മമ്മൂട്ടിയുടെ ബ്രഹ്മാണ്ഡ ചിത്രം മാമാങ്കം നവംബര്‍ 21 ന് റിലീസ് ചെയ്യില്ല. സിനിമയുടെ റിലീസ് തീയതി മാറ്റിയതായി ചിത്രത്തിന്റെ ഔദ്യോഗിക വൃത്തങ്ങള്‍ അറിച്ചു. ഡിസംബര്‍ 12 ലേക്കാണ് സിനിമയുടെ റിലീസ് മാറ്റിയതെന്നാണ് റിപ്പോര്‍ട്ട്.
റിലീസ് മാറ്റാന്‍ എന്താണ് കാരണമെന്ന് വ്യക്തമല്ല. മമാങ്കത്തിന്റെ റിലീസിനോടനുബന്ധിച്ച് വലിയ ആഘോഷ പരിപാടികളാണ് മമ്മൂട്ടി ആരാധകര്‍ ഒരുക്കിയിട്ടുണ്ടായിരുന്നത്. റിലീസ് തീയതി മാറ്റിയതോടെ ആരാധകര്‍ നിരാശയിലാണ്. മലയാളത്തിനൊപ്പം മറ്റു പല ഇന്ത്യന്‍ ഭാഷകളിലും ചിത്രം റിലീസ് ചെയ്യും.
കൊച്ചി: നെടുമ്പാശ്ശേരി വിമാനത്താവളത്തില്‍ യാത്രക്കാരന്റെ ബാഗില്‍ നിന്ന് ആറ് തോക്കുകള്‍ പിടികൂടി.ദുബായില്‍ നിന്നുള്ള വിമാനത്തിലെത്തിയ പാലക്കാട് സ്വദേശിയായ യാത്രക്കാരന്റെ ബാഗില്‍ നിന്നാണ് തോക്കുകള്‍ കണ്ടെടുത്തത്. ഇന്ന് പുലര്‍ച്ചെ ദുബായില്‍ നിന്നുള്ള വിമാനത്തിലെത്തിയ യാത്രക്കാരനില്‍ നിന്നാണ് തോക്കുകള്‍ കണ്ടെടുത്തത്.
തോക്ക് പല ഭാഗങ്ങളാക്കിയാണ് ബാഗില്‍ ഒളിപ്പിച്ചിരുന്നത്. പരിശോധനയ്ക്കിടെ കസ്റ്റംസ് ഉദ്യോഗസ്ഥരാണ്
തോക്കുകള്‍ കണ്ടെടുത്തത്.ഇവ എയര്‍ ഗണ്ണുകള്‍ ആണെന്നും പാലക്കാട്ടെ ഒരു റൈഫിള്‍ ക്ലബിലേയ്ക്കാണ് ഇത്രയധികം തോക്കുകള്‍ കൊണ്ടുവന്നതെന്നും ചോദ്യം ചെയ്യലില്‍ ഇയാള്‍ കസ്റ്റംസ് ഉദ്യോഗസ്ഥരോട് പറഞ്ഞു.
തോക്കുകള്‍ ബാലിസ്റ്റിക് പരിശോധനയ്ക്ക് അയച്ചു. എന്നാല്‍ ഇയാള്‍ നേരത്തെയും ഇത്തരത്തില്‍ തോക്കുകള്‍ കടത്തിയിട്ടുണ്ടോയെന്ന് അന്വേഷണത്തിലാണ് പൊലീസ്.
ചെന്നൈ: ബിജെപില്‍ ചേരുമെന്നുള്ള അഭ്യൂഹങ്ങള്‍ തള്ളി നടന്‍ രജനികാന്ത്.തിരുവള്ളുവരിനെപ്പോലെ ബിജെപി തന്നെയും കാവി പുതപ്പിക്കാന്‍ ശ്രമിക്കുന്നുണ്ട്. തിരുവള്ളുവര്‍ പ്രതിമയില്‍ കാവി പുതപ്പിച്ചതും രുദ്രാക്ഷം അണിയിച്ചതും അംഗീകരിക്കാന്‍ കഴിയില്ല. തിരുവള്ളുവരേപ്പോലെ താനും ബിജെപിയുടെ കാവിപുതപ്പിക്കലില്‍ വീഴില്ലെന്നും നടന്‍ പറഞ്ഞു.
ചെന്നൈയില്‍ സംവിധായകന്‍ കെ. ബാലചന്ദ്രന്റെ പ്രതിമ അനാഛാദനം ചെയ്യാനായി പോകവേയാണ് രജനികാന്തിന്റെ പ്രതികരണം. കെ. ബാലചന്ദ്രന്റെ പ്രതിമ രജനികാന്തും നടന്‍ കമല്‍ഹാസനും ചേര്‍ന്ന് അനാഛാദനം ചെയ്തു.
തമിഴ്കവിയും തത്വചിന്തകനുമായ തിരുവള്ളുവരുടെ പ്രതിമയില്‍ ഹിന്ദുമക്കള്‍ പാര്‍ട്ടിയാണ് കാവി ഷാള്‍ പുതപ്പിച്ചത് വിവാദമായിരുന്നു. തഞ്ചാവൂരിലെ പിള്ളയാര്‍പട്ടിയില്‍ നടന്ന ചടങ്ങില്‍ തിരുവള്ളുവരെ രുദ്രാക്ഷമണിയിക്കുകയും ചെയിതിരുന്നു. തിരുവള്ളുവര്‍ക്ക് ഏറ്റവും യോജിച്ച നിറം കാവിയാണെന്നും അദ്ദേഹം ഹിന്ദുവാണെന്നുമുള്ള ഹിന്ദുമക്കള്‍ പാര്‍ട്ടിയുടെ വാദം വിവാദമാവുകയും ചെയ്തിരുന്നു.
ഇതിനെതിരെയാണ് രജനികാന്തിന്റെ പ്രതികരണം. ‘എന്നെയും കാവി പുതപ്പിക്കാന്‍ ബിജെപി ശ്രമിക്കുന്നുണ്ട്. മാധ്യമങ്ങള്‍ ഉള്‍പ്പെടെ ഞാന്‍ ബിജെപിക്കാരനാണെന്ന് മുദ്രകുത്തുന്നുണ്ട്. അത് ശരിയല്ല. തങ്ങളുടെ പാര്‍ട്ടിയില്‍ ആളുകള്‍ ചേരുന്നത് രാഷ്ട്രീയ പാര്‍ട്ടികള്‍ക്ക് സന്തോഷമുണ്ടാക്കുന്ന കാര്യമാണ്. എന്നാല്‍ എന്നെ സംബന്ധിച്ചിടത്തോളം എന്തുവേണമെന്നുള്ളത് എന്റെ തീരുമാനമാണ്’ അദ്ദേഹം പറഞ്ഞു
കാര്‍ത്തി-ജ്യോതിക എന്നിവരെ കേന്ദ്ര കഥാപാത്രങ്ങളാക്കി ജീത്തു ജോസഫ് ഒരുക്കുന്ന ചിത്രത്തിന് പേരിട്ടു. തമ്പി എന്നാണ് ചിത്രത്തിന് പേരിട്ടിരിക്കുന്നത്. ജീത്തു ജോസഫ് തമിഴില്‍ ഒരുക്കുന്ന രണ്ടാമത്തെ ചിത്രമാണിത്.
‘പാപനാശം’ എന്ന ചിത്രമാണ് ആദ്യം സംവിധാനം ചെയ്തത്.
സത്യരാജ്, നിഖില വിമല്‍, അമ്മു അഭിരാമി എന്നിവരും തമ്പിയില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. വിയാകോം 18 സ്റ്റുഡിയോസും പാരലല്‍ മൈന്‍ഡ്സും ചേര്‍ന്നാണ് ചിത്രം നിര്‍മ്മിക്കുന്നത്. ക്രൈം കോമഡി ത്രില്ലറായി ഒരുക്കുന്ന ചിത്രത്തിന് സംഗീതമൊരുക്കുന്ന ഗോവിന്ദ് വസന്തയാണ്. ഈ മാസം ചെന്നൈയില്‍ ചിത്രത്തിന്റെ ഓഡിയോ ലോഞ്ച് നടക്കും. ചിത്രം ഡിസംബര്‍ 20ന് റിലീസ് ചെയ്യാനാണ് ഒരുങ്ങുന്നത്. ‘സുല്‍ത്താന്‍’ എന്ന ചിത്രത്തിലും മണിരത്നത്തിന്റെ ‘പൊന്നിയിന്‍ സെല്‍വനി’ലും കാര്‍ത്തി പ്രധാന വേഷങ്ങളിലെത്തുന്നുണ്ട്
സനല്‍ കുമാര്‍ ശശിധരന്‍ സംവിധാനം ചെയ്ത് ജിജു ജോര്‍ജ് നായകനായെത്തുന്ന ചിത്രം ചോല ഡിസംബര്‍ ആറിന് തീയറ്ററുകളിലെത്തും. നിമിഷാ സജയനാണ് ചിത്രത്തിലെ നായിക. സിനിമയിലെ അഭിനയത്തിന് നിമിഷ സജയന് സംസ്ഥാനസര്‍ക്കാറിന്റെ മികച്ച നടിക്കുള്ള പുരസ്‌ക്കാരവും ജോജു ജോര്‍ജിന് മികച്ച സ്വഭാവ നടനുള്ള പുരസ്‌കാരവും ലഭിച്ചിരുന്നു. സിനിമയുടെ റിലീസിനെക്കുറിച്ച് സംവിധായകന്‍ തന്നെയാണ് എഫ്ബിയിലൂടെ അറിയിച്ചത്.
സിനിമാ പ്രേമികള്‍ എല്ലാം വലിയ ആവേശത്തിലാണ്. മാമാങ്കം സിനിമയ്ക്കായുള്ള കാത്തിരിപ്പിലാണ് ആരാധകര്‍.
പ്രചാരണത്തില്‍ കോളിളക്കം സൃഷ്ട്ടിച്ച കബാലിക്ക് ശേഷം അതിനെ വെല്ലുന്ന സ്വീകാര്യതയുമായാണ് ബ്രഹ്മാണ്ഡ ചിത്രം മാമാങ്കം എത്തുന്നത്. കബാലി കാണാന്‍ തമിഴ്‌നാട്ടില്‍ കമ്പനികള്‍ ജീവനക്കാര്‍ക്ക് അവധി കൊടുത്തെങ്കില്‍ മാമാങ്കത്തിനായി കമ്പനികള്‍ തങ്ങളുടെ ജീവനക്കാര്‍ക്ക് വേണ്ടി സ്‌പെഷല്‍ ഷോ ബുക്ക് ചെയ്യുകയാണ്. ബാങ്കുകളും ജ്വല്ലറി, ടെക്‌സ്‌റ്റൈല്‍ സ്ഥാപനങ്ങളും തങ്ങളുടെ കസ്റ്റമേഴ്‌സിന് വേണ്ടിയും ഐടി കമ്പനികള്‍ തങ്ങളുടെ ജീവനക്കാര്‍ക്ക് വേണ്ടിയും സ്‌ക്രീനുകള്‍ ബുക്ക് ചെയ്യാന്‍ സിനിമയുടെ പ്രൊഡക്ഷന്‍ കമ്പനിയെ സമീപിച്ചതായാണ് റിപ്പോര്‍ട്ടുകള്‍. മലയാളത്തില്‍ ഇതി ആദ്യമായാണ് ഒരു സിനിമയ്ക്കായി ഇത്ര വലിയ സ്വീകാര്യത ലഭിക്കുന്നത്. രജനികാന്ത് നായകനായ കബാലിയുടെ റിലീസിന് കമ്പനികള്‍ ജീവനക്കാര്‍ക്ക് അവധി കൊടുത്തത് വലിയ വാര്‍ത്തയായിരുന്നു.
മമ്മൂട്ടി നായകനാവുന്ന മാമാങ്കത്തിന്റെ ട്രെയിലറും ഗാനങ്ങളുമെല്ലാം വലിയ രീതിയില്‍ ശ്രദ്ധിക്കപ്പെട്ടിരുന്നു. ചിത്രത്തിന്റെ മേക്കിംഗ് വീഡിയോ കണ്ട സിനിമാ മേഖലയിലെ സാങ്കേതിക വിദഗ്ദര്‍ മാമാങ്കത്തെ ഇന്ത്യന്‍ സിനിമയുടെ മുഖം മാറ്റുന്ന ചിത്രമായാണ് വിലയിരുത്തുന്നത്. മാമങ്കം സിനിമ മറ്റൊരു ചരിത്രമാവുമെന്നാണ് പല പ്രമുഖ വ്യക്തികളും പറഞ്ഞത്.
ചരിത്ര പ്രാധാന്യത്തോടെ പുറത്തിറങ്ങുന്ന ചിത്രം സംവിധാനം ചെയ്യുന്നത് എം. പദ്മകുമാറാണ്. കാവ്യ ഫിലിം കമ്പനിയുടെ ബാനറില്‍ പ്രവാസി വ്യവസായിയും എഴുത്തുകാരനുമായ വേണു കുന്നപ്പിള്ളിയാണ് മാമാങ്കം നിര്‍മ്മിക്കുന്നത്.
വിജയ് സേതുപതി ഇരട്ട വേഷത്തിൽ അഭിനയിക്കുന്ന ‘ സങ്കതമിഴൻ ‘ പ്രദർശനത്തിന്. റാഷി ഖന്ന, നിവേദാ പെത്തുരാജ് എന്നിവരാണ് നായികമാർ. നാസ്സർ, സൂരി, അനന്യ എന്നിവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ‘ വാലു ‘, ‘ സ്കെച്ച് ‘ എന്നീ സിനിമകളിലൂടെ ശ്രദ്ധേയനായ വിജയ് ചന്ദറാണ് സങ്കതമിഴന്റെ രചയിതാവും സംവിധായകനും.
” രാഷ്ട്രീയ പശ്ചാത്തലത്തിൽ സാമൂഹ്യ പ്രസക്തമായ ഒരു പ്രമേയത്തിന്റെ ചലച്ചിത്ര ആവിഷ്കാരമാണ് ‘ സങ്കതമിഴൻ ‘. പ്രണയം , നർമ്മം, ആക്ഷൻ , സസ്പെൻസ് , നയന മനോഹരമായ ഗാന – നൃത്ത രംഗങ്ങൾ എന്നീ വിനോദ ഘടകങ്ങൾ എല്ലാം ഉൾകൊള്ളിച്ചു കൊണ്ടുള്ള ഒരു മോ സമ്പൂർണ ഫാമിലി എന്റടെയിനറാണ് ചിത്രം. വിജയ് സേതുപതി ഇത്‌ ആദ്യമായി ഒരു സിനിമയിൽ ഇരട്ട വേഷത്തിൽ അഭിനയിക്കുന്നു എന്നതാണ് ഇൗ സിനിമയുടെ ആദ്യത്തെ പ്രത്യേകത.മുരുകൻ, തമിഴ് എന്നീ രണ്ടു നായക കഥാപാത്രങ്ങളെയാണ് അദ്ദേഹം അവതരിപ്പിക്കുന്നത്. ഗാനങ്ങൾ എല്ലാം തന്നെ ഇതിനോടകം ഹിറ്റായി കഴിഞ്ഞു.
വിജയ് സേതുപതി , റാഷി ഖന്ന എന്നിവരും സംഘവും അഭിനയിച്ച ‘ കമലാ കലാസാ അപ്നാ അപ്നാ , അയ്യയോ കലാട്ടാ അപ്നാ ‘ എന്ന ഗാന രംഗം , പ്രശസ്ത കലാ സംവിധായകൻ പ്രഭാകർ രൂപകല്പന ചെയ്ത വർണാഭമായ ബ്രമ്മാണ്ഡ സെറ്റിൽ വെച്ചാണ് ചിത്രീകരിച്ചിട്ടുള്ളത്. ഒന്നിനൊന്നു മികച്ച വ്യത്യസ്തങ്ങളായ അഞ്ച് സ്റ്റണ്ട് രംഗങ്ങളുണ്ട്. ‘ അനൽ ‘ അരസാണ് സ്റ്റണ്ട് മാസ്റ്റർ. വിജയ് സേതുപതിയുടെ മാസ്സ് എന്റർടെയിനർ ആക്ഷൻ ത്രില്ലറാണ് സങ്കതമിഴൻ“. എന്ന് സംവിധായകൻ വിജയ് ചന്ദർ തന്റെ ചിത്രത്തെ കുറിച്ച് വിവരിച്ചു…
ആർ. വേൽരാജാണ് ഛായാഗ്രാഹകൻ. വിവേക് – മെർവിൻ ഇരട്ടകളാണ് സംഗീത സംവിധാനം നിർവഹിച്ചിരിക്കുന്നത്. വിജയാ പ്രൊഡക്ഷൻസ് നിർമ്മിച്ച സങ്കതമിഴൻ നവംബർ 15 ന് പ്രകാശ് ഫിലിംസ് കേരളത്തിൽ റിലീസ് ചെയ്യും.
# സി. കെ . അജയ് കുമാർ, പി ആർ ഒ
മകൻ ധ്രുവിന്റെ പുതിയചിത്രത്തിന്റെ പ്രമോഷനുമായി കേരളത്തിലെത്തിയ വിക്രമും ധ്രുവും വാക്കുകൾ കൊണ്ട് മലയാളികളുടെ മനസ്സ് കീഴടക്കി. ആദിത്യവർമ്മ എന്ന ചിത്രത്തിന്റെ പ്രമോഷനുമായി ബന്ധപ്പെട്ടാണ് ഇരുവരും കേരളത്തിൽ എത്തിയത്.
തിരുവനന്തപുരം പ്രസ് ക്ലബിൽ നടത്തിയ വാർത്ത സമ്മേളനത്തിന്റെ ഫുൾ വീഡിയോ കാണാം
തമിഴിലെ ജനപ്രിയ സംവിധായകൻ സുന്ദർ .സി വിശാലിനെ നായകനാക്കി സംവിധാനം ചെയ്ത പുതിയ ചിത്രം “ആക്ഷൻ “ പ്രദർശന സജ്ജമായി.പേര് പോലെ തന്നെ ആദ്യന്തം ത്രസിപ്പിക്കുന്ന ഒരു ആക്ഷൻ ചിത്രമാണിത് .മാത്രമല്ല ഇന്ത്യൻ സിനിമയുടെ തന്നെ ചരിത്രത്തിൽ ആദ്യമായാണ് ഇത്തരത്തിലൊരു മുഴു നീള ആക്ഷൻ സിനിമ ചിത്രീകരിക്കപ്പെടുന്നതെന്നും അത് കൊണ്ടാണ് ചിത്രത്തിന് അനുയോജ്യമായ “ആക്ഷൻ” എന്ന് പേര് നൽകിയതെന്നും അണിയറക്കാർ വെളിപ്പെടുത്തി.അടുത്തിടെ പുറത്തിറങ്ങിയ ചിത്രത്തിൻ്റെ ടീസറിനും ട്രെയിലറിനും വൻ വരവേൽപ്പാണ് ലഭിച്ചിരിക്കുന്നത് .കഴിഞ്ഞ ദീപാവലി ദിവസം പുറത്തിറക്കിയ ട്രൈലർ ദിവസങ്ങൾ കൊണ്ട് കാണികളുടെ പ്രശംസ നേടി ട്രെൻഡിങ്ങായി മൂന്ന് മില്യൺ കാണികളെ താണ്ടി വൈറലായി മുന്നേറുകയാണ് . അതുകൊണ്ടു തന്നെ ആക്ഷനെ കുറിച്ച് ആരാധകരിൽ പ്രതീക്ഷയും വർദ്ധിച്ചിരിക്കയാണ് . കാണികളെ ആകാംഷയുടെ മുനമ്പിൽ നിർത്തുന്ന ആക്ഷൻ രംഗങ്ങളായിരിക്കും ചിത്രത്തിലേതെന്ന് ട്രെയിലർ സൂചിപ്പിക്കുന്നു
തൻ്റെ സിനിമയെ കുറിച്ചു സംവിധായകൻ സുന്ദർ .സി …
” ഞാൻ ആക്ഷൻ്റെ കഥ പൂർത്തിയാക്കിയിട്ട് ഒന്നര വർഷം കഴിഞ്ഞു . എഴുതി കഴിഞ്ഞപ്പോൾ തന്നെ വിശാലാണ് നായകൻ എന്ന് ഞാൻ തീരുമാനിച്ചിരുന്നു . രണ്ടു പേരുടെയും തിരക്കു കാരണമാണ് പടം തുടങ്ങാൻ വൈകിയത് . ഞാൻ എം ജി ആറിന്റെ തീവ്ര ആരാധകനാണ് .അദ്ദേഹത്തിൻ്റെ ‘ഉലകം ചുറ്റും വാലിബൻ ‘എന്ന സിനിമ കണ്ടത് മുതൽ നാടുകൾ തോറും ചുറ്റി ഒരു സിനിമ എടുക്കണം എന്ന ആഗ്രഹം മനസ്സിൽ സൂക്ഷിച്ചിരുന്നു .അത് ആക്ഷനിലൂടെ സഫലമായി .വിദേശത്തു സിനിമ ഷൂട്ട് ചെയ്യുകയെന്നത് ദുഷ്ക്കരമായ ഒരു കാര്യമാണ് .കാലാവസ്ഥ ,ഭാഷ ,സംസ്ക്കാരം, ആളുകൾ എന്നിങ്ങനെ ഒട്ടനവധി പ്രശ്‌നങ്ങളെ അതി ജീവിക്കേണ്ടി വരും . എൻ്റെ കരിയറിൽ ഞാൻ ഏറ്റവും ബുദ്ധിമുട്ടി ചെയ്ത പടം ആക്ഷനാണ് .പുതുതായി പറയാൻ എൻ്റെ പക്കൽ കഥയൊന്നുമില്ല .പക്ഷെ പുതുമമായായിരിക്കും ആക്ഷൻ .
പ്രേക്ഷകർ ഈ സിനിമയിലേതു പോലെയുള്ള ആക്ഷൻ രംഗങ്ങൾ ഇതിനു മുമ്പ് നമ്മുടെ സിനിമകളിൽ കണ്ടിട്ടുണ്ടാവില്ല .എന്റർടൈൻമെന്റിനുള്ള എല്ലാ ഘടകങ്ങളും ചിത്രത്തിലുണ്ടാവും .സിനിമയിൽ മൂന്ന് പെൺകുട്ടികൾ പ്രധാനികളാണ് .നായികമാരിൽ ഐശ്വര്യ ലക്ഷ്മി ശാലീന വേഷത്തിൽ .തമന്ന മിലിട്ടറി കമാൻഡോ മാതിരിയുള്ള ഒരു ഗാംഭീര്യമുള്ള വേഷത്തിലെത്തുന്നു . അഹൻസാ പൂരി പക്കാ റൗഡിയായ ഒരു കഥാപാത്രത്തെ അവതരിപ്പിക്കുന്നു .ബാഹുബലിയിൽ നിന്നും വ്യത്യസ്തമായി മോഡേൺ ആക്ഷൻ നായികയായി തമന്നയെ ഈ ചിത്രത്തിൽ കാണാം .തമന്നക്ക് ഏറെ സംഘട്ടന രംഗങ്ങളുണ്ട് . ബോളിവുഡ് നടൻ കബീർ സിംഗ് ഇരട്ട വേഷത്തിൽ വില്ലൻ കഥാപാത്രത്തെ അവതരിപ്പിക്കുന്നു . പഴകറുപ്പയ്യ ,യോഗി ബാബു ,രാംകി എന്നിവരാണ് മറ്റു പ്രധാന അഭിനേതാക്കൾ അവതരിപ്പിക്കുന്നത് . “
തമിഴ് സിനിമയുടെ ആക്ഷൻ ഹീറോ എന്ന് വിശേഷിപ്പിക്കപ്പെടുന്ന വിശാൽ മിലിട്ടറി കമാൻഡോ ഓഫീസറായിട്ടാണ് അഭിനയിക്കുന്നത് . ഒരു കുറ്റാന്വേഷണത്തിനായി ലോകം മുഴുവൻ സഞ്ചരിക്കേണ്ടി വരുന്ന ഈ നായക കഥാപാത്രത്തിന് വേണ്ടി ആക്ഷൻ , ചേസിങ് തുടങ്ങിയവയും സാഹസികമായ സംഘട്ടന രംഗങ്ങളുമാണത്രെ സ്റ്റണ്ട് മാസ്‌റ്റർമാരായ അൻബറിവ്‌ ഒരുക്കിയത് .പല രംഗങ്ങളിലും വിശാൽ ഡ്യൂപ് ഇല്ലാതെ അഭിനയിച്ചത് കാണികളിൽ രോമാഞ്ചമുണ്ടാക്കുന്ന രംഗങ്ങളായിരിക്കുമത്രേ .
ദശ കോടികളുടെ മുതൽമുടക്കിൽ നിർമ്മിക്കുന്ന ഈ ബ്രമാണ്ട ചിത്രം തുർക്കിയിലെ അസർ ബൈസാൻ , കേപ്പഡോഷ്യ , ബാകൂ ,ഇസ്താൻബുൾ ,തായ്‌ലൻഡിലെ ക്രാബി ദ്വീപുകൾ ,ബാങ്കോക്ക് തുടങ്ങിയ വിദേശ രാജ്യങ്ങളിലും ഇന്ത്യയിൽ ജയ്‌പൂർ , ഋഷികേശ് , ഡെറാഡൂൺ, ഹൈദരാബാദ് ,ചെന്നൈ എന്നിവിടങ്ങളിലുമാണ് ചിത്രീകരിച്ചിരിക്കുന്നത് . തമന്നയും മലയാളിയായ ഐശ്വര്യ ലക്ഷ്‌മിയുമാണ് ആക്ഷനിൽ വിശാലിൻ്റെ നായികമാർ.
ചിത്രത്തിലെ റൊമാൻറിക്കായ ഗാന – നൃത്ത രംഗങ്ങൾ വിദേശത്ത് ഇതു വരെ സിനിമയിൽ കണ്ടിട്ടില്ലാത്ത മനോഹരമായ ലൊക്കേഷനുകളിൽ വെച്ചാണ് ചിത്രീകരിച്ചിട്ടുള്ളത്. നൃത്ത സംവിധാനം – ബൃന്ദ, ദിനേശ് മാസ്റ്റർ, ഛായാഗ്രഹണം – ടെഡി,ബദ്രിസംഗീത സംവിധാനം – ഹിപ് ഹോപ് തമിഴാ. ട്രൈഡണ്ട് ആർട്ട്സിന്റെ ബാനറിൽ ആർ.രവീന്ദ്രൻ നിർമ്മിച്ച “ആക്ഷൻ “ നവംബർ മധ്യത്തിൽ ലോകമെമ്പാടും റിലീസ് ചെയ്യും .
# സി .കെ .അജയ് കുമാർ ,PRO
കേരളസംസ്ഥാന സർക്കാറിനയെ ടെലിവിഷൻ മേഖലയിലെ മികച്ച സംഭാവനകൾക്കുള്ള അവാർഡുകൾ വിതരണം ചെയ്തു. തിരുവനന്തപുരത്ത് നടന്ന ചടങ്ങിൽ മന്ത്രി കടകംപള്ളി സുരേന്ദ്രനാണ് അവാർഡുകൾ നൽകിയത്.
സീരിയൽ താരങ്ങൾ പങ്കെടുത്ത ചടങ്ങിൽ അമൃത സുരേഷ് നയിച്ച സംഗീതവിരുന്ന് മാറ്റുകൂട്ടി
വീഡിയോ കാണാം
ദീപാവലിക്ക് വിരുന്നൊരുക്കി അമിതാഭ് ബച്ചനും കുടുംബവും. ആഘോഷരാവിൽ ബോളിവുഡിലെ നിരവധി താരങ്ങൾ പങ്കെടുത്തു. മലയാളത്തിൽനിന്നും ദുൽക്കർ സൽമാനും ഭാര്യയും പങ്കെടുത്തു.
ചിത്രങ്ങൾ കാണാം
തമിഴ്‌നാട്ടിൽ കുഴൽക്കിണറിൽ അകപ്പെട്ട സുജിത് എന്ന കുട്ടി മരണത്തിന് കീഴടങ്ങി. കിണറിൽനിന്നും ദുർഗന്ധം വന്നതോടെയാണ് മരണം സ്ഥിതീകരിച്ചത്. അഴുകിത്തുടങ്ങിയിരുന്ന ശരീരം കിണറിൽകൂടിത്തന്നെ പുറത്തെടുക്കുകയായിരുന്നു. രാജ്യം ഒന്നാകെ പ്രാർത്ഥനയോടെയും പ്രതീക്ഷയോടെയും കാത്തിരുന്ന ദിനങ്ങൾക്ക് അന്ത്യമായി.
വീട്ടുമുറ്റത്ത് കളിച്ചുകൊണ്ടിരിക്കുമ്പോഴാണ് സുജിത് കുഴൽക്കിണറിൽ വീഴുന്നത്. ആദ്യം 25 അടി താഴ്ചയിൽ വീണസുജിത്ത് പിന്നീട് 85 അടിയോളം താഴ്ചയിലേക്ക് പോയി. കുട്ടിയെ രക്ഷിക്കാൻ ആവുന്നതെല്ലാം ചെയ്തു എന്ന് അധികൃതർ പറയുന്നു.
Newspaper is your news, entertainment, music fashion website. We provide you with the latest breaking news and videos straight from the entertainment industry.
Contact us: [email protected]
© Newspaper WordPress Theme by TagDiv