്രിക്കറ്റ് ജീവിതത്തിനാണ് വിരാമമിടുന്നത്. ഇന്ത്യയ്ക്കായി 58 ടെസ്റ്റും 147 ഏകദിനങ്ങളും 37 ട്വന്റി-20 മത്സരങ്ങളും കളിച്ചു. ടെസ്റ്റിൽ 9 സെഞ്ചുറിയും 22 അർധ സെഞ്ചുറികളും ഉൾപെടെ 4154 റൺസും ഏകദിനത്തിൽ 11 സെഞ്ചുറി ഉൾപെടെ 5238 റൺസും ട്വന്റി-20യിൽ 932 റൺസും ഇന്ത്യയ്ക്കായി നേടിട്ടുണ്ട്. 2011 ൽ ഏകദിന ലോകകപ്പ് നേടിയ ഇന്ത്യൻ ടീമിൽ അംഗമായിരുന്നു. 2007 ൽ ട്വന്റി-20 ലോകകപ്പ് നേടിയ ഇന്ത്യൻ ടീമിലും അംഗമായിരുന്നു. ടിറ്ററിലൂടെയാണ് ഗംഭീർ തന്റെ വിരമിക്കൽ അറിയിച്ചത്. അടുത്ത വർഷം നടക്കുന്ന ഐപിഎല്ലിലും ഗംഭീർ കളിച്ചേക്കില്ല. 2012ലും 2014ലും കൊൽക്കത്തയെ ഐ പി എൽ കിരീടത്തിലേക്ക് നയിച്ചത് ഗംഭീറായിരുന്നു.