നടന്‍ അനൂപ് ചന്ദ്രന്‍ വിവാഹിതനായി. ലക്ഷ്മി ആണ് വധു. ഞായറാഴ്ച്ച രാവിലെ ഗുരുവായൂര്‍ ക്ഷേത്രത്തില്‍ വച്ചായിരുന്നു വിവാഹം നടന്നത് . ഇക്കഴിഞ്ഞ ജൂണിലായിരുന്നു അനൂപിന്റെയും ലക്ഷ്മിയുടേയും വിവാഹ നിശ്ചയം നടന്നത് .
എത്തി ഇട്ടിച്ചന്റെ തകർപ്പൻ ട്രെയിലർ
മോഹൻലാൽ വേഷമിടുന്ന ഇട്ടിമാണി മേഡ് ഇന്‍ ചൈനയുടെ ട്രെയിലർ പുറത്തിറങ്ങി. തമാശനിറഞ്ഞ ട്രെയിലർ ഇതിനോടകം ആരാധകർ ഏറ്റെടുത്തിരിക്കുകയാണ്. ഈ ഓണത്തിന് തീയറ്ററുകളിൽ ചിരിനിറക്കാൻ ഇട്ടിച്ചൻ എത്തും.
വീഡിയോ കാണാം
നടൻ സെന്തിൽ കൃഷ്ണയുടെ വിവാഹസത്കാര വീഡിയോ കാണാം
കഴിഞ്ഞ ദിവസം ഗുരുവായൂരിൽ വിവാഹിതരായ നടൻ സെന്തിൽ കൃഷ്ണയുടെയും അഖിലയുടെയും വിവാഹസൽക്കാരം തിരുവനന്തപുരത്ത് നടന്നു. സിനിമ സീരിയൽ മേഖലയിൽ നിന്നും ധാരാളം ആളുകൾ സൽക്കാരത്തിൽ പങ്കെടുത്തു.
വീഡിയോ കാണാം
പൃഥ്വിരാജിനായി ധനുഷ് പാടി ; നെഞ്ചോട് വിനാ.. ഏറ്റെടുത്ത് ആരാധകർ
മലയാളികൾക്ക് ഏറെ പ്രിയപ്പെട്ട നടനാണ് ധനുഷ്. പൃഥ്വിരാജിനായി പാട്ടു പാടി ഇപ്പോൾ മലയാളികളുടെ മനസ്സിൽ ഒന്നുകൂടി സ്ഥാനം ഉറപ്പിക്കുകയാണ് ധനുഷ്. ബ്രദേഴ്‌സ് ഡേ എന്ന ചിത്രത്തിനുവേണ്ടിയാണ് ധനുഷ് പാടിയത് ധനുഷ് എഴുതിയ ഗാനം കൂടിയാണ് ഇത്.
കലാഭവൻ ഷാജോൺ സംവിധാനം ചെയ്ത് പൃഥ്വിരാജ് നായകനാവുന്ന ചിത്രമാണ് “ബ്രദേഴ്‌സ് ഡേ”. ഐശ്വര്യ ലക്ഷ്മി , പ്രയാഗ , മിയ , മഡോണ തുടങ്ങിയ താരങ്ങളും ചിത്രത്തിൽ അണിനിരക്കുന്നു.
‘പ്രണയ മീനുകളുടെ കടൽ’ ഫസ്റ്റ് ലുക്ക് പോസ്റ്റർ എത്തി
കമൽ സംവിധാനം ചെയ്യുന്ന ‘പ്രണയ മീനുകളുടെ കടൽ’ ഫസ്റ്റ് ലുക്ക് പോസ്റ്റർ എത്തി. വലിയ ഒരു മീനിനെ വേട്ടയാടി കൊണ്ടുവരുന്ന വിനായകന്റെ ചിത്രമാണ് ഫസ്റ്റ് ലുക്കിൽ ഉള്ളത് . വിനായകൻ, ദിലീഷ് പോത്തൻ എന്നിവർ കേന്ദ്ര കഥാപാത്രങ്ങളാകുന്ന ചിത്രമാണ് പ്രണയ മീനുകളുടെ കടൽ. മുപ്പത്തിയൊന്ന് വര്‍ഷത്തിനു ശേഷം സംവിധായകന്‍ കമലും തിരക്കഥാകൃത്ത് ജോണ്‍പോളും ഒന്നിക്കുന്ന ചിത്രം എന്ന പ്രത്യേകതയും ഈ ചിത്രത്തിനുണ്ട്.
ഫസ്റ്റ് ലുക്ക് പോസ്റ്റർ കാണാം
കല്യാണ്‍ ജൂവലേഴ്‌സ് ഹൈദരാബാദ് എഎസ് റാവു നഗറില്‍ പുതിയ ഷോറൂം തുറന്നു ബ്രാന്‍ഡ് അംബാസിഡര്‍ അക്കിനേനി നാഗാര്‍ജുന ഉദ്ഘാടനം ചെയ്തു
കൊച്ചി: ഇന്ത്യയിലെ ഏറ്റവും വിപുലവും വിശ്വാസ്യതയാര്‍ന്നതുമായ ആഭരണബ്രാന്‍ഡുകളിലൊന്നായ കല്യാണ്‍ ജൂവലേഴ്‌സ് ഹൈദരാബാദ് എഎസ് റാവു നഗറില്‍ പുതിയ ഷോറൂം തുറന്നു. കല്യാണ്‍ ജൂവലേഴ്‌സിന്‍റെ ബ്രാന്‍ഡ് അംബാസിഡറൂം ദക്ഷിണേന്ത്യന്‍ സൂപ്പര്‍താരവുമായ അക്കിനേനി നാഗാര്‍ജുന ഷോറൂം ഉദ്ഘാടനം ചെയ്തു. കല്യാണ്‍ ജൂവലേഴ്‌സ് മാനേജിംഗ് ഡയറക്ടര്‍ ടി.എസ്. കല്യാണരാമന്‍, എക്‌സിക്യൂട്ടീവ് ഡയറക്ടര്‍മാരായ രാജേഷ് കല്യാണരാമന്‍, രമേഷ് കല്യാണരാമന്‍ എന്നിവര്‍ ചടങ്ങില്‍ സന്നിഹിതരായിരുന്നു. ഇതോടെ കല്യാണ്‍ ജൂവലേഴ്‌സിന് ആകെ 141 ഷോറൂമുകളായി.
വന്‍ ജനക്കൂട്ടത്തെ ആവേശത്തിലാഴ്ത്തിയാണ് അക്കിനേനി നാഗാര്‍ജുന ഉദ്ഘാടന വേദിയിലെത്തിയത്. കല്യാണ്‍ ജൂവലേഴ്‌സുമായി തനിക്ക് ദീര്‍ഘകാലത്തെ ആത്മബന്ധമുണ്ടെന്നും തന്റെ സ്വന്തം നഗരമായ ഹൈദരാബാദിലെ കല്യാണ്‍ ഷോറൂം ഉദ്ഘാടനം ചെയ്യാന്‍ അത്യധികമായ ആഹ്ലാദമുണ്ടെന്നും നാഗാര്‍ജുന പറഞ്ഞു. ഹൈദരാബാദ് നിവാസികളില്‍ നിന്നും കല്യാണ്‍ ജൂവലേഴ്‌സിന് ശക്തമായ പിന്തുണ ലഭിക്കുമെന്ന് തനിക്കുറപ്പുണ്ടെന്നും അദ്ദേഹം കൂട്ടിച്ചേര്‍ത്തു.
ഇപ്പോള്‍ കല്യാണ്‍ ഉപയോക്താക്കള്‍ക്ക് സ്വര്‍ണാഭരണങ്ങള്‍ വാങ്ങുമ്പോള്‍ കല്യാണ്‍ ജൂവലേഴ്‌സിന്‍റെ നാല് തലത്തിലുള്ള അഷ്വറന്‍സ് സാക്ഷ്യപത്രവും ലഭിക്കും. കല്യാണ്‍ ജൂവലേഴ്‌സില്‍ വിറ്റഴിക്കുന്ന ആഭരണങ്ങള്‍ വിവിധ ഘട്ടങ്ങളിലായി ഗുണമേന്മാ പരിശോധനകള്‍ക്ക് വിധേയമാക്കുന്നുണ്ട്. എല്ലാ ആഭരണങ്ങളും ബിഐഎസ് ഹാള്‍മാര്‍ക്ക് ചെയ്തവയാണ്. അഷ്വറന്‍സ് സാക്ഷ്യപത്രത്തിലൂടെ ഇന്‍വോയിസില്‍ കാണിച്ചിരിക്കുന്ന സ്വര്‍ണത്തിന്‍റെ ശുദ്ധത എക്‌സ്‌ചേഞ്ച് ചെയ്യുമ്പോഴും വിറ്റഴിക്കുമ്പോഴും ലഭിക്കുമെന്നതാണ് മെച്ചം. കൂടാതെ ജീവിതകാലം മുഴുവന്‍ ബ്രാന്‍ഡ് ഷോറൂമുകളില്‍നിന്ന് സ്വര്‍ണാഭരണങ്ങളുടെ അറ്റകുറ്റപ്പണികള്‍ സൗജന്യമായി ചെയ്തു കൊടുക്കും.
വിവാഹാവസരത്തില്‍ അണിയുന്നതിനും ഉത്സവാഘോഷങ്ങള്‍ക്കായും നിത്യവും അണിയുന്നതിനുമുള്ള നവീനവും പരമ്പരാഗതവുമായ ഒരു ലക്ഷത്തിലധികം ആഭരണരൂപകല്‍പ്പനകളാണ് കല്യാണ്‍ ജൂവലേഴ്‌സ് ഉപയോക്താക്കള്‍ക്കായി അവതരിപ്പിക്കുന്നത്. കല്യാണ്‍ ജൂവലേഴ്‌സിന്‍റെ സവിശേഷവും ജനപ്രിയവുമായ ബ്രൈഡല്‍ ആഭരണശേഖരമായ മുഹൂര്‍ത്ത്, പോള്‍ക്കി ആഭരണശേഖരമായ തേജസ്വി, കരവിരുതാല്‍ തീര്‍ത്ത പരമ്പരാഗത ആഭരണങ്ങളായ മുദ്ര, ടെംപിള്‍ ആഭരണങ്ങളായ നിമാ, നൃത്തം ചെയ്യുന്ന ഡയമണ്ടുകളായ ഗ്ലോ, സോളിറ്റയര്‍ പോലെയുള്ള ഡയമണ്ട് ആഭരണമായ സിയാ, അണ്‍കട്ട് ഡയമണ്ടുകളായ അനോകി, പ്രത്യേകാവസരങ്ങള്‍ക്കായുള്ള ഡയമണ്ട് ആഭരണശേഖരമായ അപൂര്‍വ, വിവാഹ ഡയമണ്ട് ആഭരണങ്ങളായ അന്തര, നിത്യവും അണിയുന്നതിനുള്ള ഡയമണ്ടുകളായ ഹീര, പ്രഷ്യസ് സ്റ്റോണ്‍ ആഭരണങ്ങളായ രംഗ് തുടങ്ങിയ ശേഖരങ്ങളില്‍നിന്ന് ഉപയോക്താക്കള്‍ക്ക് തെരഞ്ഞെടുക്കാം
രാജാമണി വിവാഹിതനായി ; വീഡിയോ കാണാം
കലാഭവൻ മണിയുടെ ജീവിതകഥ ആസ്പദമാക്കി നിർമ്മിച്ച ചാലക്കുടിക്കാരൻ ചങ്ങാതിയിൽ മണിയായി വേഷമിട്ട് ശ്രദ്ധനേടിയ സെന്തിൽ കൃഷ്ണ വിവാഹിതനായി. കോഴിക്കോട് സ്വദേശിനി അഖിലയാണ് വധു. വളരെ ലളിതമായ ചടങ്ങുകളോടെ ഗുരുവായൂരിൽ ആയിരുന്നു വിവാഹം.
സീരിയൽ രംഗത്ത് സജീവമായിരുന്ന സെന്തിൽ ചാലക്കുടിക്കാരൻ ചങ്ങാതിയിൽ രാജാമണി ആയതോടെയാണ് ശ്രദ്ധ നേടിയത്, അടുത്ത് ഇറങ്ങിയ വൈറസ് എന്ന ചിത്രത്തിലും സെന്തിൽ ഒരു പ്രധാന കഥാപാത്രത്തെ അവതരിപ്പിച്ചു .
വീഡിയോ കാണാം
അരുണ്‍ ജയ്റ്റ്‌ലിയ്ക്ക് വിട
മുന്‍ കേന്ദ്രമന്ത്രിയുo മുതിർന്ന ബിജെപി നേതാവുമായ അരുണ്‍ ജയ്റ്റ്‌ലി അന്തരിച്ചു. ഉപകരണങ്ങളുടെ സഹായത്തോടെ ജീവൻ നിലനിർത്തിയിരുന്ന അദ്ദേഹത്തിന്റെ ആരോഗ്യനില ഉച്ചയോടെ വഷളാവുകയും തുടർന്ന് മരണം സംഭവിക്കുകയുമായിരുന്നു.
കഴിഞ്ഞ മോദി മന്ത്രിസഭയിലെ ശക്തനായ പ്രതിനിധിയായിരുന്നു അരുൺ ജെയ്റ്റ്ലി, വാജ്‌പേയി മന്ത്രിസഭയിലും അംഗമായിരുന്നു.
രാഷ്ട്രപതി റാം നാഥ് കോവിന്ദ്, പ്രധാനമന്ത്രി നരേന്ദ്ര മോദി, കേന്ദ്ര മന്ത്രിമാരായ അമിത് ഷാ, രാജ്നാഥ് സിങ് തുടങ്ങിയവർ ആദരാഞ്ജലി അർപ്പിച്ചു.
കൊല്ലം കാത്തോലിക് സിറിയൻ ബാങ്ക്നെ കശുവണ്ടി വ്യവസായ സ്ത്രീ തൊഴിലാളികളും വ്യവസായികളും അവരുടെ കുടുംബങ്ങളും ചേർന്ന് ഉപരോധിക്കും
കൊല്ലം :- കേരള സർക്കാർ തകർന്നടിഞ്ഞ കേരളത്തിലെ അതിപുരാതനവും മൂന്നു ലക്ഷത്തിലധികം സാധാരണക്കാരായ സ്ത്രീ തൊഴിലാളികളുടെയുംഉപജീവനമാർഗ്ഗം കൂടിയായ കശുവണ്ടി മേഖലയിൽ പുനരുദ്ധാരണ പാക്കേജ് നടപ്പിലാക്കാൻ ശ്രമിക്കുമ്പോൾ ഇരുപത്തിമൂന്നോളം ബാങ്കുകൾ ഉൾപ്പെടുന്നഈ പ്രതിസന്ധിയിൽ ഭൂരിഭാഗം ബാങ്കുകളും സഹകരിച്ചു തുടങ്ങിയെങ്കിലും കാത്തോലിക് സിറിയൻ ബാങ്ക് മാത്രം കേരള സർക്കാരിനെ പോലുംവെല്ലുവിളിക്കുന്ന വിധത്തിൽ സർക്കാർ പാക്കേജിനെ അവഗണിച്ചു പൂട്ടിപ്പോയ ഒരു വ്യവസായ സ്ഥാപനം പോലും തുറക്കാൻ സഹായിക്കാതെ ഉള്ള നിഷേധാത്മക നിലപാടാണ് കൈക്കൊള്ളുന്നത്.
ഇതിൽ പ്രതിഷേധിച്ച് സ്ത്രീ തൊഴിലാളികളും വ്യവസായികളും അവരുടെ കുടുംബങ്ങളും മേഖലയുമായിബന്ധപ്പെട്ട മറ്റുള്ള വ്യക്തികളും അടങ്ങുന്ന രജിസ്ട്രേഡ് സംഘടനയായ “കശുവണ്ടി വ്യവസായ സംരക്ഷണ സമിതി” (Cashew Industry Protection Council, CIPC)കൊല്ലം മെയിൻ റോഡിൽ സ്ഥിതി ചെയ്യുന്ന കാത്തോലിക് സിറിയൻ ബാങ്ക് കൊല്ലം മെയിൻ ബ്രാഞ്ച് 26/8/2019 രാവിലെ 10 മണി മുതൽ ഉപരോധിക്കും.
ഉപരോധശേഷവും കാത്തോലിക് സിറിയൻ ബാങ്ക് നിലപാടുകൾ തുടരുകയാണെങ്കിൽ അനിശ്ചിതകാല നിരാഹാര സമരത്തിലേക്ക് കടക്കുമെന്നും സമതിപ്രസിഡന്റ് രാജേഷ്.കെ പത്രക്കുറിപ്പിലൂടെ അറിയിച്ചു.
ശ്രീകൃഷ്ണ ജയന്തിക്ക് രാധയായി ഭാവന , ഭാരതമാതാവായി അനുശ്രീ ചിത്രങ്ങൾ കാണാം
ഇത്തവണ ശ്രീകൃഷ്ണ ജയന്തിക്ക് രാധയായി ഒരുങ്ങി ഉണ്ണി കണ്ണനമോരോടുപ്പം ചിത്രങ്ങളെടുത്ത്‌ തന്റെ സോഷ്യൽ മീഡിയ പേജിലൂടെ പങ്കുവെച്ചിരിക്കുകയാണ് നടി ഭാവന.
അതുപോലെ , കഴിഞ്ഞതവണ ഭാരതമാതാവായി ഘോഷയാത്രയിൽ പങ്കെടുത്ത് വിവാദങ്ങൾ ഉണ്ടായെങ്കിലും ഇത്തവണയും ഭാരതമാതാവായി ഘോഷയാത്രയിൽ പങ്കെടുത്തിരിക്കുകയാണ് അനുശ്രീ . ഇത് രാഷ്ട്രീയവൽക്കരിക്കരുത് എന്ന് ചിത്രങ്ങൾ പങ്കുവെച്ച് അനുശ്രീ പറയുന്നു.
ഹോളിവുഡ് ശൈലിയിൽ നിർമ്മിച്ച ഹൊറർ കോമഡി ചിത്രം സോംബി ആഗസ്റ്റ് 30 മുതൽ
തമിഴിൽ‘സോംബി’ എന്ന പേരിൽ ഒരു സിനിമ പ്രദർശനത്തിനെത്തുന്നു . ഹോളിവുഡ് സിനിമകളിൽ സോംബി ( ZOMBIE ) വിഭാഗം സിനിമകൾ പ്രസിദ്ധമാണ്. ശവങ്ങൾക്ക്‌ ജീവൻ വെച്ച് അവ പ്രതികാര ദാഹവുമയി അലയും. ഇതാണ് സോംബി. സോംബികൾക്ക് വിശപ്പോ, ദാഹമോ മറ്റു വികാരങ്ങളോ ഉണ്ടായിരിക്കില്ല. ജീവിച്ചിരിക്കുന്നവരെ കൊല്ലുക എന്നത് മാത്രമായിരിക്കും അവരുടെ ലക്ഷ്യം.അതിനായി അവർ അലഞ്ഞു കൊണ്ടിരിക്കും. ബോളിവുഡിൽ നേരത്തേ തന്നെ ഈ ജോണറിലുള്ള സോംബി സിനിമകൾ നിർമ്മക്കപ്പെട്ട്‌ വിജയം വരിച്ചിട്ടുണ്ട്.
“ഇരുട്ടു അറയിൽ മുരട്ട് കുത്ത്” എന്ന സിനിമയിലൂടെ ഗ്ലാമർ താരമായി അവതാരമെടുത്ത് യുവാക്കളുടെ മനസ്സ് കീഴടക്കിയ യാഷികാ ആനന്ദ് നായികയാവുന്ന‘സോംബി’യിലെ മറ്റു പ്രധാന കഥാപാത്രത്തെ അവതരിപ്പിക്കുന്നത് വർത്തമാന കാല തമിഴ് സിനിമയിലെ മുൻനിര ഹാസ്യ താരം യോഗി ബാബുവാണ്. . ഈ സിനിമയിലെ ഒരു കരാട്ടെ സംഘട്ടന രംഗത്തിൽ മാർഷ്യൽ ആർട്ട്സ് പഠിച്ചിട്ടുള്ള യാഷിക ഡ്യൂപ്പില്ലാതെ റിയലിസ്റ്റിക്കായി തന്നെ സാഹസികമായി അഭിനയിച്ചത് വാർത്താപ്രാധാന്യം നേടിയിരുന്നു .നിരൂപകരുടെ പ്രശംസ നേടിയ ” മോ” എന്ന സിനിമയിലൂടെ മികവ് തെളിയിച്ച ഭുവൻ നല്ലൻ രചനയും സംവിധാനവും നിർവഹിക്കുന്ന ‘സോംബി’(ZOMBIE ) അവതരണം കൊണ്ടു വ്യത്യസ്തവും നർമ്മരസപ്രദവുമായ ഹൊറർ സിനിമ മാത്രമല്ല സസ്പെൻസ് ത്രില്ലറും കൂടിയാണത്രെ .
തന്റെ ചിത്രത്തെ കുറിച്ച് സംവിധായകൻ ഭൂവൻ നല്ലന്റെ വാക്കുകൾ …
” പ്രേത സിനിമകളുടെ പെരുമഴ കാലമാണിപ്പോൾ തമിഴിൽ.ഈ മഴവെള്ള പാച്ചിലിൽ പത്തോട് പതിനൊന്നായി ഒരു ഹൊറർ സിനിമ ചെയ്യണോ എന്ന് വളരെയധികം ആലോചിച്ചു.പ്രേത കഥയിൽ എന്ത് വ്യത്യസ്തത കാണിക്കാൻ കഴിയും എന്ന് ചിന്തിച്ചപ്പോഴാണ് ‘സോംബി’ മനസിൽ തെളിഞ്ഞത്. തിരക്കഥ പൂർത്തിയാക്കി നിർമ്മാതാവിന് സമർപ്പിച്ചു.’ സോംബി വിത്ത് യോഗി ബാബു’ എന്ന എന്റെ ആശയം അദ്ദേത്തിന് ഇഷ്ട്ടപെട്ടു. പതിവു സിനിമയായിരിക്കില്ല ഇത് എന്ന് അദ്ദേഹത്തിന് ബോധ്യമായി.ഉടൻ തന്നെ ഷൂട്ടിംഗ് തുടങ്ങി.ഈ സോംബി ആദ്യന്തം നർമ്മരസ്പ്രദമായിരിക്കും.ജിജ്ഞാസ നിലനിർത്തുന്ന ത്രില്ലറുമാണ് … യോഗി ബാബുവിനൊപ്പം ടി.എം.കാർത്തിക്, ‘യു ടുബി’ൽ ഹാസ്യ പ്രകടനങ്ങളിലൂടെ പ്രശസ്തരായ ഗോപീ – സുധാകർ എന്നിവർ അടങ്ങുന്ന യുവ നടന്മാരുടെ ഒരു സംഘം തന്നെ ചിത്രത്തിലുണ്ട്. യുവാക്കളുടെ ഹൃദയ തുടിപ്പായി മാറിയ യാഷിക മെഡിക്കൽ കോളജ് സ്റ്റുഡൻറ് ആയി നായികാ വേഷമിടുന്നു. ഇവരെല്ലാവരും ഒന്നിച്ച് ഒരു റിസോർട്ടിൽ എത്തുന്നു.അവിടെ താമസിച്ച് ജോളിയടിച്ച് ഉല്ലസിക്കുന്നതിനിടെ, നടക്കുന്ന വിപരീത സംഭവമാണ് കഥയ്ക്ക് ആധാരം . ഒറ്റ രാത്രി നടക്കുന്ന കഥയായിട്ടാണ് ഇത് ദൃശ്യ വൾക്കരിച്ചിരിക്കുന്നത്.പ്രേംജി അമരന്റെ പശ്ചാത്തലം സംഗീതവും വിഷു വിഷ്ണുവിന്റെ ഛായാഗ്രഹണവും സോംബിയ്ക്ക് മുതൽ കൂട്ടാണ്. സോംബിയിലൂടെ നൂറു ശതമാനം എന്റർടൈൻമെന്റ് ഗ്യാരണ്ടി ”
എസ് 3 പിക്ചേഴ്സ് നിർമ്മിക്കുന്ന ഈ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത് മനോബാല, ചിത്രാ,ബിജിലി രമേഷ്, ലൊള്ളു സഭാ മനോഹർ എന്നിവരാണ്. ആഗസ്റ്റ് 30 നു ‘സോംബി ‘ പ്രകാശ് ഫിലിംസ് കേരളത്തിൽ റിലീസ് ചെയ്യും .
#സി.കെ.അജയ് കുമാർ, പിആർഒ
കുടുംബ സിനിമകൾ എന്ന ഗണം ഒരിക്കലും നശിച്ചുപോകില്ല : ജയറാം
ജയറാമിനെ നായകനാക്കി ജിത്തു ജോസഫ് സംവിധാനം ചെയ്യുന്ന പുതിയ ചിത്രമാണ് പട്ടാഭി രാമന്‍ .ചിത്രത്തിനോടനുബന്ധിച്ചു നടന്ന ഒരു അഭിമുഖത്തിലാണ് ജയറാം ഈക്കാര്യം പറഞ്ഞത് .
അഭിമുഖത്തിത്തിന്റെപൂര്‍ണരൂപം