തമിഴ്‌നാട് മുഖ്യമന്ത്രിയായി ചുമതലയേറ്റ നടൻ വിജയ്യെ ചെന്നൈയിലെ തമിഴക വെട്രി കഴകം (TVK) പാർട്ടി ആസ്ഥാനത്തെത്തി നേരിൽ കണ്ട് ആശംസകൾ അറിയിച്ച് പ്രമുഖ ചലച്ചിത്ര താരങ്ങളായ സിമ്രാനും ചിലമ്പരസനും (സിമ്പു). തിങ്കളാഴ്ചയാണ് താരങ്ങൾ മുഖ്യമന്ത്രി വിജയ്യെ സന്ദർശിച്ചത്. സന്ദർശനത്തിന് ശേഷമുള്ള ചിത്രങ്ങൾ ഇരുവരും സോഷ്യൽ മീഡിയയിലൂടെ പങ്കുവെച്ചിട്ടുണ്ട്.

തന്റെ കുടുംബത്തോടൊപ്പമാണ് നടി സിമ്രാൻ വിജയ്യെ കാണാനെത്തിയത്. വർഷങ്ങൾക്ക് ശേഷം വിജയ്യെ നേരിൽ കണ്ടതിന്റെ സന്തോഷം താരം പങ്കുവെച്ചു. “വർഷങ്ങൾക്ക് ശേഷം ഒരുമിച്ച് സ്ക്രീൻ സ്പേസ് പങ്കിട്ടതിന് ശേഷം, ബഹുമാനപ്പെട്ട മുഖ്യമന്ത്രി തിരു വിജയ്യെ എന്റെ കുടുംബത്തോടൊപ്പം കാണാൻ കഴിഞ്ഞതിൽ വലിയ സന്തോഷമുണ്ട്. അദ്ദേഹത്തെ ഒരുപാട് ആളുകൾക്ക് പ്രിയങ്കരനാക്കിയ ആ സ്നേഹവും വിനയവും ആത്മാർത്ഥതയും ഇന്നും അതുപോലെ തന്നെയുണ്ട്! നമ്മുടെ സംസ്ഥാനത്തിന്റെ പുരോഗതിക്കായുള്ള അദ്ദേഹത്തിന്റെ കാഴ്ചപ്പാടും താല്പര്യവും പ്രചോദനാത്മകമാണ്,” സിമ്രാൻ കുറിച്ചു. നേരുക്ക് നേർ, വൺസ് മോർ, തുള്ളാത മനവും തുള്ളും, പ്രിയമാനവളെ, ഉദയ തുടങ്ങിയ സൂപ്പർഹിറ്റ് ചിത്രങ്ങളിലെ വിജയ്യുടെ എക്കാലത്തെയും മികച്ച ജോഡിയായിരുന്നു സിമ്രാൻ.

View this post on Instagram

A post shared by SIMRAN (@actorsimranofficial)

തന്റെ പ്രിയപ്പെട്ട ‘വിജയ് അണ്ണനെ’ സന്ദർശിച്ചതിന്റെ ചിത്രങ്ങൾ നടൻ ചിലമ്പരസനും പങ്കുവെച്ചിട്ടുണ്ട്. “ബഹുമാനപ്പെട്ട മുഖ്യമന്ത്രി വിജയ് അണ്ണനെ ഇന്ന് നേരിൽ കാണാൻ സാധിച്ചതിൽ വലിയ സന്തോഷം. തമിഴ്‌നാട്ടിലെ ജനങ്ങളെ സേവിക്കുന്ന അദ്ദേഹത്തിന് എല്ലാ കരുത്തും വിജയവും ദൈവാനുഗ്രഹവും ഉണ്ടാകട്ടെ എന്ന് ആശംസിക്കുന്നു,” എന്നാണ് സിമ്പു സോഷ്യൽ മീഡിയയിൽ കുറിച്ചത്. സിനിമയിൽ ഇരുവരും ഒന്നിച്ച് അഭിനയിച്ചിട്ടില്ലെങ്കിലും, മുൻപ് സിമ്പുവിന്റെ ‘വാല്’ എന്ന ചിത്രത്തിന്റെ റിലീസ് പ്രതിസന്ധിയിലായ സമയത്ത് വിജയ്യും അദ്ദേഹത്തിന്റെ പിതാവ് എസ്.എ. ചന്ദ്രശേഖറും സിമ്പുവിന് വലിയ പിന്തുണ നൽകിയിരുന്നു.

കഴിഞ്ഞ മെയ് 10-ന് തമിഴ്‌നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്തതിന് ശേഷം സിനിമാ മേഖലയിൽ നിന്നുള്ള നിരവധി പ്രമുഖരാണ് അദ്ദേഹത്തിന് നേരിട്ടെത്തി ആശംസകൾ അറിയിക്കുന്നത്. ദ്രാവിഡ പാർട്ടികളുടെ ആധിപത്യമുള്ള തമിഴ്‌നാട് രാഷ്ട്രീയത്തിൽ കന്നി അങ്കത്തിൽ തന്നെ 108 സീറ്റുകൾ നേടിയാണ് വിജയ്യുടെ തമിഴക വെട്രി കഴകം (TVK) അധികാരം പിടിച്ചെടുത്തത്.

View this post on Instagram

A post shared by Silambarasan TR (@silambarasantrofficial)

Actors Simran and Silambarasan Meet Tamil Nadu Chief Minister Vijay

മലയാളി പ്രേക്ഷകരുടെയും സോഷ്യൽ മീഡിയയുടെയും പ്രിയങ്കരിയായ നടി ഡിംപിൾ റോസ് പങ്കുവെച്ച ഇൻസ്റ്റഗ്രാം കുറിപ്പ് ആരാധകരുടെ കണ്ണ് നിറയ്ക്കുന്നു. ഇരട്ടക്കുഞ്ഞുങ്ങളിൽ ഒരാളെ നഷ്ടപ്പെട്ടതിന്റെ വേദനയും നിലവിലുള്ള മകന്റെ ജന്മദിനത്തിന്റെ സന്തോഷവും പങ്കുവെച്ചുകൊണ്ടാണ് താരം എത്തിയിരിക്കുന്നത്.

മകന്റെ ജന്മദിനത്തിന് രണ്ട് ദിവസം മാത്രം ബാക്കി നിൽക്കെ തന്റെ ഗർഭകാലത്തെ ചിത്രമാണ് ഡിംപിൾ പോസ്റ്റ് ചെയ്തത്. 26-ാം ആഴ്ചയിൽ പൂർണ്ണ വളർച്ചയെത്തുന്നതിന് മുൻപായിരുന്നു ഡിംപിളിന്റെ പ്രസവം. ഇരട്ടക്കുട്ടികളിൽ ഒരു മകനെ ജനിച്ച് മണിക്കൂറുകൾക്കകം താരത്തിന് നഷ്ടമായിരുന്നു. ആ വേദനകൾ ഓർത്തെടുത്താണ് താരം കുറിച്ചത്.

“ഒറ്റപ്പെടൽ നിറഞ്ഞ ഒരു ലോകം, സമ്മർദ്ദത്തിലായ ശരീരം, ഒപ്പം പ്രാർത്ഥനകൾ നിറഞ്ഞ ഹൃദയവും. 26-ാം ആഴ്ചയിൽ നീ നേരത്തെ എത്തുന്നതിന് മുൻപുള്ള കൊടുങ്കാറ്റിന് മുൻപത്തെ ശാന്തതയായിരുന്നു അത്,” എന്ന് ഡിംപിൾ പറയുന്നു. ഇന്ന് ഈ ഫോട്ടോയിലേക്ക് നോക്കുമ്പോൾ ഗർഭകാലത്തെ വയറല്ല, മറിച്ച് താൻ പ്രാർത്ഥിച്ച ആ രണ്ട് ആത്മാക്കളെയും, അതിൽ ഒരാൾക്ക് മാത്രമേ ഒപ്പം ചേരാൻ കഴിഞ്ഞുള്ളൂ എന്ന കയ്പ്പേറിയ യാഥാർത്ഥ്യവുമാണ് കാണുന്നതെന്നും ഡിംപിൾ കൂട്ടിച്ചേർത്തു. കൂടെയുള്ള മകനെ ഓർത്തുള്ള കൃതജ്ഞതയും ഒപ്പം മാലാഖയായി മാറി തങ്ങളെ കാക്കുന്ന മറ്റൊരു മകനെക്കുറിച്ചുള്ള ഓർമ്മകളും പങ്കുവെച്ചാണ് ഡിംപിൾ കുറിപ്പ് അവസാനിപ്പിച്ചത്.

View this post on Instagram

A post shared by Dimple Rose (@dimple_rose_official)

Actress Dimple Rose remembers the twin she lost in an emotional throwback post

മലയാളി പ്രേക്ഷകർ ഏറെ ആവേശത്തോടെയും ആകാംഷയോടെയും കാത്തിരിക്കുന്ന, ദുൽഖർ സൽമാൻ ചിത്രം “ഐ ആം ഗെയിം”ൻ്റെ പുത്തൻ പോസ്റ്റർ പുറത്ത്. ദുൽഖർ സൽമാനെ അതീവ സ്റ്റൈലിഷ് ലുക്കിൽ അവതരിപ്പിക്കുന്ന പോസ്റ്റർ ആണ് പുറത്ത് വന്നിരിക്കുന്നത്. ചിത്രത്തിൻ്റെ റിലീസ് തീയതി നേരത്തെ പുറത്ത് വന്നിരുന്നു. 2026 ഓഗസ്റ്റ് 20 ന് ഓണം റിലീസായി ചിത്രം ആഗോള തലത്തിൽ തീയേറ്ററുകളിലെത്തും. ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ ഇപ്പോൾ പുരോഗമിക്കുകയാണ്. ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഈ ബിഗ് ബഡ്ജറ്റ് ആക്ഷൻ ത്രില്ലർ, ദുൽഖറിന്റെ കരിയറിലെ തന്നെ ഏറ്റവും വലിയ ചിത്രമായാണ് ഒരുങ്ങുന്നത്. ചിത്രം സംവിധാനം ചെയ്തത് നഹാസ് ഹിദായത്. വേഫെറർ ഫിലിംസിന്റെ ബാനറിൽ ദുൽഖർ സൽമാൻ, ജോം വർഗീസ് എന്നിവർ ചേർന്ന് നിർമ്മിക്കുന്ന ചിത്രം രചിച്ചത് ഷഹബാസ് റഷീദും ആദർശ് സുകുമാരനും ചേർന്നാണ്.

തെന്നിന്ത്യയിലെ നൂറിലധികം ലൊക്കേഷനുകളിലായി ചിത്രീകരണം പൂർത്തിയായ ഐ ആം ഗെയിം മലയാള സിനിമാ പ്രേമികൾ ഏറ്റവും ആവേശത്തോടെയും പ്രതീക്ഷയോടെയും കാത്തിരിക്കുന്ന ചിത്രമാണ്. മലയാളത്തിലെ ഏറ്റവും വലിയ റിലീസുകളിൽ ഒന്നായാണ് ചിത്രം എത്താനൊരുങ്ങുന്നത്. മലയാള സിനിമയിലെ തന്നെ ഏറ്റവും വലിയ ചിത്രങ്ങളിലൊന്നായി ഒരുങ്ങുന്ന ചിത്രത്തിൽ, ഏറ്റവും സ്റ്റൈലിഷ് , മാസ്സ് ലുക്കിലാണ് ദുൽഖറിനെ അവതരിപ്പിക്കുന്നത്. മെഗാ ബ്ലോക്ക്ബസ്റ്റർ ഹിറ്റായ ലോകക്ക് ശേഷം വേഫെറർ ഫിലിംസിന്റെ ബാനറിൽ നിർമ്മിച്ചു പുറത്ത് വരാൻ പോകുന്ന ചിത്രം കൂടിയാണ് “ഐ ആം ഗെയിം”.

ചിത്രത്തിന്റെ ഫസ്റ്റ് ലുക്ക് പോസ്റ്റർ, സെക്കന്റ് ലുക്ക് ഉൾപ്പെടെയുള്ളവക്ക് സമൂഹ മാധ്യമങ്ങളിൽ വമ്പൻ സ്വീകരണമാണ് ലഭിച്ചത്. ദുൽഖർ സൽമാന്റെ നാല്പതാം ചിത്രമായി ആണ് ഈ ബിഗ് ബഡ്ജറ്റ് ആക്ഷൻ ത്രില്ലർ എത്തുന്നത്. ദുൽഖർ സൽമാനെ കൂടാതെ ആന്റണി വർഗീസ്, തമിഴ് നടനും സംവിധായകനുമായ മിഷ്കിൻ, കായദു ലോഹർ, കതിർ, പാർത്ഥ് തിവാരി, തമിഴ് നായികാ താരം സംയുക്ത വിശ്വനാഥൻ തുടങ്ങി വമ്പൻ താരനിര അണിനിരക്കുന്ന ചിത്രത്തിന് സംഗീതം ഒരുക്കുന്നത് ജേക്സ് ബിജോയ്, സംഘട്ടനം ഒരുക്കുന്നത് അൻപറിവ്‌ മാസ്റ്റേഴ്സ് എന്നിവരാണ്. ആർഡിഎക്സ് എന്ന സൂപ്പർ ഹിറ്റ് ചിത്രത്തിന് ശേഷം നഹാസ് സംവിധാനം ചെയ്യുന്ന ചിത്രം കൂടിയാണ് “ഐ ആം ഗെയിം”. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ പാൻ ഇന്ത്യൻ റിലീസായി ചിത്രം തീയേറ്ററുകളിലെത്തും.

ലൈൻ പ്രൊഡ്യൂസർ – ബിബിൻ പെരുമ്പിള്ളി, ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമൻ ചാക്കോ, പ്രൊഡക്ഷൻ ഹെഡ് – സുജോയ് ജെയിംസ്, ദേവദേവൻ, പ്രൊഡക്ഷൻ ഡിസൈനർ- അജയൻ ചാലിശ്ശേരി, മേക്കപ്പ് – റോണക്സ് സേവ്യർ. കോസ്റ്റ്യൂം- മഷർ ഹംസ, പ്രൊഡക്ഷൻ കൺട്രോളർ- ദീപക് പരമേശ്വരൻ, അസോസിയേറ്റ് ഡയറക്ടർ- രോഹിത് ചന്ദ്രശേഖർ. ഗാനരചന- മനു മഞ്ജിത്ത്, വിനായക് ശശികുമാർ, VFX – തൗഫീഖ് – എഗ്‌വൈറ്റ്, പോസ്റ്റർ ഡിസൈൻ- ടെൻ പോയിന്റ്, സൗണ്ട് ഡിസൈൻ- സിങ്ക് സിനിമ, സൗണ്ട് മിക്സ് – കണ്ണൻ ഗണപത്, സ്റ്റിൽസ്- എസ് ബി കെ, മാർക്കറ്റിംഗ് ഹെഡ് – വിജിത് വിശ്വനാഥൻ, പിആർഒ- ശബരി

മധുബാല, ഇന്ദ്രൻസ് എന്നിവരെ കേന്ദ്ര കഥാപാത്രങ്ങളാക്കി വർഷാ വാസുദേവ് ഒരുക്കുന്ന “ചിന്ന ചിന്ന ആസൈ” യുടെ ട്രെയ്‌ലർ പുറത്ത്. ജൂൺ 19 ന് ആണ് ചിത്രം ആഗോള റിലീസായി തീയേറ്ററുകളിലെത്തുക. ദുൽഖർ സൽമാൻ്റെ വേഫെറർ ഫിലിംസ് ആണ് ചിത്രം കേരളത്തിലെ തീയേറ്ററുകളിൽ എത്തിക്കുന്നത്. ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ചിത്രം നിർമ്മിക്കുന്നത്. നവാഗതയായ വർഷാ വാസുദേവ് ആണ് ഈ ചിത്രം സംവിധാനം ചെയ്തത്. കഴിഞ്ഞ ദിവസം സെൻസറിങ് പൂർത്തിയായ ചിത്രത്തിന് ക്ലീൻ U സർട്ടിഫിക്കറ്റ് ലഭിച്ചിരുന്നു. കൊച്ചിയിലെ ഫോറം മാളിലെ പിവിആർ സിനിമാസിൽ വെച്ചാണ് ചിത്രത്തിൻ്റെ ട്രെയ്‌ലർ ലോഞ്ച് നടന്നത്. ചിത്രത്തിൻ്റെ അണിയറ പ്രവർത്തകരും താരങ്ങളും മലയാള സിനിമയിലെ പ്രമുഖരും പങ്കെടുത്ത പ്രൗഢ ഗംഭീരമായ ചടങ്ങിലാണ് ട്രെയ്‌ലർ പുറത്ത് വിട്ടത്. മമ്മൂട്ടി കമ്പനിയുടെ ഒഫീഷ്യൽ പേജിലൂടെയാണ് ട്രെയ്‌ലർ സോഷ്യൽ മീഡിയയിൽ പങ്ക് വെച്ചത്.

പ്രണയവും വൈകാരിക നിമിഷങ്ങളും സംഗീതവും എല്ലാം കോർത്തിണക്കി മനോഹരമായി കഥ പറയുന്ന ഒരു ചിത്രമായിരിക്കും ഇതെന്നാണ് ട്രെയ്‌ലർ നൽകുന്ന സൂചന. ഇന്ദ്രൻസ്, മധുബാല എന്നിവരുടെ ഗംഭീര പ്രകടനവും ചിത്രത്തിൻ്റെ ഹൈലൈറ്റ് ആവുമെന്നും ട്രെയ്‌ലർ സൂചിപ്പിക്കുന്നുണ്ട്. പൂർണ്ണമായും വാരണാസിയിൽ ആണ് ചിത്രം ഒരുക്കിയിരിക്കുന്നത്.

സംഗീതത്തിന് ഏറെ പ്രാധാന്യമുള്ള ചിത്രത്തിലെ “കഥക്” എന്ന ഗാനവും “കര കവിയാതെ” എന്ന വരികളോടെ ആരംഭിക്കുന്ന ഗാനവും മികച്ച മികച്ച പ്രേക്ഷക പ്രതികരണം നേടിയിരുന്നു. ഗോവിന്ദ് വസന്ത ഒരുക്കിയ സംഗീതമാണ് ചിത്രത്തിൻ്റെ മറ്റൊരു ഹൈലൈറ്റ്. വലിയ പ്രേക്ഷക പ്രശംസ നേടിയ ഹ്രസ്വചിത്രം ‘എന്റെ നാരായണിക്ക്’ ശേഷം വർഷാ വാസുദേവ് ഒരുക്കുന്ന ചിത്രമാണിത്. ഈ ചിത്രത്തിലൂടെ ഒരിടവേളയ്ക്ക് ശേഷം ശക്തമായ കേന്ദ്ര കഥാപാത്രവുമായി മധുബാല മലയാളത്തിൽ എത്തുകയാണ് എന്ന പ്രത്യേകതയുമുണ്ട്.

ഇന്ദ്രൻസ്, മധുബാല, എന്നിവർ കൂടാതെ അപർണ്ണ ബാലമുരളി, വിഷ്ണു അഗസ്ത്യ, തമ്പി രാമയ്യ, കാളി വെങ്കട്, ജാഫർ സാദിഖ്, സായ് ജനനി എന്നിവരും ഈ ചിത്രത്തിൽ വേഷമിട്ടിട്ടുണ്ട്. സംവിധായിക വർഷ വാസുദേവ് തന്നെ രചിച്ച ചിത്രം ഏറെ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്.

ഛായാഗ്രഹണം : ഫയിസ് സിദ്ധിക്ക്, സംഗീതം: ഗോവിന്ദ് വസന്ത, എഡിറ്റർ : റെക്ക്സൺ ജോസഫ്, പ്രൊഡക്ഷൻ കൺട്രോളർ : പ്രശാന്ത് നാരായൺ, ആർട്ട് ഡയറക്റ്റർ : സാബു മോഹൻ, വസ്ത്രാലങ്കാരം : സമീറാ സനീഷ്, മേക്കപ്പ് : രഞ്ജിത്ത് അമ്പാടി, സൗണ്ട് ഡിസൈനർ : രംഗനാഥ് രവി, സൗണ്ട് മിക്സിംഗ്: പി സി വിഷ്ണു, കൊറിയോഗ്രാഫർ : ബ്രിന്ദാ, ചീഫ് അസ്സോസിയേറ്റ് ഡയറക്ടർ : നവനീത് കൃഷ്ണ, ലൈൻ പ്രൊഡ്യൂസർ : ബിജു പി കോശി, ഡി ഐ : ചലച്ചിത്രം ഫിലിം സ്റ്റുഡിയോ, വി എഫ് എക്സ് : പിക്റ്റോറിയൽഎഫ് എക്സ്, കളറിസ്റ്റ്: ഷണ്മുഖ പാണ്ട്യൻ, ടൈറ്റിൽ ഡിസൈൻ : ജെറി, പബ്ലിസിറ്റി ഡിസൈൻസ് : ഇല്ലുമിനാർറ്റിസ്റ്റ്, ട്രൈലെർ കട്ട്സ് : മഹേഷ് ഭുവനേന്ദ്, ലിറിസിസ്റ്റ്സ്: അൻവർ അലി , ഉമ ദേവി, വരുൺ ഗ്രോവർ , ഗജ്നൻ മിത്കേ, സിംഗേഴ്സ് : ചിന്മയി ശ്രീപദ, കപിൽ കപിലൻ , ശ്രുതി ശിവദാസ്, ശിഖ ജോഷി, ഗോവിന്ദ് വസന്ത, അഭിജിത് അനിൽകുമാർ, സ്റ്റിൽസ്: നവീൻ മുരളി, പിആർഓ : ശബരി, ഡിജിറ്റൽ മാർക്കറ്റിങ് : അനൂപ് സുന്ദരൻ.

തെന്നിന്ത്യൻ താരം തല അജിത് കുമാറും കുടുംബവും ഇപ്പോൾ ഫ്രാൻസിലാണ്. അജിത്തിന്റെ സ്വന്തം റേസിങ് ടീമായ ‘അജിത് കുമാർ റേസിങ്’ അന്താരാഷ്ട്ര തലത്തിൽ ചരിത്രപരമായ ഒരു നേട്ടം സ്വന്തമാക്കിയതിന്റെ സന്തോഷത്തിലാണ് കുടുംബം. ഇപ്പോഴിതാ ഫ്രാൻസിൽ നിന്നുള്ള മനോഹരമായ കുടുംബചിത്രങ്ങൾ പങ്കുവെച്ചിരിക്കുകയാണ് അജിത്തിന്റെ ഭാര്യയും നടിയുമായ ശാലിനി.

“കുറച്ചു ഫ്രാൻസും, ഒരുപാടു സ്നേഹവും” (A little bit of France, a whole lot of love!) എന്ന മനോഹരമായ അടിക്കുറിപ്പോടെയാണ് ശാലിനി ഇൻസ്റ്റാഗ്രാമിൽ ചിത്രങ്ങൾ പോസ്റ്റ് ചെയ്തത്. റേസിങ് ട്രാക്കിലെ തിരക്കുകൾക്കിടയിലും കുടുംബത്തോടൊപ്പം സന്തോഷം പങ്കിടുന്ന അജിത്തിനെ ചിത്രങ്ങളിൽ കാണാം.

ലോകപ്രശസ്തമായ ’24 ഹവേഴ്സ് ഓഫ് ലേ മാൻസ്’ (24 Hours of Le Mans) സഹിഷ്ണുത റേസിങ് ടൂർണമെന്റിൽ പങ്കെടുക്കുന്ന ആദ്യ ഇന്ത്യൻ ടീം എന്ന ചരിത്രനേട്ടമാണ് ‘അജിത് കുമാർ റേസിങ്’ സ്വന്തമാക്കിയത്. ആകെ 62 കാറുകൾ മത്സരിച്ച കടുത്ത പോരാട്ടത്തിൽ അജിത്തിന്റെ ടീമിന്റെ രണ്ട് കാറുകളും മികച്ച പ്രകടനമാണ് കാഴ്ചവെച്ചത്. ഇതിൽ കാർ നമ്പർ 36 ഒട്ടാകെ 13-ാം സ്ഥാനത്തും (P13), കാർ നമ്പർ 16 സ്വന്തം ക്ലാസിൽ 9-ാം സ്ഥാനത്തും (P9) ഫിനിഷ് ചെയ്തു. അരങ്ങേറ്റ മത്സരത്തിൽ തന്നെ ലോകവേദിയിൽ ആദ്യ പത്തിൽ ഇടംനേടാൻ കഴിഞ്ഞത് ഇന്ത്യൻ മോട്ടോർ സ്പോർട്സ് രംഗത്തിന് തന്നെ വലിയൊരു നാഴികക്കല്ലാണ്.

അതേസമയം, അജിത് കുമാറിന്റെ റേസിങ് ജീവിതത്തെയും കഠിനാധ്വാനത്തെയും കുറിച്ച് പ്രശസ്ത സംവിധായകൻ എ.എൽ. വിജയ് ഒരു ഡോക്യുമെന്ററി സിനിമ ഒരുക്കുന്നുണ്ട്. ലേ മാൻസിലെ ഈ ചരിത്ര നിമിഷങ്ങൾ ക്യാമറയിൽ പകർത്താൻ തന്നെ ക്ഷണിച്ചതിന് സംവിധായകൻ വിജയ് അജിത്തിന് നന്ദി അറിയിച്ചു. യുവാക്കൾക്ക് വലിയൊരു പ്രചോദനമാകുന്ന രീതിയിൽ ഒരുങ്ങുന്ന ഈ ഡോക്യുമെന്ററി ഫിലിമിന് ഏകദേശം 90 മിനിറ്റ് ദൈർഘ്യമുണ്ടായിരിക്കുമെന്നാണ് തമിഴ് സിനിമാ ലോകത്ത് നിന്നുള്ള റിപ്പോർട്ടുകൾ.

View this post on Instagram

A post shared by Shalini Ajith Kumar (@shaliniajithkumar2022)

Shalini Ajithkumar latest family photos from France

ചെന്നൈ: തമിഴ്‌നാട് മുഖ്യമന്ത്രിയും ടി.വി.കെ (TVK) അധ്യക്ഷനുമായ സി. ജോസഫ് വിജയ്‍യും ഭാര്യ സംഗീതയും തമ്മിലുള്ള വിവാഹമോചന കേസ് പരിഗണിക്കുന്നത് ചെങ്കൽപ്പെട്ട് കുടുംബകോടതി ഓഗസ്റ്റ് ഏഴിലേക്ക് മാറ്റി. തിങ്കളാഴ്ച (ജൂൺ 15) കേസ് പരിഗണനയ്ക്ക് എത്തിയപ്പോൾ ഇരുവരും നേരിട്ട് കോടതിയിൽ ഹാജരായിരുന്നില്ല.

തങ്ങളുടെ പൊതുജീവിതവും സുരക്ഷാ പ്രശ്നങ്ങളും ചൂണ്ടിക്കാട്ടി വീഡിയോ കോൺഫറൻസിങ് വഴി കോടതി നടപടികളിൽ പങ്കെടുക്കാൻ അനുവദിക്കണമെന്ന് ഇരുവരും ആവശ്യപ്പെട്ടിരുന്നെങ്കിലും കോടതി ഈ അപേക്ഷ തള്ളി. തുടർന്ന് ഇരുപക്ഷത്തോടും ഇ-മെയിൽ ഐഡികൾ സമർപ്പിക്കാൻ കോടതി നിർദേശിക്കുകയായിരുന്നു. ഇരുവരുടെയും അഭിഭാഷകർ മാത്രമാണ് തിങ്കളാഴ്ച കോടതിയിൽ ഹാജരായത്.

26 വർഷത്തെ ദാമ്പത്യജീവിതം അവസാനിപ്പിക്കാൻ അനുമതി തേടി 2025 ഡിസംബറിലാണ് സംഗീത കുടുംബകോടതിയിൽ വിവാഹമോചന ഹർജി സമർപ്പിച്ചത്. ഹർജിയിൽ ജീവനാംശവും നിലവിൽ താമസിക്കുന്ന നീലാങ്കരൈയിലെ വസതിയിൽ തുടരാനുള്ള അവകാശവും സംഗീത ആവശ്യപ്പെട്ടിട്ടുണ്ട്. വിജയ്‍യുടെ രാഷ്ട്രീയ പാർട്ടി രൂപീകരണ ചടങ്ങുകളിലോ അദ്ദേഹം മുഖ്യമന്ത്രിയായി സത്യപ്രതിജ്ഞ ചെയ്ത ചടങ്ങിലോ സംഗീതയോ മക്കളോ പങ്കെടുക്കാതിരുന്നത് വലിയ രീതിയിൽ വാർത്തയായിരുന്നു.

അതേസമയം, പ്രശ്നങ്ങൾ സൗഹാർദ്ദപരമായി ഒത്തുതീർപ്പാക്കാൻ വിജയ്‍യുടെ അമ്മ ശോഭ ചന്ദ്രശേഖർ സജീവമായി ഇടപെടുന്നതായും കോടതിക്ക് പുറത്ത് ചർച്ചകൾ നടക്കുന്നതായും റിപ്പോർട്ടുകളുണ്ട്. എങ്കിലും, ഒത്തുതീർപ്പുമായി ബന്ധപ്പെട്ട് ഇരുപക്ഷത്തുനിന്നും ഇതുവരെ ഔദ്യോഗിക സ്ഥിരീകരണങ്ങളൊന്നും പുറത്തുവന്നിട്ടില്ല. കേസ് ഇനി ഓഗസ്റ്റ് ഏഴിന് കോടതി വീണ്ടും പരിഗണിക്കും.

Vijay and Sangeetha’s Divorce Case Adjourned to August 7