അന്തരിച്ച നടൻ കൊല്ലം സുധിയുടെ ഭാര്യയും സോഷ്യൽ മീഡിയ താരവുമായ രേണു സുധിയും സുധിയുടെ മൂത്ത മകൻ കിച്ചുവും (രാഹുൽ ദാസ്) തമ്മിലുള്ള തർക്കം പുതിയ തലത്തിലേക്ക്. ഇൻസ്റ്റഗ്രാമിലെ പെയ്ഡ് സബ്‌സ്‌ക്രിപ്ഷൻ ഉള്ളടക്കങ്ങളെച്ചൊല്ലി കിച്ചു ഉന്നയിച്ച ആരോപണങ്ങൾക്ക് മറുപടിയുമായി, രോഗകിടക്കയിൽ നിന്ന് പൊട്ടിക്കരഞ്ഞുകൊണ്ടാണ് രേണു രംഗത്തെത്തിയിരിക്കുന്നത്. രേണുവിന്റെ സബ്‌സ്‌ക്രിപ്ഷൻ വിഡിയോകളുടെ ഉള്ളടക്കം മോശമാണെന്നും അത് തന്റെ അനിയന്റെ ഭാവിയെ ബാധിക്കുമെന്ന് കരുതിയാണ് താൻ അകന്നതെന്നുമുള്ള കിച്ചുവിന്റെ വെളിപ്പെടുത്തലിന് ശക്തമായ മറുപടിയാണ് രേണു നൽകിയത്.

കിച്ചു തന്റെ ചാറ്റുകൾ പുറത്തുവിട്ട സ്ഥിതിക്ക് തനിക്കും കാര്യങ്ങൾ വ്യക്തമാക്കേണ്ടതുണ്ടെന്ന് പറഞ്ഞ രേണു, സബ്‌സ്‌ക്രിപ്ഷൻ ആരംഭിച്ച സമയത്ത് കിച്ചുവുമായി നടത്തിയ വാട്സാപ്പ് ചാറ്റിന്റെ സ്ക്രീൻഷോട്ടുകളും പുറത്തുവിട്ടു. താൻ സബ്സ്‌ക്രിപ്‌ഷൻ തുടങ്ങിയ സമയത്ത് തന്നെ കിച്ചുവിനോട് പറഞ്ഞിരുന്നെന്നും കിച്ചു അന്ന് തന്നെ ‘ഗുഡ്’ എന്ന് പറഞ്ഞ് പ്രോത്സാഹിപ്പിക്കുകയും സബ്‌സ്‌ക്രിഷൻ തുകയുടെ ഒരു ഭാഗം ചോദിച്ചു വാങ്ങുകയുമാണ് ചെയ്തതെന്നും രേണു വ്യക്തമാക്കുന്നു.

തന്റെ അധ്വാനത്തിൽ നിന്നും സബ്‌സ്‌ക്രിപ്ഷനിൽ നിന്നും കിട്ടിയ പൈസയുടെ ഒരു വിഹിതം കിച്ചുവിന് നൽകിയിട്ടുണ്ടെന്നും, ഉറക്കമൊഴിഞ്ഞ് ആൽബങ്ങൾ ചെയ്തതും ഗൾഫിൽ പോയി പ്രമോഷൻ ചെയ്തതുമായ തുകയിൽ നിന്ന് വലിയൊരു പങ്ക് കിച്ചു വാങ്ങിയിട്ടുണ്ടെന്നും അതിനെല്ലാം തന്റെ കയ്യിൽ ചാറ്റ് തെളിവുകളുണ്ടെന്നും രേണു പറയുന്നു. നിന്റെ ഭാവിയെ വരെ ബാധിക്കുന്ന കാര്യങ്ങൾ അടങ്ങിയ വോയ്സ് റെക്കോർഡ് ഇന്നും തന്റെ ഫോണിലുണ്ടെന്നും രേണു വെളിപ്പെടുത്തി.

കാൻസർ മൂന്നാം സ്റ്റേജിലൂടെ കടന്നുപോകുന്ന തന്റെ അവസ്ഥ വളരെ പരിതാപകരമാണെന്നും സോഷ്യൽ മീഡിയയിലെ സൈബർ ആക്രമണങ്ങൾ തന്നെ കൂടുതൽ തളർത്തുകയാണെന്നും രേണു പറഞ്ഞു. ഒരു മാസത്തോളമായി ഐ.സി.യുവിലും മറ്റുമായി വളരെ ബുദ്ധിമുട്ടിലാണ്. ഈ സമയത്ത് മുൻപ് കുറ്റപ്പെടുത്തിയവർ പോലും വന്ന് ക്ഷമ ചോദിക്കുമ്പോഴാണ് കിച്ചു ഇത്തരം ആരോപണങ്ങളുമായി വരുന്നത്. ഇനി കിച്ചു തന്നെ വന്ന് കാണുകയോ വിളിക്കുകയോ വേണ്ടെന്നും, തന്റെ കുഞ്ഞിന് (ഋതു) വേണ്ടി തനിക്ക് എഴുന്നേറ്റ് വന്നേ പറ്റൂ എന്നും, തന്നെ ദയവുചെയ്ത് വെറുതെ വിടണമെന്നും അഭ്യർഥിച്ചുകൊണ്ടാണ് രേണു വിഡിയോ അവസാനിപ്പിക്കുന്നത്. ഇനി തന്നെക്കൊണ്ട് കൂടുതൽ പറയിക്കരുതെന്നും രേണു മുന്നറിയിപ്പ് നൽകി.

View this post on Instagram

A post shared by Reshma P Thankachen (@renu_sudhi)

Renu Sudhi refutes son Kichu’s allegations with chat proofs

അന്തരിച്ച നടൻ സുധിയുടെ കുടുംബത്തിലെ തർക്കങ്ങൾ വീണ്ടും സോഷ്യൽ മീഡിയയിൽ സജീവ ചർച്ചയാവുകയാണ്. റീൽസ് താരം രേണു സുധിയും സുധിയുടെ മൂത്ത മകൻ കിച്ചു സുധിയും (രാഹുൽ ദാസ്) തമ്മിലുള്ള വാക്പോരാണ് പുതിയ തലത്തിലേക്ക് നീങ്ങിയിരിക്കുന്നത്. കഴിഞ്ഞ ദിവസം കിച്ചു പങ്കുവെച്ച വെളിപ്പെടുത്തൽ വീഡിയോയ്ക്ക് പിന്നാലെ ഇപ്പോൾ താരം തന്നെ ഒരു വിശദീകരണവുമായി രംഗത്തെത്തിയിരിക്കുകയാണ്.

താൻ ഈ വീഡിയോ ചെയ്തത് ആരെയും കുറ്റപ്പെടുത്താനല്ലെന്നും തന്റെ സാഹചര്യങ്ങൾ കൊണ്ട് പറഞ്ഞുപോയതാണെന്നും കിച്ചു വ്യക്തമാക്കുന്നു. വീഡിയോയുടെ താഴെ വന്ന കമന്റുകൾക്ക് മറുപടിയായാണ് താരം ഇക്കാര്യം പറഞ്ഞത്. “ഇങ്ങനെയൊരു വീഡിയോ ചെയ്യണമെന്ന് ഒന്നും ഞാൻ വിചാരിച്ചതല്ല. എന്റെ അവസ്ഥ കൊണ്ട് പറഞ്ഞതാ.. ഞാൻ ആരെയും കുറ്റപ്പെടുത്താൻ ഇട്ടതല്ല” എന്നായിരുന്നു കിച്ചുവിന്റെ വാക്കുകൾ.

കഴിഞ്ഞ ദിവസം ‘അപ്പോൾ പോകാൻ തീരുമാനിച്ചു. വിഷമമുള്ളവരുടെ വിഷമം അങ്ങ് തീരട്ടെ’ എന്ന് പറഞ്ഞുകൊണ്ട് കിച്ചു ഒരു വീഡിയോ പങ്കുവെച്ചിരുന്നു. ചില ചാറ്റുകളും അമ്മയ്ക്ക് വേഗം അസുഖം മാറട്ടെ എന്ന വാക്കുകളും കിച്ചു ഇതിനൊപ്പം പുറത്തുവിട്ടു. ഇതിന് പിന്നാലെ കിച്ചുവിനെതിരെ കടുത്ത ആരോപണങ്ങളുമായി രേണു സുധി ലൈവിൽ എത്തിയിരുന്നു. തന്നെ ഇനിയെങ്കിലും വെറുതെ വിടണമെന്നും, താൻ മരിച്ചാൽ പോലും കിച്ചു തന്റെ ശവം കാണാൻ വരരുതെന്നും രേണു ആക്രോശിച്ചിരുന്നു. കിച്ചുവിനെ പറ്റി പോലീസിൽ ചോദിച്ചാൽ അറിയാമെന്ന തരത്തിലുള്ള ഗുരുതര ആരോപണങ്ങളും രേണു ഉന്നയിച്ചിട്ടുണ്ട്.

എന്നാൽ പുതിയ വിശദീകരണത്തിന് പിന്നാലെ കിച്ചുവിന് പിന്തുണയുമായി നിരവധി പേരാണ് സോഷ്യൽ മീഡിയയിൽ എത്തുന്നത്. കിച്ചു അനുഭവിച്ച മാനസിക വിഷമങ്ങൾ അവന് മാത്രമേ അറിയൂ എന്നും, അവനെക്കൊണ്ട് പറയിപ്പിച്ചതാണെന്നുമാണ് ആരാധകരിൽ പലരും കമന്റ് ചെയ്യുന്നത്.

View this post on Instagram

A post shared by ʀᴀʜᴜʟ ᴅᴀꜱ (@kichu_r_d)

Kichu Sudhi clarifies after emotional video goes viral

മലയാളത്തിലെ ഓൾ ടൈം ബ്ലോക്ക്ബസ്റ്ററുകളിൽ ഒന്നായ “ലോക-ചാപ്റ്റർ വൺ:ചന്ദ്ര” ക്ക് വീണ്ടും അന്താരാഷ്ട്ര അംഗീകാരം. 2026 ൽ ജർമനിയിൽ നടക്കുന്ന 23 മത് സ്റ്റുട്ട്ഗാർട്ട് ഇന്ത്യൻ ഫിലിം ഫെസ്റ്റിവലേക്ക് ആണ് ചിത്രം ഔദ്യോഗികമായി തിരഞ്ഞെടുക്കപ്പെട്ടത്. ഇത് കൂടാതെ സൗത്ത് കൊറിയയിൽ നടക്കുന്ന ബുക്കിയോൺ ഇൻ്റർനാഷണൽ ഫാൻ്റാസ്റ്റിക് ഫിലിം ഫെസ്റ്റിവലിലേക്കും ചിത്രം തിരഞ്ഞെടുക്കപ്പെട്ടു. ജൂലൈ 2 മുതൽ 12 വരെ ആണ് ബൈഫാൻ അരങ്ങേറുന്നത്. ദുൽഖർ സൽമാന്റെ വേഫറെർ ഫിലിംസ് നിർമ്മിച്ച ചിത്രത്തിൽ കല്യാണി പ്രിയദർശൻ, നസ്ലൻ എന്നിവരാണ് പ്രധാന വേഷങ്ങൾ ചെയ്തത്. 300 കോടി ആഗോള കളക്ഷൻ നേടുന്ന ആദ്യ മലയാള ചിത്രമായി മാറിയ “ലോക”, കേരളത്തിൽ നിന്ന് 121 കോടി ഗ്രോസ് കളക്ഷൻ നേടി ഇൻഡസ്ട്രി ഹിറ്റ് പട്ടവും സ്വന്തമാക്കിയിരുന്നു.

നേരത്തെ കേരളാ ഫിലിംസ് ക്രിട്ടിക്സ് അവാർഡ് 2025 ൽ അഞ്ച് പുരസ്കാരങ്ങളുമായി ചിത്രം വലിയ നേട്ടം കരസ്ഥമാക്കിയിരുന്നു. മികച്ച സംവിധായകൻ, നടി, സംഗീത സംവിധായകൻ, മേക്കപ്പ്, നവാഗത രചയിതാവ് എന്നീ വിഭാഗങ്ങളിലാണ് ഈ ചിത്രം പുരസ്കാരം സ്വന്തമാക്കിയത്.

പാൻ ഇന്ത്യ ഹിറ്റായി മാറിയ ചിത്രത്തിന്റെ രണ്ടാം ഭാഗവും പ്രഖ്യാപിച്ചിട്ടുണ്ട്. ടോവിനോ തോമസ് ആണ് ചിത്രത്തിന്റെ രണ്ടാം ഭാഗത്തിലെ നായകൻ. ടോവിനോ തോമസ്, ദുൽഖർ സൽമാൻ എന്നിവർ ലോകയിൽ അതിഥി താരങ്ങളായും എത്തിയിരുന്നു.

തീയേറ്റർ റിലീസിന് ശേഷം, ചിത്രത്തിന് ഒടിടിയിലും ഗംഭീര പ്രതികരണവും സ്വീകരണവുമാണ് പാൻ ഇന്ത്യ തലത്തിൽ ലഭിച്ചത്. ഇത് കൂടാതെ, കഴിഞ്ഞ വർഷം റിലീസ് ചെയ്ത ഇന്ത്യൻ ചിത്രങ്ങളിൽ ഏറ്റവും ജനപ്രിയമായ പത്തു ചിത്രങ്ങളുടെ ഐഎംഡിബി ലിസ്റ്റിൽ ഇടം നേടിയും “ലോക” ശ്രദ്ധ നേടി.

കേരളത്തിന്റെ ചരിത്രത്തിന്റെ ഭാഗമായ കള്ളിയങ്കാട്ട് നീലിയുടെ ഐതിഹ്യ കഥയിൽ നിന്ന് പ്രചോദനം ഉൾക്കൊണ്ട് ഒരുക്കിയ ചിത്രം, മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ ഭാഷകളിലും സൂപ്പർ വിജയം നേടിയിരുന്നു. ചന്തു സലിംകുമാർ, അരുൺ കുര്യൻ, ശരത് സഭ, നിഷാന്ത് സാഗർ, വിജയരാഘവൻ എന്നിവരും ചിത്രത്തിൽ നിർണ്ണായക വേഷങ്ങൾ ചെയ്തു

കൊച്ചി: മലയാളികൾക്ക് ‘നന്ദനം’ സിനിമയിലെ ഗുരുവായൂരപ്പനായി സുപരിചിതനായ നടൻ അരവിന്ദ് ആകാശ് വിവാഹിതനായി. മലേഷ്യയിലെ ക്വാലാലംപൂരിൽ വെച്ച് നടന്ന മനോഹരമായ ചടങ്ങിലായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.

രഞ്ജിത്ത് സംവിധാനം ചെയ്ത ‘നന്ദനം’ എന്ന ചിത്രത്തിലൂടെ മലയാളി പ്രേക്ഷകരുടെ പ്രിയങ്കരനായി മാറിയ താരമാണ് അരവിന്ദ് ആകാശ്. പൃഥ്വിരാജ്, നവ്യ നായർ എന്നിവർക്കൊപ്പം ചിത്രത്തിൽ അരവിന്ദ് അവതരിപ്പിച്ച ഉണ്ണികൃഷ്ണൻ (ഗുരുവായൂരപ്പൻ) എന്ന കഥാപാത്രം ഇന്നും പ്രേക്ഷക മനസ്സുകളിൽ നിറഞ്ഞുനിൽക്കുന്ന ഒന്നാണ്. ഈ വേഷം താരത്തിന് വലിയ ജനപ്രീതി നേടിക്കൊടുത്തു.

കൂട്ട്, വജ്രം, വാണ്ടഡ്, പൊൻമുടിപ്പുഴയോരത്ത്, പ്രജാപതി, മമ്മി ആൻഡ് മീ തുടങ്ങി നിരവധി മലയാള ചിത്രങ്ങളിലും, ചെന്നൈ 28 ഉൾപ്പെടെയുള്ള ശ്രദ്ധേയമായ തമിഴ് സിനിമകളിലും അദ്ദേഹം അഭിനയിച്ചിട്ടുണ്ട്. അടുത്തിടെ പുറത്തിറങ്ങിയ പൃഥ്വിരാജ്-ബേസിൽ ജോസഫ് ചിത്രം ‘ഗുരുവായൂർ അമ്പലനടയിൽ’ എന്ന സിനിമയിൽ നന്ദനത്തിലെ അതേ ഗുരുവായൂരപ്പൻ ലുക്കിൽ താരം അതിഥി വേഷത്തിൽ എത്തിയത് വലിയ രീതിയിൽ ശ്രദ്ധിക്കപ്പെട്ടിരുന്നു. കൂടാതെ മലയാളി ടെലിവിഷൻ പ്രേക്ഷകർക്കും റിയാലിറ്റി ഷോകളിലൂടെ അരവിന്ദ് ഏറെ പ്രിയങ്കരനാണ്.

വിവാഹ ചിത്രങ്ങൾ സോഷ്യൽ മീഡിയയിൽ പങ്കുവെച്ചതോടെ സിനിമാ രംഗത്തുനിന്നും ആരാധകരിൽ നിന്നും നിരവധി പേരാണ് താരത്തിന് ആശംസകളുമായി എത്തുന്നത്.

https://youtu.be/eOH8uF77NXY?si=9DpG-nMk1yrLPoRO

വിഷ്ണു വിശാൽ, ഐശ്വര്യ ലക്ഷ്മി എന്നിവരെ പ്രധാന കഥാപാത്രങ്ങളാക്കി ചെല്ല അയ്യാവു സംവിധാനം ചെയ്ത സ്പോർസ് ഡ്രാമ ചിത്രം ‘ഗാട്ട കുസ്തി 2’ ലെ മൂന്നാം ഗാനം പുറത്ത്. ‘ഹൗസ് ഹസ്ബൻഡ്’ എന്ന പേരിൽ റിലീസ് ചെയ്തിരിക്കുന്ന ഗാനത്തിന്റെ ലിറിക് വീഡിയോ ആണ് പുറത്തു വന്നിരിക്കുന്നത്. മോഹൻ രാജൻ വരികൾ രചിച്ച ഗാനം ആലപിച്ചിരിക്കുന്നത് സത്യൻ മഹാലിംഗമാണ്. ഷോൺ റോൾഡൻ ആണ് ഗാനത്തിന് ഈണം പകർന്നിരിക്കുന്നത്. ജൂലൈ 3 ന് ചിത്രം ആഗോള റിലീസായി തിയേറ്ററുകളിലെത്തും. ചിത്രം കേരളത്തിലെ തീയേറ്ററുകളിൽ എത്തിക്കുന്നത് E4 എൻ്റർടെയിൻമെൻ്റ് ആണ്. വേൽസ് ഫിലിം ഇന്റർനാഷ്നലും വിഷ്ണു വിശാല്‍ സ്റ്റുഡിയോസും ചേർന്നാണ് ചിത്രം നിർമ്മിക്കുന്നത്.

നേരത്തെ സെൻസറിങ് പൂർത്തിയായ ചിത്രത്തിന് ക്ലീൻ U സർട്ടിഫിക്കറ്റ് ലഭിച്ചിരുന്നു. നേരത്തെ പുറത്തു വന്ന, ചിത്രത്തിലെ ആദ്യ രണ്ട് ഗാനവും മികച്ച രീതിയിൽ സ്വീകരിക്കപ്പെട്ടിരുന്നു. ഏറെ രസകരമായ രീതിയിലാണ് ‘ഹൗസ് ഹസ്ബൻഡ്’ എന്ന ഗാനം ചിത്രീകരിച്ചിരിക്കുന്നത് എന്ന സൂചനയാണ് ലിറിക് വീഡിയോ നൽകുന്നത്. വിഷ്ണു വിശാൽ അവതരിപ്പിക്കുന്ന നായക കഥാപാത്രത്തിന്റെ കുടുംബത്തിലെ രസകരമായ സംഭവങ്ങളാണ് ഈ ഗാനത്തിൽ ഉൾപ്പെടുത്തിയിരിക്കുന്നതെന്നും ലിറിക് വീഡിയോ സൂചിപ്പിക്കുന്നു. ചിത്രത്തിൻ്റെ ട്രെയ്‌ലർ രണ്ട് ദിവസം മുമ്പ് പുറത്ത് വരികയും വലിയ പ്രേക്ഷക പ്രതികരണം നേടുകയും ചെയ്തിരുന്നു.

സൂപ്പർ ഹിറ്റായ ഗാട്ട കുസ്തിയുടെ തുടർച്ച ആയാണ് ഈ രണ്ടാം ഭാഗം കഥ പറയുന്നത്. മലയാളി പെൺകുട്ടി ആയാണ് ഇതിലെ നായികയായ ഐശ്വര്യ ലക്ഷ്മി എത്തുന്നത്. വിഷ്ണു വിശാൽ, ഐശ്വര്യ ലക്ഷ്മി എന്നിവർ അവതരിപ്പിക്കുന്ന വീര, കീർത്തി, അവരുടെ മകൾ എന്നിവരടങ്ങുന്ന കുടുംബത്തിൽ ഉണ്ടാകുന്ന രസകരമായ സംഭവ വികാസങ്ങളാണ് ചിത്രത്തിലൂടെ പ്രേക്ഷകർക്ക് മുന്നിലെത്തിക്കുന്നത്.

ഗുസ്തി എന്ന സ്പോർട്സ്, അതിന്റെ ഭാഗമായ ആക്ഷൻ, ഫാമിലി കോമഡി, ഫാമിലി ഡ്രാമ, ഇമോഷൻ എന്നിവയെല്ലാം കോർത്തിണക്കിയാണ് ചിത്രം കഥ പറയുന്നതെന്നും ഇതിന്റെ ട്രെയ്‌ലർ കാണിച്ചു തരുന്നുണ്ട്. പക്കാ ഫാമിലി എൻ്റർടെയ്നർ ആണ് ചിത്രമെന്നും ഇത് വരെ പുറത്തുവന്ന ഗാനങ്ങളും ട്രെയ്‌ലറും പോസ്റ്ററുകളുമടക്കം വ്യക്തമാകുന്നു. രമ്യ കൃഷ്ണൻ, മോക്ഷ, കരുണാസ്, കാളി വെങ്കട്, യോഗി ബാബു, കരുണാകരൻ, മുനിസ്കാന്ത്, സാറ എന്നിവരാണ് ചിത്രത്തിലെ മറ്റ് പ്രധാന താരങ്ങൾ.

നിർമ്മാണം: ഡോക്ടർ ഇഷാരി കെ ഗണേഷ്, വിഷ്ണു വിശാൽ, കോ പ്രൊഡ്യൂസേഴ്സ് : ശുഭ്ര, ആര്യൻ രമേശ്, ഇഷാൻ സക്സേന, ഛായാഗ്രഹണം: കെ.എം. ഭാസ്കരൻ, സംഗീതം: ഷോൺ റോൾഡൻ , എഡിറ്റർ: ഭരത് വിക്രമൻ, ആർട്ട് ഡയറക്ടർ: ജയചന്ദ്രൻ, കോസ്റ്റ്യൂം ഡിസൈനർ: രുചി മുനൊത്ത്, സബ്ടൈറ്റിൽ: സാജിദ് അലി, പബ്ലിസിറ്റി ഡിസൈനർ : വിയാക്കി, മാർക്കറ്റിംഗ് ആൻഡ് പ്രൊമോഷൻ : സിദ്ധാർഥ് ശ്രീനിവാസ്, പ്രൊഡക്ഷൻ എക്സിക്യൂട്ടീവ് : ബി ജയ് ഗണേഷ്, എ ആർ ചന്ദ്രമോഹൻ, എക്സിക്യൂട്ടീവ് പ്രൊഡ്യൂസർ: സീതാറാം, ക്രിയേറ്റീവ് പ്രൊഡ്യൂസർ : ശ്രാവന്തി സായ്‌നാഥ്, പിആർഒ : ശബരി

തിരു വീർ – ഐശ്വര്യ രാജേഷ് ചിത്രം “ഓ സുകുമാരി” ആഗോള റിലീസ് തീയതി പുറത്ത്. 2026 ജൂലൈ 17 ന് ചിത്രം ആഗോള തലത്തിൽ തിയേറ്ററുകളിലെത്തും. ചിത്രം രചിച്ചു സംവിധാനം ചെയ്തിരിക്കുന്നത് നവാഗതനായ ഭരത് ദർശൻ ആണ്. ചിത്രം നിർമ്മിക്കുന്നത് ഗംഗ എന്റർടൈൻമെന്റ്‌സിന്റെ ബാനറിൽ മഹേശ്വര റെഡ്ഡി മൂലി. ഗംഗ എന്റർടൈൻമെന്റ്‌സ് നിർമ്മിക്കുന്ന രണ്ടാമത്തെ ചിത്രമാണ് “ഓ സുകുമാരി”.

ഗ്രാമീണ പശ്‌ചാത്തലത്തിൽ കഥ പറയുന്ന ഒരു റൊമാന്റിക് കോമഡി ആയാണ് ഈ ചിത്രം ഒരുക്കിയിരിക്കുന്നത്. ഫാന്റസി ഘടകങ്ങളും ചിത്രത്തിലുണ്ട്. തിരുവീർ അവതരിപ്പിക്കുന്ന യാദഗിരി, ഐശ്വര്യ രാജേഷ് അവതരിപ്പിക്കുന്ന ദാമിനി എന്നീ കഥാപാത്രങ്ങളുടെ ജീവിതത്തിലൂടെയാണ് ചിത്രം സഞ്ചരിക്കുന്നത് എന്ന് ഗാനങ്ങളും ടീസറും കാണിച്ചു തരുന്നുണ്ട്. കോമഡി, പ്രണയം, ഫാൻ്റസി എന്നിവ കോർത്തിണക്കിയാണ് ചിത്രം ഒരുക്കിയിരിക്കുന്നത്. പക്കാ ഫാമിലി എൻ്റർടെയ്നർ ആയാണ് ചിത്രം എത്തുന്നത്.

കഴിഞ്ഞ ദിവസം ചിത്രത്തിലെ വെഡ്ഡിംഗ് ആന്തം പുറത്ത് വരികയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ഇത് കൂടാതെ ചിത്രത്തിലെ ഓ സുകുമാരി എന്ന ടൈറ്റിൽ ഗാനവും സൂപ്പർ ഹിറ്റായിട്ടുണ്ട്. ചിത്രത്തിൻ്റെ ടീസർ മികച്ച പ്രേക്ഷക പ്രതികരണം നേടിയിരുന്നു. ബ്ലോക്ക്ബസ്റ്റർ ഹിറ്റായ “പ്രീ വെഡ്ഡിംഗ് ഷോ”ക്ക് ശേഷം യുവതാരം തിരു വീർ നായകനാകുന്ന ചിത്രമാണിത്. അതുപോലെ സൂപ്പർ ഹിറ്റായ സംക്രാന്തികി വാസ്തുനത്തിന് ശേഷം ഐശ്വര്യ രാജേഷ് തെലുങ്കിൽ നായികയായി എത്തുന്ന ചിത്രം കൂടിയാണിത്.

പ്രേക്ഷക – നിരൂപക പ്രശംസ നേടിയ ശിവം ഭാജെയിലൂടെ പ്രേക്ഷകരെ ആകർഷിച്ച ഗംഗ എന്റർടൈൻമെന്റ്‌സ്, “ഓ സുകുമാരി”യിലൂടെ ഒരു രസകരമായ കഥ കൂടി പ്രേക്ഷകരുടെ മുന്നിൽ എത്തിക്കുകയാണ്. സംവിധായകൻ ഭരത് ദർശൻ തന്നെയാണ് ചിത്രം രചിച്ചതും. മുരളിധർ ഗൌഡ്, വിഷ്ണു ഓയി (മാഡ് ഫെയിം) ഝാൻസി, അമാനി, ആനന്ദ്കോട്ട ജയറാം എന്നിവരാണ് ചിത്രത്തിലെ മറ്റു താരങ്ങൾ. തെലുങ്ക്, കന്നഡ, തമിഴ്, മലയാളം, ഹിന്ദി ഭാഷകളിൽ ചിത്രം ജൂലൈ 17 ന് റിലീസ് ചെയ്യും.

നിർമ്മാതാവ്: മഹേശ്വര റെഡ്ഡി മൂലി, രചന, സംവിധാനം: ഭരത് ദർശൻ, ഛായാഗ്രഹണം: സിഎച്ച് കുശേന്ദർ, സംഗീത സംവിധായകൻ: ഭരത് മഞ്ചിരാജു, കലാസംവിധാനം: തിരുമല എം തിരുപ്പതി, എഡിറ്റർ: ശ്രീ വരപ്രസാദ്, കോസ്റ്റ്യൂം ഡിസൈനർ: അനു റെഡ്ഡി അക്കാട്ടി, ഗാനരചന: പൂർണാചാരി, ആക്ഷൻ – വിംഗ് ചുൻ അഞ്ചി, നൃത്തസംവിധാനം – ജെ ഡി മാസ്റ്റർ, മാർക്കറ്റിംഗ്: ഹാഷ്ടാഗ് മീഡിയ, പിആർഒ : ശബരി