ക്രിക്കറ്റ് താരം സഞ്ജു സാംസണ്‍ന്റെ വിവാഹചിത്രങ്ങൾ കാണാം
ക്രിക്കറ്റ് താരം സഞ്ജു സാംസണ്‍ വിവാഹിതനായി
ക്രിക്കറ്റ് താരം സഞ്ജു സാംസണ്‍ വിവാഹിതനായി. തിരുവനന്തപുരം സ്വദേശി ചാരുലതയാണ് സഞ്ജുവിന്റെ വധു.
നീണ്ട അഞ്ച് വര്‍ഷത്തെ പ്രണയത്തിനൊടുവിലാണ് ഇരുവരും വിവാഹിതരായത്.
കോവളം ലീലാപാലസിൽ വച്ചുനടന്ന സ്വകാര്യ ചടങ്ങിലായിരുന്നു വിവാഹം. വൈകുന്നേരം സുഹൃത്തുക്കൾക്കും സഹപ്രവർത്തകർക്കുമായി വിരുന്നു സൽക്കാരം ഒരുക്കിയിട്ടുണ്ട്.
കേരള ക്രിക്കറ്റ് ടീമിൽ അംഗമായ സഞ്ജു സാംസൺ, 2015 ജൂലൈയിൽ സിംബാബ്‍വെയ്ക്കെതിരായ ട്വന്‍റി-20 മൽസരത്തിലൂടെ ദേശീയ ടീം മിലും കളിച്ചു. 2013ൽ ഐപിഎല്ലിലെ ഏറ്റവും മികച്ച യുവതാരത്തിനുള്ള പുരസ്കാരവും നേടിയിട്ടുണ്ട്.
പ്രാതലിന്റെ പ്രാധാന്യം
- ഒരു കാരണവശാലും പ്രാതൽ ഉപേക്ഷിക്കരുത്
- തലച്ചോറിന്റെ ഭക്ഷണമാണ് പ്രാതൽ
- ധാന്യങ്ങൾ, പഴവർഗ്ഗങ്ങൾ, പാൽ , പഴം, പച്ചക്കറി എന്നിവ പ്രാതലിൽ ഉൾപ്പെടുത്താം.
- നമ്മുടെ പരമ്പരാഗത ഭക്ഷണം ആരോഗ്യകരവും പോഷകസമൃദ്ധവുമാണ്.
- ആവിയിൽ വേവിക്കുന്ന ഭക്ഷണം അഭികാമ്യം, വറുത്തവ ഒഴിവാക്കുക.
- ദിനവും കൃത്യസമയം പ്രാതൽ കഴിക്കുക.
- പ്രഭാത ഭക്ഷണം കഴിച്ചില്ലെങ്കില്‍ ദിവസത്തിന്റെ ശേഷിക്കുന്ന സമയത്ത് കൂടുതല്‍ ഭക്ഷണം കഴിക്കുന്നതിലേക്കു നയിക്കപ്പെടും.
- പരിപ്പ്‌, ഒരു ചെറിയ കിണ്ണം ഭക്ഷ്യധാന്യങ്ങള്‍, ഒരു പഴം എന്നിവ പ്രാതലില്‍ ഉള്‍പ്പെടുത്തുക. ചോക്ലേറ്റ്‌ പാന്‍കേക്കുകള്‍, മഫന്‍, മായോ സാന്‍ഡ്വിച്ച്‌ മുതലായവ ഒഴിവാക്കുക.
- കാര്‍ബോ ഹൈഡ്രേറ്റ്, പ്രോട്ടീന്‍, ഫൈബര്‍ എന്നിവയുടെ മികച്ച കോമ്പിനേഷന്‍ ആവണം പ്രഭാതഭക്ഷണം.
കാര്‍ബോ ഹൈഡ്രേറ്റ് അടങ്ങിയ ഭക്ഷണങ്ങൾ : ഉപ്പുമാവ്, ഇഡ്‌ലി, ദോശ, ബ്രഡ്, വീറ്റ്ഫ്‌ളെയ്ക്‌സ്
പ്രോട്ടീന്‍: പാല്, തൈര്, മുട്ടയുടെ വെള്ള, മുളച്ച ധാന്യങ്ങള്‍
വിറ്റാമിനുകളും ധാതുക്കളും: പഴങ്ങളും പച്ചക്കറികളും.
തിരിഞ്ഞിരിക്കുന്ന നന്ദി
ശിവക്ഷേത്രങ്ങളിൽ നന്ദി ശിവനഭിമുഖമായിരിക്കുന്നതായിട്ടാണ് നമുക്ക് എവിടെയും കാണാനാവുക. എന്നാൽ തമിഴ്‌നാട്ടിലെ കുംഭകോണത്തിനടുത്തുള്ള തിരുവൈഗാവൂരിലെ ജനരക്ഷകി സമേത വിശ്വനാഥസ്വാമിക്ഷേത്രത്തിൽ ശ്രീകോവിൽ മൂർത്തിക്കുനേരെ പുറംതിരിഞ്ഞിരിക്കുന്ന നന്ദിയെയാണ് കാണാനാവുക.
നന്ദിദേവൻ ഇങ്ങനെ വ്യത്യസ്തനായി തിരിഞ്ഞിരിക്കുന്നതിന് ഒരു കാരണവും പറയപ്പെടുന്നു. കാലദേവൻ ക്ഷേത്രത്തിനകത്ത് പ്രവേശിക്കാതിരിക്കാനായി നന്ദിദേവൻ ഇവിടെ കാവലിരിക്കുന്നുവെന്നാണ് ഐതീഹ്യം .
യമഭയം അകറ്റുന്ന നന്ദിയുള്ള തിരുവൈഗാവൂർ ക്ഷേത്രം കുംഭകോണത്തിനടുത്തതാണ് സ്ഥിതി ചെയ്യുന്നത്. ഈ നന്ദിയെയും ജനരക്ഷകിസമേതനായ വിശ്വനാഥനേയും വണങ്ങിയാൽ അകാലമൃത്യു, മൃത്യുഭയം എന്നിവ അകലുമെന്നാണ്‌ വിശ്വാസം
പൂണെയ്ക്ക് പിന്നാലെ ജാവ ബെംഗളൂരുവിലും
ജാവ മോട്ടോർ സൈക്കളിന്റെ മൂന്ന് ഡീലർഷിപ്പ് ബെംഗളൂരുവിൽ തുറന്ന് മഹേന്ദ്രയ്ക്ക് കീഴിലുള്ള ക്ലാസിക് ലജന്റ്സ് പ്രൈവറ്റ് ലിമിറ്റഡ്. ദിവസങ്ങൾക്ക് മുൻപാണ് രാജ്യത്തെ ആദ്യ ഡിലർഷിപ്പ് ജാവ പൂണെയിൽ ആരംഭിച്ചത്. ആകെ 105 ഡീലർഷിപ്പുകളുടെ പ്രവർത്തനമാണ് ആദ്യഘട്ടത്തിൽ ജാവ തുടങ്ങുന്നത്. ഇവയെല്ലാം ഉടൻ പ്രവർത്തനങ്ങൾ ആരംഭിക്കും.കേരളത്തി ഏഴെണ്ണമാണ് നിലവിൽ വരാൻ പോകുന്നത്.നിലവിൻ ബുക്കിംഗ് തുടരുന്ന ജാവ ബൈക്കുകൾ ജനുവരിയോടെ ഉപഭോക്താക്കൾക്ക് കിട്ടി തുടങ്ങും. ജാവ, ജാവ 42, ജാവ പെരാക്ക് എന്നീ മൂന്ന് മോഡലുകളാണ് ജാവ നിരയിലുള്ളത്. റോയൽ എൻഫീൽഡ് ക്ലാസിക് 350 മോഡലാണ് ജാവയുടെ പ്രധാന എതിരാളി.നിലവിൽ 5000 രൂപ സ്വീകരിച്ച് ജാവ ബൈക്കുകളുടെ ബുക്കിങ് പുരോഗമിക്കുകയാണ്.
രുചിയേറും ചെമ്മീൻ കട്ലൈറ്റ്
ചേരുവകൾ
ചെമ്മീൻ – 500 ഗ്രാം
സവാള – 250 ഗ്രാം
പച്ചമുളക് – 4
കറിവേപ്പില – 2 തണ്ട്
ഇഞ്ചി – 1 കഷണം
മൈദ – 1 കപ്പ്
മുളകുപൊടി – ഒന്നര ടീസ്പൂൺ
റൊട്ടിപ്പൊടി – അവശ്യത്തിന്
വെളിച്ചെണ്ണ – ആവശ്യത്തിന്
കടുക് – ആവശ്യത്തിന്
ഉപ്പ് – ആവശ്യത്തിന്
തയാറാക്കുന്ന വിധം
വൃത്തിയാക്കി വച്ചിരിക്കുന്ന ചെമ്മീൻ മുളകുപൊടിയും ഉപ്പും ചേർത്ത് വേവിക്കുക. അത് മിക്സിയിൽ ചെറുതായൊന്ന് അരച്ചെടുക്കുക. ചീനച്ചട്ടി അടുപ്പിൽ വെച്ച് എണ്ണയൊഴിച്ച് കടുകിട് പൊട്ടുമ്പോൾ ചെറുതായി അരിഞ്ഞു വെച്ച പച്ചമുളകും ഇഞ്ചിയും സവാളയും കറിവേപ്പിലയുമിട്ട് വഴറ്റിയെടുക്കണം. അരച്ച ചെമ്മീനും റൊട്ടിപ്പൊടിയും വഴറ്റിയ ചേരുവകളും പാകത്തിന് ഉപ്പും ചേർത്ത് യോജിപ്പിച്ച് ഒരു ചെറുനാരങ്ങയുടെ വലുപ്പത്തിൽ ഉരുട്ടിയെടുത്ത് വടപോലെ പരത്തി കലക്കിയ മൈദയിൽ മുക്കി തിളയ്ക്കുന്ന എണ്ണയിലിട്ട് മുങ്ങുമ്പോൾ കോരിയെടുക്കുക. രുചിയേറും വിഭവം സോസ് കൂട്ടി കഴിക്കാം.
വനിതാ മതിലിൽ മാറ്റങ്ങളുമായി സി പി എം
വനിതാ മതിലിൽ മതന്യൂനപക്ഷങ്ങളെയും മതമേലധ്യക്ഷൻമാരെയും ക്ഷണിക്കണമെന്ന് സി പി എം. സി പി എം സംസ്ഥാന സെക്രട്ടേറിയറ്റ് തീരുമാനം സർക്കാരിനെ അറിയിക്കും. വർഗീയ മതിലെന്ന ആരോപണത്തിന് തടയിട്ടുകയാണ് ഇതിലൂടെയുള്ള ലക്ഷ്യം.
സർക്കാരിനെതിരെ ഓർത്തഡോക്സ് സഭ
കോടതി വിധി നടപ്പാക്കുന്നതിൽ സർക്കാർ അലംഭാവം കാണിക്കുന്നുവെന്ന് ഓർത്തഡോക്സ് സഭയുടെ പ്രമേയം. സഭ മാനേജിംഗ് കമ്മറ്റി ആണ് പ്രമേയം പാസാക്കിയത്. ഓർത്തഡോക്സ് സഭയുടെ എല്ലാ പള്ളികളിലും ഞായറാഴ്ച പ്രമേയം അവതരിപ്പിക്കും. ബുധനാഴ്ച ഗവർണറെ കാണാനും ഓർത്തഡോക്സ് സഭ മാനേജിംഗ് കമ്മിറ്റി തീരുമാനനിച്ചു.
ഞാൻ പ്രകാശൻ ; റിവ്യൂ വായിക്കാം
സത്യൻ അന്തിക്കാട് സംവിധാനവും ശ്രീനിവാസൻ കഥയും തിരക്കഥയും ഒരുക്കിയിരിക്കുന്ന ചിത്രമാണ് ഞാൻ പ്രകാശൻ. ഫഹദ് ഫാസിലാണ് പ്രകാശനായി വേഷമിടുന്നത് .
ഞാൻ പ്രകാശൻ പേരുപോലെതന്നെ പ്രകാശന്റെ കഥയാണ്. പ്രകാശന്റെ ജീവിതവും അദ്ദേഹം പ്രകാശൻ എന്ന പേരുമാറ്റി പി. കെ. ആകാശ് എന്നാക്കാൻ നടക്കുന്നതുമാണ് ചിത്രത്തിന്റെ കഥ. പ്രകാശൻ ഒരു നേഴ്‌സിംഗ് ബിരുദധാരിയും വിദേശത്തേക്ക് പോകാൻ ആഗ്രഹിക്കുന്ന ആളുമാണ്. എന്നാൽ അദ്ദേഹം ഇപ്പോൾ ജോലിയില്ലാത്ത യുവാക്കളുടെ കൂട്ടത്തിലാണ്. അങ്ങനെയിരിക്കെ പ്രകാശന്റെ പഴയ കാമുകി അദ്ദേഹത്തെ കാണാനെത്തുകയും തുടർന്ന് പ്രകാശന്റെ ജീവിതത്തിൽ പുതിയ മാറ്റങ്ങൾ ഉണ്ടാകുകയും ചെയ്യുന്നു. പ്രകാശന്റെ ജീവിതത്തിലെ മാറ്റങ്ങളാണ് ചിത്രം പറയുന്നത്.
ഫഹദ് ഫാസിലിനൊപ്പം ശ്രീനിവാസനും നിഖില വിമലും കേന്ദ്രകഥാപാത്രങ്ങളായി എത്തുന്നു. ഇവരെക്കൂടാതെ കെ പി എസ് സി ലളിത, വീണ നായർ സബിത ആനന്ദ്, അനീഷ് ജി മേനോൻ എന്നിവരും വേഷമിട്ടിരിക്കുന്നു.
സത്യൻ അന്തിക്കാട് എന്ന സംവിധായകൻ എപ്പോഴും സാധാരണ മനുഷ്യരുടെ ജീവിതവും അനുഭവങ്ങളും സിനിമയാക്കാറുണ്ട്. പ്രകാശനും അതുപോലെ നമ്മളിലൊരാളുടെ കഥയാണ്. സത്യൻ അന്തിക്കാടിനൊപ്പം ശ്രീനിവാസനും ചേർന്നതുതന്നെ ചിത്രത്തിന്റെ മനോഹാരിത കൂട്ടുന്നു. ആ കൂട്ടുകെട്ടിന് ഇന്നും പ്രേക്ഷകരുടെ മനസ്സിൽ ഇടംപിടിക്കാൻ സാധിക്കും എന്ന് ഞാൻ പ്രകാശനിലൂടെ വീണ്ടും തെളിയുകയാണ്.
ഷാൻ റഹ്‌മാനാണ് ചിത്രത്തിലെ പാട്ടുകൾക്ക് ഈണം നൽകിയത്. കാതിനു ഇമ്പമേകുന്ന ഗാനങ്ങളാണ് ചിത്രത്തിലേത്. ഫുള്‍ മൂണ്‍ സിനിമയുടെ ബാനറില്‍ സേതു മണ്ണാര്‍ക്കാട് നിർമ്മിച്ചിരിക്കുന്ന ചിത്രത്തിന്റെ ക്യാമറാമാന്‍ എസ്.കുമാറാണ്.
ചിത്രത്തെ കുറിച്ച് കൂടുതൽ പറയേണ്ടതില്ല, ചെരണ്ടവയെല്ലാം ചേരുംപടി ചേർത്തിട്ടുണ്ട് ഞാൻ പ്രകാശനിൽ. തീർച്ചയായും ഈ ചിത്രം കുടുംബത്തോടൊപ്പം തീയറ്ററിൽ പോയി കാണണം.
rating : 4 / 5
വനിതാ മതിലിന് സർക്കാർ പണമില്ല
വനിതാ മതിൽ സർക്കാരിന്റെ സത്യവാങ്മൂലം തെറ്റിദ്ധരിക്കപ്പെട്ടുവെന്ന് ധനമന്ത്രി. സർക്കാർ പണം വനിതാ മതിലിനായി ചെലവഴിക്കില്ലെന്നും മന്ത്രി തോമസ് ഐസക്.വനിത സംഘടനകൾ സ്വന്തം നിലയിൽ പണം സ്വരൂപിക്കാൻ കഴിയുന്നവരാണെന്നും മന്ത്രി. എന്നാൽ വനിതാ മതിലിന് സർക്കാർ ഫണ്ടില്ലെന്ന് മുഖ്യമന്ത്രി വ്യക്തമാക്കി.50 കോടി ചെലവിടുന്നതായുള്ള പ്രചരണം തെറ്റാണെന്നും സ്ത്രീകളുടെ ക്ഷേമ പദ്ധതിക്കായി നീക്കിവച്ച തുകയായ 50 കോടിയിൽ നിന്നും ഒരു പൈസ പോലും വനിതാ മതിലിനായി എടുക്കില്ലെന്നും മുഖ്യമന്ത്രി. വനിതാ മതിലിന് സർക്കാർ എല്ലാവിധ പിന്തുണയും നൽകുന്നുണ്ടെന്നും അതിനർത്ഥം ചെലവ് സർക്കാർ വഹിക്കുന്നു എന്നല്ലെന്നും മുഖ്യമന്ത്രി പിണറായി വിജയൻ വ്യക്തമാക്കി.
പ്രാണ ട്രെയിലർ എത്തി
ലോകത്തിലെ ആദ്യത്തെ സിംഗ് സറൗണ്ട് സൗണ്ട് സിനിമയായ പ്രാണയുടെ മലയാളം ട്രെയിലര്‍ നടൻ പൃഥ്വിരാജ് തന്റെ സോഷ്യൽ മീഡിയ പേജിലൂടെ റിലീസ് ചെയ്തു.
വികെ പ്രകാശാണ് ചിത്രം സംവിധാനം ചെയ്യുന്നത്. നിത്യ മേനോൻ കേന്ദ്ര കഥാപാത്രമാകുന്ന ചിത്രത്തിലെ ഒരേ ഒരു താരവും നിത്യ ആണ്.
പ്രേതബാധയുള്ള വീട്ടിൽ ഒരു പെൺകുട്ടി താമസിക്കുന്നതും തുടര്‍ന്നുണ്ടാകുന്ന പേടിപ്പെടുത്തുന്നതുമായ അനുഭവങ്ങളാണ് ചിത്രം പറയുന്നത് . നിത്യയെ കൂടാതെ ഒരു ആത്മാവിന്റെ സാന്നിധ്യം പോലെ മറ്റൊരു പെൺകുട്ടിയെയും കാണാം.
മലയാളം ,ഹിന്ദി, തെലുങ്ക്, കന്നഡ എന്നീ നാലു ഭാഷകളിലും പ്രാണ റിലീസ് ചെയ്യുന്നുണ്ട്. ഒരിടവേളക്ക് ശേഷം പ്രശസ്ത ക്യാമറാമാന്‍ പി.സി ശ്രീറാം മലയാളത്തിലേക്ക് തിരിച്ചെത്തുന്നു എന്ന പ്രത്യേകതയും ഈ ചിത്രത്തിനുണ്ട്.
കോതമംഗലം പളളിയിൽ സംഘർഷം
കോതമംഗലം മാർത്തോമ പള്ളിയിൽ സംഘർഷം. പ്രാർത്ഥനയ്ക്കെത്തിയ ഓർത്തഡോക്സ് വിഭാഗത്തിന്റെ തോമസ് പോൾ റമ്പാനെ യാക്കോബായ വിഭാഗം തടഞ്ഞു.ഹൈക്കോടതി വിധി പ്രകാരമാണ് ഓർത്തഡോക്സ് വിഭാഗം പ്രാർത്ഥനയ്ക്ക് എത്തിയിരുന്നത്. പ്രതിഷേധത്തെ തുടർന്ന് തോമസ് പോൾ റമ്പാനെ പോലീസ് സ്ഥലത്തു നിന്ന് മാറ്റി.പോലീസ് സുരക്ഷ നൽകില്ലെങ്കിൽ ഇക്കാര്യം കോടതിയെ അറിയിക്കുമെന്ന് ഓർത്തഡോക്സ് സഭ അറിയിച്ചു.ഉച്ചയോടെ കോടതിയെ വിവരം അറിയിക്കുമെന്ന് ഓർത്തഡോക്സ് സഭയുടെ അഭിഭാഷകൻ വെളിപ്പെടുത്തി.എന്നാൽ കോതമംഗലം പള്ളി വിട്ടുകൊടുക്കിലെന്ന് തോമസ് പ്രഥമൻ ബാവ വ്യക്തമാക്കി.ഓർത്തഡോക്സ് വിഭാഗം അന്യായമായി പള്ളിയുടെ മേൽ ആധിപത്യം സ്ഥാപിക്കാർ ശ്രമിക്കുന്നു എന്നും മലബാറിൽ സ്വീകരിച്ച മധ്യസ്ഥമാർഗ്ഗം എന്തുകൊണ്ട് ഇവിടെ സ്വീകരിക്കുന്നിലെന്നും ബാവ.