തെലുങ്ക് മെഗാ പവർ സ്റ്റാർ രാം ചരൺ തേജ , ‘ രംഗസ്ഥലം’ എന്ന ജനപ്രിയ ചിത്രത്തിന് ശേഷം നായകനായി അഭിനയിച്ച ബ്രഹ്മാണ്ഡ ആക്ഷൻ ഫാമിലി എന്റർടെയ്നറായ ‘വിനയ വിധേയ രാമ’ ഫെബ്രുവരി 8- ന് മലയാളത്തിൽ പ്രദർശനത്തിനെത്തുന്നു.
തെലുങ്കിലെ, ബ്രഹ്മാണ്ഡ സംവിധായകൻ എന്ന് ഖ്യാതി നേടിയ ബോയപട്ടി ശ്രീനുവാണ് ഈ സിനിമയുടെ രചയിതാവും സംവിധായകനും. ഡി വി വി എന്റർടെയ്ൻമെന്റ്സ്നിർമ്മിച്ച്, പ്രകാശ് ഫിലിംസ് അവതരിപ്പിക്കുന്ന ‘വിനയ വിധേയ രാമ’യിൽ കിയാരാ അദ്വാനി യാണ് രാം ചരണിന്റ നായിക. വിവേക് ഒബറോയാണ് പ്രതിനായകൻ. പ്രശാന്ത്, സ്നേഹ, മധുമിത, മുകേഷ് ഋഷി,ജേപി, ഹരീഷ് ഉത്തമൻ,,ആര്യൻ രാജേഷ്, രവിവർമ്മ എന്നിങ്ങനെ വലിയൊരു താര നിര തന്നെ ചിത്രത്തിലുണ്ട്.
സിജു തുറവൂർ ഗാന രചനയും ദേവി ശ്രീ പ്രസാദ് സംഗീത സംവിധാനവും നിർവഹിച്ചിരിക്കുന്നു. സതീഷ് മുതുകുളമണ് സംഭാഷണം എഴുതിയിരിക്കുന്നത്. സ്റ്റണ്ട് രംഗങ്ങൾ ഒരുക്കിയിരിക്കുന്നത് കനൽ കണ്ണനാണ് . ബൾഗേറിയ, ഹൈദരാബാദ്, രാജസ്ഥാൻ എന്നിവിടങ്ങളിൽ പ്രത്യേകം സജ്ജമാക്കിയ സെറ്റുകളിൽ വെച്ച് നൂറു ദിവസം കൊണ്ടാണ് സ്റ്റണ്ട് രംഗങ്ങൾ ചിത്രീകരിച്ചത്. ഇടവേളക്ക് ശേഷം വരുന്ന ഒരു സ്റ്റണ്ട് രംഗം മാത്രം പതിനൊന്നു കോടി രൂപ ചിലവഴിച്ച് അറുപത് ദിവസം ഷൂട്ടിംഗ് നടത്തി.
ഗാന രംഗങ്ങൾ ദശകോടികൾ ചിലവഴിച്ച് തയ്യാറാക്കിയ വർ്ണശബളമായ പടു കൂറ്റൻ സെറ്റുകളിൽ വെച്ചാണ്ചിത്രീകരിച്ചിരിക്കുന്നത്. തന്റെ സിനിമാ ജീവിതത്തിൽ ആദ്യമായാണ് ഇത്രയും നാൾ ഒരു സിനിമക്ക് വേണ്ടി സ്റ്റുണ്ട് ചിത്രീകരണം നടത്തിയതെന്ന് കനൽ കണ്ണൻ പറഞ്ഞു. മാസ്സ് ആക്ഷൻ ഫാമിലി എന്റർടൈനറായ ‘വിനയ വിധേയ രാമ ‘ നെ പ്രകാശ് ഫിലിംസ് ഫെബ്രുവരി 8-ന് പ്രദർശനത്തിനെത്തിയ്ക്കുന്നു .മലയാളം, തമിഴ്, തെലുങ്ക് എന്നീ മൂന്ന് ഭാഷകളിലായി കേരളത്തിൽ നൂറിൽ പരം തിയ്യറ്ററുകളിൽ ‘വിനയ വിധേയ രാമ’ പ്രദർശനത്തിനെത്തും.
# സി.കെ.അജയ്കുമാർ, പിആർഒ