കാസർകോട്ട് രണ്ട് യൂത്ത് കോൺഗ്രസ് പ്രവർത്തകരെ വെട്ടിക്കൊന്നു.പെരിയ കല്യോട്ട് സ്വദേശികളായ കൃപേഷ്, ശരത് ലാൽ (ജോഷി ) എന്നിവരാണ് മരിച്ചത്. കാറിൽ എത്തിയ സംഘം തടഞ്ഞ് നിർത്തി വെട്ടുകയായിരുന്നു. കൊലപാതകത്തിന് പിന്നിൽ സി പി എം എന്ന് കോൺഗ്രസ്.സംഭവസ്ഥലത്ത് സിപിഎം- കോൺഗ്രസ് സംഘർഷം നിലനിന്നിരുന്നു. കാസർകോട് ജില്ലിയിൽ യുഡിഎഫ് നാളെ ഹർത്താലിന് ആഹ്വാനം ചെയ്തു. യൂത്ത് കോൺഗ്രസ് നാളെ പ്രതിഷേധ ദിനം ആയി ആചരിക്കും.

പാലക്കാട് നാലു വയസ്സുകാരിയെ ബലാൽസംഗം ചെയ്ത് കൊലപ്പെടുത്തി. കൊലപാതകത്തിന് പിന്നിൽ അഞ്ചംഗ ഭിക്ഷാടന സംഘം. രണ്ട് പേർ അറസ്റ്റിലായി.തമിഴ്നാട്ടിൽ നിന്ന് തട്ടിക്കൊണ്ടുവന്ന പെൺകുട്ടിയെയാണ് കൊലപ്പെടുത്തിയത്.പെൺകുട്ടി കൊല്ലപ്പെട്ടത് റയിൽവേ ട്രാക്കിൽ കൂട്ടബലാൽസംഗത്തിനിടയിൽ.

ഹവിൽദാർ വസന്തകുമാറിന് നാടിന്റെ പ്രണാമം.ആന്ത്യാഞ്ജലി അർപ്പിച്ച് ആയിരങ്ങൾ. സംസ്‌കാരം പൂർണ ഔദ്യോഗിക ബഹുമതികളോടെ തൃക്കൈപ്പറ്റയിലെ കുടുംബ ശ്മശാനത്തിലായിരുന്നു. ആദരാഞ്ജലികൾ അർപ്പിച്ച് കേന്ദ്ര, സംസ്ഥാന മന്ത്രിമാർ.

കൊട്ടിയൂർ പീഡന കേസിൽ ഒന്നാം പ്രതി ഫാ.റോബിൻ വടക്കുംചേരി കുറ്റക്കാരനാണെന്ന് തെളിഞ്ഞു. തലശ്ശേരി പോക്സോ കോടതിയാണ് കുറ്റക്കാരനെന്ന് കണ്ടെത്തിയത്.കന്യാസ്ത്രീയടക്കമുള്ള കേസിലെ മറ്റ് ആറ് പ്രതികളെ കോടതി വെറുതെ വിട്ടു. രക്ഷകർത്ത സ്ഥാനതുളള യാർ തന്നെ ഇത്തരം ക്രൂരകൃത്യം ചെയ്തതിൽ അതീവ തൃപ്രമായ ശിക്ഷ നൽകണമെന്നാണ് വിലയിരുത്തൽ. ശിക്ഷ അൽപസമയത്തിനകം കോടതി പ്രഖ്യാപിക്കും.

ഭീകരാക്രമണം നടത്തിയവർക്ക് ശക്തമായ തിരിച്ചടി നൽകുമെന്ന് പ്രധാനമന്ത്രി നരേന്ദ്ര മോദി.തീവ്രവാദത്തെ തകർക്കാനുള്ള ശ്രമങ്ങൾ ശക്തമായി തുടരുമെന്നും അക്രമികൾ വിലയ വില നൽകേണ്ടി വരുമെന്നും മോദി. ജയിക്കാനാണ് നമ്മൾ പോരാടുന്നത്. സുരക്ഷാ സേനക്ക് പൂർണ സ്വാതന്ത്ര്യം നൽകിയിട്ടുണ്ടെന്നും സൈന്യത്തിന്റെ ധീരതയിൽ വിശ്വാസമുണ്ടെന്നും അസ്ഥിരതയുണ്ടാക്കാനുള്ള പാക്ക് ശ്രമങ്ങൾ നടക്കില്ലെന്നും പ്രധാനമന്ത്രി നരേന്ദ്ര മോദി വ്യക്തമാക്കി.

മോദി ആഭ്യന്തരമന്ത്രിയുമായും ദേശീയ സുരക്ഷാ ഉപദേഷ്ടാടാവുമായും ചർച്ച നടത്തി. ആഭ്യന്തരസെക്രട്ടറി രാജീവ് ഗൗബ ഭൂട്ടാൻ സന്ദർശനം വെട്ടിച്ചുരുക്കി ഡൽഹിയിലേക്ക്. ആഭ്യന്തര മന്ത്രി ഐബി, റോ മേധാവികളെ കണ്ടു.എൻ.എസ്.എ യുമായി സംസാരിച്ചു. നാളെ അടിയന്തര മന്ത്രിസഭാ യോഗം. രാജ്നാഥ് സിങ് ശ്രീനറിലേക്ക് പുറപ്പെട്ടു.

ജമ്മു കശ്മീരിൽ ഭീകരാക്രമത്തിൽ മരിച്ച സൈനികരുടെ എണ്ണം 42 ആയി. ജമ്മു -ശ്രീനഗർ ഹൈവേയിൽ അന്തിപുരക്ക് സമീപമാണ് ആക്രമണം നടന്നത്.വാഹനവ്യൂഹത്തിന് നേരെ സ്ഫോടക വസ്തു നിറച്ച ട്രക്ക് ഇടിച്ചു കയറുകയായിരുന്നു. ഭീകര സംഘടന ജെയ്ഷെ മുഹമ്മദ് ഉത്തരവാദിത്തം ഏറ്റെടുത്തു. 70 വാഹനങ്ങളുള്ള സൈനിക വ്യൂഹത്തിന് നേരെയാണ് ആക്രമണമുണ്ടായത്. ആക്രമണത്തിൽ രാഹുൽ ഗാന്ധി അപലപിച്ചു.കൂടാതെ സുരക്ഷ ഉറപ്പാക്കുന്നതിൽ മോദി സർക്കാർ പരാജയപ്പെട്ടുവെന്നു കോൺഗ്രസ്.അക്രമണത്തെ രാഷ്ട്രപതിയും അപലപിച്ചു. എൻഐഎയുടെ 12 അംഗ സംഘം നാളെ സംഭവ സ്ഥലത്തെത്തും. എന്നാൽ സൈനികർക്ക് നേരെയുണ്ടായ ആക്രമണത്തെ അപലപിച്ച് അമേരിക്ക രംഗത്തെത്തി. തീവ്രവാദത്തെ ചെറുക്കാൻ ഇന്ത്യക്കൊപ്പം നിലകൊള്ളുമെന്ന് അമേരിക്കൻ അംബാസിഡർ അറിയിച്ചു.