ബ്രഹ്മപുരം മാലിന്യ പ്ലാൻറിലുണ്ടായ തീപിടിത്തം നിയന്ത്രണ വിധേയം. 25 ശതമാനം പുക കുറഞ്ഞു. എന്നാൽ പുക നിയന്ത്രിക്കാനുള്ള പ്രവർത്തനങ്ങൾ നാളെ പുനരാരംഭിക്കുമെന്ന് കലക്ടർ അറിയിച്ചു.

മലപ്പുറം എടവണ്ണ തൂവക്കാട് തീപിടിത്തം നിയന്ത്രണ വിധേയമാക്കാൻ ശ്രമം തുടരുന്നു.പെയിന്റ് നിർമാണ ഫാക്ടറി ഗോഡൗണിൽ ഇന്ന് ഉച്ചയോടെയാണ് തീ പിടിത്തമുണ്ടായത്. ഇപ്പോഴും തീ നിയന്ത്രിക്കാനുള്ള ഊർജിത ശ്രമം തുടർന്ന് കൊണ്ടിരിക്കുകയാണ്.

പോലീസ് തലപ്പത്ത് വീണ്ടും മാറ്റങ്ങൾ. തിരുവനന്തപുരം, തൃശ്ശൂർ ഐ.ജിമാരെ മാറ്റി.അശോക് യാദവ് തിരുവനന്തപുരം റേഞ്ച് ഐ.ജിയും കൊച്ചി ഐ.ജി.വിജയ് സാക്കറെയ്ക്ക് തൃശൂരിന്റെയും ചുമതല.തിരുവനന്തപുരം പോലീസ് കമ്മീഷണർക്കും മാറ്റം. കെ. സേതുരാമൻ പുതിയ കമ്മിഷണർ. തൃശൂർ ഐ.ജി ആർ.അജിത് കുമാർ പോലീസ് അക്കാദമിയിലേക്ക് മാറും.തിരുവനന്തപുരം കമ്മീഷണറായിരുന്ന എസ്.സുരേന്ദ്രൻ പോലീസ് ആസ്ഥാനത്തേക്ക് സ്ഥലം മാറ്റം ലഭിച്ചു.

പെരിയ ഇരട്ടക്കൊലപാതകത്തിൽ കോൺഗ്രസിനെ വിമർശിച്ച് മന്ത്രി എം എം മണി. സിപിഎമ്മിന്റെ തലയിൽ കെട്ടിവച്ച് തെരഞ്ഞെടുപ്പിൽ നേട്ടമുണ്ടാക്കാൻ ശ്രമിക്കുന്നുവെന്നും ഇത്തരം വിമർശനങ്ങൾ ഉന്നയിച്ച് പാർട്ടിയെ ഉലത്താൻ നോക്കേണ്ട, പാർട്ടിക്ക് പങ്കില്ലെന് മുഖ്യമന്ത്രിയും കോടിയേരിയും വ്യക്തമാക്കിയതാണെന്നും റവനും മന്ത്രിക്ക് അദ്ദേഹത്തിന്റെതായ നിലപാടുണ്ടെന്നും എം എം മണി പറഞ്ഞു.

പെരിയ ഇരട്ടക്കൊലപാതകത്തിൽ കസ്റ്റഡിയിലുള്ള അഞ്ച് പേർ കൂടി അറസ്റ്റിൽ.ഇതോടെ അറസ്റ്റിലായവരുടെ എണ്ണം ഏഴായി.അനിൽ കുമാർ, ശ്രീരാഗ്, അശ്വിൻ, സുരേഷ്, ഗിജിൻ എന്നിവരാണ് അറസ്റ്റിലായത്. അറസ്റ്റിലായ ഏഴു പേരും കൃത്യത്തിൽ നേരിട്ട് പങ്കെടുത്തവരാണ്. കൊലപാതകം നടത്തിയത് പീതാംബരന്റെ നിർദേശപ്രകാരം. കൂടുതൽ പ്രതികൾ ഇനിയും പിടിയിലാകാനുണ്ടെന്ന് നിഗമനം.