By admin 
പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയുടെ ഹൃദയസ്പർശിയായ അനുഭവങ്ങൾ പങ്കുവെച്ച് നടൻ കൃഷ്ണകുമാറിന്റെ ഭാര്യയും ഇൻഫ്ലുവൻസറുമായ സിന്ധു കൃഷ്ണ. തന്റെ ജീവിതത്തിലെ ഏറ്റവും അവിസ്മരണീയമായ ദിവസങ്ങളിൽ ഒന്നായിരുന്നു ഇതെന്നും, ഒരു വലിയ ആഗ്രഹം സഫലമായ സന്തോഷത്തിലാണെന്നും സിന്ധു സോഷ്യൽ മീഡിയയിൽ കുറിച്ചു.
പ്രധാനമന്ത്രിയുടെ ഔദ്യോഗിക വസതിയിൽ വെച്ചായിരുന്നു കൂടിക്കാഴ്ച. “ഒരു ആൾക്കൂട്ടത്തിനിടയിലോ ഏതെങ്കിലും ചടങ്ങിലോ വെച്ചല്ല, മറിച്ച് വളരെ വ്യക്തിപരമായ ഒരു സാഹചര്യത്തിൽ അദ്ദേഹത്തെ കാണണമെന്നായിരുന്നു എന്റെ ആഗ്രഹം. ആ ആഗ്രഹം ഇപ്പോൾ പൂവണിഞ്ഞിരിക്കുകയാണ്,” സിന്ധു കുറിച്ചു.
പ്രധാനമന്ത്രി കാണിച്ച ലാളിത്യവും കരുതലും തന്നെ വല്ലാതെ സ്പർശിച്ചുവെന്നും സിന്ധു പറയുന്നു. തങ്ങളെ ഏവരും അറിയുന്ന ഒരു അടുത്ത ബന്ധുവിന്റെ വീട്ടിൽ പോയതുപോലെയുള്ള കംഫർട്ട് ആണ് അവിടെ അനുഭവപ്പെട്ടത്. ഒരു കുടുംബാംഗത്തെപ്പോലെയാണ് അദ്ദേഹം സംസാരിച്ചത്. ഇത്രയും ചരിത്രപ്രധാനമായ ഒരു സ്ഥലത്ത് വെച്ച് അദ്ദേഹത്തെ കാണാൻ കഴിഞ്ഞത് എന്നും ഓർമ്മിക്കപ്പെടുമെന്നും അവർ കൂട്ടിച്ചേർത്തു.
തന്റെ ഈ വലിയ സ്വപ്നം യാഥാർത്ഥ്യമാക്കിയതിന് ഭർത്താവ് കൃഷ്ണകുമാറിന് സിന്ധു ഹൃദയപൂർവ്വം നന്ദി പറഞ്ഞു. പ്രധാനമന്ത്രിയെ കാണുകയാണെങ്കിൽ അത് വ്യക്തിപരമായ ഒരു കൂടിക്കാഴ്ചയായിരിക്കണം എന്ന് താൻ എപ്പോഴും ഭർത്താവിനോട് പറയാറുണ്ടായിരുന്നുവെന്നും സിന്ധു കൃഷ്ണ കുറിച്ചു. കൃഷ്ണകുമാറിനും മക്കൾക്കുമൊപ്പമാണ് സിന്ധു പ്രധാനമന്ത്രിയെ കാണാനെത്തിയത്.
krishnakumar wife sindhu krishna about pm modi