തമിഴ് യുവതാരം കെൻ കരുണാസ് സംവിധായകനായി അരങ്ങേറ്റം കുറിക്കുന്ന “യൂത്ത്” എന്ന ചിത്രത്തിൻ്റെ ആഗോള റിലീസ് നാളെ. ചിത്രത്തിൻ്റെ കേരളാ തീയേറ്റർ ലിസ്റ്റും പുറത്ത് വിട്ടു. കെൻ കരുണാസ് തന്നെ നായകനായും വേഷമിടുന്ന ചിത്രം കേരളത്തിൽ പ്രദർശനത്തിന് എത്തിക്കുന്നത് ദുൽഖർ സൽമാന്റെ വേഫറെർ ഫിലിംസ് ആണ്. കേരളത്തിൽ മികച്ച റിലീസായാണ് ചിത്രം എത്തുന്നത്. കേരളത്തിലെ എൺപതോളം തീയേറ്ററുകളിൽ ചിത്രം പ്രദർശിപ്പിക്കും എന്നാണ് തീയേറ്റർ ലിസ്റ്റ് സൂചിപ്പിക്കുന്നത്. തമിഴിലെ ഒരു യുവതാര ചിത്രത്തിന് ലഭിക്കുന്ന മികച്ച റിലീസുകളിൽ ഒന്നാണ് യൂത്തിന് ലഭിച്ചിരിക്കുന്നത് എന്നതും ശ്രദ്ധേയമാണ്. മലയാള താരം സുരാജ് വെഞ്ഞാറമൂടും ചിത്രത്തിൽ പ്രധാന വേഷത്തിലെത്തുന്നുണ്ട്. കെനിന്റെ അച്ഛൻ വേഷത്തിലാണ് സുരാജ് ചിത്രത്തിലെത്തുന്നത്.

കെൻ കരുണാസ് തന്നെ രചനയും നിർവഹിച്ച ഈ സ്‌കൂൾ ടീനേജ് റൊമാന്റിക് കോമഡി ഡ്രാമ നിർമ്മിച്ചിരിക്കുന്നത് പാർവത എന്റർടൈൻമെൻറ്സിന്റെ ബാനറിൽ കറുപ്പയ്യ സി റാം, സുലോചന കുമാർ എന്നിവർ ചേർന്നാണ്. തമിഴിലെ കോമഡി വേഷങ്ങളിലൂടെ പ്രശസ്തനായ കരുണാസിന്റെ മകനാണ് കെൻ. മലയാളി താരം അനിഷ്മ അനിൽകുമാറാണ് ചിത്രത്തിലെ നായിക. ദേവദർശിനി ചേതൻ, പ്രിയാൻഷി യാദവ്, മീനാക്ഷി ദിനേശ് എന്നിവരാണ് ചിത്രത്തിലെ മറ്റു പ്രധാന താരങ്ങൾ. ആദ്യാവസാനം പ്രേക്ഷകരെ ഏറെ രസിപ്പിക്കുന്ന, ഹാസ്യവും പ്രണയവും വൈകാരിക നിമിഷങ്ങളും എല്ലാം കോർത്തിണക്കിയ ഒരു പക്കാ ഫെസ്റ്റിവൽ എന്റെർറ്റൈനെർ ആണ് “യൂത്ത്” എന്നാണ് ചിത്രത്തിന്റെ ട്രെയ്‌ലർ, ഗാനങ്ങൾ എന്നിവ നൽകുന്ന സൂചന.

ചിത്രത്തിലെ “മുട്ട കലക്കി” എന്ന ഗാനം തെന്നിന്ത്യ മുഴുവൻ ട്രെൻഡ് ആയപ്പോൾ, അടുത്തിടെ എത്തിയ “ലവ് സൊല്ലിട്ടാലേ” എന്ന ഗാനവും സൂപ്പർ ഹിറ്റായി മാറി. ജി വി പ്രകാശ് കുമാർ ആണ് ചിത്രത്തിന് സംഗീതം ഒരുക്കിയത്. ചിത്രത്തിലെ ഗാനങ്ങൾക്ക് വരികൾ രചിക്കുകയും ചെയ്ത കെൻ കരുണാസ്, ഇതിൽ ഗാനം ആലപിച്ചിട്ടുമുണ്ട്.

സ്കൂൾ ജീവിതത്തിലെ പ്രണയത്തിന്റെ പശ്‌ചാത്തലത്തിലാണ്‌ ചിത്രം ഒരുക്കിയിരിക്കുന്നത്. 15 വയസുള്ള ടീനേജ് നായകൻ, തന്റെ സ്കൂൾ ജീവിതം അവസാനിക്കുന്നതിനു മുൻപ് തന്നെ ജീവിതത്തിലെ യഥാർത്ഥ പ്രണയത്തെ കണ്ടെത്താൻ നടത്തുന്ന ശ്രമങ്ങളാണ് ചിത്രത്തിന്റെ ഇതിവൃത്തം.

ഛായാഗ്രഹണം- വിക്കി, എഡിറ്റർ- നാഷ്, മ്യൂസിക് ജി വി പ്രകാശ് കുമാർ, ആക്ഷൻ- കലൈ കിങ്‌സൺ, കലാസംവിധായകൻ- രാമു തങ്കരാജ്, കോസ്റ്റ്യൂം ഡിസൈനർ – കാവ്യാ ശ്രീറാം, ക്രിയേറ്റീവ് പ്രൊഡ്യൂസർ- വിജയ് എംപി, പ്രൊഡക്ഷൻ ഹെഡ്- ചെല്ലദുരൈ ബി, എക്സിക്യൂട്ടീവ് പ്രൊഡ്യൂസർ – അരോകിയ വിക്ടോ പ്രിൻസ്. എം , തേജേഷ് സുരേഷ്, അഡ്മിനിസ്ട്രേഷൻ എക്സിക്യൂട്ടീവ്- സുരേഷ് കുമാർ, വരികൾ- വിഘ്നേഷ് ശ്രീകാന്ത്, കെൻ കെ, ഈശ്വർ സന്താനലക്ഷ്മി, സൌണ്ട് ഡിസൈൻ- സിങ്ക് സിനിമ, സൌണ്ട് മിക്സ്- അരവിന്ദ് മേനോൻ, ഡിഐ- സുരേഷ് രവി (മാംഗോ പോസ്റ്റ്), പിആർഒ- ശബരി

ജിയോ സ്റ്റുഡിയോസും ബി 62 സ്റ്റുഡിയോസും ചേർന്ന് നിർമ്മിക്കുന്ന, രൺവീർ സിംഗ് നായകനായ ‘ധുരന്ധർ പ്രതികാരം’ നാളെ ആഗോള റിലീസായി എത്തുമ്പോൾ പ്രേക്ഷകർക്കുള്ള സന്ദേശവും അവരോടുള്ള അഭ്യർത്ഥനയുമായി സംവിധായകൻ ആദിത്യ ധർ. ആദിത്യ ധർ സംവിധാനം ചെയ്ത ധുരന്ധർ എന്ന ചിത്രത്തിന്റെ രണ്ടാം ഭാഗം ആയാണ് ‘ധുരന്ധർ പ്രതികാരം’ പുറത്തു വരുന്നത്. ചിത്രത്തിന്റെ വമ്പൻ റിലീസിന് മുന്നോടിയായി, സംവിധായകൻ പ്രേക്ഷകരോട് അഭ്യർത്ഥിക്കുന്നത്, ഈ സ്പൈ ആക്ഷൻ ത്രില്ലർ കണ്ടതിന് ശേഷം ചിത്രത്തിൻ്റെ സ്‌പോയിലറുകൾ ചിത്രം കാണാത്ത മറ്റു പ്രേക്ഷകരുമായി സമൂഹ മാധ്യമങ്ങളിൽ ഉൾപ്പെടെ പബ്ലിക് ആയി പങ്കിടരുതെന്നാണ്.

തങ്ങൾ ഹൃദയം കൊണ്ട് ഒരുക്കിയ ചിത്രമാണ് ഇതെന്നും, അതിനാൽ പ്രേക്ഷകർക്ക് ചിത്രത്തിലെ എല്ലാ ട്വിസ്റ്റുകളും, എല്ലാ വികാരങ്ങളും, അത് അനുഭവിക്കേണ്ട രീതിയിൽ തന്നെ അനുഭവിക്കാൻ കഴിയും എന്നും അദ്ദേഹം സോഷ്യൽ മീഡിയ കുറിപ്പിലൂടെ അറിയിച്ചു. സിനിമകൾ അങ്ങനെയാണ് അനുഭവിക്കേണ്ടത് എന്നും, മങ്ങിയ ഇമേജിൽ ആരുടെയും ഫോണിലല്ല അത് കാണേണ്ടത് എന്നും അദ്ദേഹം പറഞ്ഞു. ഓരോ ആരാധകനും ഒന്നും അറിയാതെ, എന്നാൽ ജിജ്ഞാസയോടെ ചിത്രം കാണാനുള്ള അവസരം, ചിത്രം കണ്ടവർ ഒരുക്കി കൊടുക്കുക എന്നും അവർ അവരുടെ വ്യക്തിപരമായ അഭിപ്രായവും ആസ്വാദനവും ആയി നമുക്കൊപ്പം ചേരട്ടെ എന്നും അദ്ദേഹം കുറിച്ചു.

അതോടൊപ്പം തന്നെ, പ്രേക്ഷകരുടെ ആവേശം ഉയർത്തിക്കൊണ്ട് മറ്റൊന്ന് കൂടി അദ്ദേഹം അടിക്കുറിപ്പായി ചേർത്തു. ചിത്രത്തിൻ്റെ അവസാനം ക്രെഡിറ്റുകൾ റോളിംഗ് അവസാനിക്കുന്നത് വരെ പ്രേക്ഷകർ അവരുടെ സീറ്റുകൾ വിട്ടുപോകരുത് എന്നാണ് സംവിധായകൻ കൂട്ടിച്ചേർത്തത്.

ഇന്ത്യൻ സിനിമയുടെ ചരിത്രത്തിലെ ഏറ്റവും വലിയ ഓപ്പണിങ് കളക്ഷനിൽ ഒന്നായിരിക്കും ചിത്രം നേടുക എന്നുറപ്പായി കഴിഞ്ഞു. ഹിന്ദി സിനിമയുടെ ചരിത്രത്തിലെ എക്കാലത്തെയും ഏറ്റവും വലിയ ഹിറ്റായ ആദ്യ ഭാഗത്തിന് ശേഷം എത്തുന്ന ‘ധുരന്ധർ പ്രതികാരം’ ഇന്ന് ഇന്ത്യൻ സിനിമയിൽ ഏറ്റവും കൂടുതൽ പ്രേക്ഷകർ കാത്തിരിക്കുന്ന ചിത്രം കൂടിയാണ്.

രൺവീർ സിംഗ് അവതരിപ്പിക്കുന്ന ജസ്കിരത് സിംഗ് രംഗി എന്ന കഥാപാത്രത്തെയാണ് ഈ ചിത്രം പിന്തുടരുന്നത്. എന്തൊക്കെ സംഭവ വികാസങ്ങളാണ് ജസ്‌കീരത് സിംഗ് എന്ന ഈ കഥാപാത്രത്തെ ഹംസ അലി മസാരി ആകാൻ നിർബന്ധിതനാക്കുന്നത് എന്നും, അദ്ദേഹം പാക്കിസ്ഥാനിൽ ഇന്ത്യൻ ചാരനായി പ്രവർത്തിക്കുമ്പോൾ അയാളുടെ ജീവിതത്തിൽ ഉണ്ടാകുന്ന ഉയർച്ചകളുമാണ് ഈ രണ്ടാം ഭാഗത്തിലൂടെ പ്രേക്ഷകരുടെ മുന്നിലെത്തിക്കുന്നത്. തന്ത്രപ്രധാനനായ അജയ് സന്യാലിന്റെ വേഷത്തിൽ ആർ മാധവൻ, ഐഎസ്ഐ മേജർ ഇഖ്ബാലിന്റെ വേഷത്തിൽ അർജുൻ രാംപാൽ, എസ്പി ചൌധരി അസ്ലാമിന്റെ വേഷത്തിൽ സഞ്ജയ് ദത്ത് എന്നിവർ ചിത്രത്തിൽ ശക്തമായ കഥാപാത്രങ്ങളെ അവതരിപ്പിക്കുന്നു. രൺവീർ സിംഗിനൊപ്പം അർജുൻ രാംപാൽ, സഞ്ജയ് ദത്ത്, മാധവൻ, അക്ഷയ് ഖന്ന, സാറ അർജുൻ, രാകേഷ് ബേദി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

ബി62 സ്റ്റുഡിയോ നിർമ്മിച്ച് ജിയോ സ്റ്റുഡിയോ അവതരിപ്പിക്കുന്ന ‘ധുരന്ധർ പ്രതികാരം’, ഹിന്ദി, തമിഴ്, തെലുങ്ക്, മലയാളം, കന്നഡ എന്നീ അഞ്ച് ഭാഷകളിൽ ആണ് ആഗോള റിലീസായി എത്തുന്നത്. ഗുഡി പഡ്വയുടെയും ഉഗാദിയുടെയും അവസരത്തിലും ഈദിന് മുന്നോടിയായും പുറത്തിറങ്ങുന്ന ചിത്രം രചിച്ചതും സംവിധായകൻ ആദിത്യ ധർ തന്നെയാണ്. ജ്യോതി ദേശ്പാണ്ഡെയും ലോകേഷ് ധറും ആദിത്യ ധറും ചേർന്നാണ് ഈ മെഗാ മാസ്സ് ആക്ഷൻ സ്പൈ ത്രില്ലർ നിർമ്മിച്ചിരിക്കുന്നത്. 2026 മാർച്ച് 19 ന് ലോകമെമ്പാടുമുള്ള സിനിമാശാലകളിൽ അജ്ഞാതരായ പുരുഷന്മാരുടെ കഥയുടെ ചുരുളഴിയുന്നു. പിആർഒ – ശബരി

പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ‘ദുരന്ധർ: ദി റിവഞ്ച്’ (Dhurandhar: The Revenge) എന്ന ചിത്രത്തിന്റെ ഇന്ന് നടക്കാനിരുന്ന തമിഴ് പെയ്ഡ് പ്രിവ്യൂ ഷോകൾ റദ്ദാക്കി. അപ്രതീക്ഷിതമായി ഷോകൾ കാൻസൽ ചെയ്ത വിവരം ഔദ്യോഗിക കുറിപ്പിലൂടെയാണ് അധികൃതർ അറിയിച്ചത്.

ടിക്കറ്റ് മുൻകൂട്ടി ബുക്ക് ചെയ്തവർ ആശങ്കപ്പെടേണ്ടതില്ലെന്നും, അവർക്കുള്ള തുക (Refund) ഉടൻ തന്നെ തിരികെ നൽകുന്നതിനുള്ള നടപടികൾ ആരംഭിക്കുമെന്നും നിർമ്മാതാക്കൾ വ്യക്തമാക്കിയിട്ടുണ്ട്.

ഔദ്യോഗിക അറിയിപ്പിൽ പറയുന്നത് ഇങ്ങനെ:

ഇന്ന് നടക്കാനിരുന്ന ‘ദുരന്ധർ: ദി റിവഞ്ച്’ ചിത്രത്തിന്റെ തമിഴ് പെയ്ഡ് പ്രിവ്യൂകൾ റദ്ദാക്കിയ വിവരം ഖേദപൂർവ്വം അറിയിക്കുന്നു. ടിക്കറ്റ് റീഫണ്ടുകൾ ഉടൻ തന്നെ ആരംഭിക്കുന്നതാണ്. നിങ്ങളുടെ ക്ഷമയ്ക്കും സഹകരണത്തിനും നന്ദി.

Tamil Paid Previews for ‘Dhurandhar: The Revenge’ Cancelled Today

തമിഴ് യുവതാരം കെൻ കരുണാസ് സംവിധായകനായി അരങ്ങേറ്റം കുറിക്കുന്ന “യൂത്ത്” എന്ന ചിത്രത്തിൻ്റെ ആഗോള റിലീസ് മാർച്ച് 19 ന്. കെൻ കരുണാസ് തന്നെ നായകനായും വേഷമിടുന്ന ചിത്രം കേരളത്തിൽ പ്രദർശനത്തിന് എത്തിക്കുന്നത് ദുൽഖർ സൽമാന്റെ വേഫറെർ ഫിലിംസ് ആണ്. മാർച്ച് 19ന് കേരളത്തിൽ മികച്ച റിലീസായാണ് ചിത്രം എത്തുന്നത്. കെൻ കരുണാസ് തന്നെ രചനയും നിർവഹിച്ച ഈ സ്‌കൂൾ ടീനേജ് റൊമാന്റിക് കോമഡി ഡ്രാമ നിർമ്മിച്ചിരിക്കുന്നത് പാർവത എന്റർടൈൻമെൻറ്സിന്റെ ബാനറിൽ കറുപ്പയ്യ സി റാം, സുലോചന കുമാർ എന്നിവർ ചേർന്നാണ്. മലയാള താരം സുരാജ് വെഞ്ഞാറമൂടും ചിത്രത്തിൽ പ്രധാന വേഷത്തിലെത്തുന്നുണ്ട്. കെനിന്റെ അച്ഛൻ വേഷത്തിലാണ് സുരാജ് ചിത്രത്തിലെത്തുന്നത്.

തമിഴിലെ കോമഡി വേഷങ്ങളിലൂടെ പ്രശസ്തനായ കരുണാസിന്റെ മകനാണ് കെൻ. അടുത്തിടെ ചിത്രത്തിലെ “ലവ് സൊല്ലിട്ടാലേ” എന്ന ഗാനം പുറത്ത് വരികയും സൂപ്പർ ഹിറ്റായി മാറുകയും ചെയ്തിരുന്നു. ഒരു പക്കാ ഡാൻസ് നമ്പർ ആയി ഒരുക്കിയ ഗാനം യുവ പ്രേക്ഷകർക്കിടയിൽ ട്രെൻഡ് ആയിട്ടുണ്ട്. ജി വി പ്രകാശ് കുമാർ ആണ് ചിത്രത്തിന് സംഗീതം ഒരുക്കിയത്. നേരത്തെ ചിത്രത്തിലെ “മുട്ട കലക്കി” എന്ന ഗാനം പുറത്തു വരികയും തെന്നിന്ത്യയിൽ തരംഗമായി മാറുകയും ചെയ്തിരുന്നു. ചിത്രത്തിലെ ഗാനങ്ങൾക്ക് വരികൾ രചിക്കുകയും ചെയ്ത കെൻ കരുണാസ്, ഇതിൽ ഗാനം ആലപിച്ചിട്ടുമുണ്ട്.

സ്കൂൾ ജീവിതത്തിലെ പ്രണയത്തിന്റെ പശ്‌ചാത്തലത്തിലാണ്‌ ചിത്രം ഒരുക്കിയിരിക്കുന്നത്. മലയാളി താരം അനിഷ്മ അനിൽകുമാറാണ് ചിത്രത്തിലെ നായിക. ദേവദർശിനി ചേതൻ, പ്രിയാൻഷി യാദവ്, മീനാക്ഷി ദിനേശ് എന്നിവരാണ് ചിത്രത്തിലെ മറ്റു പ്രധാന താരങ്ങൾ. ആദ്യാവസാനം പ്രേക്ഷകരെ ഏറെ രസിപ്പിക്കുന്ന, ഹാസ്യവും പ്രണയവും വൈകാരിക നിമിഷങ്ങളും എല്ലാം കോർത്തിണക്കിയ ഒരു പക്കാ ഫെസ്റ്റിവൽ എന്റെർറ്റൈനെർ ആണ് “യൂത്ത്” എന്നാണ് ചിത്രത്തിന്റെ ട്രെയ്‌ലർ കാണിച്ചു തരുന്നത്. 15 വയസുള്ള ടീനേജ് നായകൻ, തന്റെ സ്കൂൾ ജീവിതം അവസാനിക്കുന്നതിനു മുൻപ് തന്നെ ജീവിതത്തിലെ യഥാർത്ഥ പ്രണയത്തെ കണ്ടെത്താൻ നടത്തുന്ന ശ്രമങ്ങളാണ് ചിത്രത്തിന്റെ ഇതിവൃത്തം.

ഛായാഗ്രഹണം- വിക്കി, എഡിറ്റർ- നാഷ്, മ്യൂസിക് ജി വി പ്രകാശ് കുമാർ, ആക്ഷൻ- കലൈ കിങ്‌സൺ, കലാസംവിധായകൻ- രാമു തങ്കരാജ്, കോസ്റ്റ്യൂം ഡിസൈനർ – കാവ്യാ ശ്രീറാം, ക്രിയേറ്റീവ് പ്രൊഡ്യൂസർ- വിജയ് എംപി, പ്രൊഡക്ഷൻ ഹെഡ്- ചെല്ലദുരൈ ബി, എക്സിക്യൂട്ടീവ് പ്രൊഡ്യൂസർ – അരോകിയ വിക്ടോ പ്രിൻസ്. എം , തേജേഷ് സുരേഷ്, അഡ്മിനിസ്ട്രേഷൻ എക്സിക്യൂട്ടീവ്- സുരേഷ് കുമാർ, വരികൾ- വിഘ്നേഷ് ശ്രീകാന്ത്, കെൻ കെ, ഈശ്വർ സന്താനലക്ഷ്മി, സൌണ്ട് ഡിസൈൻ- സിങ്ക് സിനിമ, സൌണ്ട് മിക്സ്- അരവിന്ദ് മേനോൻ, ഡിഐ- സുരേഷ് രവി (മാംഗോ പോസ്റ്റ്), പിആർഒ- ശബരി

മലയാളികളുടെ പ്രിയതാരം മഞ്ജു വാര്യരുമായുള്ള ആത്മബന്ധം തുറന്നുപറഞ്ഞ് പ്രശസ്ത മേക്കപ്പ് ആർട്ടിസ്റ്റ് ജാൻ മണി ദാസ്. താൻ എത്രത്തോളം മഞ്ജുവിനെ സ്നേഹിക്കുന്നുണ്ടെന്നും ബഹുമാനിക്കുന്നുണ്ടെന്നും വ്യക്തമാക്കുന്ന ഒരു ഹൃദ്യമായ കുറിപ്പാണ് ജാൻ മണി തന്റെ സോഷ്യൽ മീഡിയ പേജിൽ പങ്കുവച്ചിരിക്കുന്നത്.

“ഇതൊരു നടിയും മേക്കപ്പ് ആർട്ടിസ്റ്റും തമ്മിലുള്ള ബന്ധം മാത്രമല്ല.. എക്കാലത്തും കാത്തുസൂക്ഷിക്കുന്ന ഒരു യഥാർത്ഥ സഹോദരബന്ധമാണ്. എന്റെ സഹോദരിയായതിന് നന്ദി… നിങ്ങളൊരു മികച്ച കലാകാരിയാണ്, സൂപ്പർസ്റ്റാറാണ്, അതിലുപരി വളരെ നല്ലൊരു വ്യക്തിയാണ്… ലവ് യു മഞ്ജു ജി,” ജാൻ മണി ദാസ് കുറിച്ചു.

View this post on Instagram

A post shared by JAANMONI DAS (@jaan_moni_das)

കേവലം ഒരു പ്രൊഫഷണൽ ബന്ധത്തിനപ്പുറം ഇരുവരും തമ്മിലുള്ള സ്നേഹവും പരസ്പര ബഹുമാനവുമാണ് ഈ വാക്കുകളിലൂടെ വ്യക്തമാകുന്നത്. താരജാഡകളില്ലാത്ത മഞ്ജു വാര്യരുടെ വ്യക്തിത്വത്തെ പുകഴ്ത്തുന്ന ജാൻ മണിയുടെ ഈ പോസ്റ്റ് ഇതിനോടകം തന്നെ ആരാധകർ സോഷ്യൽ മീഡിയയിൽ ഏറ്റെടുത്തു കഴിഞ്ഞു.

Makeup Artist Jaan Moni Das Pens a Heartfelt Note for Manju Warrier

മലയാളത്തിന്റെ മെഗാസ്റ്റാർ മമ്മൂട്ടിയെ വാനോളം പുകഴ്ത്തി നടി ലിസി പങ്കുവച്ച പുതിയ സോഷ്യൽ മീഡിയ പോസ്റ്റ് ആരാധകർ ഏറ്റെടുത്തിരിക്കുകയാണ്. മമ്മൂട്ടിയുടെ പുതിയ പാൻ-ഇന്ത്യൻ ചിത്രമായ ‘പാട്രിയോട്ടിന്റെ’ (PATRIOT) വോയ്‌സ് റെക്കോർഡിംഗിനായി അദ്ദേഹം ലിസിയുടെ ഉടമസ്ഥതയിലുള്ള ‘ലെ മാജിക് ലാന്റേൺ’ (Le Magic Lantern) സ്റ്റുഡിയോയിൽ എത്തിയപ്പോഴുള്ള അനുഭവമാണ് നടി പങ്കുവച്ചത്.

പത്മഭൂഷൻ മമ്മൂട്ടിയെ തങ്ങളുടെ സ്റ്റുഡിയോയിൽ സ്വാഗതം ചെയ്യാൻ കഴിഞ്ഞത് വലിയൊരു അംഗീകാരവും സന്തോഷവുമാണെന്ന് ലിസി തന്റെ കുറിപ്പിൽ പറയുന്നു. എന്നാൽ മമ്മൂക്കയുടെ ലുക്കിനെയും അദ്ദേഹത്തിന്റെ എനർജിയെയും കുറിച്ചുള്ള ലിസിയുടെ വാക്കുകളാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്.

“മമ്മൂക്കയെ കാണാൻ പഴയതുപോലെ തന്നെ അതിമനോഹരമായിരുന്നു. അദ്ദേഹത്തിന്റെ മാസ്മരികതയും ചുറുചുറുക്കും ഊർജ്ജവും കാലാതീതമാണ്, ഒരു മുപ്പതുകാരനെപ്പോലെയാണ് അദ്ദേഹം ഇപ്പോഴുമുള്ളത്,” ലിസി കുറിച്ചു. ഈ പുതിയ ചിത്രത്തിന് ജീവൻ നൽകുന്ന മുഴുവൻ അണിയറപ്രവർത്തകർക്കും മികച്ച വിജയം ആശംസിച്ചുകൊണ്ടാണ് അവർ കുറിപ്പ് അവസാനിപ്പിക്കുന്നത്.

മമ്മൂട്ടിയുടെ യുവത്വത്തെയും ഊർജ്ജത്തെയും കുറിച്ചുള്ള ലിസിയുടെ വാക്കുകൾ ഇതിനോടകം തന്നെ സിനിമാപ്രേമികൾക്കിടയിൽ വലിയ ചർച്ചയായിട്ടുണ്ട്.

Actress Lissy Awestruck by Mammootty’s Timeless Aura

മിക്കവാറും ഒറ്റയ്ക്ക് യാത്രകൾ ചെയ്യാൻ ഇഷ്ടപ്പെടുന്ന പ്രണവ് മോഹൻലാൽ ഇത്തവണ സഹോദരി വിസ്മയക്കൊപ്പമാണ് അവധിക്കാലം ആഘോഷിക്കുന്നത്. ശ്രീലങ്കൻ യാത്രയുടെ മനോഹരമായ ചിത്രങ്ങൾ വിസ്മയ തന്റെ ഇൻസ്റ്റാഗ്രാം പേജിലൂടെയാണ് ആരാധകർക്കായി പങ്കുവച്ചിരിക്കുന്നത്.

ശ്രീലങ്കൻ കടൽതീരത്തെ പ്രശാന്തമായ നിമിഷങ്ങളും പ്രകൃതിഭംഗിയും ആസ്വദിക്കുന്ന താരപുത്രനെയും സഹോദരിയെയും ചിത്രങ്ങളിൽ കാണാം. സാഹസികത ഏറെ ഇഷ്ടപ്പെടുന്ന പ്രണവ്, അനായാസമായി ഒരു മരത്തിനു മുകളിൽ കയറി നിൽക്കുന്ന ചിത്രമാണ് ഇതിൽ ആരാധകർക്കിടയിൽ ഏറ്റവും കൂടുതൽ ചർച്ചയാകുന്നത്. പ്രകൃതിയിലെ കൊച്ചു കൊച്ചു വിശേഷങ്ങളും കോഫിയും ബീച്ചുമൊക്കെ കോർത്തിണക്കിയാണ് വിസ്മയ പോസ്റ്റ് ചെയ്തിരിക്കുന്നത്.

സിനിമയുടെ തിരക്കുകളിൽ നിന്നും മാറി പ്രകൃതിയുടെ മടിത്തട്ടിൽ സമയം ചെലവഴിക്കുന്ന താരപുത്രന്റെയും സഹോദരിയുടെയും ചിത്രങ്ങൾ ഇതിനോടകം തന്നെ സോഷ്യൽ മീഡിയ ഏറ്റെടുത്തു കഴിഞ്ഞു. അപൂർവ്വമായി മാത്രം കാണാൻ ലഭിക്കുന്ന സഹോദരങ്ങളുടെ ഈ ഒത്തുചേരൽ ആരാധകരും ആഘോഷമാക്കുകയാണ്. പോസ്റ്റിന് താഴെ നിരവധി പേരാണ് ഇരുവരുടെയും സ്നേഹബന്ധത്തെ അഭിനന്ദിച്ചുകൊണ്ട് ‘ഹാപ്പി വെക്കേഷൻ’ ആശംസകളുമായി എത്തുന്നത്. യാത്രാപ്രേമിയായ പ്രണവ് മുൻപും തന്റെ രസകരമായ യാത്രാചിത്രങ്ങൾ സോഷ്യൽ മീഡിയയിൽ പങ്കുവയ്ക്കാറുണ്ടായിരുന്നു.

Pranav Mohanlal’s Adventurous Tree-Climbing Pic from Sri Lankan Vacation with Sister Vismaya