മലയാളി പ്രേക്ഷകരുടെ പ്രിയപ്പെട്ട താരകുടുംബമാണ് ജയറാമിന്റേത്. അച്ഛനും അമ്മയ്ക്കും സഹോദരൻ കാളിദാസിനും പിന്നാലെ മകൾ മാളവികയ്ക്കും സോഷ്യൽ മീഡിയയിൽ ഏറെ ആരാധകരുണ്ട്. ചക്കി എന്ന് സ്നേഹത്തോടെ വിളിക്കുന്ന മാളവികയുടെ ജന്മദിനത്തിൽ അമ്മയും നടിയുമായ പാർവതി ജയറാം പങ്കുവെച്ച ഹൃദയസ്പർശിയായ ആശംസാക്കുറിപ്പാണ് ഇപ്പോൾ സൈബർ ഇടത്തിൽ ശ്രദ്ധ നേടുന്നത്.
മകൾക്കൊപ്പമുള്ള മനോഹരമായ ചിത്രങ്ങൾക്കൊപ്പമാണ് പാർവതി തന്റെ സ്നേഹം വാക്കുകളിലൂടെ പ്രകടിപ്പിച്ചത്. മാളവിക തനിക്ക് മകൾ മാത്രമല്ല, ഉറ്റസുഹൃത്തും തന്റെ തന്നെ പ്രതിരൂപവുമാണെന്ന് പാർവതി കുറിച്ചു.
പാർവതിയുടെ കുറിപ്പിന്റെ പൂർണ്ണരൂപം ഇങ്ങനെ: “എന്റെ പ്രിയപ്പെട്ട മകൾക്ക് ജന്മദിനാശംസകൾ—എന്റെ ആത്മസുഹൃത്തിന്, എന്റെ മനസ്സാക്ഷി സൂക്ഷിപ്പുകാരിക്ക്, എന്റെ പ്രതിരൂപത്തിന്. എന്റെ ശരീരത്തിന് പുറത്ത് മിടിക്കുന്ന ഹൃദയമാണ് നീ, എന്റെ എക്കാലത്തെയും വലിയ കരുത്തും. നീ ഇന്ന് കാണുന്ന ഈ മികച്ച വ്യക്തിത്വമായി വളർന്നതിൽ എനിക്കേറെ അഭിമാനമുണ്ട്. എന്നെന്നും അവസാനിക്കാത്ത സ്നേഹം…
സിനിമയിൽ സജീവമല്ലെങ്കിലും മോഡലിംഗിലൂടെയും മറ്റും മാളവിക മലയാളികൾക്ക് സുപരിചിതയാണ്. ഈ അടുത്തിടെയായിരുന്നു ലണ്ടനിൽ ചാർട്ടേഡ് അക്കൗണ്ടന്റായ നവനീത് ഗിരീഷുമായുള്ള മാളവികയുടെ വിവാഹം കഴിഞ്ഞത്. വിവാഹശേഷമുള്ള ചക്കിയുടെ ആദ്യ ജന്മദിനത്തിൽ പാർവതി പങ്കുവെച്ച ഈ വൈകാരികമായ കുറിപ്പ് ആരാധകർ ഇതിനോടകം ഏറ്റെടുത്തുകഴിഞ്ഞു. നിരവധി പേരാണ് പോസ്റ്റിന് താഴെ മാളവികയ്ക്ക് ആശംസകളുമായി എത്തുന്നത്.
Parvathy Jayaram’s Emotional Birthday Note for Daughter Malavika
