സൗദി അറേബ്യയിലെ അല്‍-മൗവ്വാസാത്ത് ഹെല്‍ത്ത് ഗ്രൂപ്പിലേക്ക് ബി.എസ്.സി/ഡിപ്ലോമ നഴ്‌സുമാരെ (സ്ത്രീകള്‍ മാത്രം) നിയമിക്കുന്നതിനായി ഒ.ഡി.ഇ.പി.സി. തിരുവനന്തപുരം, വഴുതയ്ക്കാട് ഓഫീസില്‍ 25 ന് സ്‌കൈപ്പ് ഇന്റര്‍വ്യൂ ചെയ്യും. താത്പര്യമുള്ളവര്‍ www.odepc.kerala.gov.in എന്ന വെബ്‌സൈറ്റില്‍ കൊടുത്തിരിക്കുന്ന നോട്ടിഫിക്കേഷന്‍ പ്രകാരം അപേക്ഷിക്കണം. ഫോണ്‍ : 0471-2329440/41/42/43/45, 9446444522.
ആഭരണങ്ങളിലെ വ്യാജ ഹാള്‍മാര്‍ക്കിംഗ് എങ്ങനെ തിരിച്ചറിയാം
സ്വര്‍ണ്ണാഭരണങ്ങള്‍ വാങ്ങുമ്പോള്‍ ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് (ബി.ഐ.എസ്) നിഷ്‌കര്‍ഷിക്കുന്ന ഹാള്‍ മാര്‍ക്കിംഗ് മുദ്രണമുള്ള ആഭരണങ്ങള്‍ തന്നെ വാങ്ങാന്‍ ശ്രദ്ധിക്കണമെന്ന് ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് കേരള- ലക്ഷദ്വീപ് മേഖലാ തലവന്‍ ശ്രീ. കെ. കതിര്‍വേല്‍ ആവശ്യപ്പെട്ടു. സ്വര്‍ണ്ണാഭരണങ്ങള്‍ നിര്‍മ്മിക്കാന്‍ സ്വര്‍ണ്ണത്തോടൊപ്പം മറ്റു ലോഹങ്ങളും ചേര്‍ക്കുന്നുണ്ട്. ഇന്ത്യയില്‍ നിര്‍മ്മിക്കുന്ന ആഭരണങ്ങള്‍ക്ക് പൊതുവേ വിളക്കിച്ചേര്‍ക്കലുകള്‍ കൂടുതലാണ്. അത് കൊണ്ടുതന്നെ തട്ടിപ്പിനുള്ള സാധ്യത ഈ മേഖലയില്‍ ഏറെയാണെന്ന് അദ്ദേഹം തിരുവനന്തപുരത്ത് വാര്‍ത്താ സമ്മേളനത്തില്‍ പറഞ്ഞു.
ബി.ഐ.എസ് ഹാള്‍മാര്‍ക്ക് ചെയ്ത ആഭരണങ്ങളില്‍ നാലു അടയാളങ്ങള്‍ നിര്‍ബന്ധമാണെന്നും ഉപഭോക്താക്കള്‍ കടകളില്‍ ലഭ്യമായ ഭൂതക്കണ്ണാടി ഉപയോഗിച്ച് ഇവ പരിശോധിച്ച് ഗുണനിലവാരം ഉറപ്പുവരുത്തണമെന്നും ശ്രീ. കതിര്‍വേല്‍ പറഞ്ഞു. ബി.ഐ.എസ് ചിഹ്നം, പരിശുദ്ധിയെ സംബന്ധിക്കുന്ന മൂന്നക്ക നമ്പര്‍ (22 കാരറ്റ് 916, 18 കാരറ്റ്- 750, 14 കാരറ്റ്- 585 എന്നിങ്ങനെ), സ്വര്‍ണ്ണാഭരണങ്ങള്‍ മാറ്റുരച്ച് ഹാള്‍ മാര്‍ക്ക് ചെയ്ത ബി.ഐ.എസ് അംഗീകൃത കേന്ദ്രത്തിന്റെ ചിഹ്നം, ആഭരണ വ്യാപാരിയുടെ/നിര്‍മ്മാതാവിന്റെ ചിഹ്നം എന്നിവയാണ് ഈ നാല് അടയാളങ്ങള്‍. ഇവ നാലും ഇല്ലെങ്കില്‍ ഹാള്‍മാര്‍ക്കിംഗ് വ്യാജമാണ്. ഉപഭോക്താക്കള്‍ക്ക് പരിശോധിക്കാനായി വ്യാപാരികള്‍ ഭൂതക്കണ്ണാടി നിര്‍ബന്ധമായും ലഭ്യമാക്കിയിരിക്കണമെന്ന് ബി.ഐ.എസ് മേധാവി പറഞ്ഞു. ഹാള്‍മാര്‍ക്ക് മുദ്രണത്തെക്കുറിച്ച് അറിവില്ലാത്ത സാധാരണക്കാരാണ് നിലവാരം കുറഞ്ഞ സ്വര്‍ണ്ണം വാങ്ങി വഞ്ചിതരാവുന്നതില്‍ ഏറെയുമെന്ന് അദ്ദേഹം ചൂണ്ടിക്കാട്ടി.
ഉപഭോക്തൃ സംരക്ഷണത്തിനായി ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് (ബി.ഐ.എസ്) രണ്ടായിരത്തില്‍ തുടങ്ങിയ പദ്ധതിയാണ് ഹാള്‍മാര്‍ക്കിംഗ്. സ്വര്‍ണ്ണാഭരണത്തില്‍ സ്വര്‍ണ്ണത്തിന്റെ യഥാര്‍ത്ഥ മൂല്യം തിട്ടപ്പെടുത്തിയ ശേഷം അത് ആഭരണത്തില്‍ രേഖപ്പെടുത്തുന്ന രീതിയാണ് ഹാള്‍മാര്‍ക്കിംഗ്. നിലവില്‍ ബി.ഐ.എസ് സ്‌കീം ഗവണ്‍മെന്റ് നിര്‍ബന്ധമാക്കിയിട്ടില്ല. താല്‍പര്യമുള്ളവര്‍ക്ക് സ്വമേധയാ പദ്ധതിയില്‍ചേരാം. സ്വന്തമായി വില്‍പ്പനശാലയുള്ള സ്വര്‍ണ്ണാഭരണ വ്യാപാരികള്‍ക്ക് തങ്ങളുടെ ഉടമസ്ഥാവകാശവും വില്‍പ്പനശാലകളുടെ അവകാശവും സംബന്ധിക്കുന്ന രേഖകളും സഹിതം ഹാള്‍മാര്‍ക്കിംഗ് ലൈസന്‍സിന് അപേക്ഷിക്കാവുന്നതാണ്. മൂന്ന് വര്‍ഷമാണ് ലൈസന്‍സിന്റെ കാലാവധി. അതിനുശേഷം ലൈസന്‍സ് പുതുക്കാവുന്നതാണ്. ഇത്തരം ബി.ഐ.എസ് അംഗീകാരമുള്ള വില്‍പ്പന ശാലകളില്‍ വില്‍ക്കാന്‍ വെച്ചിരിക്കുന്ന ഹാള്‍മാര്‍ക്ക് മുദ്രയുള്ള സ്വര്‍ണ്ണാഭരണങ്ങളുടെ സാമ്പിള്‍ ശേഖരിച്ച് സമയാസമയങ്ങളില്‍ ചെന്നെയിലെ ബി.ഐ.എസിന്റെ ലബോറട്ടറില്‍ അവയുടെ പരിശുദ്ധി പരിശോധിക്കും.
ഹാള്‍മാര്‍ക്കുള്ള ആഭരണങ്ങളുടെ ഗുണനിലവാരത്തെക്കുറിച്ച് എന്തെങ്കിലും പരാതി ഉണ്ടെങ്കില്‍ ബി.ഐ.എസിന് സമര്‍പ്പിക്കാമെന്ന് ശ്രീ. കതിര്‍വേല്‍ അറിയിച്ചു. പരാതി സമര്‍പ്പിക്കുന്നതിനുള്ള ലിങ്ക് ബി.ഐ.എസിന്റെ വെബ്‌സൈറ്റില്‍ (www.bis.org.in) ലഭ്യമാണ്. ഉപഭോക്താവിന് വാങ്ങിയ ആഭരണങ്ങളുടെ പരിശുദ്ധി ബി.ഐ.എസിന്റെ അംഗീകാരമുള്ള ലബോറട്ടറികളില്‍ പരിശോധിക്കാവുന്നതാണ്.
വാര്‍ത്താ സമ്മേളനത്തില്‍ ബി.ഐ.എസ് ഡെപ്യൂട്ടി ഡയറക്ടര്‍ ശ്രീമതി. ഹേമലതാ പണിക്കരും പങ്കെടുത്തു.
“നമുക്ക് പ്രകാശന്റെ കഥ പറയാം. ഗസറ്റിൽ പരസ്യപ്പെടുത്തി, ‘പി ആർ ആകാശ്’ എന്ന് സ്വയം പേര് മാറ്റിയ പ്രകാശന്റെ കഥ.”
ഒരു നീണ്ട ഇടവേളക്കു ശേഷം സത്യന്‍ അന്തിക്കാടും ശ്രീനിവാസനും വീണ്ടും ഒന്നിക്കുന്നു .ഫഹദ് ഫാസില്‍ ആണ് ചിത്രത്തിൽ നായകനായി എത്തുന്നത് .സത്യന്‍ അന്തിക്കാട് തന്നെയാണ് തന്റെ പുതിയ ചിത്രത്തെക്കുറിച്ചുള്ള വിവരങ്ങൾ പുറത്തുവിട്ടത് .
ഫുള്‍മൂണ്‍ സിനിമയുടെ ബാനറില്‍ സേതു മണ്ണാര്‍ക്കാട്ആണ് ചിത്രം നിർമിക്കുന്നത് . ജൂലൈ ആദ്യവാരത്തോടെ ചിത്രത്തിന്റെ ഷൂട്ടിംഗ് ആരംഭിക്കും .‘മലയാളി’ എന്നാണ് ചിത്രത്തിന് പേരുനൽകിയിരിക്കുന്നത് .
സത്യന്‍ അന്തിക്കാടിന്റെ ഫേസ്ബുക്ക് പോസ്റ്റ് വായിക്കം .
എല്ലാവർക്കും സന്തോഷം നിറഞ്ഞ വിഷു ആശംസകൾ.
പുതിയ സിനിമയുടെ കഥയ്ക്ക് വേണ്ടിയുള്ള കാത്തിരിപ്പിലായിരുന്നു ഞാനും ശ്രീനിവാസനും.
പല കഥകളും ആലോചിച്ചു.
പലതും ആരംഭത്തിൽ തന്നെ വിട്ടു.
“എല്ലാത്തിനും അതിന്റേതായ സമയമുണ്ടെന്ന്” ദാസനും വിജയനും പറഞ്ഞത് വെറുതെയല്ലല്ലോ.
ഒരു ദിവസം അതിരാവിലെ ഉറക്കമുണർന്ന് വരുമ്പോൾ, പുറത്തെ മുറിയിൽ ശ്രീനിവാസൻ ശാന്തനായി ഇരിക്കുന്നു.
“കഥ കിട്ടി”
ശ്രീനി പറഞ്ഞു.
“കഥക്ക് വേണ്ടി നമ്മൾ കാട് കേറി അലയേണ്ട കാര്യമൊന്നുമില്ല. നമുക്ക് ചുറ്റും തന്നെയുണ്ട് കഥാപാത്രങ്ങൾ.”
ദാസനും വിജയനും, ഗോപാലകൃഷ്ണപ്പണിക്കരും, മുരളിയും, കാഞ്ചനയും, ശ്യാമളയും, തളത്തിൽ ദിനേശനുമൊക്കെ നമ്മുടെ ചുറ്റുവട്ടത്ത് നിന്ന് ശ്രീനി കണ്ടെടുത്തവരാണ്.
“നമുക്ക് പ്രകാശന്റെ കഥ പറയാം. ഗസറ്റിൽ പരസ്യപ്പെടുത്തി, ‘പി ആർ ആകാശ്’ എന്ന് സ്വയം പേര് മാറ്റിയ പ്രകാശന്റെ കഥ.”
പറഞ്ഞു പറഞ്ഞ് ആ കഥ വികസിച്ചു.
അതാണ് ഞങ്ങളുടെ പുതിയ സിനിമ.
ഫഹദ് ഫാസിലാണ് പ്രകാശൻ.
‘ജോമോന്റെ സുവിശേഷങ്ങൾ’ക്ക് ശേഷം ഫുൾമൂൺ സിനിമയുടെ ബാനറിൽ സേതു മണ്ണാർക്കാട് തന്നെ ഈ സിനിമയും നിർമ്മിക്കുന്നു.
ജൂലൈ ആദ്യവാരം ചിത്രീകരണം തുടങ്ങാം.
എസ്.കുമാർ ആണ് ഛായാഗ്രഹണം.
ഷാൻ റഹ്മാൻ സംഗീതമൊരുക്കുന്നു.
വൈകി പേരിടുന്ന സ്ഥിരം രീതിയും ഒന്ന് മാറ്റുകയാണ്.
‘മലയാളി’ എന്നാണ് സിനിമയുടെ പേര്.
മമ്മൂട്ടിയുടെ ‘അങ്കിള്‍’ : ചിത്രത്തിന്റെ ട്രെയ്‌ലര്‍ കാണാം
മമ്മൂട്ടി നായകനായി എത്തുന്ന പുതിയ ചിത്രം അങ്കിളിന്‍റെ ട്രെയിലര്‍ പുറത്തിറങ്ങി. കൗമാരക്കാരിയായ ഒരു പെണ്‍കുട്ടിയുടെയും അവളുടെ അച്ഛന്റെ സുഹൃത്തിന്റെയും കഥയാണ് ചിത്രം പറയുന്നത്.കാര്‍ത്തിക മുരളീധരനാണ് നായിക. ജോയ് മാത്യു ആണ് ചിത്രത്തിന്റെ തിരക്കഥ എഴുതിയിരിക്കുന്നത് . ഗിരീഷ് ദാമോദര്‍ ആണ് ചിത്രത്തിന്റെ സംവിധായകൻ. കൂടാതെ ആശാ ശരത്, വിനയ് ഫോര്‍ട്ട്, സുരേഷ് കൃഷ്ണ, കൈലാഷ്, ഷീല, നിസാ ജോസഫ്, മുത്തുമണി, ബാബു അന്നൂര്‍ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു
ഡോക്ടർമാർ സമരം പിൻവലിച്ചു
തിരുവനന്തപുരം: നാലു ദിവസമായി സംസ്ഥാനത്ത് സർക്കാർ ഡോക്ടർമാർ നടത്തിവന്ന സമരം പിൻവലിച്ചു. ആരോഗ്യമന്ത്രി കെ.കെ.ശൈലജയുമായി സമരം ചെയ്യുന്ന ഡോക്ടർമാരുടെ സംഘടനയായ കെജിഎംഒഎ ഭാരവാഹികൾ നടത്തിയ കൂടിക്കാഴ്ചയിലാണ് സമരം അവസാനിപ്പിക്കാൻ തീരുമാനമായത്. സമരം തുടർന്നാൽ ഡോക്ടർമാരെ പുറത്താക്കി പകരം സംവിധാനം ഏർപ്പെടുത്തുമെന്ന സർക്കാരിന്‍റെ മുന്നറിയിപ്പിനെ തുടർന്നാണ് ഡോക്ടർമാർ സമരം പിൻവലിച്ചത്.
ആർദ്രം പദ്ധതിയുമായും വൈകുന്നേരത്തെ ഒപിയുമായും സഹകരിക്കുമെന്നു സമരം ചെയ്ത ഡോക്ടർമാർ മന്ത്രിയെ അറിയിച്ചു. ഡോക്ടർമാരുടെ പ്രശ്നങ്ങൾ കേട്ട മന്ത്രി രോഗികളുടെ വർധനയുള്ള കേന്ദ്രങ്ങളിലേക്ക് ഡോക്ടർമാരെ പുനര്‍വിന്യസിക്കുമെന്ന് അറിയിച്ചു. ആർദ്രം പദ്ധതിയുമായി ബന്ധപ്പെട്ട ഡോക്ടർമാരുടെ ആശങ്കകൾ പഠിക്കാൻ പ്രത്യേക സമിതിയെ നിയോഗിക്കും. ആരോഗ്യവകുപ്പ് സെക്രട്ടറിയുടെ നേതൃത്വത്തിലാണ് സമിതി. ഡോക്ടർമാർ അവധിയെടുക്കുന്ന സാഹചര്യത്തിൽ പകരം സംവിധാനമൊരുക്കും. ഇതിനായി ഡിഎംഒ ജില്ലാ തലത്തിൽ റിസർവ് പട്ടിയുണ്ടാക്കുo, പെട്ടെന്നുള്ള ഇത്തരം സമരം പാടില്ലെന്നു ഡോക്ടർമാർക്കു മുന്നറിയിപ്പ് നൽകുകയും ചെയ്തു ആരോഗ്യമന്ത്രി കെ.കെ.ശൈലജ.
നിവിന്‍ ഇനി ലേഡി സൂപ്പര്‍സ്റ്റാര്‍ നയന്‍താരയ്‌ക്കൊപ്പം
ധ്യാന്‍ ശ്രീനിവാസന്‍ സംവിധായകനായും അജു വര്‍ഗ്ഗീസ് നിര്‍മ്മാതാവുമാകുന്ന ചിത്രത്തിൽ നിവിന്റെ നായികയായി ഒരു ഇടവേളയ്ക്കു ശേഷം നയൻ‌താര മലയാളത്തിൽ എത്തുന്നു.
ലൗ ആക്ഷന്‍ ഡ്രാമ എന്ന് പേരിട്ടിരിക്കുന്ന ചിത്രത്തിൽ ദിനേശൻ ആയി നിവിനും ശോഭയായി നയൻതാരയും വേഷമിടുന്നു. ശ്രീനിവാസൻ അഭിനയിച്ച വടക്കുനോക്കി യന്ത്രം എന്ന ചിത്രത്തിലെ ശ്രീനിവാസന്റെയും പാർവതിയുടെയും പേരായിരുന്നു ദിനേശൻ, ശോഭ എന്നത്, ആ ചിത്രത്തോടുള്ള ധ്യാനിന്റെ ഇഷ്ടമാണ് ധ്യാൻ സംവിധായകനാകുന്ന ഈ പുതിയ ചിത്രത്തിലെ കഥാപാത്രങ്ങൾക്ക് ആ പേരുകൾ നൽകാനുള്ള കാരണം.
എന്തായാലും ഷൂട്ടിംഗ് തുടങ്ങുന്നതിനു മുൻപുതന്നെ റെക്കോർഡ് വിലക്കാണ് ചിത്രത്തിന്റെ സാറ്റ്‌ലൈറ്റ് റൈറ്റ്‌സ് വിറ്റുപോയത്. ലൗ ആക്ഷന്‍ ഡ്രാമ റെക്കോര്‍ഡ് തുകയ്ക്ക് ഏഷ്യാനെറ്റ് സ്വന്തമാക്കിയിരിക്കുന്നത്.
എബ്രഹാമിന്റെ സന്തതികള്‍ ഫസ്റ്റ് ലുക്ക് പോസ്റ്റർ പുറത്തിറങ്ങി
ഗ്രേറ്റ് ഫാദറിന്റെ തിരക്കഥാകൃത്തായ ഹനീഫ് അദേനി തിരക്കഥ എഴുതി നവാഗതനായ ഷാജി പാടൂര്‍ സംവിധാനം ചെയ്യുന്ന മമ്മൂട്ടി ചിത്രം ” എബ്രഹാമിന്റെ സന്തതികള്‍ ” ഫസ്റ്റ് ലുക്ക് പോസ്റ്റർ പുറത്തിറങ്ങി. അതീവ രഹസ്യമായാണ് ചിത്രത്തിന്റെ ഷൂട്ടിങ് പൂർത്തിയാക്കിയത് .പോലീസ് കഥയാണ് ചിത്രത്തിൽ പറയുന്നതെന്നും ഐപിഎസ് ഒഫീസറുടെ വേഷത്തിലാണ് മമ്മൂട്ടി എത്തുന്നതെന്നുമാണ് സൂചനകൾ .
മൈസൂർ ബോണ്ട
ചേരുവകൾ
- മൈദ – ഒരു കപ്പ്
- അരിപ്പൊടി – കാൽ കപ്പ്
- സോഡാപ്പൊടി – കാൽ ടീസ്പൂൺ
- പച്ചമുളക് – 4 എണ്ണം
- കറിവേപ്പില അറിഞ്ഞത് – ഒരു ടേബിൾ സ്പൂൺ
- മല്ലിയില അറിഞ്ഞത് – ഒന്നേകാൽ ടേബിൾ സ്പൂൺ
- ജീരകം – ഒരു ടീസ്പൂൺ
- തൈര് – അരക്കപ്പ്
- വെള്ളം – മുക്കാൽ കപ്പ്
- ഉപ്പ് – പാകത്തിന്
- എണ്ണ – വറുക്കാൻ ആവശ്യത്തിന്
പാചകം ചെയ്യുന്ന വിധം
മൈദ, അരിപ്പൊടി, സോഡാപ്പൊടി എന്നിവ ആദ്യം മിക്സ് ചെയ്യുക. പാകത്തിന് ഉപ്പും ചേർത്തശേഷം പച്ചമുളക്, മല്ലിയില, കറിവേപ്പില, ജീരകം എന്നിവ ഇട്ട് ഇളക്കി തൈരും ചേർത്ത് നന്നായി യോജിപ്പിക്കുക. അതിനുശേഷം വെള്ളം ഒഴിച്ച് കട്ട കെട്ടാതെ നല്ലവണ്ണം കുഴച്ചെടുക്കണം. അധികം ലൂസ് ആകാനും കട്ടി ആകാനും പാടില്ല. മിശ്രിതം അര മണിക്കൂർ വച്ചശേഷം വീണ്ടും ഇളക്കി യോജിപ്പിക്കുക. കട്ടിയുള്ള പാനിൽ എണ്ണ ഒഴിച്ച് നന്നായി ചൂടാകുമ്പോൾ മിശ്രിതo കൈയിലെടുത്ത് തള്ളവിരലിനും ചൂണ്ടുവിരലിനും ഇടയിലൂടെ ഞെക്കി മാവ് എണ്ണയിലിടാം. എണ്ണയിൽ വീഴുന്നത് ആകൃതിയിൽ അല്ലെങ്കിലും വെന്തുവരുമ്പോൾ ശരിയാകും. ഇടത്തരം തീയിൽ ഗോൾഡൺ ബ്രൗൺ നിറത്തിൽ വറുത്ത് കോരാം, സോസ് ചേർത്ത് ചായയോടൊപ്പം കഴിക്കാം.
കാട്ടിലെ കാഴ്ചകൾ കാണാം : പറമ്പിക്കുളം വന്യജീവി സംരക്ഷണ കേന്ദ്രം
കാട് ഇഷ്ടപ്പെടുന്നവർക്ക് കാട്ടിലൂടെ ഒരു സാഹസിക യാത്ര ഇഷ്ടപ്പെടുന്നവർക്ക് പറമ്പിക്കുളം വന്യജീവി സങ്കേതത്തിലേക്ക് പോകാം. പാലക്കാട് ജില്ലയിലാണ് കേരളത്തിലെ ഒരു വന്യജീവി സംരക്ഷണകേന്ദ്രമായ പറമ്പിക്കുളം വന്യജീവി സംരക്ഷണ കേന്ദ്രം സ്ഥിതിചെയ്യുന്നത്.
പാലക്കാട് പട്ടണത്തിൽ നിന്നും 90 കിലോമീറ്റർ ദൂരെയാണ് ഇത്. തമിഴ്നാട്ടിലെ സേത്തുമട എന്ന സ്ഥലത്തുകൂടിയാണ് പറമ്പിക്കുളത്തേക്കുള്ള പ്രധാനപാത കടന്നുപോകുന്നത്. ആന മല വന്യജീവി സംരക്ഷണകേന്ദ്രവുമായി ഇത് ചേർന്നുകിടക്കുന്നു. പ്രസിദ്ധമായ ടോപ്പ്സ്ലീപ്പ് പറമ്പികുളത്തിനടുത്താണ്. തുണക്കടവ് അണക്കെട്ട് പറമ്പിക്കുളത്തെ പ്രധാന ആകർഷണമാണ്.
മലയര്‍, മുതവാന്മാര്‍, കാടര്‍ തുടങ്ങിയ ആദിവാസി ജനവിഭാഗവും ഈ വനത്തിനുള്ളില്‍ ജീവിയ്ക്കുന്നുണ്ട്. സിംഹവാലന്‍ കുരങ്ങുകള്‍, വരയാട്, കടുവ, പുള്ളിമാന്‍, ആന തുടങ്ങി ഒട്ടേറെ ജീവികള്‍ ഇവിടെയുണ്ട്. വിവിധയിനത്തില്‍പ്പെട്ട ഉരഗങ്ങളും പക്ഷികളും ഇവിടെയുണ്ട്. തേക്ക്, ചന്ദനം, ഈട്ടി തുടങ്ങിയ മരങ്ങളും ഇവിടുത്തെ പ്രത്യേകതയാണ്. കന്നിമാരി എന്ന പഴക്കമേറെയുള്ള തേക്കുവൃക്ഷം ഈ കാടിനുള്ളിലാണ്. കടുവ സംരക്ഷണകേന്ദ്രം കൂടിയാണ് പറമ്പിക്കുളം. 390.89 ചതുരശ്ര കിലോമീറ്റർ ചുറ്റളവിലാണ് പറമ്പിക്കുളം കടുവ സങ്കേതം ഉള്ളത്.
പറമ്പിക്കുളം റിസര്‍വോയറില്‍ ബോട്ടു യാത്രയ്ക്ക് സൗകര്യമുണ്ട്. വനം വകുപ്പ് ഉദ്യോഗസ്ഥരുടെ അനുമതിയോടെ ട്രക്കിംഗ് നടത്തുകയും ചെയ്യാം. പറമ്പിക്കുളം സങ്കേതത്തിന്റെ ആസ്ഥാനമായ തൂണിക്കടവിനടുത്ത് ഒരു വ്യക്ഷഭവനം അഥവാ ട്രീ ഹൗസ് ഉണ്ട്. ഇവിടെ താമസിക്കാന്‍ നേരത്തെ ബുക്കിഗ് നടത്തേണ്ടതുണ്ട്. തൂണക്കടവ്, തെള്ളിക്കല്‍, ഇലത്തോട് എന്നിവിടങ്ങളില്‍ സംസ്ഥാന വനംവകുപ്പ് റസ്റ്റ് ഹൗസുകളിലും താമസസൗകര്യം ലഭ്യമാണ്.
കൂടുതൽ വിവരങ്ങൾക്ക് : Parambikulam Wildlife Division
Anappad, Via Pollachi, Palakkad
Phone: 04253 277233 Mobile:9447979102
E-mail: [email protected]
www.parambikulam.org
“അമ്പിളി”യുമായി ജോണ് പോൾ
ഗപ്പിക്കു ശേഷം ജോണ് പോൾ ജോർജ് സംവിധാനം ചെയ്യുന്ന പുതിയ ചിത്രമാണ് “അമ്പിളി”. സൗബിൻ ഷഹീർ ആണ് നായകൻ. സിനിമയുടെ ഫസ്റ്റ്ലുക്ക് പോസ്റ്റർ ഗപ്പി യിലെ നായകനായിരുന്ന ടോവിനോ തോമസ് തന്റെ ഫേസ്ബുക് പേജിലൂടെ പുറത്തുവിട്ടു.
ഗപ്പി എന്ന സിനിമയ്ക്കു ശേഷം രണ്ടുവർഷം കഴിഞ്ഞാണ് ജോണ് പോൾ തന്റെ അടുത്ത ചിത്രവുമായി എത്തിയിരിക്കുന്നത്. ഗപ്പിയുടെ നിർമാണ പങ്കാളിത്തം വഹിച്ച മുകേഷ് ആർ. മേഹ്ത, എ.വി. അനൂപ്, സി.വി. സാരഥി എന്നിവരാണ് അമ്പിളിയുടെ നിർമാണവും നിർവഹിക്കുന്നത്.
നസ്രിയ നസീമിന്‍റെ സഹോദരൻ നവീൻ നസീം സിനിമയിലേക്കു അരങ്ങേറ്റം കുറിക്കുന്നുവെന്ന പ്രത്യേകതയും ഈ ചിത്രത്തിനുണ്ട്. കൂടാതെ പുതുമുഖം തൻവി റാമും ചിത്രത്തിൽ മറ്റൊരു പ്രധാനവേഷത്തെ അവതരിപ്പിക്കുന്നു.
.
സർക്കാർ ഡോക്ടർമാരുടെ സമരം നേരിടാൻ സർക്കാർ
തിരുവനന്തപുരം: സർക്കാർ ഡോക്ടർമാരുടെ സമരത്തെ ശക്തമായി നേരിടാൻ സർക്കാർ തീരുമാനം. ഒപി ബഹിഷ്കരിച്ച് സമരം നടത്തുന്ന ഡോക്ടർമാരുമായി ഒരു തരത്തിലുള്ള ചർച്ചയ്ക്കും തയാറല്ലെന്ന് സർക്കാർ പറഞ്ഞു . സമരം ചെയ്യുന്ന ഡോക്ടർമാർക്കെതിരേ ശക്തമായ നടപടി സ്വീകരിക്കാൻ ആരോഗ്യമന്ത്രിയോട് മന്ത്രിസഭ കൂട്ടായി ആവശ്യപ്പെട്ടു. ഇന്ന് ചേർന്ന മന്ത്രിസഭായോഗമാണ് ഡോക്ടർമാരുടെ സമരം ശക്തമായി നേരിടാൻ തീരുമാനിച്ചത്.
ജനകീയ ഇടപെടലിലൂടെ സമരം നേരിടാൻ സർക്കാർ ശ്രമം തുടങ്ങി. എസ്മ പ്രയോഗിക്കാതെ തന്നെ സമരം നേരിടാനാണ് മന്ത്രിസഭ തീരുമാനിച്ചത്. വേണ്ടി വന്നാൽ പോലീസിന്‍റെ സഹായവും ആരോഗ്യവകുപ്പ് തേടും.
എന്നാൽ സമരം ശക്തമാക്കണനാണ് കെജിഎംഒഎ തീരുമാനിച്ചിരിക്കുന്നത്. ആർദ്രം പദ്ധതിക്കോ വൈകുന്നേരം ഒപി തുടങ്ങുന്നതിനോ എതിരല്ലെന്നും ആവശ്യത്തിന് ഡോക്ടർമാരെയും മറ്റു ജീവനക്കാരെയും നിയമിക്കണം എന്നതുമാണ് ഡോക്ടർമാരുടെ ആവശ്യം. സർക്കാരിന്‍റെ ഭീഷണിക്ക് വഴിങ്ങില്ലെന്നും, തങ്ങൾ ഉന്നയിച്ച ആവശ്യങ്ങൾ അംഗീകരിക്കണമെന്നുമാണ് ഡോക്ടർമാരുടെ സംഘടനയായ കെജിഎംഒഎ യുടെ നിലപാട്.
മോഹൻലാൽ മൂവി റിവ്യൂ
പേരുപോലെ തന്നെ മോഹൻലാലിന്റെ ആരാധികയുടെ കഥപറയുന്ന ചിത്രമാണ് മോഹൻലാൽ. സംവിധാനo സാജിദ് യഹിയ. ചിത്രത്തിൽ മോഹൻലാലിന്റെ കടുത്ത ആരാധികയായി എത്തുന്നത് മഞ്ജു ആണ്. മീനുക്കുട്ടി എന്നാണ് മഞ്ജുവിന്റെ കഥാപാത്രത്തിന്റെ പേര്.
ഒരു സാധാരണ കുടുംബത്തിൽ സംഭവിക്കാവുന്ന കാര്യങ്ങളാണ് ചിത്രത്തിൽ ഉള്ളത്. മോഹലാലിന്റെ കടുത്ത ആരാധികയായ മീനുട്ടി വിവാഹശേഷം മീനുട്ടിയുടെ ഈ ആരാധന ഭർത്തവിന്റെ കുടുംബത്തിനുണ്ടാക്കുന്ന ചില ബുദ്ധിമുട്ടുകൾ എന്നിവയിലൂടെയാണ് കഥ നീങ്ങുന്നത്. മീനൂട്ടിയുടെ ഭർത്തവായ സേതുമാധവനിലൂടെയാണ് കഥ തുടങ്ങുന്നത് .
തുടക്കം മുതൽ ഒടുക്കം വരെ പ്രേക്ഷകരെ രസിപ്പിക്കുകയും ചിന്തിപ്പിക്കുകയും ചെയുന്ന മികച്ച എന്റെർറ്റൈനെർ ആണ് ഈ ചിത്രം. മഞ്ജു വാരിയരും ഇന്ദ്രജിത്തും മികച്ച പ്രകടനമാണ് കാഴ്ചവെച്ചിരിക്കുന്നത്. ഒരു നായികക്ക് കിട്ടാവുന്നതിൽ മികച്ച മാസ്സ് എൻട്രി ആയിരുന്നു ഇതിൽ മഞ്ജുവിന്. ഈ കഥാപാത്രത്തെ അവതരിപ്പിക്കാൻ മഞ്ജു തന്നെയാണ് നല്ലത് . ഈ എനർജിയിൽ ഇന്ന് വേറൊരു നടിയില്ല. ഇന്ദ്രജിത്തിന്റെ ഒരു തിരിച്ചു വരവ് തന്നെയാണ് ഈ ചിത്രം അസാധ്യ ഹ്യൂമൗർ ,അസാധ്യ കെമിസ്ട്രി. സൗബിൻ ,ഹരീഷ് കണാരൻ ,അജു വര്ഗീസ് എന്നീ ഹാസ്യ താരങ്ങളുടെ മികച്ച വേഷങ്ങൾ. ബാലചന്ദ്രൻ ചുള്ളിക്കാട്, കെപിഎസി ലളിത, കോട്ടയം പ്രദീപ്, ബിജുക്കുട്ടൻ, ശ്രീജിത് രവി, സുനിൽ സുഖദ, കോട്ടയം നസീർ, അഞ്ജലി നായർ, കൃഷ്ണകുമാർ, സുധി കോപ്പ, സേതുലക്ഷ്മി തുടങ്ങിയവരാണ് മറ്റു താരങ്ങൾ
ലാലേട്ടൻ സ്വന്തം പേര് ഒരു പടത്തിനു കൊടുക്കണമെങ്കിൽ അതെത്രമാത്രം മികച്ചതായിരിക്കും എന്ന് ഊഹിക്കാം. മികച്ച ഒരു കോമഡി കുടുംബ ചിത്രം. ധൈര്യമായി ഈ സിനിമയ്ക്ക് ടിക്കറ്റെടുക്കാം.