ആലുവ: പ്രശസ്ത ഗസല്‍ ഗായകന്‍ ഉമ്പായി (68) വിടപറഞ്ഞു. ബുധനാഴ്ച വൈകുന്നേരം 4.45ഓടെ ആലുവയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം .ആരോഗ്യനില മോശമായതിനെ തുടർന്ന് ഇന്നലെ വൈകുനേരമാണ് അദ്ദേഹത്തെ ആശുപത്രിയിൽ പ്രേവേശിപ്പിച്ചത് .അര്‍ബുദത്തെ തുടര്‍ന്ന് ഏറെ നാളുകളായി ചികിത്സയിലായിരുന്നു അദ്ദേഹം .പി.എ ഇബ്രാഹിം എന്നായിരുന്നു അദ്ദേഹത്തിന്റെ യഥാര്‍ഥ പേര്.ഇരുപതോളം ആല്‍ബങ്ങള്‍ അദ്ദേഹം പുറത്തിറക്കിയിട്ടുണ്ട് .പാടുക സൈഗാൾ പാടൂ, അകലെ മൗനം പോൽ, ഒരിക്കൽ നീ പറഞ്ഞു തുടങ്ങിയവ അദ്ദേഹത്തിന്റെ പ്രശസ്ത ഗസല്‍ ആല്‍ബങ്ങളാണ് .‘നോവൽ’ എന്ന സിനിമയിൽ സംഗീത സംവിധാനവും അദ്ദേഹം നിർവഹിച്ചിട്ടുണ്ട് .
ഗസൽ ഗായകൻ ഉമ്പായി അന്തരിച്ചു
ഷക്കീലയുടെ പുതിയ തെലുങ്ക് ചിത്രം ‘ശീലാവതി‘ – ചിത്രങ്ങൾ കാണാം
പത്തുവര്‍ഷത്തെ ഇടവേളയ്ക്ക് ശേഷം നടി ഷക്കീല തെലുങ്ക് ചിത്രത്തിലൂടെ തിരികെയെത്തുന്നു.സൈക്കോ ത്രില്ലർ ചിത്രമായ ശീലാവതി യിലൂടെയാണ് ഷക്കീലയുടെ തിരിച്ചുവരവ് .തെലുങ്ക് ചിത്രംആണെകിലും കേരളത്തിൽ നടന്ന ഒരു വിവാദ സംഭവമാണ് സിനിമ പ്രതിപാദിക്കുന്നതെന്നാണ് റിപ്പോര്‍ട്ടുകള്‍. സായിറാം ദസാരിയാണ് ശീലാവതിയുടെ സംവിധായകൻ.ഷക്കീലയുടെ 250-ാമത്തെ ചിത്രമാണിത്
ആക്രമണത്തെ അതിജീവിച്ച കൂട്ടുകാരിക്ക് ഒപ്പമാണ് താനെപ്പോഴുo : മഞ്ജു വാര്യർ
സിനിമയിൽ ഈ അടുത്ത കാലത്തുണ്ടായ വിവാദങ്ങളിൽ മൗനം പാലിച്ചിരുന്ന മഞ്ജുവാര്യർ തന്റെ നിലപാട് തുറന്നു പറയുന്നു.
“താൻ ഇപ്പോഴും ആക്രമണത്തെ അതിജീവിച്ച കൂട്ടുകാരിക്ക് ഒപ്പമാണ് അത് അവൾക്കും അറിയാം. ലൈക്കും ഹാഷ്ടാഗുകളുമെല്ലാം ഉണ്ടാകുന്നതിന് മുന്‍പുള്ള ഹൃദയബന്ധമാണ് ഞങ്ങളുടേത്.’ ആവര്‍ത്തിച്ച് പറയേണ്ട കാര്യമില്ല. എന്നെ അടുത്തറിയുന്ന എല്ലാവര്‍ക്കും അറിയാം.” എന്നാണ് മഞ്ജു ഒരു മാധ്യമത്തിന് നൽകിയ അഭിമുഖത്തിൽ പറഞ്ഞത്.
ദിലീപിനെ അമ്മയിൽ തിരഞ്ഞെടുക്കുന്നത് സംബന്ധിച്ചുണ്ടായ വിവാദങ്ങളും നടിമാരുടെ അമ്മയിൽ നിന്നുള്ള രാജിയുമെല്ലാം വാർത്ത ആയപ്പോൾ എല്ലാവരും ആകാംഷയോടെ കാത്തിരുന്നത് മഞ്ജുവിന്റെ വാക്കുകൾക്കാണ്. എന്നാൽ അന്ന് പ്രതികരിക്കാതിരുന്ന മഞ്ജു ഇപ്പോൾ തന്റെ നിലപാട് വ്യക്തമാക്കിയിരിക്കുകയാണ്.
മോഹൻലാൽ നായകനും പ്രത്വിരാജ് സംവിധായകനും ആകുന്ന ലൂസിഫറിൽ അഭിനയിക്കാൻ ഒരുങ്ങുകയാണ് മഞ്ജു ഇപ്പോൾ.
മലമ്പുഴ ഡാംമിന്റെ ഷട്ടറുകൾ തുറന്നു
മലമ്പുഴ ഡാം തുറന്നു. നാല് വർഷത്തിന് ശേഷമാണ് ഡാം തുറക്കുന്നത്.പുഴയുടെ തീരത്തുള്ളവര്‍ക്ക് ജാഗ്രത നിർദ്ദേശം നൽകിയിട്ടുണ്ട് .നാലു ഷട്ടറുകള്‍ മൂന്നു സെന്‍റീമീറ്റര്‍ തുറന്നിരിക്കുന്നത് .115.06 മീറ്റര്‍ സംഭരണശേഷിയുള്ള മലമ്പുഴ അണക്കെട്ടില്‍ ജലനിരപ്പ് 114.86 മീറ്ററിലെത്തിയതോടെയാണ് ഷട്ടറുകള്‍ തുറന്നത്.വെള്ളം മുക്കൈപ്പുഴ വഴി കല്പാത്തിപ്പുഴയിലൂടെ ഒഴുകി പറളിയില്‍നിന്ന് ഭാരതപ്പുഴയിലെത്തിച്ചേരും.
തൊടുപുഴയിൽ ഒരു കുടുംബത്തിലെ നാല് പേരെ കാണാതായി
തൊടുപുഴ : ഇടുക്കി തൊടുപുഴയില്‍ ഒരു കുടുംബത്തിലെ നാല്‌പേരെ കാണാതായി. തൊടുപുഴ വണ്ണപ്പുറത്ത് മുണ്ടന്‍മുടി കാനാട്ട് വീട്ടില്‍ കൃഷ്ണന്‍, ഭാര്യ രണ്ട് മക്കള്‍ എന്നിവരെയാണ് കാണാതായത്. വീടിനുള്ളില്‍ നിറയെ രക്തക്കറ കണ്ടതായി നാട്ടുകാര്‍ പറയുന്നുണ്ട്. വീടിന്റെ പറമ്പിൽ വലിയ കുഴിയെടുത്ത് മൂടിയതായും കാണപ്പെടുന്നു. പൊലീസ് അന്വേഷണം ആരംഭിച്ചു.
ഇടുക്കി ഡാo തുറക്കേണ്ടിവരും ?
ഇടുക്കി ഡാമിന്റെ ജലനിരപ്പ് 2395.88 ft ഉയർന്ന സാഹചര്യത്തിൽ ഷട്ടറുകൾ തുറക്കേണ്ടിവരും എന്ന് മന്ത്രിസഭായോഗത്തിൽ വിലയിരുത്തൽ . മന്ത്രി എം.എം.മണിയെ നടപടികൾക്കായി മന്ത്രിസഭായോഗം ചുമതലപ്പെടുത്തി. ഡാo തുറക്കേണ്ടിവന്നാൽ ഘട്ടം ഘട്ടമായായിരിക്കും ഷട്ടറുകൾ തുറക്കുക.
അതേസമയം, ഷട്ടർ തുറക്കുന്നതിനുള്ള മുന്നൊരുക്കങ്ങളെല്ലാം പൂര്‍ത്തിയായതായും. എല്ലാ വശങ്ങളും പരിശോധിച്ചിട്ടുണ്ടെന്നും തുറക്കേണ്ടിവന്നാൽ അപ്പോൾ തുറക്കുമെന്നും മന്ത്രി എം.എം.മണി അറിയിച്ചു.
മഹീന്ദ്രയുടെ പുതിയ എം.പി.വി ” മരാസോ “
മഹീന്ദ്രയുടെ പുതിയ എംപിവി മരാസോ. ഇന്നാണ് മഹേന്ദ്ര തങ്ങളുടെ പുതിയ എംപിവിയുടെ പേര് ഔദ്യോഗികമായി പുറത്തുവിട്ടത് .യു 321 എന്ന കോഡ് നമ്പറില്‍ആയിരുന്നു ഈ വാഹനം അറിയിയപ്പെട്ടിരുന്നത് .ഷാര്‍ക്കിന്റെ സ്പാനിഷ് വാക്കാണ് മരാസോ . ഷാര്‍ക്കിന്റെ മാതൃകയിലാണ് വാഹനത്തിന്റെ രൂപകല്‍പനയെന്നാണ് കമ്പനി പറയുന്നത് .ഏഴ്, എട്ട് സീറ്റുകളിൽ ആണ് കമ്പിനി മരാസോ പുറത്തിറക്കുന്നത് . കൂടാതെ മഹീന്ദ്രയുടെ ഏറ്റവും പുതിയ ഇൻഫോടെയ്ൻമെന്റ് സംവിധാനവും ഇതിൽ നൽകിയിട്ടുണ്ട് .മഹീന്ദ്രയുടെ പുതിയ 1.5 ലിറ്റർ ഡീസൽ എൻജിനാണ് മാരാസ്ജി നൽകിയിരിക്കുന്നത് . മരാസോയുടെ കൂടുതൽ വിവരങ്ങൾ കമ്പിനി പുറത്തുവിട്ടിട്ടില്ല .ഏകദേശം 13 ലക്ഷത്തിൽ ആയിരിക്കും ഇതിന്റെ വില തുടങ്ങുന്നത് . സെപ്തംബർ 2018ൽ വാഹനം പുറത്തിരിക്കുമെന്നാണ് റിപോർട്ടുകൾ .
ഇടുക്കി അണക്കെട്ടിലെ ജലനിരപ്പ് 2395 അടി; ഒാറഞ്ച് അലര്‍ട്ട് പ്രഖ്യാപിച്ചു
ഇടുക്കി അണക്കെട്ടിലെ ജലനിരപ്പ് 2395 അടി കടന്നതോടെ ഓറഞ്ച് അലർട്ട്(രണ്ടാം ഘട്ട- അതീവ ജാഗ്രതാ നിർദേശം) പ്രഖ്യാപിച്ചു. ഇനിയും ജലനിരപ്പുയരുകയാണെകിൽ ട്രയല്‍ റൺ നടത്തും., തുടര്‍ന്ന് 2399 അടിയില്‍ റെഡ് അലര്‍ട്ട് പ്രഖ്യാപിക്കു.വീണ്ടും ജലനിരപ്പുയര്‍ന്നാല്‍ മാത്രം മുന്നറിയിപ്പോടെ ഷട്ടര്‍ തുറക്കൂ. ഇപ്പോള്‍ ആശങ്കവേണ്ടെന്നും എല്ലാം നിയന്ത്രണ വിധേയമാണെന്നും ജില്ലാ ഭരണകൂടം അറിയിച്ചു.
ബിജെപി സംസ്ഥാന അധ്യക്ഷനായി ശ്രീധരൻ പിള്ളയ്ക്ക് രണ്ടാമൂഴം
പി.എസ്. ശ്രീധരന്‍പിള്ളയെ ബിജെപി സംസ്ഥാന അധ്യക്ഷനായി ഒടുവിൽ അമിത്ഷാ പ്രഖ്യാപിച്ചു. അതോടെ അനിശ്ചിതത്തിൽ തുടർന്ന സംസ്ഥാന അധ്യക്ഷ സ്ഥാനത്തിന് തീരുമാനമായി. വി. മുരളീധരൻ എം.പി യ്ക്ക് ആന്ധ്രായുടെ ചുമതലയും നൽകി.
ബിജെപി സംസ്ഥാന അധ്യക്ഷനായി ഇതോടെ രണ്ടാം തവണയാണ് ശ്രീധരൻപിള്ള തിരഞ്ഞെടുക്കപ്പെടുന്നത്. ഗ്രൂപ്പുകള്‍ക്കതീതനായതിനാൽ ആർ എസ്സ് എസ്സ് ന്റെ പൂർണ പിന്തുണയോടെയാണ് ശ്രീധരൻ പിള്ള അധ്യക്ഷനാകുന്നത്.
കേരളം ബിജെപി യ്ക്ക് വെല്ലുവിളിയുള്ള സംസ്ഥാനമാണെന്നും അതിനാൽ പ്രവർത്തനം ശക്തമാക്കേണ്ടതുണ്ടെന്നും അധ്യക്ഷസ്ഥാനം വെല്ലുവിളിയായി സ്വീകരിക്കുകയാണെന്നും ശ്രീധരൻ പിള്ള പറഞ്ഞു.
ശ്രീധരന്‍പിള്ള ബിജെപി അധ്യക്ഷ സ്ഥാനത്തേക്ക് !
കുമ്മനം രാജശേഖരൻ മിസോറാം ഗവർണർ ആയതിനെത്തുടർന്ന് അധ്യക്ഷനില്ലാതിരുന്ന കേരള ബിജെപി യിൽ ശ്രീധരൻപിള്ള പുതിയ അധ്യക്ഷനാകും. ഒൗദ്യോഗികപ്രഖ്യാപനം രണ്ടുദിവസത്തിനകം.
കെ.സുരേന്ദ്രനുവേണ്ടി മുരളീധര പക്ഷവും എം.ടി.രമേശിനുവേണ്ടി കൃഷ്ണദാസ് പക്ഷവും നിലപാട് കടുപ്പിച്ചതോടെ കേരളത്തിലെത്തിയ അമിത്ഷാ അധ്യക്ഷനെ തീരുമാനിക്കാതെ മടങ്ങിയിരുന്നു. തുടർന്നാണ് ഇരുപക്ഷത്തിനും എതിർപ്പില്ലാതെ ശ്രീധരൻപിള്ള പുതിയ അധ്യക്ഷനാകുന്നത്. ഇതിനോട് ആർ.എസ്.എസ് നും യോജിപ്പാണ്.
എന്നാൽ, കുമ്മനം രാജശേഖരൻ തിരിച്ച് കേരളത്തിലേക്ക് എത്തണമെന്നാണ് പ്രവർത്തകരുടെ ആവശ്യം. അദ്ദേഹത്തെ തിരുവനന്തപുരം ലോക്സഭാ മണ്ഡലത്തില്‍ സ്ഥാനാര്‍ഥിയാക്കിയാൽ വിജയിക്കുമെന്നാണ് ആര്‍എസ്എസ് വിലയിരുത്തുന്നത്.
ഇബിലീസ്‌ ട്രൈയിലർ പുറത്തിറങ്ങി
ആസിഫ് അലി മഡോണ സെബാസ്റ്റ്യൻ ചിത്രം ഇബിലീസ്‌ ട്രൈയിലർ പുറത്തിറങ്ങി. രോഹിത് വി.എസ് ആണ് ചിത്രം സംവിധാനം ചെയ്തിരിക്കുന്നത് .ചിത്രത്തില്‍ ലാലും, സിദ്ദിഖും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു . സമീർ തിരക്കഥയും സംഭാഷണവും എഴുതുന്ന ചിത്രത്തിന് മനുമഞ്ജിത്ത് ഗാനങ്ങളെഴുതുന്നു
വി.കെ പ്രകാശ് അനൂപ് മേനോൻ കൂട്ടുകെട്ട് വീണ്ടും !
വി.കെ പ്രകാശ് സംവിധാനം ചെയ്യുന്ന പുതിയ ചിത്രത്തിന് തിരക്കഥ ഒരുക്കുന്നത് അനൂപ് മേനോൻ. “മദ്രാസ് ലോഡ്ജ്” എന്ന് പേരിട്ടിരിക്കുന്ന ചിത്രത്തിൽ ജയസൂര്യ ആണ് നായകൻ. നോബിൾ ജോസ് ആണ് ചിത്രം നിർമ്മിക്കുന്നത്.
ട്രിവാൻഡ്രം ലോഡ്ജിനുശേഷം വി.കെ പ്രകാശും അനൂപ് മേനോനും ഒരുമിക്കുന്ന ചിത്രം കൂടിയാണ് മദ്രാസ് ലോഡ്ജ്. പേരിന് സാമ്യം ഉണ്ടെങ്കിലും ഈ ചിത്രം ട്രിവാൻഡ്രം ലോഡ്ജിന്റെ രണ്ടാം ഭാഗമല്ല. അനൂപ് മേനോൻ തന്നെയാണ് തന്റെ സോഷ്യൽ മീഡിയ പേജിലൂടെ പുതിയ ചിത്രത്തിന്റെ വിവരം പങ്കുവച്ചത്. ചിത്രത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല.