മലയാളത്തിന്റെ പ്രിയ താരം മോഹൻലാലുമായി കൂടിക്കാഴ്ച നടത്തി അയർലൻഡ് മന്ത്രിയും ഫിയന്ന ഫാൾ (Fianna Fáil) പാർട്ടി നേതാവുമായ ജാക്ക് ചേമ്പേഴ്സ്. തന്റെ പുതിയ കലാസൃഷ്ടിയുമായി അയർലൻഡിലെ ഇന്ത്യൻ പ്രവാസികളെ കാണാനെത്തിയതായിരുന്നു മോഹൻലാൽ. കഴിഞ്ഞ വാരാന്ത്യത്തിൽ നടന്ന ഈ സവിശേഷ കൂടിക്കാഴ്ചയുടെ ചിത്രം ജാക്ക് ചേമ്പേഴ്സ് തന്റെ ഫേസ്ബുക്ക് പേജിലൂടെ പങ്കുവെച്ചിട്ടുണ്ട്.

ലാലേട്ടനെ കാണാൻ സാധിച്ചതിലുള്ള സന്തോഷം പങ്കുവെച്ചുകൊണ്ട് മന്ത്രി കുറിച്ച വാക്കുകൾ ഇങ്ങനെയാണ്: “കഴിഞ്ഞ വാരാന്ത്യത്തിൽ അയർലൻഡ് സന്ദർശിച്ച മോഹൻലാലിനെ കാണാൻ കഴിഞ്ഞതിൽ ഏറെ സന്തോഷമുണ്ട്. അയർലൻഡിലെ ഇന്ത്യൻ പ്രവാസികൾക്കായി തന്റെ പുതിയ പ്രൊഡക്ഷൻ എത്തിക്കാനാണ് അദ്ദേഹം ഇവിടെയെത്തിയത്.”

കൂടിക്കാഴ്ചയിൽ അയർലൻഡിന്റെ വളർച്ചയിൽ ഇന്ത്യൻ സമൂഹം നൽകുന്ന സംഭാവനകളെക്കുറിച്ചും അദ്ദേഹം മോഹൻലാലുമായി സംസാരിച്ചു. “അയർലൻഡിലെ നമ്മുടെ സമൂഹത്തിനും സമ്പദ്‌വ്യവസ്ഥയ്ക്കും പൊതുസമൂഹത്തിനും വളരെ പോസിറ്റീവായ സംഭാവനകൾ നൽകുന്ന ഇന്ത്യൻ കമ്മ്യൂണിറ്റിയെക്കുറിച്ച് അദ്ദേഹത്തോട് സംസാരിക്കാൻ കഴിഞ്ഞതിൽ എനിക്ക് വലിയ സന്തോഷമുണ്ട്,” ജാക്ക് ചേമ്പേഴ്സ് ഫേസ്ബുക്കിൽ കുറിച്ചു.

അയർലൻഡിലെ ഐടി, ആരോഗ്യ മേഖലകളിലും കലാരംഗത്തും മലയാളികൾ ഉൾപ്പെടെയുള്ള ഇന്ത്യൻ സമൂഹം വലിയ സ്വാധീനമാണ് ചെലുത്തുന്നത്. ലാലേട്ടന്റെ അയർലൻഡ് സന്ദർശനം പ്രവാസി മലയാളികൾക്കിടയിൽ വലിയ ആവേശം സൃഷ്ടിച്ചതിന് പിന്നാലെയാണ് ഐറിഷ് മന്ത്രിയുടെ ഈ ഔദ്യോഗിക പ്രശംസ എത്തിയിരിക്കുന്നത്.

Irish Minister Jack Chambers Meets Mohanlal

കൊച്ചി: മലയാള ചലച്ചിത്ര രംഗത്തെ വീണ്ടും ചൂടുപിടിപ്പിച്ചു കൊണ്ട് പുതിയൊരു നിയമപോരാട്ടം കൂടി. പ്രമുഖ നടിയും താരസംഘടനയായ ‘അമ്മ’യുടെ മുൻ ജോയിന്റ് സെക്രട്ടറിയുമായ അൻസിബ ഹസൻ നൽകിയ പരാതിയിൽ പ്രശസ്ത താരം ടിനി ടോമിനെതിരെ കേസെടുക്കാൻ കോടതി ഉത്തരവിട്ടു. പോലീസിന്റെ മുൻ നിലപാടുകൾ തള്ളിക്കൊണ്ടാണ് എറണാകുളം മജിസ്ട്രേറ്റ് കോടതിയുടെ ഈ നിർണായക നിർദേശം.

പോലീസ് റിപ്പോർട്ട് തള്ളി കോടതി; അൻസിബയ്ക്ക് വിജയം

ടിനി ടോമിനെതിരെ കേസെടുക്കാൻ കഴിയില്ലെന്നായിരുന്നു പോലീസ് നേരത്തെ കോടതിയിൽ സമർപ്പിച്ച റിപ്പോർട്ടിൽ വ്യക്തമാക്കിയിരുന്നത്. എന്നാൽ അൻസിബ നൽകിയ ഹർജി വിശദമായി പരിഗണിച്ച എറണാകുളം മജിസ്ട്രേറ്റ് കോടതി, പോലീസിന്റെ ഈ വാദങ്ങൾ തള്ളിക്കളയുകയും നടനെതിരെ കേസെടുത്ത് അന്വേഷണം നടത്താൻ നിർദേശിക്കുകയുമായിരുന്നു.

വിവാദങ്ങൾക്ക് ആധാരമായ പരാതി ഇങ്ങനെ:

ടിനി ടോം തന്നെ വ്യക്തിപരമായി അധിക്ഷേപിച്ചു എന്ന് കാണിച്ച് അൻസിബ ഹസൻ നേരത്തെ പോലീസിനെ സമീപിച്ചിരുന്നു.

• തനിക്കെതിരെ ‘ജിഹാദി’ പരാമർശം നടത്തിയെന്നും,
• മതപരിവർത്തനം ആരോപിച്ചു എന്നതുമാണ് അൻസിബയുടെ പരാതിയിലെ പ്രധാന ആരോപണങ്ങൾ.

മുഖ്യമന്ത്രിക്ക് നേരിട്ട് നൽകിയ ഈ പരാതി പിന്നീട് ഡിജിപിക്ക് കൈമാറുകയും, തുടർന്ന് എസിപിയോട് അന്വേഷിക്കാൻ ഉത്തരവിടുകയുമായിരുന്നു.

തെളിവുകളില്ലെന്ന് പോലീസ്; പിന്നാലെ കോടതി ഇടപെടൽ

പരാതിയുടെ അടിസ്ഥാനത്തിൽ കടവന്ത്ര പോലീസ് പ്രാഥമിക പരിശോധന നടത്തുകയും അൻസിബയുടെയും ടിനി ടോമിന്റെയും മൊഴികൾ രേഖപ്പെടുത്തുകയും ചെയ്തിരുന്നു. എന്നാൽ, അൻസിബയുടെ ആരോപണങ്ങൾ വെറും കേട്ടുകേൾവിയുടെ അടിസ്ഥാനത്തിലുള്ളതാണെന്നും, നിയമനടപടിയുമായി മുന്നോട്ട് പോകാൻ ആവശ്യമായ തെളിവുകളില്ലെന്നുമായിരുന്നു പോലീസിന്റെ നിഗമനം. ഈ റിപ്പോർട്ട് എസിപിക്ക് കൈമാറുകയും ചെയ്തിരുന്നു.

പോലീസിൽ നിന്ന് നീതി ലഭിക്കില്ലെന്ന് കണ്ടതോടെയാണ് അൻസിബ ഹസൻ കോടതിയെ സമീപിച്ചതും, ഇപ്പോൾ കേസിൽ അനുകൂലമായ ഉത്തരവ് സമ്പാദിച്ചതും.

സിനിമാ സംഘടനയ്ക്കുള്ളിലെയും താരങ്ങൾക്കിടയിലെയും ചേരിപ്പോരുകൾ വീണ്ടും ചർച്ചയാകുന്ന ഈ സാഹചര്യത്തിൽ, കോടതി ഉത്തരവോടെ ടിനി ടോമിനെതിരെയുള്ള കേസ് വരും ദിവസങ്ങളിൽ കൂടുതൽ ശക്തമാകുമെന്നാണ് സൂചന.

വിഷ്ണു വിശാൽ, ഐശ്വര്യ ലക്ഷ്മി എന്നിവരെ പ്രധാന കഥാപാത്രങ്ങളാക്കി ചെല്ല അയ്യാവു സംവിധാനം ചെയ്ത സ്പോർസ് ഡ്രാമ ചിത്രം ‘ഗാട്ട കുസ്തി 2’ സെൻസറിങ് പൂർത്തിയായി. ക്ലീൻ U സർട്ടിഫിക്കറ്റ് ആണ് ചിത്രത്തിന് ലഭിച്ചിരിക്കുന്നത്. ജൂലൈ 3 ന് ചിത്രം ആഗോള റിലീസായി തിയേറ്ററുകളിലെത്തും. ചിത്രം കേരളത്തിലെ തീയേറ്ററുകളിൽ എത്തിക്കുന്നത് E4 എൻ്റർടെയിൻമെൻ്റ് ആണ്. വേൽസ് ഫിലിം ഇന്റർനാഷ്നലും വിഷ്ണു വിശാല്‍ സ്റ്റുഡിയോസും ചേർന്നാണ് ചിത്രം നിർമ്മിക്കുന്നത്.

ചിത്രത്തിൻ്റെ ട്രെയ്‌ലർ രണ്ട് ദിവസം മുമ്പ് പുറത്ത് വരികയും വലിയ പ്രേക്ഷക പ്രതികരണം നേടുകയും ചെയ്തിരുന്നു. സൂപ്പർ ഹിറ്റായ ആദ്യ ഭാഗത്തിൻ്റെ തുടർച്ച ആയാണ് രണ്ടാം ഭാഗം കഥ പറയുന്നതെന്നാണ് ട്രെയ്‌ലർ സൂചിപ്പിക്കുന്നത്.
വിഷ്ണു വിശാൽ, ഐശ്വര്യ ലക്ഷ്മി എന്നിവർ അവതരിപ്പിക്കുന്ന വീര, കീർത്തി, അവരുടെ മകൾ എന്നിവരടങ്ങുന്ന കുടുംബത്തിൽ ഉണ്ടാകുന്ന രസകരമായ സംഭവ വികാസങ്ങളാണ് ചിത്രത്തിലൂടെ അവതരിപ്പിക്കുന്നത്. സ്പോർട്സ്, ആക്ഷൻ, കോമഡി, ഫാമിലി ഡ്രാമ, ഇമോഷൻ എന്നിവയെല്ലാം കോർത്തിണക്കിയാണ് ചിത്രം കഥ പറയുന്നതെന്നും ട്രെയ്‌ലർ കാണിച്ചു തരുന്നുണ്ട്. പക്കാ ഫാമിലി എൻ്റർടെയ്നർ ആണ് ചിത്രമെന്നും ടീസർ, ട്രെയ്‌ലർ, ഗാനങ്ങൾ എന്നിവ വ്യക്തമാക്കുന്നു.

ചിത്രത്തിലെ ഗാനങ്ങൾ എല്ലാം തന്നെ സൂപ്പർ ഹിറ്റുകളായിട്ടുണ്ട്. രമ്യ കൃഷ്ണൻ, മോക്ഷ, കരുണാസ്, കാളി വെങ്കട്, യോഗി ബാബു, കരുണാകരൻ, മുനിസ്കാന്ത്, സാറ എന്നിവരാണ് ചിത്രത്തിലെ മറ്റ് പ്രധാന താരങ്ങൾ.

നിർമ്മാണം: ഡോക്ടർ ഇഷാരി കെ ഗണേഷ്, വിഷ്ണു വിശാൽ, കോ പ്രൊഡ്യൂസേഴ്സ് : ശുഭ്ര, ആര്യൻ രമേശ്, ഇഷാൻ സക്സേന, ഛായാഗ്രഹണം: കെ.എം. ഭാസ്കരൻ, സംഗീതം: ഷോൺ റോൾഡൻ , എഡിറ്റർ: ഭരത് വിക്രമൻ, ആർട്ട് ഡയറക്ടർ: ജയചന്ദ്രൻ, കോസ്റ്റ്യൂം ഡിസൈനർ: രുചി മുനൊത്ത്, സബ്ടൈറ്റിൽ: സാജിദ് അലി, പബ്ലിസിറ്റി ഡിസൈനർ : വിയാക്കി, മാർക്കറ്റിംഗ് ആൻഡ് പ്രൊമോഷൻ : സിദ്ധാർഥ് ശ്രീനിവാസ്, പ്രൊഡക്ഷൻ എക്സിക്യൂട്ടീവ് : ബി ജയ് ഗണേഷ്, എ ആർ ചന്ദ്രമോഹൻ, എക്സിക്യൂട്ടീവ് പ്രൊഡ്യൂസർ: സീതാറാം, ക്രിയേറ്റീവ് പ്രൊഡ്യൂസർ : ശ്രാവന്തി സായ്‌നാഥ്, പിആർഒ : ശബരി

മലയാള സിനിമയിലെ എക്കാലത്തെയും മികച്ച കോമഡി രംഗങ്ങൾ റീക്രിയേറ്റ് ചെയ്ത് സോഷ്യൽ മീഡിയയിൽ കൈയടി നേടുന്ന ബോളിവുഡ് താരം വിദ്യ ബാലൻ വീണ്ടുമൊരു കിടിലൻ ഇൻസ്റ്റാഗ്രാം റീലുമായി എത്തിയിരിക്കുകയാണ്. മലയാളി പ്രേക്ഷകരുടെ പ്രിയപ്പെട്ട ചിത്രം ‘അച്ചുവിന്റെ അമ്മ’യിൽ നടി ഉർവശി തകർത്തഭിനയിച്ച “ടേക്ക് സം വെണ്ടയ്ക്ക, കട്ട് കട്ട് കട്ട്…” എന്ന് തുടങ്ങുന്ന ഐക്കോണിക് പാചക രംഗമാണ് വിദ്യ ഇത്തവണ അനുകരിച്ചിരിക്കുന്നത്.

തന്റെ പ്രിയപ്പെട്ട നടിയോടുള്ള സ്നേഹം പങ്കുവെച്ചുകൊണ്ട് വിദ്യ ബാലൻ ഇൻസ്റ്റാഗ്രാമിൽ കുറിച്ച ക്യാപ്ഷനും ശ്രദ്ധേയമാണ്: “എനിക്ക് ഏറെ പ്രിയപ്പെട്ട അഭിനേത്രിയായ ഉർവശി ചേച്ചിയുടെ ഒരു രംഗം. ചേച്ചി എന്നോട് ക്ഷമിക്കണം.”

ചിത്രത്തിൽ മകളായ മീരാ ജാസ്മിനോട് ഉർവശിയുടെ കഥാപാത്രം ഇംഗ്ലീഷും മലയാളവും കലർത്തി സംസാരിക്കുന്ന ഈ കോമഡി രംഗം അതിന്റെ എല്ലാ ഭാവങ്ങളോടും കൂടിയാണ് വിദ്യ അവതരിപ്പിച്ചത്. കൃത്യമായ ലിപ് സിങ്കും വിദ്യയുടെ മുഖഭാവങ്ങളും കൂടിയായപ്പോൾ വീഡിയോ നിമിഷനേരം കൊണ്ട് സോഷ്യൽ മീഡിയയിൽ തരംഗമായി മാറി.

മലയാളത്തിൽ നിന്നും നിരവധി പ്രമുഖരാണ് വീഡിയോയ്ക്ക് താഴെ കമന്റുകളുമായി എത്തിയിരിക്കുന്നത്. സംവിധായിക അഞ്ജലി മേനോൻ “നിങ്ങൾ രണ്ടുപേരും ഒന്നിച്ച് ഒരു സിനിമയിൽ അഭിനയിക്കണം” എന്ന് കമന്റ് ചെയ്തപ്പോൾ, ആരാധകരും അത് ഏറ്റെടുത്തു. ഒരു ഫ്രെയിമിൽ രണ്ട് ഒറിജിനൽ ഗ്യാങ്സ്റ്ററുകൾ (OG) ഒത്തുചേർന്ന സുഖമാണ് വീഡിയോ നൽകുന്നതെന്നാണ് ആരാധകരുടെ പക്ഷം—ഒരാൾ ശബ്ദം കൊണ്ടും മറ്റൊരാൾ അഭിനയം കൊണ്ടും.

ഇതിനു മുൻപും വിദ്യ ബാലൻ മലയാളത്തിലെ ഹിറ്റ് കോമഡി സീനുകൾ റീക്രിയേറ്റ് ചെയ്തിട്ടുണ്ട്. ‘പഞ്ചാബി ഹൗസ്’ സിനിമയിൽ ഹരിശ്രീ അശോകൻ അവതരിപ്പിച്ച “ചപ്പാത്തി വേണ്ട, ചോറ് മതി” എന്ന രംഗം വിദ്യ ചെയ്തതും വലിയ രീതിയിൽ വൈറലായിരുന്നു.

Vidya Balan Recreates Urvashi’s Iconic ‘Take Some Vendakka’ Cooking Scene

തിരു വീർ – ഐശ്വര്യ രാജേഷ് ചിത്രം “ഓ സുകുമാരി” യിലെ വെഡിങ് ആന്തം പുറത്ത്. യാദിയുടെ കല്യാണത്തിൽ എന്ന വരികളോടെ ആരംഭിക്കുന്ന ഗാനത്തിന്റെ ലിറിക് വീഡിയോ ആണ് റിലീസ് ചെയ്തിരിക്കുന്നത്. രാജ് പെരിയാർ വരികൾ രചിച്ച ഗാനം ആലപിച്ചത് യദുകൃഷ്ണൻ ആണ്. ഭരത് മഞ്ജിരാജു ആണ് ഈ ഗാനത്തിന്സംഗീതം പകർന്നിരിക്കുന്നത്. ചിത്രം രചിച്ചു സംവിധാനം ചെയ്തിരിക്കുന്നത് നവാഗതനായ ഭരത് ദർശൻ ആണ്. ചിത്രം നിർമ്മിക്കുന്നത് ഗംഗ എന്റർടൈൻമെന്റ്‌സിന്റെ ബാനറിൽ മഹേശ്വര റെഡ്ഡി മൂലി. ഗംഗ എന്റർടൈൻമെന്റ്‌സ് നിർമ്മിക്കുന്ന രണ്ടാമത്തെ ചിത്രമാണ് “ഓ സുകുമാരി”.

അടുത്തിടെ ചിത്രത്തിലെ ഓ സുകുമാരി എന്ന ടൈറ്റിൽ ഗാനം റിലീസ് ചെയ്യുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ഇപ്പോൾ പുറത്തു വന്നിരിക്കുന്ന ഈ യാദിയുടെ കല്യാണത്തിൽ എന്ന വെഡിങ് ആന്തം ഒരു കല്യാണ ആഘോഷത്തിന്റെ പശ്‌ചാത്തലത്തിലാണ്‌ ഒരുക്കിയിരിക്കുന്നതെന്ന് ലിറിക്കൽ വീഡിയോ സൂചിപ്പിക്കുന്നു. തിരുവീർ അവതരിപ്പിക്കുന്ന യാദഗിരി എന്ന നായകന്റെയും ഐശ്വര്യ രാജേഷ് അവതരിപ്പിക്കുന്ന ദാമിനി എന്ന കഥാപാത്രത്തിന്റെയും കല്യാണവുമായി ബന്ധപ്പെട്ടാണ് ഈ ഗാനം ഒരുക്കിയിരിക്കുന്നത്. ഗാനത്തിന്റെ മേക്കിങ് ദൃശ്യങ്ങളും ലിറിക്കൽ വീഡിയോയുടെ ഭാഗമാണ്.

ചിത്രത്തിൻ്റെ ടീസർ അടുത്തിടെ പുറത്ത് വരികയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ബ്ലോക്ക്ബസ്റ്റർ ഹിറ്റായ “പ്രീ വെഡ്ഡിംഗ് ഷോ”ക്ക് ശേഷം യുവതാരം തിരു വീർ നായകനാകുന്ന ചിത്രമാണിത്. കോമഡി, പ്രണയം, ഫാൻ്റസി എന്നിവ കോർത്തിണക്കിയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ടീസർ നൽകിയത്. പക്കാ എൻ്റർടെയ്നർ ആയാണ് ചിത്രം എത്തുന്നതെന്ന് ടീസറും ഗാനങ്ങളും കാണിച്ചു തരുന്നുണ്ട്.

ഗ്രാമീണ പശ്‌ചാത്തലത്തിൽ കഥ പറയുന്ന ഒരു റൊമാന്റിക് കോമഡി ആയാണ് ഈ ചിത്രം ഒരുക്കിയിരിക്കുന്നത്. അല്പം ഫാന്റസി ഘടകങ്ങളും ചിത്രത്തിലുണ്ടെന്നും ടീസർ സൂചിപ്പിച്ചിരുന്നു. സൂപ്പർ ഹിറ്റായ സംക്രാന്തികി വാസ്തുനത്തിന് ശേഷം ഐശ്വര്യ രാജേഷ് തെലുങ്കിൽ നായികയായി എത്തുന്ന ചിത്രം കൂടിയാണിത്. പ്രേക്ഷക – നിരൂപക പ്രശംസ നേടിയ ശിവം ഭാജെയിലൂടെ പ്രേക്ഷകരെ ആകർഷിച്ച ഗംഗ എന്റർടൈൻമെന്റ്‌സ്, “ഓ സുകുമാരി”യിലൂടെ ഒരു രസകരമായ കഥ കൂടി പ്രേക്ഷകരുടെ മുന്നിൽ എത്തിക്കുകയാണ്. സംവിധായകൻ ഭരത് ദർശൻ തന്നെയാണ് ചിത്രം രചിച്ചതും. മുരളിധർ ഗൌഡ്, വിഷ്ണു ഓയി (മാഡ് ഫെയിം) ഝാൻസി, അമാനി, ആനന്ദ്കോട്ട ജയറാം എന്നിവരാണ് ചിത്രത്തിലെ മറ്റു താരങ്ങൾ. തെലുങ്ക്, കന്നഡ, തമിഴ്, മലയാളം, ഹിന്ദി ഭാഷകളിൽ ചിത്രം റിലീസ് ചെയ്യും.

നിർമ്മാതാവ്: മഹേശ്വര റെഡ്ഡി മൂലി, രചന, സംവിധാനം: ഭരത് ദർശൻ, ഛായാഗ്രഹണം: സിഎച്ച് കുശേന്ദർ, സംഗീത സംവിധായകൻ: ഭരത് മഞ്ചിരാജു, കലാസംവിധാനം: തിരുമല എം തിരുപ്പതി, എഡിറ്റർ: ശ്രീ വരപ്രസാദ്, കോസ്റ്റ്യൂം ഡിസൈനർ: അനു റെഡ്ഡി അക്കാട്ടി, ഗാനരചന: പൂർണാചാരി, ആക്ഷൻ – വിംഗ് ചുൻ അഞ്ചി, നൃത്തസംവിധാനം – ജെ ഡി മാസ്റ്റർ, മാർക്കറ്റിംഗ്: ഹാഷ്ടാഗ് മീഡിയ, പിആർഒ : ശബരി

പാലക്കാട്: ജില്ലയിലെ ഏറ്റവും വലിയ ഇൻഡോർ വിനോദ കേന്ദ്രമായ ‘ലുലു ഫൺട്യൂറ’ പാലക്കാട് ലുലു മാളിൽ പ്രവർത്തനമാരംഭിച്ചു. 12,000 ചതുരശ്ര അടിയിൽ ലോകോത്തര നിലവാരത്തോടെ ഒരുക്കിയിരിക്കുന്ന പാർക്കിന്റെ ഉദ്ഘാടന ചടങ്ങ് വേറിട്ടൊരു അനുഭവമായി. കണ്ണാടി സി.ജെ.ബി സ്കൂളിലെ വിദ്യാർത്ഥികൾക്കൊപ്പമെത്തിയ എം.എൽ.എയും സിനിമാ താരവുമായ രമേഷ് പിഷാരടിയാണ് ഫൺട്യൂറയുടെ ഉദ്ഘാടനം നിർവഹിച്ചത്.

ഉദ്ഘാടനത്തിന് ശേഷം പാർക്കിലെ വിവിധ കളിയിടങ്ങൾ സന്ദർശിച്ച എം.എൽ.എ, കുട്ടികൾക്കൊപ്പം ബമ്പർ കാർ റൈഡിൽ പങ്കുചേർന്ന് പൂർണ്ണമായും ഒരു കുട്ടിയായി മാറി. തെരഞ്ഞെടുപ്പിൽ രമേഷ് പിഷാരടിയുടെ എതിർ സ്ഥാനാർത്ഥിയായി മത്സരിച്ച ഇടതുപക്ഷ സ്ഥാനാർത്ഥിയും വ്യവസായിയുമായ എൻ.എം.ആർ. റസാക്കും ബമ്പർ കാറോടിക്കാൻ ഒപ്പം കൂടിയത് ചടങ്ങിലെ കൗതുകക്കാഴ്ചയായി. രാഷ്ട്രീയ ഗോദയിലെ എതിരാളികൾ കളിമുറ്റത്ത് ഒരേ വേഗതയിൽ കാറോടിച്ചത് കാണികളിലും ചിരി പടർത്തി.

40-ലധികം റൈഡുകളുമായി വിനോദ വിരുന്ന് കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ കഴിയുന്ന നാൽപ്പതിലധികം വിനോദങ്ങളാണ് നവീകരിച്ച ഫൺട്യൂറയിൽ സജ്ജീകരിച്ചിരിക്കുന്നത്.

വീഡിയോ ഗെയിമുകൾ, വെർച്വൽ റിയാലിറ്റി (VR) സോണുകൾ, സോഫ്റ്റ് പ്ലേ ഏരിയ.

പ്രത്യേക റൈഡുകൾ:

മിനി തഗഡ, ബമ്പർ കാർ, ക്രേസി കാർ, ചോപ്പർ ട്രെയിൻ തുടങ്ങിയവ.
കാർണിവൽ തീമിൽ, അതീവ സുരക്ഷിതത്വത്തോടെ ഒരുക്കിയിരിക്കുന്ന ഫൺട്യൂറ ഇനി പാലക്കാട്ടുകാരുടെ പ്രിയപ്പെട്ട വിനോദ കേന്ദ്രമായി മാറും. കുടുംബസമേതം ഷോപ്പിങ്ങിനെത്തുന്നവർക്ക് മികച്ചൊരു വിനോദാനുഭവം കൂടിയാണ് ലുലു ഇതിലൂടെ സമ്മാനിക്കുന്നത്.
ചടങ്ങിൽ കണ്ണാടി ഗ്രാമപഞ്ചായത്ത് പ്രസിഡന്റ് എ. രാകേഷ് 12 ആം വാർഡ് മെമ്പർ ഐ. സുധീർ, ലുലു കൊച്ചി റീജണൽ ഡയറക്ടർ സുധീഷ് ചെരിയിൽ, ഫൺട്യൂറ ജനറൽ മാനേജർ അംബികാപതി, ലുലു മീഡിയ ഹെഡ് എൻ.ബി. സ്വരാജ്, പാലക്കാട് ലുലു ഹൈപ്പർമാർക്കറ്റ് ജനറൽ മാനേജർ ആർ. രാജീവ്, മാൾ മാനേജർ നാരായണൻ പട്ടേരി, ബിൽടെക് ഗ്രൂപ്പ് ഉടമ ബിൽടെക് രാജൻ തുടങ്ങിയവർ പങ്കെടുത്തു.

തനിക്കും കുടുംബത്തിനുമെതിരെ സോഷ്യൽ മീഡിയയിൽ ഉയർന്ന വലിയ വിമർശനങ്ങൾക്ക് മറുപടിയുമായി നടി അഹാന കൃഷ്ണ രംഗത്ത്. സിന്ധു കൃഷ്ണയുടെ സഹോദരിയുടെ മകൾ തൻവി കഴിഞ്ഞ ദിവസം യൂട്യൂബിൽ പങ്കുവെച്ച വീഡിയോയെ തുടർന്നാണ് വിവാദങ്ങൾക്ക് തുടക്കമായത്. ഭർത്താവിന്റെ മരണശേഷം താൻ തീർത്തും ഒറ്റപ്പെട്ടുവെന്ന് അഹാനയുടെ അമ്മൂമ്മ പറയുന്നതും, അവരെ നോക്കാൻ കാനഡയിലെ ജോലി രാജിവെച്ച് താൻ നാട്ടിലെത്തിയെന്ന് തൻവി പറയുന്നതുമായിരുന്നു വീഡിയോ.

എന്നാൽ ഈ ആരോപണങ്ങൾക്ക് പിന്നിലെ യഥാർത്ഥ വശം വ്യക്തമാക്കിയിരിക്കുകയാണ് അഹാന. അമ്മൂമ്മ എപ്പോഴും ഒരു പ്രശ്നക്കാരിയായിരുന്നുവെന്നും ഒരുമിച്ചു പോകാൻ ശരിക്കും ബുദ്ധിമുട്ടായിരുന്നുവെന്നും അഹാന പറയുന്നു. പ്രായമായ ആളല്ലേ എന്ന് കരുതി പലതും ക്ഷമിച്ചെങ്കിലും, ഒടുവിൽ വ്യക്തിഹത്യ പോലും ചെയ്യുന്ന രീതിയിൽ ഒരിക്കലും പൊറുക്കാൻ പറ്റാത്ത കാര്യങ്ങൾ അമ്മൂമ്മ വിളിച്ചു പറഞ്ഞു. അപ്പൂപ്പന്റെ മരണത്തിന് മുൻപ് തന്നെ ഇതിന്റെ പേരിൽ അമ്മൂമ്മയുമായുള്ള ബന്ധം അവസാനിപ്പിച്ചതാണെന്നും താരം വെളിപ്പെടുത്തി.

അപ്പൂപ്പനെ നോക്കാൻ വന്ന 15-ഓളം ഹോം നഴ്സുമാർ അമ്മൂമ്മയുടെ സ്വഭാവം കാരണം ജോലി ഉപേക്ഷിച്ചു പോയ കാര്യവും അഹാന ചൂണ്ടിക്കാട്ടി. അപ്പൂപ്പന്റെ മൂക്കിൽ നിന്ന് ചോര വന്നിട്ടും ഹോം നഴ്സിനെ വീട്ടിൽ കയറ്റാതെ അമ്മൂമ്മ പ്രശ്നമുണ്ടാക്കിയതാണ് ഒടുവിൽ വലിയ അടിയാകാൻ കാരണം. അന്ന് തനിക്കെതിരെ അമ്മൂമ്മ പറഞ്ഞ മോശം വോയ്സ് നോട്ട് ഫാമിലി ഗ്രൂപ്പിലിട്ടപ്പോൾ തന്നെ പിന്തുണച്ച ആളാണ് തൻവി. കുടുംബത്തിനുള്ളിലെ കാര്യങ്ങൾ സോഷ്യൽ മീഡിയയിൽ വ്ലോഗിനുള്ള കോണ്ടന്റ് ആക്കി മാറ്റിയത് വളരെ മോശമായിപ്പോയെന്നും അഹാന കൂട്ടിച്ചേർത്തു.

Ahana Krishna strongly reacts to family controversy

നടി ഹണി റോസിനെതിരെ താൻ നടത്തിയ പ്രസ്താവനകളിൽ ഔദ്യോഗിക ഫേസ്ബുക്ക് പേജിലൂടെ പരസ്യമായി ഖേദം പ്രകടിപ്പിച്ച് വ്യവസായി ബോബി ചെമ്മണ്ണൂർ രംഗത്ത് . സോഷ്യൽ മീഡിയയിൽ പങ്കുവെച്ച കുറിപ്പിലൂടെയാണ് അദ്ദേഹം തന്റെ മാപ്പപേക്ഷ അറിയിച്ചത്

• പരാമർശം മാനസികമായി വേദനിപ്പിച്ചു: തന്റെ പ്രസ്താവനകൾ നടി ഹണി റോസിനും അവരുടെ കുടുംബത്തിനും വലിയ രീതിയിൽ മാനസിക വിഷമമുണ്ടാക്കിയതായി ബോബി ചെമ്മണ്ണൂർ സമ്മതിക്കുന്നു .
• പൂർണ്ണ ഉത്തരവാദിത്തം ഏറ്റെടുക്കുന്നു: താൻ കാരണം ഉണ്ടായ ബുദ്ധിമുട്ടുകൾക്ക് ആത്മാർത്ഥമായി ക്ഷമ ചോദിക്കുന്നതായും തന്റെ വാക്കുകളുടെ പൂർണ്ണ ഉത്തരവാദിത്തം ഏറ്റെടുക്കുന്നതായും അദ്ദേഹം വ്യക്തമാക്കി .
• കേസ് പിൻവലിക്കുമെന്ന് പ്രതീക്ഷ: ആരെയും വേദനിപ്പിക്കാൻ താൻ ബോധപൂർവ്വം ശ്രമിച്ചിട്ടില്ലെന്നും, ഈ ക്ഷമാപണം സ്വീകരിച്ച് തനിക്കെതിരെയുള്ള നിയമനടപടികളുമായി നടി മുന്നോട്ട് പോകില്ലെന്നും (കേസ് പിൻവലിക്കുമെന്നും) പ്രതീക്ഷിക്കുന്നതായി അദ്ദേഹം കുറിപ്പിൽ പറയുന്നു

സോഷ്യൽ മീഡിയയിൽ തമാശ രൂപേണയുള്ള കാര്യങ്ങളാണ് താൻ പങ്കുവെക്കാറുള്ളതെന്നും ആരെയും അപമാനിക്കാൻ ഉദ്ദേശിച്ചിട്ടില്ലെന്നും അദ്ദേഹം കൂട്ടിച്ചേർത്തു . അബദ്ധം മനസ്സിലാക്കി ക്ഷമ ചോദിച്ച ബോബി ചെമ്മണ്ണൂരിന്റെ നടപടിയെ സ്വാഗതം ചെയ്ത് നിരവധി ആരാധകരും പോസ്റ്റിന് താഴെ കമന്റുകളുമായി രംഗത്തെത്തുന്നുണ്ട്

ഫേസ്ബുക്ക് കുറിപ്പ്

എന്റെ പ്രിയപ്പെട്ട സുഹൃത്തുക്കളെ,

യഥാർത്ഥത്തിൽ, എല്ലാവരോടും ദയയോടും ബഹുമാനത്തോടും സ്നേഹത്തോടും പരിഗണനയോടും കൂടി പെരുമാറുന്ന ഒരു വ്യക്തിയാണ് ഞാൻ. ഞാൻ ഒരിക്കലും മനപ്പൂർവ്വം ആരെയും ഉപദ്രവിക്കുകയോ മോശമായി പെരുമാറുകയോ ചെയ്തിട്ടില്ല, സാധ്യമാകുമ്പോഴെല്ലാം മറ്റുള്ളവരെ സഹായിക്കാൻ എപ്പോഴും ശ്രമിക്കാറുമുണ്ട്. ഞാൻ ഇടയ്ക്കിടെ സോഷ്യൽ മീഡിയയിൽ തമാശകളും രസകരമായ ഉള്ളടക്കങ്ങളും പങ്കുവെക്കാറുണ്ട്, എന്നാൽ അത് ഒരിക്കലും ആരെയും അപമാനിക്കാനോ വേദനിപ്പിക്കാനോ അല്ലെങ്കിൽ ആർക്കെങ്കിലും വിഷമം ഉണ്ടാക്കാനോ ഉള്ള ഉദ്ദേശത്തോടെ ചെയ്യുന്നതല്ല.

എന്നാൽ, ഹണി റോസിനെക്കുറിച്ച് ഞാൻ നടത്തിയ പ്രസ്താവനകൾ അവർക്കും അവരുടെ കുടുംബത്തിനും വലിയ രീതിയിൽ വിഷമമുണ്ടാക്കിയതായി ഞാൻ മനസ്സിലാക്കുന്നു. ഞാൻ കാരണമുണ്ടായ ആ ബുദ്ധിമുട്ടുകൾക്ക് ഞാൻ ആത്മാർത്ഥമായി ക്ഷമ ചോദിക്കുന്നു. എന്റെ വാക്കുകളുടെയും അവ ഉണ്ടാക്കിയ ആഘാതത്തിന്റെയും പൂർണ്ണ ഉത്തരവാദിത്തം ഞാൻ ഏറ്റെടുക്കുന്നു. ആർക്കും ഒരു തരത്തിലുള്ള വേദനയും ഉണ്ടാക്കാൻ എനിക്ക് ഉദ്ദേശമില്ല, ഈ ആത്മാർത്ഥമായ ക്ഷമാപണം മുൻനിർത്തി അവർ കേസ് പിൻവലിക്കുന്ന നടപടികളുമായി മുന്നോട്ട് പോകുമെന്ന് ഞാൻ പ്രതീക്ഷിക്കുന്നു. ഈ വിഷയം ഈയൊരു രീതിയിൽ പരിഗണിക്കണമെന്ന് ഞാൻ അഭ്യർത്ഥിക്കുന്നു, കൂടാതെ നല്ല രീതിയിൽ മുന്നോട്ട് പോകാൻ ഞാൻ ആഗ്രഹിക്കുന്നു.

മലയാളികളുടെ പ്രിയനടി റെബ മോണിക്ക ജോൺ അമ്മയാകാൻ ഒരുങ്ങുന്ന വാർത്ത ഏറെ സന്തോഷത്തോടെയാണ് സിനിമാലോകവും ആരാധകരും ഏറ്റെടുത്തത്. ഇപ്പോഴിതാ തന്റെ ജീവിതത്തിലെ ഏറ്റവും മനോഹരമായ നിമിഷങ്ങളിൽ നിന്നുള്ള പുതിയ ചിത്രങ്ങൾ പങ്കുവെച്ചിരിക്കുകയാണ് താരം. വളരെ വ്യത്യസ്തമായ ഒരു ‘കോഫി’ പ്രമേയമാക്കിയുള്ള (Coffee-themed) ബേബി ഷവർ ചടങ്ങുകളുടെ ചിത്രങ്ങളാണ് റെബ സോഷ്യൽ മീഡിയയിൽ പോസ്റ്റ് ചെയ്തത്.

“ഞങ്ങളുടെ കുഞ്ഞ് ജനിക്കാൻ ഒരുങ്ങുകയാണ്. നിങ്ങൾക്കെല്ലാവർക്കും അറിയാവുന്നത് പോലെ കോഫി ഞങ്ങളുടെ ജീവിതത്തിന്റെ ഒരു പ്രധാന ഭാഗമാണ്. അതുകൊണ്ട് തന്നെ കോഫി തീമിലുള്ള ഒരു ബേബി ഷവറിനേക്കാൾ മികച്ചതായി മറ്റെന്താണുള്ളത്! ഈ സായാഹ്നം ഇത്രയും അവിസ്മരണീയമാക്കാൻ ഞങ്ങളോടൊപ്പം ചേർന്ന സുഹൃത്തുക്കൾക്കും കുടുംബാംഗങ്ങൾക്കും ഹൃദയം നിറഞ്ഞ നന്ദി,” ചിത്രങ്ങൾ പങ്കുവെച്ചുകൊണ്ട് റെബ കുറിച്ചു.

തവിട്ടുനിറത്തിലുള്ള (Coffee brown) മനോഹരമായ ഗൗൺ ധരിച്ച് അതീവ സുന്ദരിയായാണ് റെബ ചിത്രങ്ങളിൽ പ്രത്യക്ഷപ്പെടുന്നത്. ഭർത്താവ് ജോമോൻ ജോസഫിനും സുഹൃത്തുക്കൾക്കുമൊപ്പമുള്ള ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലായിക്കഴിഞ്ഞു. പേളി മാണി, ഗൗരി കിഷൻ, ദിവ്യ പിള്ള തുടങ്ങിയ സഹപ്രവർത്തകരും ആരാധകരും താരത്തിന് ആശംസകളുമായി എത്തിയിട്ടുണ്ട്. നീണ്ട നാളത്തെ പ്രണയത്തിനൊടുവിൽ 2022-ൽ ആയിരുന്നു റെബയുടെയും ജോമോന്റെയും വിവാഹം.

View this post on Instagram

A post shared by JOE (@joemonjoseph)

Reba Monica John Shares Glimpses of Her Coffee-Themed Baby Shower