പ്രശസ്ത ഹോളിവുഡ് ഹൊറർ ചിത്രം ‘ദി റിംഗ്’ (The Ring), ആനിമേഷൻ ചിത്രം ‘ലിലോ ആൻഡ് സ്റ്റിച്ച്’ (Lilo & Stitch) എന്നിവയിലൂടെ ശ്രദ്ധേയയായ അമേരിക്കൻ നടി ഡാവേ ചീസ് (Daveigh Chase) അന്തരിച്ചു. 35 വയസ്സായിരുന്നു. മെനിഞ്ചൈറ്റിസ് (മസ്തിഷ്ക ജ്വരം) ബാധിച്ചതിനെത്തുടർന്നുണ്ടായ ആരോഗ്യപ്രശ്നങ്ങളാണ് മരണത്തിന് കാരണമായത്. തുടർന്ന് രക്തത്തിൽ പഴുപ്പ് ബാധിക്കുകയും (Sepsis) മരണം സംഭവിക്കുകയുമായിരുന്നു. മരണത്തിന് മുൻപ് കടുത്ത പോഷകാഹാരക്കുറവിനെത്തുടർന്ന് അവരെ ആശുപത്രിയിൽ പ്രവേശിപ്പിച്ചിരുന്നതായി നടിയുടെ മാനേജർ ജോൺ റയാൻ ജൂനിയർ സ്ഥിരീകരിച്ചു.

ചൊവ്വാഴ്ചയായിരുന്നു ഡാവേയുടെ അന്ത്യം. പ്രശസ്തിയോട് ഒട്ടും താൽപ്പര്യമില്ലാതിരുന്ന ഡാവേ, വലിയ സ്റ്റുഡിയോ ചിത്രങ്ങൾ നിരസിച്ച് സ്വതന്ത്ര സിനിമകളുടെ ഭാഗമാകാനാണ് ഇഷ്ടപ്പെട്ടിരുന്നതെന്ന് 15 വർഷത്തോളമായി അവരുടെ സുഹൃത്തും മാനേജറുമായിരുന്ന ജോൺ റയാൻ അനുസ്മരിച്ചു. പൂച്ചകളെ വളരെയധികം സ്നേഹിച്ചിരുന്ന അവർ മൃഗസംരക്ഷണ പ്രവർത്തനങ്ങളിലും സജീവമായിരുന്നു.

പ്രധാന വേഷങ്ങൾ:

• ദി റിംഗ് (Samara Morgan): 2002-ൽ പുറത്തിറങ്ങിയ പ്രശസ്ത ഹൊറർ ചിത്രത്തിൽ ടെലിവിഷൻ സ്ക്രീനിൽ നിന്ന് ഇഴഞ്ഞു പുറത്തുവരുന്ന ‘സമര മോർഗൻ’ എന്ന പ്രേത കഥാപാത്രത്തെ അവതരിപ്പിച്ചത് ഡാവേ ആയിരുന്നു. ഈ പ്രകടനത്തിന് 2003-ൽ മികച്ച വില്ലനുള്ള MTV മൂവി അവാർഡും അവർക്ക് ലഭിച്ചു.
• ലിലോ ആൻഡ് സ്റ്റിച്ച് (Lilo): ഇതേ വർഷം പുറത്തിറങ്ങിയ പ്രശസ്ത അനിമേഷൻ ചിത്രത്തിൽ ‘ലിലോ’ എന്ന പ്രധാന കഥാപാത്രത്തിന് ശബ്ദം നൽകിയത് ഡാവേ ആയിരുന്നു. ഇതിലൂടെ മികച്ച ശബ്ദാഭിനയത്തിനുള്ള ആനി അവാർഡും (Annie Award) അവർ സ്വന്തമാക്കി.

ഇവ കൂടാതെ ‘ചാർമ്ഡ്’, ‘ഇആർ’, ‘ബിഗ് ലവ്’ തുടങ്ങിയ പ്രശസ്ത ടെലിവിഷൻ പരമ്പരകളിലും അവർ പ്രധാന വേഷങ്ങളിൽ എത്തിയിട്ടുണ്ട്. ഹോളിവുഡിന്റെ വലിയ ലോകത്ത് നിന്നും എപ്പോഴും മാറി സ്വന്തം വ്യക്തിജീവിതത്തിന് പ്രാധാന്യം നൽകിയ താരത്തിന്റെ അപ്രതീക്ഷിത വിയോഗത്തിൽ സിനിമാലോകം അനുശോചനം രേഖപ്പെടുത്തി.

മലയാളികളുടെ എക്കാലത്തെയും പ്രിയപ്പെട്ട താരം മാധവിയുടെ കുടുംബത്തിൽ ഇപ്പോൾ സന്തോഷത്തിന്റെയും അഭിമാനത്തിന്റെയും നിമിഷങ്ങളാണ്. മാധവിയുടെ മൂത്തമകൾ ടിഫാനി ഗൗരിക ഉന്നത വിജയത്തോടെ ബിരുദാനന്തര ബിരുദം സ്വന്തമാക്കിയിരിക്കുകയാണ്. ലോകപ്രശസ്തമായ യൂണിവേഴ്സിറ്റി ഓഫ് കാലിഫോർണിയ, ഇർവിനിൽ (UCI) നിന്നുമാണ് ടിഫാനി എംബിഎ (MBA) പൂർത്തിയാക്കിയത്. കേവലം ഒരു ബിരുദ നേട്ടത്തിനപ്പുറം, കോഴ്സിൽ ഉടനീളം മികച്ച മാർക്ക് നിലനിർത്തി ‘ഡിസ്റ്റിങ്ഷനോടെ’ ആണ് താരപുത്രി ഈ നേട്ടം കൈവരിച്ചത്.

അമേരിക്കയിൽ നടന്ന മകളുടെ ബിരുദദാന ചടങ്ങിൽ (Graduation Ceremony) ഭർത്താവ് റാൽഫ് ശർമ്മയ്ക്കും മറ്റ് മക്കളായ പ്രിസില്ല, എവ്‌ലിൻ എന്നിവർക്കുമൊപ്പം മാധവി പങ്കെടുത്തു. ഈ സുപ്രധാന നേട്ടത്തിൽ സന്തോഷവും നന്ദിയും രേഖപ്പെടുത്തിക്കൊണ്ട് മാധവി സോഷ്യൽ മീഡിയയിൽ പങ്കുവെച്ച ഹൃദ്യമായ കുറിപ്പും ചിത്രങ്ങളും ഇപ്പോൾ ആരാധകർക്കിടയിൽ തരംഗമായിരിക്കുകയാണ്.

“യൂണിവേഴ്സിറ്റി ഓഫ് കാലിഫോർണിയ, ഇർവിനിൽ നിന്നും മികച്ച വിജയത്തോടെ എംബിഎ പൂർത്തിയാക്കിയ ഞങ്ങളുടെ പ്രിയപ്പെട്ട ടിഫാനി ഗൗരികയ്ക്ക് അഭിനന്ദനങ്ങൾ! നിന്റെ ശോഭനമായ ഭാവിയിൽ ഗണപതി ഭഗവാന്റെയും നമ്മുടെ ഗുരു സ്വാമി രാമന്റെയും അനുഗ്രഹങ്ങളും മാർഗ്ഗനിർദ്ദേശവും എപ്പോഴും ഉണ്ടായിരിക്കട്ടെ. ഡാഡിയും പ്രിസില്ലയും എവ്‌ലിനും ഞാനും എപ്പോഴും നിന്റെ ഏറ്റവും വലിയ പിന്തുണക്കാരായി കൂടെയുണ്ടാകും. നിന്റെ ഈ വലിയ നേട്ടത്തിലും വിജയത്തിലും ഞങ്ങൾ ഏറെ അഭിമാനിക്കുന്നു,” മാധവി കുറിച്ചു.

എൺപതുകളിലും തൊണ്ണൂറുകളിലും ദക്ഷിണേന്ത്യൻ സിനിമകളിൽ സൂപ്പർനായികയായി തിളങ്ങിനിന്ന താരമാണ് മാധവി. ‘ആകാശദൂത്’, ‘ഒരു വടക്കൻ വീരഗാഥ’, ‘നൊമ്പരത്തിപ്പൂവ്’ തുടങ്ങിയ ചിത്രങ്ങളിലെ മാധവിയുടെ കഥാപാത്രങ്ങൾ ഇന്നും മലയാളി പ്രേക്ഷകരുടെ മനസ്സിൽ മായാതെ നിൽക്കുന്നുണ്ട്. വിവാഹശേഷം അഭിനയരംഗത്തുനിന്ന് വിട്ടുനിൽക്കുന്ന താരം ഇപ്പോൾ കുടുംബത്തോടൊപ്പം അമേരിക്കയിൽ ബിസിനസ്സ് രംഗത്ത് സജീവമാണ്. നേരത്തെ തന്നെ തങ്ങളുടെ ഫാർമസ്യൂട്ടിക്കൽ കമ്പനിയുടെ വൈസ് പ്രസിഡന്റായി ചുമതലയേറ്റ് ബിസിനസ്സ് രംഗത്ത് കഴിവ് തെളിയിച്ച ടിഫാനിയുടെ ഈ പുതിയ ശൈक्षणिक നേട്ടത്തെയും നിരവധി ആരാധകരും സിനിമാ സുഹൃത്തുക്കളുമാണ് അഭിനന്ദിക്കുന്നത്.

Actress Madhavi’s Daughter Tiffany Gaurika Graduates

തെലുങ്ക് സൂപ്പർതാരം രാം ചരൺ നായകനായി അഭിനയിച്ച പാൻ ഇന്ത്യൻ ചിത്രമായ ‘പെദ്ധി’ ബോക്സ് ഓഫീസിൽ ചരിത്രം കുറിച്ച് കൊണ്ട് കുതിപ്പ് തുടരുന്നു. റിലീസ് ചെയ്ത് 13 ദിനം പിന്നിട്ടപ്പോൾ ചിത്രം നേടിയ ആഗോള ഗ്രോസ് കളക്ഷൻ 400 കോടി കടന്നു എന്നാണ് നിർമ്മാതാക്കൾ ഔദ്യോഗികമായി പുറത്ത് വിട്ട കണക്കുകൾ പറയുന്നത്. അതോടൊപ്പം ഈ വർഷം ഒരു തെന്നിന്ത്യൻ സിനിമ നേടുന്ന ഏറ്റവും വലിയ ആഗോള കലക്ഷൻ കൂടെയാണ് ഈ ചിത്രം സ്വന്തമാക്കിയത്. രാം ചരണിന്റെ കരിയറിലെ തന്നെ ഏറ്റവും വലിയ സോളോ ഹിറ്റായി ചിത്രം മാറിക്കഴിഞ്ഞു. ദേശീയ അവാർഡ് ജേതാവ് ബുചി ബാബു സന സംവിധാനം ചെയ്ത ചിത്രം വൃദ്ധി സിനിമാസിൻ്റെ ബാനറിൽ വെങ്കട സതീഷ് കിലാരു ആണ് നിർമ്മിച്ചത്. മൈത്രി മൂവി മേക്കർസ്, സുകുമാർ റൈറ്റിങ്സ് എന്നിവർ ചേർന്നാണ് ഈ ബിഗ് ബഡ്ജറ്റ് ചിത്രം അവതരിപ്പിച്ചിരിക്കുന്നത്.

തെലുങ്ക് സംസ്ഥാനങ്ങളിൽ ഗംഭീര കുതിപ്പ് തുടരുന്ന ചിത്രം, ഇന്ത്യക്കു പുറമേ വിദേശത്തും വമ്പൻ പ്രതികരണമാണ് നേടിയത്. ഓവർസീസ് ഗ്രോസിലും ചിത്രം റെക്കോർഡ് സൃഷ്ടിക്കുമെന്നാണ് റിപ്പോർട്ടുകൾ വരുന്നത്. ചിത്രത്തിന്റെ മലയാളം, തമിഴ് പതിപ്പുകൾ കേരളത്തിലും തമിഴ്‌നാട്ടിലും പ്രദർശനത്തിന് എത്തിച്ചിരിക്കുന്നത് തിങ്ക് സ്റ്റുഡിയോസ് ആണ്.

പ്രേക്ഷകരുടെയും നിരൂപകരുടെയും മികച്ച പ്രതികരണം ലഭിച്ച ചിത്രത്തിന്റെ ഹൈലൈറ്റ്, ടൈറ്റിൽ കഥാപാത്രമായി രാം ചരൺ നടത്തിയ ഗംഭീര പ്രകടനമാണ്. ചിത്രത്തിനായി വമ്പൻ ശാരീരിക പരിവർത്തനം നടത്തിയ രാം ചരൺ, തന്റെ കരിയറിലെ ഏറ്റവും മികച്ച പ്രകടനമാണ് ഇതിലൂടെ സമ്മാനിച്ചത്. കന്നഡ സൂപ്പർതാരം ശിവരാജ് കുമാറും ചിത്രത്തിന്റെ താരനിരയിലുണ്ട്. രാം ചരൺ- ശിവരാജ് കുമാർ ടീം ആദ്യമായി ഒന്നിച്ചെത്തിയ ചിത്രം കൂടിയാണിത്. മെഗാ ബഡ്ജറ്റിൽ ഒരുക്കിയ ചിത്രത്തിൽ, ആക്ഷൻ, ഡ്രാമ, റൊമാൻസ്, ത്രിൽ, വൈകാരിക നിമിഷങ്ങൾ എന്നിവക്കൊപ്പം, ക്രിക്കറ്റ്, ഗുസ്തി, ഓട്ടം എന്നിവക്കും നിർണ്ണായകമായ സ്ഥാനം ഉണ്ട്.

ബോളിവുഡ് താരം ജാൻവി കപൂർ ആണ് ചിത്രത്തിലെ നായിക. ബോളിവുഡ് താരം ദിവ്യേന്ദു ശർമ, ജഗപതി ബാബു, ബോമൻ ഇറാനി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. പാൻ ഇന്ത്യൻ റിലീസായി തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലാണ് ചിത്രം എത്തിയത്.

രചന, സംവിധാനം -ബുചി ബാബു സന, അവതരണം – മൈത്രി മൂവി മേക്കേഴ്‌സ്, സുകുമാർ റൈറ്റിംഗ്സ്, നിർമ്മാണം – വെങ്കട സതീഷ് കിലാരു, ബാനർ – വൃദ്ധി സിനിമാസ്, കോ പ്രൊഡ്യൂസർ – ഇഷാൻ സക്സേന, എക്സിക്യൂട്ടീവ് പ്രൊഡ്യൂസർ- വി. വൈ. പ്രവീൺ കുമാർ, ഛായാഗ്രഹണം – രത്നവേലു, സംഗീതം – എ ആർ റഹ്മാൻ, എഡിറ്റർ- നവീൻ നൂലി, പ്രൊഡക്ഷൻ ഡിസൈൻ – അവിനാഷ് കൊല്ല, മാർക്കറ്റിംഗ്- ഫസ്റ്റ് ഷോ, പിആർഒ – ശബരി

മധുബാല, ഇന്ദ്രൻസ് എന്നിവരെ കേന്ദ്ര കഥാപാത്രങ്ങളാക്കി വർഷാ വാസുദേവ് ഒരുക്കുന്ന “ചിന്ന ചിന്ന ആസൈ” എന്ന ചിത്രത്തിലൂടെ മലയാള സിനിമയിലേക്ക് ഒരു സംവിധായിക കൂടി ചുവട് വെച്ച് കേറുകയാണ്. ജൂൺ 19 ന് ആണ് ചിത്രം ആഗോള റിലീസായി തീയേറ്ററുകളിലെത്തുക. ദുൽഖർ സൽമാൻ്റെ വേഫെറർ ഫിലിംസ് ആണ് ചിത്രം കേരളത്തിലെ തീയേറ്ററുകളിൽ എത്തിക്കുന്നത്. ചിത്രത്തിൻ്റെ ട്രെയ്‌ലർ ഏതാനും ദിവസം മുമ്പ് റിലീസ് ചെയ്യുകയും വമ്പൻ പ്രേക്ഷക പ്രതികരണം നേടുകയും ചെയ്തിരുന്നു. ബാബുജി പ്രൊഡക്ഷൻസിന്റെ ബാനറിൽ അഭിജിത് ബാബുജിയാണ് ചിത്രം നിർമ്മിക്കുന്നത്. വലിയ പ്രേക്ഷക പ്രശംസ നേടിയ ഹ്രസ്വചിത്രം ‘എന്റെ നാരായണിക്ക്’ ശേഷം വർഷാ വാസുദേവ് ഒരുക്കുന്ന ആദ്യ ഫീച്ചർ ഫിലിം ആണ് ചിന്ന ചിന്ന ആസൈ.

ഈ ചിത്രം രചിക്കുന്ന വേളയിൽ നായക കഥാപാത്രമായി ഇന്ദ്രൻസ് ആയിരുന്നു തൻ്റെ മനസിൽ എന്ന് വർഷാ വാസുദേവ് പറയുന്നു. ചിത്രത്തിലെ നായികയായ ലീല എന്ന കഥാപാത്രമായി തമിഴിൽ നിന്ന് 50 വയസ്സിന് മേൽ പ്രായം വരുന്ന ഒരു നടി വേണം എന്നായിരുന്നു ആഗ്രഹമെന്നും, അതിനായി താൻ ആദ്യം തിരഞ്ഞത് മണി രത്നം സാറിൻ്റെ 1990 കളിൽ പുറത്ത് വന്ന ചിത്രങ്ങളിലെ നായികമാരെ ആയിരുന്നു എന്നും വർഷ വാസുദേവ് പറഞ്ഞു. മണി രത്നം ചിത്രങ്ങളിലെ നായികമാരെല്ലാം തനിക്ക് പ്രിയപ്പെട്ടത് ആണെങ്കിലും, അതിൽ ഏറ്റവും പ്രിയപ്പെട്ടത് മധുബാല അവതരിപ്പിച്ച റോജ ആണെന്നും, അത്കൊണ്ട് തന്നെ ലീല ആവാൻ ആദ്യം സമീപിച്ചത് മധുബാലയെ തന്നെയാണെന്നും വർഷ വാസുദേവ് വെളിപ്പെടുത്തി.

മധുബാല ചിത്രത്തിൽ അഭിനയിക്കാം എന്നുറപ്പ് നൽകിയതിന് ശേഷം ആണ് താൻ ചിത്രത്തിന് റോജയിലെ പ്രശസ്തമായ ഗാനത്തിൻ്റെ വരികളായ “ചിന്ന ചിന്ന ആസൈ” എന്ന പേര് നൽകിയതെന്നും വർഷ വാസുദേവ് മാധ്യമങ്ങളോട് പറഞ്ഞു. ഈ ചിത്രത്തിലെ കേന്ദ്ര കഥാപാത്രമായ ലീലക്കും റോജ എന്ന കഥാപാത്രത്തിനും സമാനതകൾ ഉണ്ടെന്ന് മധുബാല തന്നോട് സൂചിപ്പിച്ച കാര്യവും വർഷ വാസുദേവ് പ്രസ് മീറ്റിൽ പറഞ്ഞു. ഈ ചിത്രത്തിലൂടെ ഒരിടവേളയ്ക്ക് ശേഷം ശക്തമായ കേന്ദ്ര കഥാപാത്രവുമായി മധുബാല മലയാളത്തിൽ എത്തുകയാണ് എന്ന പ്രത്യേകതയുമുണ്ട്. സംവിധായിക വർഷ വാസുദേവ് തന്നെ രചിച്ച ചിത്രം ഏറെ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്.

പ്രണയവും വൈകാരിക നിമിഷങ്ങളും സംഗീതവും എല്ലാം കോർത്തിണക്കി മനോഹരമായി കഥ പറയുന്ന ഒരു ഫീൽ ഗുഡ് ഡ്രാമ ആയിരിക്കും ഇതെന്നാണ് ട്രെയ്‌ലർ നൽകിയ സൂചന. ഇന്ദ്രൻസ്, മധുബാല എന്നിവരുടെ ഗംഭീര പ്രകടനവും ചിത്രത്തിൻ്റെ ഹൈലൈറ്റ് ആവുമെന്നും ട്രെയ്‌ലർ സൂചിപ്പിക്കുന്നുണ്ട്. പൂർണ്ണമായും വാരണാസിയിൽ ആണ് ചിത്രം ഒരുക്കിയിരിക്കുന്നത്. സെൻസറിങ് പൂർത്തിയായപ്പോൾ ചിത്രത്തിന് ക്ലീൻ U സർട്ടിഫിക്കറ്റ് ആണ് ലഭിച്ചത്.

ഗോവിന്ദ് വസന്ത ഒരുക്കിയ സംഗീതമാണ് ചിത്രത്തിൻ്റെ മറ്റൊരാകർഷണം. സംഗീതത്തിന് ഏറെ പ്രാധാന്യമുള്ള ചിത്രത്തിലെ “കഥക്” എന്ന ഗാനവും “കര കവിയാതെ” എന്ന വരികളോടെ ആരംഭിക്കുന്ന ഗാനവും ഇതിനോടകം മികച്ച മികച്ച പ്രേക്ഷക ശ്രദ്ധ നേടിയിട്ടുണ്ട്. ഇന്ദ്രൻസ്, മധുബാല, എന്നിവർ കൂടാതെ അപർണ്ണ ബാലമുരളി, വിഷ്ണു അഗസ്ത്യ, തമ്പി രാമയ്യ, കാളി വെങ്കട്, ജാഫർ സാദിഖ്, സായ് ജനനി എന്നിവരും ഈ ചിത്രത്തിൽ വേഷമിട്ടിട്ടുണ്ട്.

ഛായാഗ്രഹണം : ഫയിസ് സിദ്ധിക്ക്, സംഗീതം: ഗോവിന്ദ് വസന്ത, എഡിറ്റർ : റെക്ക്സൺ ജോസഫ്, പ്രൊഡക്ഷൻ കൺട്രോളർ : പ്രശാന്ത് നാരായൺ, ആർട്ട് ഡയറക്റ്റർ : സാബു മോഹൻ, വസ്ത്രാലങ്കാരം : സമീറാ സനീഷ്, മേക്കപ്പ് : രഞ്ജിത്ത് അമ്പാടി, സൗണ്ട് ഡിസൈനർ : രംഗനാഥ് രവി, സൗണ്ട് മിക്സിംഗ്: പി സി വിഷ്ണു, കൊറിയോഗ്രാഫർ : ബ്രിന്ദാ, ചീഫ് അസ്സോസിയേറ്റ് ഡയറക്ടർ : നവനീത് കൃഷ്ണ, ലൈൻ പ്രൊഡ്യൂസർ : ബിജു പി കോശി, ഡി ഐ : ചലച്ചിത്രം ഫിലിം സ്റ്റുഡിയോ, വി എഫ് എക്സ് : പിക്റ്റോറിയൽഎഫ് എക്സ്, കളറിസ്റ്റ്: ഷണ്മുഖ പാണ്ട്യൻ, ടൈറ്റിൽ ഡിസൈൻ : ജെറി, പബ്ലിസിറ്റി ഡിസൈൻസ് : ഇല്ലുമിനാർറ്റിസ്റ്റ്, ട്രൈലെർ കട്ട്സ് : മഹേഷ് ഭുവനേന്ദ്, ലിറിസിസ്റ്റ്സ്: അൻവർ അലി , ഉമ ദേവി, വരുൺ ഗ്രോവർ , ഗജ്നൻ മിത്കേ, സിംഗേഴ്സ് : ചിന്മയി ശ്രീപദ, കപിൽ കപിലൻ , ശ്രുതി ശിവദാസ്, ശിഖ ജോഷി, ഗോവിന്ദ് വസന്ത, അഭിജിത് അനിൽകുമാർ, സ്റ്റിൽസ്: നവീൻ മുരളി, പിആർഓ : ശബരി, ഡിജിറ്റൽ മാർക്കറ്റിങ് : അനൂപ് സുന്ദരൻ.

ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലൻ നിർമ്മിക്കുന്ന പുതിയ ചിത്രം പ്രഖ്യാപിച്ചു. ഈ വർഷം പുറത്തു വന്ന “പ്രകമ്പനം” എന്ന ഹിറ്റ് ഹൊറർ കോമഡി ചിത്രത്തിലൂടെ സംവിധായകനായി ശ്രദ്ധ നേടിയ വിജേഷ് പാണത്തൂർ ഒരുക്കുന്ന പുതിയ ചിത്രമാണ് ശ്രീ ഗോകുലം മൂവീസ് നിർമ്മിക്കുന്നത്. ഈ വർഷം സെപ്റ്റംബറിൽ തന്നെ ഈ ചിത്രത്തിന്റെ ചിത്രീകരണം ആരംഭിക്കും. ഫാന്റസി ചിത്രമായാണ് ഈ വിജേഷ് പാണത്തൂർ – ശ്രീ ഗോകുലം മൂവീസ് ചിത്രം ഒരുങ്ങുന്നത്. കോ പ്രൊഡ്യൂസർ- ബൈജു ഗോപാലൻ, വി സി പ്രവീൺ, എക്സികുട്ടീവ് പ്രൊഡ്യൂസർ- കൃഷ്ണമൂർത്തി.

ജയസൂര്യ നായകനായ കത്തനാർ, എസ് ജെ സൂര്യ ഒരുക്കുന്ന കില്ലർ, സുരേഷ് ഗോപി നായകനായ ഒറ്റക്കൊമ്പൻ, മോഹൻലാൽ- വിഷ്ണു മോഹൻ ചിത്രമായ L367 എന്നിവയാണ് ശ്രീ ഗോകുലം മൂവീസിന്റെ ബാനറിൽ ഒരുങ്ങുന്ന മറ്റു ചിത്രങ്ങൾ. പിആർഒ- ശബരി

സൂര്യയെ നായകനാക്കി സൂപ്പർ ഹിറ്റ് തെലുങ്ക് സംവിധായകൻ വെങ്കി അറ്റ്ലൂരി ഒരുക്കുന്ന “വിശ്വനാഥ് ആൻഡ് സൺസ്” എന്ന ചിത്രത്തിലെ ആദ്യ ഗാനത്തിന്റെ പ്രോമോ നാളെ ജൂൺ 17 ന് പുറത്തു വരും. മമിത ബൈജു നായികയായി എത്തുന്ന ചിത്രത്തിന് സംഗീതം ഒരുക്കുന്നത് ദേശീയ അവാർഡ് ജേതാവ് കൂടിയായ ജി വി പ്രകാശ് കുമാർ ആണ്. സൂര്യയുടെ കരിയറിലെ നാല്പത്തിയാറാം ചിത്രമായി എത്തുന്ന സിനിമയുടെ ആഗോള റിലീസ് 2026 ഓഗസ്റ്റ് 14 നാണ്. സൂപ്പർ വിജയം നേടിയ ലക്കി ഭാസ്‌ക്കറിന് ശേഷം വെങ്കി അറ്റ്ലൂരി ഒരുക്കുന്ന ഈ ചിത്രം നിർമ്മിക്കുന്നത്, ഫോർച്യൂൺ ഫോര്‍ സിനിമാസുമായി ചേര്‍ന്ന് തെലുങ്കിലെ പ്രമുഖ ബാനര്‍ ആയ സിതാര എന്‍റര്‍ടെയ്ന്‍‍മെന്‍റ്സ് ആണ്. ശ്രീകര സ്റ്റുഡിയോസ് ആണ് ചിത്രം അവതരിപ്പിക്കുന്നത്. സൂര്യദേവര നാഗ വംശി, സായ് സൗജന്യ എന്നിവരാണ് ചിത്രം നിർമ്മിച്ചിരിക്കുന്നത്.

മമിത ബൈജുവിന്റെ നൃത്തം ആയിരിക്കും പുറത്തു വരാൻ പോകുന്ന ആദ്യ ഗാനത്തിന്റെ ഹൈലൈറ്റ് എന്ന സൂചനയാണ്, ഗാനത്തിന്റെ പ്രോമോ റിലീസ് പ്രഖ്യാപന വീഡിയോ തരുന്നത്. സംഗീത സംവിധായകൻ ജി വി പ്രകാശ് കുമാറും, മമിതയും ചേർന്നുള്ള ഒരു രസകരമായ വീഡിയോ വഴിയാണ് ഗാനത്തിന്റെ പ്രോമോ ജൂൺ 17 ന് റിലീസ് ചെയ്യുമെന്നുള്ള വിവരം പ്രഖ്യാപിച്ചത്.

സംവിധായകൻ വെങ്കി അറ്റ്ലൂരി തന്നെയാണ് ചിത്രം രചിച്ചിരിക്കുന്നതും. രവീണ ടണ്ഡന്‍, രാധിക ശരത്കുമാര്‍, ഭവാനി ശ്രീ എന്നിവരാണ് ചിത്രത്തിലെ മറ്റ്പ്രധാന താരങ്ങൾ. സൂര്യ ഒരു കുഞ്ഞുമായി നിൽക്കുന്ന ചിത്രത്തിന്റെ ടൈറ്റിൽ പോസ്റ്റർ ഏറെ ശ്രദ്ധ നേടിയിരുന്നു. ഒരു പക്കാ ഫാമിലി എന്റെർറ്റൈനെർ ആയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഇതിന്റെ ടീസറും നൽകിയത്. രവീണ ടണ്ഡന്‍, രാധിക ശരത്കുമാര്‍, ഭവാനി ശ്രീ എന്നിവരാണ് ചിത്രത്തിലെ മറ്റ്പ്രധാന താരങ്ങൾ. ചിത്രത്തിന്റെ ഒടിടി റൈറ്റ്‍സ് നെറ്റ്ഫ്ലിക്സ് ആണ് സ്വന്തമാക്കിയത്.

ഛായാഗ്രഹണം – നിമിഷ് രവി, സംഗീതം- ജി വി പ്രകാശ് കുമാർ, എഡിറ്റർ – നവീൻ നൂലി, പ്രൊഡക്ഷൻ ഡിസൈനർ – ബംഗ്ലാൻ, എക്സിക്യൂട്ടീവ് പ്രൊഡ്യൂസർ – യലമഞ്ചിളി ഗോപാല കൃഷ്ണ (നാനി), ലൈൻ പ്രൊഡ്യൂസർ – കരുമാഞ്ചി ഉമാ മഹേശ്വര റാവു, കലാസംവിധായകർ – ശിവ കാമേഷ് ഡി, ജിത്തു സെബാസ്റ്റ്യൻ,
ഫൈറ്റ് മാസ്റ്റർ – വി. വെങ്കട്ട്, നൃത്തസംവിധാനം – ശേഖർ വിജെ, വിജയ് ബിന്നി, സംഭാഷണങ്ങൾ – കെ. എൻ. വിജയകുമാർ, ചീഫ് കോ-ഡയറക്റ്റർ – ശ്രീവാസ്തവ , കോ-ഡയറക്ടർ – അഞ്ജി ചോഡപനിഡി, വിഎഫ്എക്സ് സൂപ്പർവൈസർ – വാസുദേവ റാവു മൊജ്ജാദ, ഡിഐ – ന്യൂബ് സ്റ്റുഡിയോസ്, കളറിസ്റ്റ് – വൈശാഖ് ശിവ, ഡോൾബി അറ്റ്മോസ് മിക്സ് – ടി. ഉദയ് കുമാർ, ടീസർ കട്ട് – ബലറാം കൃഷ്ണൻ, വിഷ്ണു രാമഗിരി, നിഖിൽ നാദെല്ല, ചീഫ് അസോസിയേറ്റ് എഡിറ്റർ – ബലറാം കൃഷ്ണൻ, അസോസിയേറ്റ് എഡിറ്റർ – ശ്രീനിവാസ് നദിമിണ്ടി, ഡയറക്ഷൻ ഡിപ്പാർട്ട്മെന്റ് – വിജയകുമാർ, ബാലയ്യ ഡി രാജശേഖർ, രാമറാവു ആലുബെല്ലി, രാം സന്ദീപ് വർമ്മ ജമ്പാന, രമേഷ് അഗുരി, നവീൻ ഈദാര, സായ് ചരൺ വണ്ടവസു, റിഷ ചെറുകുരി, ശിവ ശങ്കർ, അനീഷ് ദേവൻപള്ളി, കലാൽ വെങ്കി ഗൌഡ്, ഡിഒപി ടീം – ആൻസൺ ടൈറ്റസ്, ഹെമിൽ സുഗുനൻ, അഭിജിത് ഷാബു, നിഖില ലാൽകുമാർ, ഹരി ബാബു, പ്രവീൺ, കോസ്റ്റ്യൂം ഡിസൈനർമാർ – അർച്ചന റാവു, സന്ധ്യ സബ്ബവരപു, മോഷൻ ജിഎഫ്എക്സ് – സബാരി രാമിറോ, പ്രൊഡക്ഷൻ കൺട്രോളർ – രുദ്രേഷ് എസ്, പബ്ലിസിറ്റി ഡിസൈനർ – കബിലൻ, ഡിജിറ്റൽ മാർക്കറ്റിംഗ് – സന്ദീപ് കുൽക്കർണി

ഇന്ത്യൻ സിനിമയിൽ, ഇതിഹാസ സിനിമാ കുടുംബങ്ങൾ, വിജയകരമായ തലമുറകൾ, ഒരേ വീട്ടിൽ നിന്ന് ഉയർന്നുവരുന്ന ഒന്നിലധികം താരങ്ങൾ എന്നിവ ഉണ്ടായിട്ടുണ്ട്. എന്നാൽ 2026 ശരിക്കും അസാധാരണമായ ഒരു കാഴ്ചയാണ് സമ്മാനിച്ചത്. ഒരു അച്ഛനും മകനും ഒരു സിനിമാ ഇൻഡസ്ട്രിയിലെ ഈ വർഷത്തെ ഏറ്റവും വലിയ രണ്ട് ബോക്സ് ഓഫീസ് വിജയം സ്വന്തമാക്കിയ ചരിത്രമാണ് 2026 സൃഷ്ടിച്ചത്.

ആദ്യം, ലോകമെമ്പാടും 300 കോടി കളക്ഷൻ നേടുകയും ഈ വർഷത്തെ ഏറ്റവും കൂടുതൽ കളക്ഷൻ നേടിയ ദക്ഷിണേന്ത്യൻ ചിത്രമായി മാറുകയും ചെയ്ത “മന ശങ്കര വര പ്രസാദ് ഗാരു” എന്ന ചിത്രത്തിലൂടെ മെഗാസ്റ്റാർ ചിരഞ്ജീവിയാണ് ചരിത്രം കുറിച്ചത്. മാസങ്ങൾക്ക് ശേഷം, അദ്ദേഹത്തിന്റെ മകൻ മെഗാ പവർ സ്റ്റാർ രാം ചരൺ ഈ വിജയം കൂടുതൽ വലിപ്പമുള്ളതാക്കി.

അദ്ദേഹത്തിന്റെ ഏറ്റവും പുതിയ ബ്ലോക്ക്ബസ്റ്റർ “പെദ്ധി”, മന ശങ്കര വര പ്രസാദ് ഗാരുവിൻ്റെ ഫൈനൽ ആഗോള കളക്ഷനെ മറികടന്ന് 2026 ലെ പുതിയ ദക്ഷിണേന്ത്യൻ ബോക്സ് ഓഫീസ് ചാമ്പ്യനായി മാറി. ബുച്ചി ബാബു സന സംവിധാനം ചെയ്ത ചിത്രം 400 കോടിയിലേക്ക് ആണ് നീങ്ങുന്നത്.

ഈ നേട്ടത്തിന്റെ പ്രാധാന്യം അക്കങ്ങൾക്കപ്പുറമാണ്. ഇന്ത്യൻ സിനിമയിൽ ഇതുവരെ ഒരു ഇൻഡസ്ട്രിയിലും, ഒരു അച്ഛൻ-മകൻ ജോഡി ഒരു വർഷത്തെ ഏറ്റവും വലിയ കളക്ഷൻ നേടിയ ചിത്രങ്ങളിൽ ആദ്യ രണ്ട് സ്ഥാനങ്ങൾ കരസ്ഥമാക്കിയിട്ടില്ല. ഒരേ കുടുംബത്തിലെ രണ്ട് തലമുറകൾ ഒരേസമയം വ്യവസായത്തിൽ ആധിപത്യം സ്ഥാപിച്ച അപൂർവ നിമിഷമാണിത്.

ഈ നേട്ടത്തെ കൂടുതൽ സവിശേഷമാക്കുന്നത് അവരുടെ വിജയത്തിന്റെ സമയമാണ്. വ്യവസായത്തിന് വലിയ വാണിജ്യ വിജയങ്ങൾ ആവശ്യമുള്ള സമയത്താണ് രണ്ട് സിനിമകളും വന്നത്. ഈ വമ്പൻ വിജയങ്ങൾ, സിനിമാ ബിസിനസിലേക്ക് പുതിയ ചലനങ്ങൾ കൊണ്ടുവന്നു. പ്രത്യേകിച്ച്, പെദ്ധി, ഏറെ മോശമായിരുന്ന ഒരു വേനൽക്കാല സീസണ് ശേഷം, വിതരണക്കാർക്കും പ്രദർശകർക്കും ആശ്വാസം നൽകുന്ന വിജയമാണ് സമ്മാനിച്ചത്.

ചിരഞ്ജീവിയും രാം ചരണും ചേർന്ന് 2026 നെ മെഗാ കുടുംബത്തിന് ഒരു ചരിത്ര വർഷമാക്കി മാറ്റി. വരും വർഷങ്ങളിൽ പോലും സമാനതകളില്ലാതെ നിലനിൽക്കാൻ സാധ്യതയുള്ള ഒരു ബോക്സ് ഓഫീസ് അധ്യായം ആണ് ഇരുവരും ചേർന്ന് രചിച്ചത്.