ലെജൻഡറി മൂവീസിൻ്റെ നിർമ്മാണത്തിൽ അതീഷ് എം. നായർ സംവിധാനം ചെയ്ത ‘കാസർഗോഡ് എംബസി’ മികച്ച അഭിപ്രായങ്ങൾ കരസ്ഥമാക്കി ZEE5ൽ പ്രദർശനം തുടരുന്നു. കബീർ ദുഹാൻ സിംഗ്, സുധീഷ്, ഗോവിന്ദ് പൈ, റോണി ഡേവിഡ്, ദീപക് പറമ്പോൽ, അബു സലിം, അപർണ, അശ്വതി, ലോനെസ്റ്റിൻ, അർജുൻ, രോഹിത്, നന്ദു പൊതുവാൾ തുടങ്ങിയവർ സുപ്രധാന കഥാപാത്രങ്ങളെ അവതരിപ്പിച്ച ‘കാസർഗോഡ് എംബസി’ ഏഴ് എപ്പിസോഡുകളുള്ള ഒരു സീരിസാണ്. മിസ്റ്ററി ക്രൈം ത്രില്ലർ ജോണറിൽ വരുന്ന ഈ സീരിസ് ‘മാർച്ച് 20’നാണ് റിലീസ് ചെയ്തത്. സീരീസിന്റെ ട്രെയിലർ നടൻ മമ്മൂട്ടിയുടെ ഉടമസ്ഥതയിലുള്ള ‘മമ്മൂട്ടി കമ്പനി’യുടെ സോഷ്യൽ മീഡിയയിലൂടെയാണ് ലോഞ്ച് ചെയ്തത്.
ചന്ദു, അസി എന്നീ രണ്ട് കൗമാരക്കാരിലൂടെ ആരംഭിക്കുന്ന സീരിസിൻ്റെ കഥാ പശ്ചാത്തലം കള്ള പാസ്പോർട്ട് ഉണ്ടാക്കാൻ അവർ കണ്ടെത്തുന്ന മാർഗ്ഗവും അതിനെ തുടർന്ന് നേരിടുന്ന പ്രത്യാഘാതങ്ങളുമാണ്. ഈ ഒരു ജോണറിൽ ഒരുപാട് സിനിമകൾ ഇറങ്ങിയിട്ടുണ്ടെങ്കിലും സീരിസിൻ്റെ കഥ പറച്ചിൽ രീതി വേറിട്ട് നിക്കുന്നതാണ്.
ചന്ദുവും അസിയും റോയിച്ചന്റെ അടുത്ത് എത്തിപ്പെടുന്നതോടെയാണ് കഥയുടെ ഗതി മാറുന്നത്. ആകാംക്ഷഭരിതമായ മുഹൂർത്തങ്ങളിലൂടെയാണ് സീരിസ് സഞ്ചരിക്കുന്നത്. ഒരു വശത്ത് ചന്ദുവും അസിയും റോയിച്ചനും നെട്ടോട്ടമോടുമ്പോൾ മറു വശത്ത് ഫേക്ക് പാസ്പോട്ട് ഉണ്ടാക്കുന്നവരെ കണ്ടെത്താൻ പെടാപ്പാട് പെടുന്ന ഇൻവെസ്റ്റിഗേഷൻ ടീമിനെ കാണാം. ഓരോ ഭാഗത്തിലും പുതിയ കഥാപാത്രങ്ങളും കടന്നു വരുന്നതായ് കാണാം.
അനൂപ് പ്രകാശ് ക്രീയേറ്റീവ് ഡയറക്ടറായ സീരീസിന്റെ സംഗീത സംവിധായകൻ രതീഷ് വേഗയാണ്. ഹീരജിന്റെതാണ് തിരക്കഥ.
റേറ്റിംഗ് : 3.5/5
