ഇപ്പോൾ കണ്ടെത്തിയ രോഗത്തിന് നിപയോട് സാദൃശ്യം മാത്രമെന്ന് ആരോഗ്യമന്ത്രി. അന്തിമ തീർപ്പ് പൂണൈ ഫലം ലഭിച്ചാൽ മാത്രമാണ്. ഇന്ന് രാത്രിയോ നാളെ രാവിലെയോ ആയി മാത്രമെ സാമ്പിളുകളുടെ ഫലം ലഭിക്കുകയുള്ളു. ഏത് സാഹചര്യവും ആത്മവിശ്വാസത്തോടെ നേരിടാൻ സർക്കാർ സജ്ജമെന്ന് മന്ത്രി. നിപയാണെന്ന് കരുതിയാണ് പ്രവർത്തനങ്ങൾ ആശങ്ക വേണ്ടന്നും ജാഗ്രത മതിയെന്നും മന്ത്രി അറിയിച്ചു.കൂടാതെ സമൂഹമാധ്യമങ്ങളിൽ തെറ്റായ പ്രചാരണം നടത്തിയാൽ കടുത്ത നടപടി സ്വീകരിക്കും. രോഗിയുമായി ബന്ധപ്പെട്ട 86 പേർ നിരീക്ഷണത്തിലാണ്.പെരുന്നാൾ ആഘോഷത്തിന് ഇത് ഒരു തടസ്സവുമില്ല. അടിയന്തര സഹായങ്ങൾക്ക് കൺട്രോൾ റൂം നമ്പർ – 1077 ,1056 എന്നിവയാണ്.

ബാലഭാസ്കറിന്റെ മരണത്തിൽ ദുരൂഹതയെന്ന ആരോപണത്തിൽ ഉറച്ച് അച്ഛൻ.അപകടം നടന്ന് രണ്ട് മണിക്കൂർ കഴിഞ്ഞാണ് തന്നെ അറിയിച്ചത്.പ്രകാശ് തമ്പിയുടെ പെരുമാറ്റത്തിൽ തുടക്കം മുതൽ സംശയമുണ്ടെന്നും ബാലഭാസ്കറിന്റെ അച്ഛൻ കെ.സി.ഉണ്ണി മാധ്യമങ്ങളിൽ പ്രതികരിച്ചു.

പി.ജെ.ജോസഫ് തിരഞ്ഞെടുപ്പ് കമ്മീഷന് നൽകിയ കത്ത് ഭരണഘടനാ വിരുദ്ധമെന്ന് തോമസ് ചാഴികാടൻ.ചെയർമാന്റേയും വർക്കിംങ് ചെയർമാന്റേയും ചുമതല വാർട്ടി ഭരണഘടന രേഖപ്പെടുത്തിയിട്ടുണ്ട്. പാർട്ടി ചെയർമാൻ തീരുമാനം എടുക്കേണ്ടത് വർകിംങ് ചെയർമാനുമായി ആലോചിച്ചു വേണം. ജോസഫിന്റെ കത്തിൽ ഓഫീസ് ചാർജ് ജനറൽ സെക്രട്ടറിയെ തിരഞ്ഞെടുത്തതായി പറയുന്നുണ്ട് എന്നും ചാഴിക്കാടൻ.

മക്കയിൽ നടക്കുന്ന ജിസിസി ഉച്ചകോടിയിൽ ഖത്തർ പ്രധാനമന്ത്രി പങ്കെടുക്കും.പ്രധാനമന്ത്രി അബ്ദുള്ള ബിൻ നാസർ ബിൻ ഖലീഫ ആൽഥാനി ഉച്ചകോടിയിൽ പങ്കെടുക്കും. ഉപരോധത്തിന് ശേഷം ആദ്യമായാണ് ഉന്നത ഖത്തർ പ്രതിനിധി സൗദിയിലെത്തുന്നത്. ഖത്തർ പ്രധാനമന്ത്രി പങ്കെടുക്കുന്ന വിവരം അൽ ജസീറയാണ് റിപ്പോർട്ട് ചെയ്തത്.

രവിശങ്കർ പ്രസാദ്, പ്രകാശ് ജാവദേക്കർ, ധർമേന്ദ്ര പ്രധാൻ, നിതിൻ ഗഡ്കരി, നിർമലാ സീതാരാമൻ, സ്മൃതി ഇറാനി, നരേന്ദ്ര സിങ്, തോമാർ എന്നിവരാണ് മന്ത്രിമാരാകുക. അമിത് ഷാ നരേന്ദ്ര മോദിയുടെ മന്ത്രിസഭയിലേക്ക് ഇല്ലെന്നാണ് സൂചന. അമിത് ഷാ ബിജെപി ദേശീയ അധ്യക്ഷനായി തുടരനാണ് സാധ്യത.

ഐഎസ് ഭീഷണിയിൽ ആശങ്കപ്പെടേണ്ട സാഹചര്യമില്ലെന്ന് ഡിജിപി. ജാഗ്രത തുടരുകയാണെന്നും സുരക്ഷ ക്രമീകരണങ്ങൾ ശക്തമാണെന്നും ഡിജിപി അറിയിച്ചു. ഏത് സാഹചര്യത്തെയും നേരിടാൻ സജ്ജമെന്നും ഡിജിപി ലോക് നാഥ് ബെഹ്റ പറഞ്ഞു.