തിരിച്ച് വരവിന് കർമ്മപദ്ധതികളുമായി സിപിഎം.നഷ്ടപ്പെട്ട ജനകീയ അടിത്തറ വീണ്ടെടുക്കുമെന്ന് സിപിഎം കേന്ദ്ര കമ്മിറ്റി അറിയിച്ചു.സംഘടന ദുർബല്യം മറികടക്കാൻ തിരുത്തൽ നടപടികൾ സ്വീകരിക്കും. ന്യൂനപക്ഷങ്ങൾ മുൻപിൽ കൃത്യമായ ബദൽ വക്കാനാകാത്തത് കേരളത്തിൽ തിരിച്ചടിയായിരുന്നു. സാമ്പത്തിക പരാധീനത തിരിച്ചടിക്ക് കാരണമായെന്നും ബംഗാൾ ഘടകം സൂചിപ്പിച്ചു. എതിരാളികളെ നേരിടാൻ സാമ്പത്തിക ശേഷി ഇല്ലാത്തത് പ്രതികൂലമായി ബാധിച്ചു.

വലിയ പ്രതിഷേധത്തിനൊടുവിൽ മന്ത്രിസഭയുടെ രാഷ്ട്രീയകാര്യ സമിതിയിൽ രാജ്നാഥ് സിംഗിനെ ഉൾപ്പെടുത്തി. എട്ടിൽ ആറ് സമിതികളിലും അംഗമാക്കി.പാർലമെന്ററികാര്യ സമിതിയിൽ അമിത് ഷായ്ക്ക് പകരം അധ്യക്ഷനാകും. നീതി ആയോഗിലും രാജ് നാഥിനെ ഉൾപ്പെടുത്തി. രാജി സന്നദ്ധത അറിയിച്ചതായും സ്ഥിരീകരിക്കാത്ത റിപ്പോർട്ടുകളാണ് കിട്ടുന്നത്.പ്രശ്നത്തിൽ ആർഎസ്എസ് ഇടപെട്ടതായും സൂചന.

കേരളത്തിലെ സാഹചര്യം സുഷ്മമായി നിരീക്ഷിക്കുകയാണെന്ന് കേന്ദ്ര ആരോഗ്യമന്ത്രി.നിപ സ്ഥിരീകരിച്ച റിപ്പോർട്ട് ഇന്നലെയാണ് സംസ്ഥാന സർക്കാറിന് ലഭിച്ചതെന്നും സാധ്യമായ എല്ലാ സഹായങ്ങളും സംസ്ഥാനത്തിന് നൽകുമെന്നും ഹർഷ് വർദ്ധൻ പറഞ്ഞു.കൂടാതെ വിമാന മാർഗം മരുന്ന് കേരളത്തിൽ എത്തിക്കുമെന്നും മന്ത്രി. ഡൽഹിയിൽ കൺട്രോൾ റൂം പ്രവർത്തനങ്ങൾ തുടങ്ങി നമ്പർ: 011 – 23978046.