സിപിഎമ്മും ബി ജെ പിയും തമ്മിൽ അവിശുദ്ധ കൂട്ടുകെട്ട് ഉണ്ടാക്കിക്കഴിഞ്ഞെന്ന് മുല്ലപ്പള്ളി രാമചന്ദ്രൻ .റഫാലിൽ പിണറായി ഒന്നും മിണ്ടാത്തത് ലാവലിൻ വീണ്ടും ഉയർന്നു വരും എന്ന പേടി കൊണ്ടാണെന്നും കേന്ദ്ര സർക്കാരിനെ സിപിഎമ്മിന് പേടിയാണെന്നും മുല്ലപ്പള്ളി പരാമർശിച്ചു.

കുംഭമാസ പൂജകൾക്കും ശബരിമലയിൽ നിയന്ത്രണം ഏർപ്പെടുത്തി. നട തുറക്കുന്ന 12ആം തിയതി രാവിലെ 10 മുതൽ തീർത്ഥാടകർക്ക് പ്രവേശിക്കാം. മാധ്യമ പ്രവർത്തകർക്കും നിയന്ത്രണം ബാധകമാക്കി. നിലയ്ക്കൽ മുതൽ സന്നിധാനം വരെയാണ് നിയന്ത്രണം ഏർപ്പെടുത്തിയിരിക്കുന്നത്.

വി.വി.രാജേഷിനെ തിരിച്ചെടുക്കുന്നതിനെച്ചൊല്ലി ബിജെപിയിൽ ചേരിപ്പോര്.രാജേഷിനെ തിരികെ കൊണ്ടുവരാനുള്ള നീക്കങ്ങളുമായി വി.മുരളീധരപക്ഷം എത്തിയപ്പോൾ അതിനെ എതിർത്ത് പി.കെ.കൃഷ്ണദാസ് വിഭാഗം ദേശീയ നേതൃത്വത്തിന് പരാതി നൽകി. ദേശീയ സംഘടനാ സെക്രട്ടറി റാംലാൽ പങ്കെടുത്ത യോഗത്തിലും ഇതിനെ ചൊല്ലി തർക്കം ഉണ്ടായി.

ഭരണഘടനാ സ്ഥാപനങ്ങളെ കോൺഗ്രസ് വിവാദങ്ങളിലേക്ക് വലിച്ചിഴക്കുന്നുവെന്നും സത്യം കേൾക്കാനും മനസിലാക്കാനുമുള്ള കഴിവ് കോൺഗ്രസിന് നഷ്ടപ്പെട്ടു.സർക്കാരുകളെ പിരിച്ച് വിടാനുള്ള 356ാം വകുപ്പ് കോൺഗ്രസ് നൂറു തവണ ദുരുപയോഗം ചെയ്തു.കേരളത്തിലെ ഇ എം എസ് സർക്കാരിനെ പിരിച്ചുവിട്ടത് ഇതിന് ഉദാഹരണമാണെന്ന് മോദി ചൂണ്ടിക്കാട്ടി. കോൺഗ്രസിന്റെ 55 വർഷവും ഈ സർക്കാരിന്റെ 55 മാസവും താരതമ്യം ചെയ്യണമെന്നും ഈ സർക്കാർ 13 കോടി സൗജന്യ ഗ്യാസ് കണക്ഷനുകൾ നൽകിയെന്നും 7 ലക്ഷം കോടിയുടെ മുദ്ര വായ്പ നൽകിയെന്നും ബിസി എന്നാൽ ബിഫോർ കോൺഗ്രസ് എന്നും എഡി എന്നാൽ ആഫ്റ്റർ ഡൈനാസ്റ്റിയെന്നും പരിഹസിച്ച് മോദി ആരോപണങ്ങൾ നിരത്തി.

യുവതി പ്രവേശനത്തെ പൂർണമായും അനുകൂലിച്ച് കോടതിയിൽ ദേവസ്വം ബോർഡ്. അയ്യപ്പഭക്തർ പ്രത്യേക വിഭാഗമല്ലെന്ന് ദേവസ്വം ബോർഡ് പറഞ്ഞു. എന്നാൽ ദേവസ്വം ബോർഡിന്റെ യഥാർത്ഥ നയം പുറത്തായെന്ന് പന്തളം കൊട്ടാരം അറിയിച്ചു. എന്നാൽ ദേവസ്വം ബോർഡ് സുപ്രീം കോടതിയിൽ നിലപാട് മാറ്റിയിട്ടില്ലെന്ന് പ്രസിഡൻറ് എ.പദ്മകുമാർ. സ്ത്രീ പ്രവേശന വിധി അംഗീകരിക്കുന്ന നിലപാടാണ് കോടതിയിൽ വ്യക്തമാക്കിയതെന്നും സുപ്രീം കോടതി വിധി എന്തായാലും അത് അംഗീകരിക്കാൻ ബോർഡ് ബാധ്യസ്ഥരാണെന്നും എ. പദ്മകുമാർ വ്യക്തമാക്കി.

ശബരിമലയുമായ ബന്ധപ്പെട്ട എല്ലാ ഹർജികളും നാളെ സുപ്രീം കോടതി പരിഗണിക്കും.പുന:പരിശോധന ഹർജികൾക്ക് പുറമെ പുതിയ റിട്ട് ഹരജികളും പരിഗണിക്കും. സാവകാശം തേടി നൽകിയ ഹർജികളും നാളെ പരിഗണിക്കപ്പെടും.എന്നാൽ തന്ത്രിക്കെതിരായ കോടതിയലക്ഷ്യ ഹർജികൾ നാളെ പരിഗണിക്കില്ല. വാദം കേൾക്കുക ചീഫ് ജസ്റ്റിസ് അദ്ധ്യക്ഷനായ അഞ്ചംഗ ഭരണഘടനാ ബെഞ്ച് ആണ്.

കൊൽക്കത്തയിൽ നടത്തി വന്ന ധാരണ അവസാനിപ്പിച്ച് മമത ബാനർജി.ഭരണഘടനയുടെയും ജനാധിപത്യത്തിന്റെയും വിജയമാണിതെന്ന് മമത.കേന്ദ്രത്തിനെതിരെ ആയിരുന്നു കൊൽക്കത്തയിൽ മമത ബാനർജിയുടെ ധർണ.അടുത്തയാഴ്ച ഈ വിഷയം ഡൽഹിയിൽ ഉയർത്തുമെന്നും പ്രഖ്യാപിച്ചു.