കർമ്മസമിതിയുടെ ഹർത്താലിന് കർശന നടപടി

ശബരിമല സ്ത്രീ പ്രവേശനവുമായി ബന്ധപ്പെട്ട് കർമസമിതി ആഹ്വാനം ചെയ്ത നാളത്തെ ഹർത്താലിൽ ആക്രമത്തിന് മുതിർന്നാൽ അറസ്റ്റെന്ന് പോലീസ്. പൊതുമുതൽ നശിപ്പിക്കുന്നവരിൽ നിന്ന് നഷ്ടപരിഹാരം ഈടാക്കുമെന്നും നിർബന്ധിച്ച് കടകൾ അടപ്പിക്കാൻ ശ്രമിച്ചാൽ അറസ്റ്റുണ്ടാകുമെന്നും പോലീസ്.സർക്കാർ ഓഫീസുകൾക്ക് അടക്കം സുരക്ഷ ഒരുക്കാൻ ഡിജിപി നിർദ്ദേശം നൽകി. ബസ് സർവീസുകൾ തടസ്സമില്ലാതെ നടത്താൻ സൗകര്യമൊരുക്കുമെന്നും രാഷ്ട്രീയ പാർട്ടികളുടെ ഓഫീസുകൾക്കും സംരക്ഷണം ഒരുക്കാനും സോണൽ എഡിജിപിമാർക്കും റേഞ്ച് ഐ.ജിമാർക്കുമാണ് ഡിജിപി നിർദേശം നൽകിയത്.