പോലീസ് തലപ്പത്ത് വീണ്ടും മാറ്റങ്ങൾ. തിരുവനന്തപുരം, തൃശ്ശൂർ ഐ.ജിമാരെ മാറ്റി.അശോക് യാദവ് തിരുവനന്തപുരം റേഞ്ച് ഐ.ജിയും കൊച്ചി ഐ.ജി.വിജയ് സാക്കറെയ്ക്ക് തൃശൂരിന്റെയും ചുമതല.തിരുവനന്തപുരം പോലീസ് കമ്മീഷണർക്കും മാറ്റം. കെ. സേതുരാമൻ പുതിയ കമ്മിഷണർ. തൃശൂർ ഐ.ജി ആർ.അജിത് കുമാർ പോലീസ് അക്കാദമിയിലേക്ക് മാറും.തിരുവനന്തപുരം കമ്മീഷണറായിരുന്ന എസ്.സുരേന്ദ്രൻ പോലീസ് ആസ്ഥാനത്തേക്ക് സ്ഥലം മാറ്റം ലഭിച്ചു.

പെരിയ ഇരട്ടക്കൊലപാതകത്തിൽ കോൺഗ്രസിനെ വിമർശിച്ച് മന്ത്രി എം എം മണി. സിപിഎമ്മിന്റെ തലയിൽ കെട്ടിവച്ച് തെരഞ്ഞെടുപ്പിൽ നേട്ടമുണ്ടാക്കാൻ ശ്രമിക്കുന്നുവെന്നും ഇത്തരം വിമർശനങ്ങൾ ഉന്നയിച്ച് പാർട്ടിയെ ഉലത്താൻ നോക്കേണ്ട, പാർട്ടിക്ക് പങ്കില്ലെന് മുഖ്യമന്ത്രിയും കോടിയേരിയും വ്യക്തമാക്കിയതാണെന്നും റവനും മന്ത്രിക്ക് അദ്ദേഹത്തിന്റെതായ നിലപാടുണ്ടെന്നും എം എം മണി പറഞ്ഞു.

പെരിയ ഇരട്ടക്കൊലപാതകത്തിൽ കസ്റ്റഡിയിലുള്ള അഞ്ച് പേർ കൂടി അറസ്റ്റിൽ.ഇതോടെ അറസ്റ്റിലായവരുടെ എണ്ണം ഏഴായി.അനിൽ കുമാർ, ശ്രീരാഗ്, അശ്വിൻ, സുരേഷ്, ഗിജിൻ എന്നിവരാണ് അറസ്റ്റിലായത്. അറസ്റ്റിലായ ഏഴു പേരും കൃത്യത്തിൽ നേരിട്ട് പങ്കെടുത്തവരാണ്. കൊലപാതകം നടത്തിയത് പീതാംബരന്റെ നിർദേശപ്രകാരം. കൂടുതൽ പ്രതികൾ ഇനിയും പിടിയിലാകാനുണ്ടെന്ന് നിഗമനം.

കാസർകോട്ട് രണ്ട് യൂത്ത് കോൺഗ്രസ് പ്രവർത്തകരെ വെട്ടിക്കൊന്നു.പെരിയ കല്യോട്ട് സ്വദേശികളായ കൃപേഷ്, ശരത് ലാൽ (ജോഷി ) എന്നിവരാണ് മരിച്ചത്. കാറിൽ എത്തിയ സംഘം തടഞ്ഞ് നിർത്തി വെട്ടുകയായിരുന്നു. കൊലപാതകത്തിന് പിന്നിൽ സി പി എം എന്ന് കോൺഗ്രസ്.സംഭവസ്ഥലത്ത് സിപിഎം- കോൺഗ്രസ് സംഘർഷം നിലനിന്നിരുന്നു. കാസർകോട് ജില്ലിയിൽ യുഡിഎഫ് നാളെ ഹർത്താലിന് ആഹ്വാനം ചെയ്തു. യൂത്ത് കോൺഗ്രസ് നാളെ പ്രതിഷേധ ദിനം ആയി ആചരിക്കും.

പാലക്കാട് നാലു വയസ്സുകാരിയെ ബലാൽസംഗം ചെയ്ത് കൊലപ്പെടുത്തി. കൊലപാതകത്തിന് പിന്നിൽ അഞ്ചംഗ ഭിക്ഷാടന സംഘം. രണ്ട് പേർ അറസ്റ്റിലായി.തമിഴ്നാട്ടിൽ നിന്ന് തട്ടിക്കൊണ്ടുവന്ന പെൺകുട്ടിയെയാണ് കൊലപ്പെടുത്തിയത്.പെൺകുട്ടി കൊല്ലപ്പെട്ടത് റയിൽവേ ട്രാക്കിൽ കൂട്ടബലാൽസംഗത്തിനിടയിൽ.

ഹവിൽദാർ വസന്തകുമാറിന് നാടിന്റെ പ്രണാമം.ആന്ത്യാഞ്ജലി അർപ്പിച്ച് ആയിരങ്ങൾ. സംസ്‌കാരം പൂർണ ഔദ്യോഗിക ബഹുമതികളോടെ തൃക്കൈപ്പറ്റയിലെ കുടുംബ ശ്മശാനത്തിലായിരുന്നു. ആദരാഞ്ജലികൾ അർപ്പിച്ച് കേന്ദ്ര, സംസ്ഥാന മന്ത്രിമാർ.