പാകിസ്ഥാൻ കസ്റ്റഡിയിലായിരുന്ന വൈമാനികൻ അഭിനന്ദനെ പാകിസ്ഥാൻ ഇന്ത്യയ്ക്ക് വാഗഅതിർത്തിയിൽ വെച്ച് കൈമാറി. പാക്കിസ്ഥാനി റേഞ്ചേഴ്സാണ് അഭിനന്ദനെ ബി.എസ്.എഫിന് കൈമാറിയത്.മുതിർന്ന വ്യോമസേനാ ഉദ്യോഗസ്ഥർ അഭിനന്ദനെ സ്വീകരിച്ചു.ഏറെ നേരത്തെ കാത്തിരിപ്പിന് ഒടുവിലാണ് അഭിനന്ദനെ പാക്കിസ്ഥാൻ ഇന്ത്യയ്ക്ക് കൈമാറിയത്.രണ്ട് തവണ കൈമാറുന്ന സമയം പാക്കിസ്ഥാൻ മാറ്റിയിരുന്നു.

വിങ് കമാൻഡർ അഭിനന്ദ് വർധമാനെ വരവേൽക്കാനൊരുങ്ങി രാജ്യം. വാഗയിൽ നിന്ന് അഭിനന്ദൻ പുറത്തു വരാൻ മണിക്കൂറുകളായി കാത്തിരിപ്പ് തുടരുന്നു. വ്യോമസേനയിലേയും വിദേശകാര്യ വകുപ്പിലേയും ഉന്നതർ വാഗയിൽ എത്തിയിട്ടുണ്ട്. ഒൻപതു മണിയോടെ നടപടിക്രമങ്ങൾ പൂർത്തിയാകുമെന്നാണ് സൂചന.

പാക്ക് ആക്രമണങ്ങളുടെ തെളിവ് നിരത്തി സേനാ മേധാവികൾ. പാക് സൈനിക വിമാനങ്ങൾ ഇന്ത്യൻ സൈനിക കേന്ദ്രങ്ങൾ ലക്ഷ്യം വച്ചുവെന്നും ഒരു എഫ് 16 വിമാനം ഇന്ത്യ തകർത്തുവെന്നും വ്യോമസേന. പാക് സൈന്യം ഉപയോഗിച്ച മിസൈലിന്റെ ഭാഗങ്ങൾ പ്രദർശിപ്പിച്ചു. എഫ് 16 എന്ന യുദ്ധവിമാനത്തിൽ നിന്നാണ് മിസൈൽ അയച്ചിരിക്കുന്നത്. അഭിനന്ദനെ മോചിപ്പിക്കുന്നതിൽ സന്തോഷുമുണ്ടെന്നും വ്യോമസേന പറഞ്ഞു.

ഡൽഹിയിൽ ഉന്നതതല യോഗങ്ങൾ തുടരുന്നു.ദേശീയ സുരക്ഷ ഉപദേഷ്ടാവ് അജിത് ഡോവൽ പ്രധാനമന്ത്രിയോട് സ്ഥിതി nതികൾ വിശദീകരിച്ചു. ആദ്യന്തര മന്ത്രി രാജ്നാഥ് സിംഗ് ഉന്നതതല ചർച്ചകൾ നടത്തി. ആഭ്യന്തര മന്ത്രാലയ സെക്രട്ടറി, ഐബി, റോ മേധാവിമാർ എന്നിവർ പങ്കെടുത്തു. പാരാമിലിട്ടറി ഉദ്യോഗസ്ഥരെയും ആഭ്യന്തര മന്ത്രി കണ്ടു.

ഉദ്യോഗസ്ഥനെ എത്രയും വേഗം മടക്കി അയയ്ക്കണം ദേശതാൽപര്യത്തിനുള്ള നടപടി സ്വീകരിക്കാൻ ഇന്ത്യയ്ക്ക് അവകാരമുണ്ട് എന്നും അറിയിച്ചു.

മിഗ് 21 ന്റെ പൈലറ്റ് അഭിനന്ദൻ വരദ്മാൻ തിരിച്ചെത്തിയിട്ടില്ലെന്ന് ഇന്ത്യ. പൈലറ്റിനെ കാണാതായത് സ്ഥിരീകരിച്ച് വിദേശകാര്യ മന്ത്രാലയം. പൈലറ്റ് കസ്റ്റഡിയിലുണ്ടെന്ന് പാകിസ്ഥാൻ അവകാശപ്പെട്ടതായും വിദേശകാര്യ മന്ത്രാലയം അറിയിച്ചു. നിജസ്ഥിതിയെ കുറിച്ച് അന്വേഷിക്കുകയാണെന്ന് വിദേശകാര്യ മന്ത്രാലയം. പാക് ഡെപ്യൂട്ടി ഹൈക്കമ്മീഷണറെ വിദേശകാര്യ മന്ത്രാലയം വിളിച്ചു വരുത്തി.

രാജ്യം സുരക്ഷിത കരങ്ങളിലെന്ന് പ്രധാനമന്ത്രി നരേന്ദ്ര മോദി. ഇന്ത്യ ആർക്ക് മുന്നിലും തല കുനിക്കില്ലെന്നും രാജ്യത്തെ ശിഥിലമാക്കാൻ സമ്മതിക്കില്ലന്നും ഇന്ത്യൻ വ്യോമാക്രമണത്തിന് ശേഷം പ്രധാനമന്ത്രിയും ആദ്യ പ്രതികരണം. രാജസ്ഥാനിലെ തെരഞ്ഞെടുപ്പ് റാലിയിലായിരുന്നു മോദിയുടെ പ്രതികരണം.