മുംബൈ: മലയാളി താരം ബേസിൽ തമ്പി ശ്രീലങ്കയ്ക്കെതിരായ ട്വന്റി-20 മത്സരത്തിനുള്ള ഇന്ത്യൻ ടീമിൽ ഇടംപിടിച്ചു. ഐപിഎല്ലിലെയും രഞ്ജി ക്രിക്കറ്റിലെയും മികച്ച പ്രകടനമാണ് ഫാസ്റ്റ് ബൗളറായ ബേസിൽ തമ്പിയെ ഇന്ത്യൻ സീനിയർ ടീമിലെത്തിച്ചത്.
വിരാട് കോഹ്‍ലിയുടെ വിശ്രമം നീട്ടിയതോടെ ഏകദിന പരമ്പരയിൽ ടീമിനെ നയിക്കുന്ന രോഹിത് ശർമയാണ് ട്വന്റി20യിലും ടീം നായകൻ. ബേസിൽ തമ്പിക്കൊപ്പം ടീമിൽ തമിഴ്നാട് താരം വാഷിംഗ്ടൺ സുന്ദറും ഇടംപിടിച്ചു.