മലയാളത്തിൽ ഇപ്പോൾ തിളങ്ങിനിൽക്കുന്ന നായികയാണ് ഐശ്വര്യ ലക്ഷ്മി. അഭിനയിച്ച ചിത്രങ്ങളിലൂടെ പ്രേക്ഷകഹൃദയം കീഴടക്കാൻ ഐശ്വര്യയ്ക്ക് സാധിച്ചു.
ആരാധകരുടെ കമന്റും അതിനുള്ള താരങ്ങളുടെ മറുപടിയുമെല്ലാം ഇപ്പോൾ സാധാരണമാണ്. അതുപോലൊരു മറുപടിയിൽ ശ്രദ്ധനേടിയിരിക്കുകയാണ് ഐശ്വര്യ ഇപ്പോൾ.
ചേച്ചി ഐ ലവ് യു എന്നെ കെട്ടാമോ എന്ന് ചോദിച്ച ആരാധകന് വീട്ടിലെ അഡ്രസ്സ് ഇങ്ങുതന്നെ എന്നാണ് താരം മറുപടി നൽകിയത്.
ഞണ്ടുകളുടെ നാട്ടിൽ ഒരു ഇടവേള എന്ന ചിത്രത്തിൽ നിവിന്റെ നായികയായാണ് ഐശ്വര്യ സിനിമയിൽ കരിയർ തുടങ്ങുന്നത്.
ഓച്ചിറയിൽനിന്നും തട്ടികൊണ്ടുപോയ പതിനഞ്ചുകാരിയായ രാജസ്ഥാൻ പെൺകുട്ടിയെ മുംബൈയിൽ കണ്ടെത്തി. കേസിൽ മുഖ്യപ്രതിയായ മുഹമ്മദ് റോഷനെയും പോലീസ് അറസ്റ്റ് ചെയ്തു.
പ്രാദേശിക സിപിഐ നേതാവിന്റെ മകനായ റോഷൻ കഴിഞ്ഞ 18 നാണ് പെൺകുട്ടിയുടെ മാതാപിതാക്കളെ ഭീക്ഷണിപ്പെടുത്തി പെൺകുട്ടിയെ തട്ടികൊണ്ട് പോയത്. കേസിൽ 3 പ്രതികളെ ഓച്ചിറ പൊലീസ് നേരത്തെ അറസ്റ്റ് ചെയ്തിരുന്നു.
ദേവാലയദർശനത്തിന് പോകുമ്പോൾ ശരീരവും മനസ്സും പരിശുദ്ധവും തികച്ചും ലളിതവുമായിരിക്കണം എന്നത് ആചാരമായിത്തന്നെ പണ്ടുള്ളവർ നിഷ്കർഷിച്ചിരുന്നു. ആഡംബരവേഷവും പൊങ്ങച്ചവുമൊന്നും പ്രകടിപ്പിക്കേണ്ട വേദിയല്ല ദേവാലയം. ഈശ്വരനുമുന്പിൽ നാം ഒന്നുമല്ല എന്ന ബോധ്യം നമുക്കുണ്ടാകണം.
ഏറ്റവും ലളിതമായ വസ്ത്രo ഏറ്റവും വൃത്തിയോടെ ധരിച്ചുവേണം ദേവാലയത്തിലേക്ക് പോകാൻ. എല്ലാത്തിലും പ്രധാനമാണ് ശുദ്ധമായ മനസ്. അനാവശ്യ ചിന്തകളും അസൂയകളും ഒക്കെയുള്ള മനസുമായി ക്ഷേത്രദർശനം നടത്തരുത്.
പ്രിയദർശൻ ചിത്രം മരക്കാർ അറബിക്കടലിന്റെ സിംഹം ലൊക്കേഷൻ ചിത്രങ്ങൾ കാണാം. മോഹൻലാൽ കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തിൽ പ്രണവ് മോഹൻലാലും കല്ല്യാണി പ്രിയദർശനും വേഷമിടുന്നുണ്ട്.
ലേഡി സൂപ്പർ സ്റ്റാർ നയൻതാരയുടെ പുതിയചിത്രം ഐറാ യുടെ ട്രെയിലർ എത്തി. ലക്ഷ്മി, മാ, എന്നീ ചിത്രങ്ങൾക്ക് ശേഷം സർജുൻ കെ.എം. സംവിധാനം ചെയ്യുന്ന ഹൊറർ ചിത്രമാണ് ‘ഐറാ’. ‘ഐറാ’യിൽ രണ്ടു ഗെറ്റപ്പുകളിലാണ് നയൻതാര പ്രത്യക്ഷപ്പെടുന്നത്.
ട്രെയിലർ കാണാം
ഹൈ ബീം ലൈറ്റുകൾ ഇട്ട് വാഹനം ഓടിക്കുന്നതുമൂലം ഉണ്ടാകുന്ന അപകടങ്ങൾക്ക് മുന്നറിയിപ്പുമായി കേരള പോലീസ്. വാഹനങ്ങളുടെ ലൈറ്റ് ഹൈ ബീമിൽ ഇട്ടാൽ അത് എതിരെ വരുന്ന വാഹനം ഓടിക്കുന്ന ആളിന്റെ കണ്ണിൽ അടിക്കുമ്പോൾ അപകടത്തിന് കാരണമാകും എന്നും ഇത്തരത്തിൽ ഹൈ ബീം ലൈററ്റിൽ വാഹനം ഓടിക്കുന്ന ആളിന്റെ ഉള്ളിൽ ഒരു സൈക്കോ ഉണ്ടെന്നും പോലീസ് പറയുന്നു.
രസകരമായ ട്രോളുകളും ചിത്രങ്ങളും ഉപയോഗിച്ച് സമൂഹമാധ്യമങ്ങളിലൂടെ മുന്നറിയിപ്പുനൽകുന്ന കേരളാപോലീസിന്റെ രീതി ഇതിനോടകം തന്നെ പ്രശംസ നേടിയിരുന്നു.
കോടികളുടെ തട്ടിപ്പുനടത്തി മുങ്ങിയ നിരവ് മോദി ലണ്ടനില്‍ അറസ്റ്റിൽ . വെസ്റ്റ്മിനിസ്റ്റർ കോടതിയിൽ ഇന്നുതന്നെ നീരവ് മോദിയെ ഹാജരാക്കും.ബ്രിട്ടനില്‍ നിന്ന് നിരവ് മോദിയെ നാടുകടത്തണമെന്ന എന്‍ഫോഴ്സ്മെന്റ് ഡയറക്ടറേറ്റിന്റെ അപേക്ഷയെ തുടർന്നാണ് നടപടി. നീരവ് മോദിയെ വിട്ടുകിട്ടണമെന്ന് ബ്രിട്ടനോട് ഇന്ത്യ ആവശ്യപ്പെട്ടിരുന്നു.
കഴിഞ്ഞ വർഷം ജനുവരിയിൽ നാടുവിട്ട നീരവ് മോദിയും അമ്മാവൻ മെഹുൽ ചോക്സിയും പഞ്ചാബ് നാഷനൽ ബാങ്കിൽ നിന്നും 13,000 കോടി രൂപയുടെ തട്ടിപ്പ് നടത്തിയ കേസിൽ മുഖ്യ പ്രതികളാണ്. ഇന്ത്യയിൽനിന്ന് മുങ്ങി ലണ്ടനിൽ ആഡംബര ജീവിതം നയിച്ചുവരുന്നതിനിടയിലാണ് അറസ്റ്റ്.
സൂര്യാഘാതം ഏല്‍ക്കാതിരിക്കാന്‍ ജാഗ്രത പുലര്‍ത്തണമെന്ന് ആരോഗ്യ വകുപ്പിന്റെ നിര്‍ദ്ദേശം. അന്തരീക്ഷതാപം ഒരു പരിധിക്കപ്പുറം ഉയര്‍ന്നാല്‍ മനുഷ്യ ശരീരത്തിലെ താപ നിയന്ത്രണ സംവിധാനങ്ങള്‍ തകരാറിലാവുകയും ശരീരത്തിലുണ്ടാകുന്ന താപം പുറത്തു കളയുന്നതിന് തടസ്സം നേരിടുകയും ചെയ്യുന്നു. ഇതേ തുടര്‍ന്ന ശരീരത്തിന്റെ പല നിര്‍ണ്ണായക പ്രവര്‍ത്തനങ്ങളും തകരാറിലാവുന്ന അവസ്ഥയാണ് സൂര്യാഘാതം.
ലക്ഷണങ്ങള്‍
ഉയര്‍ന്ന ശരീരതാപം, വറ്റിവരണ്ട ചുവന്ന് ചൂടായ ശരീരം,നേര്‍ത്ത വേഗത്തിലുള്ള നാഡീമിടിപ്പ്, ശക്തമായ തലവേദന തലകറക്കം, മാനസികാവസ്ഥയിലുള്ള മാറ്റങ്ങള്‍ തുടങ്ങിയവയും ഇതേ തുടര്‍ന്നുള്ള അബോധാവസ്ഥയും ഉണ്ടായേക്കാം.
സൂര്യാഘാതമേറ്റാല്‍ ഉടന്‍ വെയിലുള്ള സ്ഥലത്തുനിന്നും തണലുള്ള സ്ഥലത്തേക്ക് മാറി വിശ്രമിക്കുക, തണുത്ത വെള്ളം കൊണ്ട് ശരീരം തുടക്കുക, ഫാന്‍,എ.സി തുടങ്ങിയവയുടെ സഹായത്താല്‍ ശരീരം തണുപ്പിക്കുക, ധാരാളം വെള്ളം കുടിക്കുക, കട്ടികൂടിയ വസ്ത്രങ്ങള്‍ മാറ്റുക, കഴിവതും വേഗം വൈദ്യ സഹായം ലഭ്യമാക്കുക.
സൂര്യാഘാതം ഏല്‍ക്കാതിരിക്കാനായി ചെയ്യേണ്ട കാര്യങ്ങള്‍
വേനല്‍ക്കാലത്ത് പ്രത്യേകിച്ച് ചൂടിന് കാഠിന്യം കൂടുമ്പോള്‍ ധാരാളം വെളളം കുടിക്കുക, ദാഹം തോന്നിയില്ലെങ്കില്‍ പോലും ഓരോ മണിക്കൂര്‍ കൂടുമ്പോഴും 2-4 ക്ലാസ് വെളളം കുടിക്കുക, ധാരാളം വിയര്‍പ്പുളളവര്‍ ഉപ്പിട്ട കഞ്ഞിവെളളവും, ഉപ്പിട്ട നാരങ്ങ വെളളവും കുടിക്കുക, വെയിലത്ത് ജോലി ചെയ്യുന്നവര്‍ ജോലി സമയം ക്രമീകരിക്കുക, ചുരുങ്ങിയത് ഉച്ചയ്ക്ക് 12 മണി മുതല്‍ ഉച്ച കഴിഞ്ഞ് 3 മണി വരെയുളള സമയം വിശ്രമിക്കുക, കട്ടികുറഞ്ഞ വെളുത്തതോ, ഇളം നിറത്തിലുളളതോ ഉളളതോ ആയ അയഞ്ഞ വസ്ത്രങ്ങള്‍ ധരിക്കുക, കുട്ടികളെ വെയിലത്ത് കളിക്കാന്‍ അനുവദിക്കാതിരിക്കുക, പ്രായാധിക്യമുളളവരുടെയും കുഞ്ഞുങ്ങളുടെയും മറ്റ് രോഗങ്ങള്‍ക്ക് ചികിത്സ എടുക്കുന്നവരുടെയും ആരോഗ്യ കാര്യങ്ങള്‍ പ്രത്യേകം ശ്രദ്ധിക്കുക. വെയിലകത്ത് പാര്‍ക്ക് ചെയ്തിരിക്കുന്ന കാറുകളിലും മറ്റും കുട്ടികളെ ഇരുത്തിയിട്ട് പോകാതിരിക്കുക. ജില്ലയില്‍ ചൂട് കൂടിവരുന്ന സാഹചര്യത്തില്‍ ജനങ്ങള്‍ ആരോഗ്യ വകുപ്പിന്റെ നിര്‍ദ്ദേശങ്ങള്‍ പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ.ജയശ്രീ വി അഭ്യര്‍ത്ഥിച്ചു.
വ്യത്യസ്തമായ കഥാ പശ്ചാത്തലത്തിലുള്ള “കൈദി” എന്ന സിനിമയിൽ അഭിനയിച്ച് വരുന്ന കാർത്തി, ആ സിനിമ പൂർത്തിയാകുന്നതോടെ അടുത്ത പുതിയ സിനിമയ്ക്കായി കരാർ ചെയ്യപ്പെട്ടു കഴിഞ്ഞു. കാർത്തിയുടെ 19- മത്‌ സിനിമയായ ഈ പേരിടാത്ത ചിത്രത്തിന്റെ ചിത്രീകരണം പൂജയോടെ ഇന്ന് ചെന്നൈയിൽ തുടങ്ങി.
“റെമോ” എന്ന കന്നി ചിത്രത്തിലൂടെ തന്നെ തന്റെ കഴിവു തെളിയിച്ച ഭാഗ്യരാജ് കണ്ണനാണ് സംവിധായകൻ. “ഗീതാ ഗോവിന്ദ” ത്തിലൂടെ ശ്രദ്ധേയയായ രഷ്മികാ മാണ്ടന്നയാണ്‌ ഈ ചിത്രത്തിൽ കാർത്തിയുടെ നായിക.ഡ്രീം വാരിയർ പിക്ചേഴ്‌സിന്റെ ബാനറിൽ എസ്. ആർ. പ്രകാശ് ബാബു,എസ്. ആര്‍. പ്രഭു എന്നിവരാണ്“കാർത്തി-19”ന്റെ നിർമ്മാതാക്കൾ.
അജയ്‌ കുമാർ, പീ ആർ ഒ
Newspaper is your news, entertainment, music fashion website. We provide you with the latest breaking news and videos straight from the entertainment industry.
Contact us: [email protected]
© Newspaper WordPress Theme by TagDiv
