പ്രിയപ്പെട്ട അച്ഛന് ജന്മദിനാശംസകൾ നേർന്ന് നടിയിയും അവതാരകയുമായ പേളി മാണി. സോഷ്യൽ മീഡിയയിൽ പങ്കുവെച്ച ഹൃദയസ്പർശിയായ കുറിപ്പിലൂടെയാണ് തന്റെ ജീവിതത്തിൽ അച്ഛൻ മാണി പോളിനുള്ള സ്ഥാനം പേളി വ്യക്തമാക്കിയത്. അച്ഛനാണ് തന്റെ ഹീറോയും വഴികാട്ടിയുമെന്ന് താരം കുറിച്ചു.
“ജന്മദിനാശംസകൾ ഡാഡി! എന്റെ ഹീറോ, എന്റെ മെന്റർ, എന്റെ ആജീവനാന്ത സുഹൃത്ത്, പിന്നെ എന്റെ വഴികാട്ടിയും. ഇന്ന് ഞാൻ എന്താണോ അതിനെല്ലാം കാരണം നിങ്ങളാണ്,” എന്ന് പേളി കുറിച്ചു. മറ്റുള്ളവരെ സ്നേഹിക്കാനും വെല്ലുവിളികൾക്കിടയിലും മുന്നോട്ട് കുതിക്കാനും തന്നെ പഠിപ്പിച്ചത് അച്ഛനാണെന്നും പേളി സന്ദേശത്തിൽ പറയുന്നു.
തനിക്ക് ലഭിച്ച ഏറ്റവും വലിയ സമ്മാനം അച്ഛന്റെ വാക്കുകളും ഉപദേശങ്ങളുമാണെന്നും അത് ലോകവുമായി പങ്കുവെക്കാൻ ആഗ്രഹിക്കുന്നുവെന്നും താരം കൂട്ടിച്ചേർത്തു. പേളിയുടെ കുറിപ്പ് ഇതിനോടകം തന്നെ സോഷ്യൽ മീഡിയയിൽ വൈറലായിട്ടുണ്ട്. നിരവധി ആരാധകരും സഹപ്രവർത്തകരുമാണ് മാണി പോളിന് ആശംസകളുമായി എത്തുന്നത്.
Pearlemaany father birthday
