വലിയ അവകാശവാദങ്ങളോ ആർഭാടപൂർവമായ പ്രമോഷനുകളോ ഇല്ലാതെ തിയറ്ററുകളിലെത്തി പ്രേക്ഷകരെ അമ്പരപ്പിച്ച് ഹിറ്റ് അടിച്ച പ്രകമ്പനം’ ZEE5-ൽ സ്ട്രീമിങ് ആരംഭിച്ചു.വിജേഷ് പാനത്തൂർ സംവിധാനം ചെയ്ത് ശ്രീഹരി വടക്കൻ തിരക്കഥ രചിച്ച ഈ ചിത്രം നവരസ ഫിലിംസിന്റെ ബാനറിൽ ശ്രീജിത്ത് കെ.എസ്., കാർത്തികേയൻ എസ്., സുധീഷ് എൻ. എന്നിവർ ചേർന്നാണ് നിർമ്മിച്ചിരിക്കുന്നത്.സ്റ്റോൺ ബെഞ്ച് സ്റ്റുഡിയോസുമായി ചേർന്നാണ് ഇതിന്റെ നിർമ്മാണം.
ഗണപതി, സാഗർ സൂര്യ, അൽ അമീൻ എന്നിവർ പ്രധാന വേഷങ്ങളിലെത്തുന്ന ചിത്രത്തിൽ മല്ലിക സുകുമാരൻ, അസീസ് നെടുമങ്ങാട്, രാജേഷ് മാധവൻ,പി.പി. കുഞ്ഞിക്കൃഷ്ണൻ, കലാഭവൻ നവാസ്, പ്രശാന്ത് അലക്സാണ്ടർ, ശീതൾ ജോസഫ് എന്നിവരും ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു.
കൊച്ചിയിലെ ഒരു ഹോസ്റ്റലിൽ താമസിക്കുന്ന മൂന്ന് കോളേജ് സുഹൃത്തുക്കളുടെ കഥയാണ് ചിത്രം പറയുന്നത്.അവരുടെ രസകരമായ വിദ്യാർത്ഥി ജീവിതവും കുസൃതികളും തമാശകളും നിറഞ്ഞ ജീവിതത്തിൽ അപ്രതീക്ഷിതമായി ഒരു ട്വിസ്റ്റ് സംഭവിക്കുന്നു.
ഹൊററും കോമഡിയും സമാസമം ചേർത്ത് തയ്യാറാക്കിയ ആഘോഷചിത്രമാണ് പ്രകമ്പനം.
സാധാരണ ഒരു ഹൊറർ ചിത്രമെന്ന് കേട്ടാൽ മനസിലേക്ക് വരുന്നത് ഭയം നിറഞ്ഞ രംഗങ്ങളായിരിക്കും. അതിനിടയിൽ തമാശയോ, മിസ്റ്ററിയോ വന്നുപോകും. എന്നാൽ പ്രകമ്പനം വ്യത്യസ്തമാകുന്നത് ഇവിടെയാണ്. പേടിപ്പിക്കുന്ന പ്രേതമല്ല ഇവിടെ. പ്രേതസാന്നിധ്യം അനുഭവിക്കുന്ന കഥാപാത്രങ്ങളുടെ ഭയമാണ് സിനിമയിൽ ചിരി വീഴാൻ കാരണമാകുന്നത്.
ഹൊററും ഹ്യൂമറും ഒരുമിച്ച് പുതിയൊരു രീതിയിൽ അവതരിപ്പിക്കുന്ന ചിത്രമാണ് ‘പ്രകമ്പനം’ എന്ന് ഗണപതി പറഞ്ഞു.ഞാൻ ഇങ്ങനെയൊരു കഥാപാത്രമായെത്തുന്നത് ഇതാദ്യമാണ്,ZEE5 വഴി കൂടുതൽ വലിയൊരു പ്രേക്ഷകരിലേക്ക് എത്താൻ പോകുന്നതിൽ വളരെ സന്തോഷമുണ്ടെന്ന് മല്ലിക സുകുമാരൻ കൂട്ടിചേർത്തു.
മനസ്സ് തുറന്ന് ചിരിക്കാനും ഒപ്പം അല്പം പേടിക്കാനും ആഗ്രഹിക്കുന്നവർക്കായി ഇതാ ‘പ്രകമ്പനം മലയാളം ZEE5-ൽ കാണാം.
