ഐ ലീഗിൽ തന്റെ ആദ്യജയത്തോടെ ഗോകുലം എഫ് സി. കോഴിക്കോട് ഷില്ലോങ്ങ് ലജോങ്ങിനെ ഒന്നിനെതിരെ മൂന്ന് ഗോളുകൾക്ക് പരാജയപ്പെടുത്തുകയായിരുന്നു. ഗനി നിഗം എന്ന യുവ താരത്തിന്റെ മിന്നു പ്രകടനമാണ് വിജയത്തിന് പിന്നിൽ. ഒരു ഗോളും ഒരു അസിസ്റ്റുമായി ഗാനി ഹിറോ ഓഫ് ദി മാച്ച് അവർഡ് കരസ്ഥമാക്കി.ജയത്തോടെ ഗോകുലം പോയിന്റ് പട്ടികയിൽ മൂന്നാം സ്ഥാനത്തേക്ക് ഉയർന്നിട്ടുണ്ട്.
വീണ്ടും മലക്കം മറിഞ്ഞ് ശ്രീധരൻപിള്ള
വീണ്ടും പുതിയ അഭിപ്രായവുമായി ശ്രീധരൻപിള്ള യുവമോർച്ച് പ്രസംഗത്തിൽ പറഞ്ഞ കാര്യത്തിൽ ഉറച്ചു നിൽക്കുന്നു എന്നും എന്നാൽ വിളിച്ചതാരെന്ന് ഓർമ്മയിലെന്നും അന്നേ ദിവസം നൂറുകണക്കിന് ഫോൺ കോളുകൾ തനിക്ക് വന്നെന്നും ആരാണ് വിളിച്ചതെന്ന് ആവശ്യമുള്ളവർ അന്വേഷിക്കട്ടെ എന്നും ശ്രീധരൻപിള്ള പറഞ്ഞു. എന്നാൽ ഹൈക്കോടതിയിൽ കേസ് റദ്ദാക്കണമെന്ന ആവശ്യവുമായി സമർപ്പിച്ച ഹർജിയിൽ തന്ത്രി തന്നെ വിളിച്ചുവെന്നും ഉപദേശം തേടിയിരുന്നുവെന്നും ശ്രീധരൻപിള്ള.
തന്നെ വിളിച്ചത് തന്ത്രി കുടുംബത്തിലെ ആരെങ്കിലുമാകാം നിലപാടുകൾ കരണംമറിച്ച് പുതിയ നിലപാടുമായി ശ്രീധരൻപിള്ള
ശബരിമല വിഷമത്തിൽ തന്ത്രി കാണ്ഠര് രാജീവര് തന്നെ വിളിച്ചിട്ടില്ലാന്നും തന്ത്രി കുടുംബത്തിലെ മറ്റാരെങ്കിലുമാകാം വിളിച്ചതെന്നുമാണ് താൻ ഉദ്ദേഷിച്ചതെന്ന പുതിയ നിലപാടുമായി ശ്രീധരൻപിള്ള.കാണ്ഠര് രാജീവര് തന്നെ വിളിച്ചോ എന്നറിയില്ല. വിളിച്ചിട്ടില്ലെന്ന് കാണ്ഠര് പറഞ്ഞെങ്കിൽ അത് ശരിയായിരിക്കാം എന്ന് ശ്രീധരൻപിള്ള പറഞ്ഞു. നട അടച്ചതിനെ കുറിച്ച് രാജീവര് ഉപദേശം ചോദിച്ചെന്ന് ശ്രീധരൻപിള്ള മുമ്പ് പ്രസംംഗത്തിൽ പറഞ്ഞിരുന്നു. എന്നാൽ ശ്രീധരൻപിള്ളയോട് അഭിപ്രായം ചോദിച്ചിട്ടില്ലാന്ന് വ്യക്തമാക്കി തന്ത്രി കാണ്ഠര് രാജീവര് ദേവസ്വം ബോർഡിനെ അറിച്ച് കൊണ്ട് രംഗത്ത് എത്തിയിരുന്നു.
വിജയകൊടി പാറിച്ച് 66റാം മത് നെഹ്റു ട്രോഫിയിൽ പായിപ്പാടൻ ചുണ്ടൻ
ഇക്കൊല്ലത്തെ നെഹ്റു ട്രോഫി വള്ളംകളിയിൽ ജയിംസ്കുട്ടി ജേക്കബിന്റെ നേതൃത്വത്തിലുള്ള പള്ളാതുരുത്തി ബോട്ട് ക്ലബ്ബ് തുഴഞ്ഞ പായിപ്പാടൻ ചുണ്ടൻ ചാമ്പ്യൻമാരായി. ഗംഭീരവും വാശിയേറിയതുമായ മത്സരത്തിൽ ആലപ്പുഴ ബോട്ട്ക്ലബ് തുഴഞ്ഞ കാട്ടിൽ തേക്കേതിൽ രണ്ടാം സ്ഥാനവും യുണൈറ്റഡ് ബോട്ട്ക്ലബ്ബ് കൈനകരി തുഴഞ്ഞ ആയാപറമ്പ് മൂന്നാം സ്ഥാനത്തായും ഫിനിഷ് ചെയ്തു. ഒരു നീണ്ട ഇടവേളയ്ക്ക് ശേഷം നാലാം തവണയാണ് പായിപ്പാടൻ ട്രോഫി സ്വന്തമാക്കുന്നത്.
മലയാളത്തിൽ അമ്മയായും മുത്തശ്ശിയായും അഭിനയ മുഹൂർത്തങ്ങൾ കാഴ്ചവെച്ച പ്രശസ്ത നടി ലക്ഷ്മി കൃഷ്ണമൂർത്തി അന്തരിച്ചു
നടിയും ഡബിംഗ് ആർട്ടിസ്റ്റുമായ ലക്ഷ്മി കൃഷ്ണമൂർത്തി അന്തരിച്ചു.വാർധക്യസഹജമായ രോഗങ്ങളാൽ ചെന്നൈയിലെ സ്വകാര്യ ആശുപത്രിയിൽ ചികത്സയിലായിരുന്നു.90 വയസ്സായിരുന്നു. 1986 ൽ ഹരിഹരന്റെ പഞ്ചാഗ്നി എന്ന ചിത്രത്തിലൂടെ ആയിരുന്നു സിനിമയിൽ അരങ്ങേറ്റം. തൂവൽ കൊട്ടാരം, വിസ്മയം, പട്ടാഭിഷേകം, അനന്തഭദ്രം, വിസ്മയ തുമ്പത്ത് എന്നിവയാണ് മറ്റു ചില ചിത്രങ്ങൾ. സിനിമയ്ക്ക് പുറമെ ചില ടെലിവിഷൻ സീരിയലുകളിലും അഭിനയിച്ചിരുന്നു. കോഴിക്കോട് ആകാശവാണിയിൽ അനൗൺസറും ആർട്ടിസ്റ്റും ആയിരുന്നു. ആകാശവാണിയിൽ നിന്നാണ് സിനിമ രംഗത്ത് പ്രവേശിച്ചത്.
വേൾഡ്കപ്പ് T20 : വിജയത്തുടക്കത്തോടെ ഇന്ത്യൻ പെൺപട
വുമൺസ് വേൾഡ് കപ്പ് T20 യിൽ ഇന്ത്യൻ ടീമിന് വിജയത്തോടെ തുടക്കം. ന്യൂസിലാഡിന് എതിരെ 34 റൺസിനാണ് ടീ വിജയിച്ചത്. ആദ്യം ബാറ്റ് ചെയ്ത ഇന്ത്യ 20 ഓവറിൽ 5 വിക്കറ്റ് നഷ്ടത്തിൽ 194 റൺസ് കരസ്ഥമാക്കി. എന്നാൽ കിവീസിന്റെ ഇന്നിംഗ്സ് 20 ഓവറിൽ 9 വിക്കറ്റ് നഷ്ടത്തിൽ 160 ൽ അവസാനിച്ചു. ഇന്ത്യയ്ക്ക് വേണ്ടി ഹർമ്മൻപ്രീത് കൗർ 51 പന്തിൽ 103 റൺസുമായി കളിയിലെ താരമായി.
കെ എം ഷാജിയെ അയോഗ്യനാക്കിയ വിധിക്ക് താൽകാലിക സ്റ്റേ
കെ എം ഷാജിയെ എംഎൽഎ സ്ഥാനത്ത് നിന്ന് അയോഗ്യനാക്കിയ വിധിക്ക് താൽക്കാലിക സ്റ്റേ. സുപ്രീം കോടതിയിൽ അപ്പീൽ നൽകാനുള്ള രണ്ടാഴ്ച സമയത്തിനാണ് സ്റ്റേ അനുവദിച്ചിരിക്കുന്നത്. വർഗ്ഗീയവാദി എന്ന് തന്നെ വിശേഷിപ്പിച്ചതിൽ തനിക്ക് അതിയായ വിഷമമുണ്ടെന്ന് കെ എം ഷാജി മാധ്യമങ്ങളോട് പറഞ്ഞു. എന്നാൽ തന്നെ വിജയിയായി പ്രഖ്യാപിക്കണമെന്ന നികേഷ് കുമാറിന്റെ ആവശ്യം കോടതി അംഗീകരിച്ചില്ല.
മണ്ഡലകാലo അനുമതി തേടി പോലീസ് പോർട്ടലിൽ രജിസ്റ്റർ ചെയ്തത് 10 മുതൽ 50 വയസ്സിനിടയിലുള്ള 550 യുവതികൾ
ശബരിമല മണ്ഡലകാലം ആരംഭിക്കാനിരിക്കെ അനുമതി തേടി പോലീസ് പോർട്ടലിൽ രജിസ്റ്റർ ചെയ്ത് 550 ഓളം 10 മുതൽ 50 ന് ഇടയിൽ പ്രായമുള്ള യുവതികൾ. കൂടുതൽ പേർ ഇനിയും ബുക്ക് ചെയ്യുമെന്ന് കരുതുന്നു എന്ന് പോലീസ് അറിയിച്ചു.ശബരിമലയിൽ തിരക്കു കുറയ്ക്കുന്നതിന്റെ ഭാഗമായാണ് ഒൺലൈൻ പോർട്ടൽ ആരംഭിച്ചത്. കെ എസ് ആർ ടി സി യുമായും പോർട്ടൽ ബസിപ്പിച്ചിട്ടുണ്ട്. ബുക്ക് ചെയ്തവരുടെ വിവരങ്ങൾ എല്ലാം തന്നെ രഹസ്യമായി സൂക്ഷിക്കുമെന്നും പോലീസ് വ്യക്തമാക്കി. സുരക്ഷിതമായ ദർശനത്തിന് എല്ലാ ക്രമീകരണങ്ങളും നടത്തിയിട്ടുണ്ടെന്നും ആശങ്കപെടേണ്ടതില്ലെന്നും ഡിജിപി ലോക്നാഥ് ബെഹ്റ നേരത്തെ തന്നെ വ്യക്തമാക്കിയിരുന്നു.
കെ എം ഷാജി അയോഗ്യൻ
എം വി നികേഷ് കുമാര്‍ നല്‍കിയ ഹര്‍ജിയി അഴീക്കോട് എംഎല്‍എ കെ എം ഷാജിയെ അയോഗ്യനാക്കി ഹൈക്കോടതി. ആറുവര്‍ഷത്തേക്ക് ഷാജിയ്ക്ക് ഇനിം മല്‍സരിക്കാനാവില്ല. വ്യക്തിഹത്യ, അപകീര്‍ത്തി നോട്ടീസുകള്‍ തെളിവായി സ്വീകരിച്ചാണ് വിധി.
തെരഞ്ഞെടുപ്പ് സമയത്ത് വർഗീയ പ്രചരണം നടത്തി എന്നാരോപിച്ചാണ് എതിർ സ്ഥാനാർത്ഥിയായിരുന്ന എം വി നികേഷ് കുമാർ ഹർജി നൽകിയത്. നികേഷ് കുമാറിന് കോടതിച്ചിലവ് 50,000 രൂപ നൽകണമെന്ന് ഉത്തരവിൽ പറയുന്നു. എന്നാൽ തന്നെ വിജയിയായി പ്രഖ്യാപിക്കണമെന്ന നികേഷ് കുമാറിന്റെ ആവശ്യം കോടതി അംഗീകരിച്ചില്ല.
സ്റ്റേയ്ക്ക് അപേക്ഷ നല്‍കുo, ഒരുവിധികൊണ്ട് തന്റെ പൊതുപ്രവര്‍ത്തനം അവസാനിപ്പിക്കാനാവില്ല. ഞാൻ വര്‍ഗീയ പ്രചാരണം നടത്തി എന്നാണ് ആരോപണം. രാഷ്ട്രീയത്തില്‍ ഇന്നലെ വന്ന ആളല്ല ഞാന്‍. എല്ലാത്തരം വര്‍ഗീയതയ്ക്കും എതിരെ പോരാട്ടം നടത്തിയ ആളാണ്. ജനങ്ങൾക്ക് എന്നെ അറിയാം എന്നും കെ എം ഷാജി പ്രതികരിച്ചു.
“മേരാ നാം ഷാജി” ചിത്രീകരണം നവംബർ 16 ന് ആരംഭിക്കും
അമർ അക്ബർ അന്തോണിക്കും, കട്ടപ്പനയിലെ ഹൃത്വിക് റോഷനും ശേഷം നാദിർഷ ഒരുക്കുന്ന ചിത്രം മേരാ നാം ഷാജിയുടെ ചിത്രീകരണം നവംബർ 16 ന് ആരംഭിക്കും. മൂന്നു ഗുണ്ടകളുടെ കഥ നർമത്തിന്റെ അകമ്പടിയിൽ പറഞ്ഞു പോകുന്ന ചിത്രത്തിൽ ഗുണ്ടയായി ബൈജുവും, ബിജു മേനോനും, ആസിഫ് അലിയും വേഷമിടുന്നു.
നിഖില വിമല്‍ നായികയാകുന്ന ചിത്രത്തില്‍ ഒരു പ്രധാന വേഷത്തില്‍ ശ്രീനിവാസനുമുണ്ട്. ബി രാകേഷ് ആണ് ചിത്രം നിർമ്മിക്കുന്നത്.
മണ്ഡലകാലം : സന്നിധാനത്ത് എമര്‍ജന്‍സി ഓപ്പറേഷന്‍ തീയേറ്റര്‍ ഉള്‍പ്പെടെ നൂതന സജ്ജീകരണങ്ങളുമായി ആരോഗ്യ വകുപ്പ്
പത്തനംതിട്ട : ശബരിമല മണ്ഡല മകരവിളക്ക് തീര്‍ത്ഥാടനത്തോടനുബന്ധിച്ച് വിപുലമായ സംവിധാനങ്ങളേര്‍പ്പെടുത്താന്‍ ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചറുടെ അധ്യക്ഷതയില്‍ ചേര്‍ന്ന ആരോഗ്യ വകുപ്പ് ഉദ്യോഗസ്ഥരുടെ അവലോകനയോഗത്തില്‍ തീരുമാനം. മറ്റുള്ള വര്‍ഷങ്ങളെ അപേക്ഷിച്ച് ഇത്തവണ വന്‍ തീര്‍ത്ഥാടകരെത്തുമെന്നതിനാല്‍ അത് മുന്നില്‍ കണ്ടുള്ള പ്രവര്‍ത്തനങ്ങള്‍ ഏകോപിപ്പിക്കുന്നതാണെന്ന് മന്ത്രി കെ.കെ. ശൈലജ ടീച്ചര്‍ പറഞ്ഞു. വിവിധ ജില്ലകളില്‍ നിന്നും ഡോക്ടര്‍മാര്‍ മറ്റു ജീവനക്കാര്‍ എന്നിവരെ അവശ്യ ചികിത്സാ സേവനത്തിനായി ഇവിടെ വിന്യസിക്കും. ആരോഗ്യവകുപ്പില്‍ നിന്ന് ഏകദേശം 3000 ത്തോളം ജീവനക്കാരെ ശബരിമലയിലെ വിവിധ കേന്ദ്രങ്ങളിലായി മണ്ഡലകാലത്ത് നിയമിക്കുമെന്നും മന്ത്രി വ്യക്തമാക്കി.
ആരോഗ്യവകുപ്പ് ഡയറക്ടര്‍ക്കാണ് ശബരിമലയിലെ എല്ലാ പ്രവര്‍ത്തനങ്ങളുടേയും സംസ്ഥാനതല മേല്‍നോട്ടം. കൂടാതെ ആരോഗ്യവകുപ്പ് അഡീഷണല്‍ ഡയറക്ടര്‍ (പൊതുജനാരോഗ്യം), ഒരു നോഡല്‍ ഓഫീസര്‍, ഒരു ഡെപ്യൂട്ടി നോഡല്‍ ഓഫീസര്‍ തുടങ്ങിയവര്‍ ആരോഗ്യവകുപ്പ് ഡയറക്ടറെ അവിടെ നടത്തുന്ന പ്രവര്‍ത്തനങ്ങളില്‍ പിന്തുണയ്ക്കും. പത്തനംതിട്ട ജില്ലാ മെഡിക്കല്‍ ഓഫീസറാണ് ജില്ലാതല പ്രവര്‍ത്തനങ്ങള്‍ക്ക് നേതൃത്വം വഹിക്കുന്നത്.
പമ്പ മുതല്‍ സന്നിധാനം വരെയുളള അഞ്ചു കിലോമീറ്റര്‍ ദൂരയാത്രയില്‍ തീര്‍ത്ഥാടകര്‍ക്ക് ഉണ്ടാകുന്ന നെഞ്ചിടിപ്പ്, നെഞ്ചുവേദന, ശ്വാസതടസം തുടങ്ങിയ ആരോഗ്യ പ്രശ്‌നങ്ങളോ ചിലപ്പോള്‍ ഹൃദയസ്തംഭനം വരെ ഉണ്ടാകാന്‍ സാദ്ധ്യതയുണ്ട്. ഇത്തരം പ്രശ്‌നങ്ങള്‍ ഫലപ്രദമായി നേരിടാന്‍ ആരാഗ്യവകുപ്പ് ഈ വഴികളില്‍ ഉടനീളം 16 ഓളം ചികിത്സാ സഹായ കേന്ദ്രങ്ങള്‍ ഏര്‍പ്പെടുത്തും.ഒ.പി. വിഭാഗം, ഇന്റന്‍സീവ് കാര്‍ഡിയാക് കെയര്‍ ക്ലിനിക്കുകള്‍ (ഐ.സി.സി.യു), ഓപ്പറേഷന്‍ തീയേറ്ററുകള്‍, ഓക്‌സിജന്‍ പാര്‍ലറുകള്‍, മൊബൈല്‍ ക്ലിനിക്കുകള്‍, റഫറല്‍ ട്രാന്‍സ്‌പോര്‍ട്ടിംഗ് സൗകര്യങ്ങള്‍ (ആംബുലന്‍സ്) എന്നിവയും പൊതുജനാരോഗ്യ പ്രവര്‍ത്തനങ്ങളും ഇവിടെ ഒരുക്കും.
സന്നിധാനം, പമ്പ എന്നിവിടങ്ങളില്‍ സര്‍ക്കാര്‍ ഡിസ്പന്‍സറികള്‍ നവംബര്‍ ഒന്നുമുതല്‍ പ്രവര്‍ത്തനം ആരംഭിച്ചു. നവംബര്‍ 15 മുതല്‍ മറ്റു സ്ഥലങ്ങളിലും ഇവ പ്രവര്‍ത്തനക്ഷമമാകും. പി.എച്ച്.സി നിലയ്ക്കല്‍, സി.എച്ച്.സി എരുമേലി, ജനറല്‍ ആശുപത്രി പത്തനംതിട്ട എന്നിവിടങ്ങളില്‍ ഡോക്ടര്‍മാര്‍ ഉള്‍പ്പടെ മറ്റു ജീവനക്കാരെ കൂടുതലായി നിയമിക്കും. സന്നിധാനം, അപ്പാച്ചിമേട്, നീലിമല, പമ്പ തുടങ്ങിയ സ്ഥലങ്ങളിലെ ഐ.സി.യു. സൗകര്യമുളള 24 മണിക്കൂറും പ്രവര്‍ത്തിക്കുന്ന ഡിസ്പന്‍സറികളില്‍ മെഡിക്കല്‍ വിദ്യാഭ്യാസ വകുപ്പ് കാര്‍ഡിയോളജിസ്റ്റിനെ നിയമിക്കും. ഇതോടൊപ്പം നിലയ്ക്കലും പമ്പയിലും 4 സഞ്ചരിക്കുന്ന ഡിസ്‌പെന്‍സറികളും ഒരുക്കുന്നതാണ്. ഈ മണ്ഡലകാലത്ത് സന്നിധാനത്ത് സര്‍ജന്‍, അനസ്തറ്റിസ്റ്റ് എന്നിവര്‍ ഉള്‍പ്പെടെ ഒരു എമര്‍ജന്‍സി ഓപ്പറേഷന്‍ തീയറ്ററും പ്രവര്‍ത്തിപ്പിക്കും. ഒരു താല്‍ക്കാലിക ആശുപത്രി ചരല്‍മേട് സ്വാമി അയ്യപ്പന്‍ റോഡില്‍ പ്രവര്‍ത്തനക്ഷമമാക്കും.
ജില്ലാ കളക്ടര്‍, തിരുവിതാകൂര്‍ ദേവസ്വം ബോര്‍ഡ്, അയ്യപ്പ സേവാ സംഘം എന്നിവരുടെ സഹായത്തോടെ പമ്പ മുതല്‍ സന്നിധാനം വരെയുളള 16 വഴിയോര കേന്ദ്രങ്ങളില്‍ ഓക്‌സിജന്‍ പാര്‍ലറുകളും എമര്‍ജന്‍സി മെഡിക്കല്‍ സെന്ററുകളും തുറക്കും.തീര്‍ത്ഥാടകരെ പത്തനംതിട്ട ജനറല്‍ ആശുപത്രി, കോട്ടയം മെഡിക്കല്‍ കോളേജ് തുടങ്ങിയ ആശുപത്രികളില്‍ സൗജന്യമായി എത്തിക്കുന്നതിനായി 24 മണിക്കൂറും പ്രവര്‍ത്തിക്കുന്ന അംബുലന്‍സ് സേവനവും ലഭ്യമാക്കും. തീര്‍ത്ഥാടകര്‍ മരണപ്പെട്ടാല്‍ കേരളത്തിലെ ഏത് ജില്ലയിലും അയല്‍ സംസ്ഥാനങ്ങളിലും മൃതദേഹം എത്തിക്കുന്നതിന് 24 മണിക്കൂര്‍ പ്രവര്‍ത്തനക്ഷമമായ ആംബുലന്‍സിന്റെ സേവനം ഉപയോഗപ്പെടുത്താനാവും.
ജലജന്യ, ജന്തുജന്യ രോഗപ്രതിരോധ പ്രവര്‍ത്തനങ്ങള്‍ ഊര്‍ജിതമാക്കാന്‍ ഹെല്‍ത്ത് ഇന്‍സ്‌പെക്ടര്‍മാരെയും, ജൂനിയര്‍ ഹെല്‍ത്ത് ഇന്‍സ്പക്ടര്‍മാരെയും നിയമിക്കും. തീര്‍ത്ഥാടനകാലത്ത് തിരക്ക് വര്‍ധിക്കുമ്പോള്‍ അഴുത, കരിമല, പുല്‍മേട്, എരുമേലി (ശാസ്താ ക്ഷേത്രത്തിന് അടുത്ത്) തുടങ്ങിയ സ്ഥലങ്ങളില്‍ ഒരോ താല്‍കാലിക ഡിസ്പന്‍സറിയും എരുമേലി സാമൂഹികാരോഗ്യ കേന്ദ്രത്തില്‍ ആധുനിക സജ്ജീകരണങ്ങളോട് കൂടിയ ഒരു കാര്‍ഡിയാക് കെയര്‍ യൂണിറ്റും ആരംഭിക്കും.ഇടത്താവളങ്ങളായ പന്തളം, വലിയകോയിക്കല്‍ ക്ഷേത്രം, ഉപ്പുതുറ, കല്ലിടാംകുന്ന്, പെരുവത്താനം എന്നിവിടങ്ങളില്‍ അടിയന്തിര ആരോഗ്യ സംരക്ഷണസേവനങ്ങള്‍ ഏര്‍പ്പെടുത്തും. ചെങ്ങന്നൂര്‍ റെയില്‍വേ സ്റ്റേഷനില്‍ തീര്‍ത്ഥാടകരുടെ സൗകര്യാര്‍ത്ഥം പ്രത്യേക ആരോഗ്യസേവന കേന്ദ്രം ആരംഭിക്കുന്നതാണെന്നും മന്ത്രി കെ.കെ. ശൈലജ ടീച്ചര്‍ പറഞ്ഞു.
ആരോഗ്യ വകുപ്പ് അഡീഷണല്‍ ചീഫ് സെക്രട്ടറി രാജീവ് സദാനന്ദന്‍, ആരോഗ്യ വകുപ്പ് ഡയറക്ടര്‍ ഡോ. ആര്‍.എല്‍. സരിത, ആരോഗ്യ വിദ്യാഭ്യാസ ഡയറക്ടര്‍ ഡോ. എ. റംല ബീവി, അഡീഷണല്‍ ഡയറക്ടര്‍ ഡോ. മീനാക്ഷി, ശബരിമല നോഡല്‍ ഓഫീസര്‍ ഡോ. അനില്‍ വി. എന്നിവര്‍ പങ്കെടുത്തു.
ജൈവ ഉൽപന്നങ്ങൾക്ക് താങ്ങുവിലയും സംഭരണവും
ജൈവകാർഷികോത്പന്നങ്ങൾ പ്രത്യേകം സംഭരിക്കുന്നതിനും അവയ്ക്കു താങ്ങുവില ഏർപ്പെടുത്തുന്നതിനുമുള്ള ആലോചനകൾ കേന്ദ്രസർക്കാർ ആരംഭിച്ചുകഴിഞ്ഞു. ജൈവ ഉൽപന്നങ്ങൾക്ക് 20 ശതമാനം അധികം താങ്ങുവിലയാണ് കേന്ദ്രo ശുപാർശ ചെയ്തിരിക്കുന്നത്. ഇതു സംബന്ധിച്ച് സംസ്ഥാനസർക്കാരിന്റെ അഭിപ്രായം ചോദിച്ചിരിക്കുകയാണ് കേന്ദ്രം.
ജൈവോത്പന്നങ്ങൾ പ്രത്യേകം സംഭരിക്കുന്നതിലൂടെ രാസവളവും കീടനാശിനിയും ചേർത്ത ഉൽപന്നങ്ങൾ വിപണിയിലെത്തുന്നത് കുറയും. രാസവളവും കീടനാശിനിയും പ്രയോഗിച്ച വിളവിനൊപ്പം ജൈവോൽപന്നങ്ങളും വിൽകേണ്ടിവരുന്നതുമൂലം കൃഷിക്കാരും ഉപഭോക്താക്കളും ഏറെ പ്രയാസപ്പെട്ടുവരികയായിരുന്നു. കേന്ദ്രസർക്കാർ ഉൽപന്നങ്ങൾ സംഭരിക്കുന്നതിലൂടെ അത് ജൈവ കർഷകർക്ക് വളരെ ഉപകാരപ്രദമാകും.