കേരളത്തിലെ അതിവേഗം വളർന്ന് കൊണ്ടിരിക്കുന്ന അണ്ടർഗ്രൗണ്ട് ഹിപ്-ഹോപ്പ് സംസ്കാരത്തിന് ആഗോള വേദി ഒരുക്കി ZEE5 അവതരിപ്പിക്കുന്ന ഏറ്റവും പുതിയ ഒറിജിനൽ റിയാലിറ്റി സീരീസ് ‘ഇൻഡി കേരള അണ്ടർഗ്രൗണ്ട് ഉടൻ വരുന്നു.ഇതൊരു വെറും സംഗീത മത്സരം മാത്രമല്ല, കേരളത്തിലെ തെരുവുകളിൽ നിന്നുള്ള യഥാർത്ഥ ശബ്ദങ്ങൾക്ക് കരുത്ത് പകരുന്നതോടൊപ്പം മലയാളം ഹിപ്-ഹോപ്പ് കലാകാരന്മാരുടെ അടുത്ത തലമുറയെ കണ്ടെത്താനും വളർത്താനുമുള്ള ഒരു സാംസ്കാരിക പ്ലാറ്റ്‌ഫോം കൂടിയാണ്.

സീ 5 ഒരുക്കുന്ന ഈ സംഗീത റിയാലിറ്റി മത്സരത്തിൽ കേരളത്തിന്റെ വിവിധ ഭാഗങ്ങളിൽ നിന്നുള്ള 10 അണ്ടർഗ്രൗണ്ട് ഹിപ്-ഹോപ്പ് ആർട്ടിസ്റ്റുകൾ മാറ്റുരക്കും,അവസാനം ‘കിംഗ് ഓഫ് ദി അണ്ടർഗ്രൗണ്ട്’ പട്ടം നേടുന്ന കലാകാരൻ മലയാളം ഹിപ്-ഹോപ്പിന്റെ പുതിയ മുഖമായി ഉയരും.ഷോയിലെ യഥാർത്ഥ ഗാനങ്ങൾ സീ മ്യൂസിക് കമ്പനി (Zee Music Company) റിലീസ് ചെയ്യും.കേരളത്തിലെ വിവിധ ലൊക്കേഷനുകളിൽ ചിത്രീകരിക്കുന്ന ഷോയ്ക്ക് വൻ പ്രേക്ഷക പിന്തുണ കിട്ടുമെന്ന കാര്യത്തിൽ ഉറപ്പാണ്.

കേരളത്തിലെ പ്രമുഖ ഹിപ്-ഹോപ്പ് ആർട്ടിസ്റ്റുകളായ ഡാബ്സി (Dabzee), ഇമ്പാച്ചി (Imbachi) എന്നിവർ മെന്റർമാരായി എത്തുമ്പോൾ MC Couper, പരിമൾ ഷൈസ് എന്നിവർ ഗ്രൂമർമാരായി മത്സരാർത്ഥികൾക്ക് മാർഗനിർദേശം നൽകും. നടിയും നർത്തകിയും കൊറിയോഗ്രാഫറുമായ ആതിര രാജീവ് ആണ് ഷോയുടെ അവതാരക.കേരളത്തിലെ യുവജനങ്ങൾക്കിടയിൽ ഹിപ്-ഹോപ്പിന്റെ സ്വീകാര്യത കഴിഞ്ഞ അഞ്ച് വർഷത്തിനിടെ അതിശയകരമായ വളർച്ചയാണ് രേഖപ്പെടുത്തിയിരിക്കുന്നത്.ഹിപ്-ഹോപ്പ് പ്രേക്ഷകരിലേക്കുള്ള വ്യാപകമായ സ്വാധീനവും കേരളത്തിലെ അണ്ടർഗ്രൗണ്ട് ഹിപ്-ഹോപ്പ് കലാകാരന്മാർക്ക് വലിയ പ്രതീക്ഷയാണ് ZEE5 ഈ ഷോ വഴി നൽകിയിരിക്കുന്നത്.

മലയാള വിനോദരംഗത്ത് ഇതുവരെ കാണാത്ത രീതിയിൽ സംഗീതവും സംസ്കാരവും കഥപറച്ചിലും ഒത്തുചേരുന്ന ഒന്നാണ് കേരള അണ്ടർഗ്രൗണ്ട് എന്ന് ZEE5യുടെ മാർക്കറ്റിംഗ് സൗത്ത് വിഭാഗത്തിലെ സീനിയർ വൈസ് പ്രസിഡന്റ് (തമിഴ് & മലയാളം) ബിസിനസ്സ് ഹെഡ് ആയ ലോയിഡ് സി സേവ്യർ പറഞ്ഞു.

അടുത്ത തലമുറയിലെ ശബ്ദങ്ങൾക്ക് വഴികാട്ടിയാകാനും, മികച്ച പ്രകടനങ്ങൾ കാണാൻ ഞാൻ കാത്തിരിക്കുകയാണെന്ന് ഡാബ്സി പറഞ്ഞു.കേരള അണ്ടർഗ്രൗണ്ട് കലാകാരന്മാർക്ക് അവരുടെ യഥാർത്ഥ കഥകൾ അവതരിപ്പിക്കാനുള്ള വേദിയാണ്. മികച്ച പ്രതിഭകളെ കണ്ടെത്താൻ ഞാൻ ആവേശത്തോടെ കാത്തിരിക്കുകയാണ് എന്ന് എംസി കൂപ്പർ പറഞ്ഞു.

പ്രാദേശിക ഭാഷയിലൂടെ സംഗീതത്തിനെ കൂടുതൽ ഉയരങ്ങളിൽ എത്തിക്കുന്ന ഇൻഡി കേരള അണ്ടർഗ്രൗണ്ട് ഇന്റെ ഭാഗമാകാൻ സാധിച്ചതിൽ സന്തോഷമുണ്ടെന്ന് പരിമൾ ഷൈസ് കൂട്ടിച്ചേർത്തു.
റോ, ഫിയർലെസ്, ഓതന്റിക് അതാണ് ഇൻഡി കേരള അണ്ടർഗ്രൗണ്ട്.സ്വന്തം കഥ ലോകത്തോട് പറയാനുള്ള ആഗ്രഹത്തിൽ എത്തുന്ന ഒരുപാട് കലാകാരന്മാർ ഉണ്ട്‌, അവരുടെ സ്വപ്നങ്ങളിൽ ഞങ്ങളും കൂടെ ഉണ്ട്‌ എന്ന് ഇമ്പാച്ചി പറഞ്ഞു.

കേരള അണ്ടർഗ്രൗണ്ട്’ ഒരു റിയാലിറ്റി ഷോ എന്നതിലുപരി, കേരളത്തിലെ യുവതലമുറയുടെ ശബ്ദമായി മാറാനുള്ള സാധ്യത നമുക്ക് കാണാം.കാത്തിരിക്കാം ഇൻഡി കേരള അണ്ടർഗ്രൗണ്ട് ZEE5 ഇൽ മാത്രം.

വിക്ടറി വെങ്കിടേഷ്, നന്ദമുരി കല്യാൺ റാം, സൂപ്പർ ഹിറ്റ് സംവിധായകൻ അനിൽ രവിപുടി എന്നിവർ ഒന്നിക്കുന്ന സമ്പൂർണ്ണ ഉത്സവകാല എന്റർടെയ്‌നറായ #VenkyAnil5 & #NkrAR2 ആരംഭിച്ചു. ഷൈൻ സ്‌ക്രീൻസ് ബാനറിൽ സാഹു ഗാരപതി നിർമ്മിക്കുന്ന ഈ പ്രോജക്റ്റ് സുരേഷ് പ്രൊഡക്ഷൻസ്, ശ്രീമതി അർച്ചന, സീ സ്റ്റുഡിയോസ് എന്നിവർ അവതരിപ്പിക്കുന്നു. കീർത്തി സുരേഷും കൃതി ഷെട്ടിയും നായികമാരായി എത്തുന്ന ചിത്രം 2027 സംക്രാന്തിക്ക് തീയേറ്ററുകളിൽ എത്തിക്കാനാണ് പ്ലാൻ. ചിത്രത്തിൻ്റെ അണിയറ പ്രവർത്തകരും, നിരവധി പ്രത്യേക അതിഥികളും പങ്കെടുത്ത ഗംഭീരമായ മുഹൂർത്ത ചടങ്ങും പൂജയും നടത്തിയാണ് ചിത്രം ഔദ്യോഗികമായി ആരംഭിച്ചത്.

ദിൽ രാജുവും ശിരീഷും ചിത്രത്തിൻ്റെ തിരക്കഥ സംവിധായകൻ അനിൽ രവിപുടിക്കും നിർമ്മാതാവ് സാഹു ഗാരപതിക്കും ഔദ്യോഗികമായി കൈമാറി. മഹത്തായ മുഹൂർത്ത ചടങ്ങിൽ, വിക്ടറി വെങ്കിടേഷ്, കല്യാൺ റാം, കീർത്തി സുരേഷ്, കൃതി ഷെട്ടി എന്നിവർ അഭിനയിക്കുന്ന ആദ്യ ഷോട്ടിന് അല്ലു അരവിന്ദ് ക്ലാപ്പ് ബോർഡ് നൽകുകയും, സുരേഷ് ബാബു ക്യാമറ സ്വിച്ച് ഓൺ ചെയ്യുകയും ചെയ്തു. ഇതിഹാസ ചലച്ചിത്രകാരൻ കെ രാഘവേന്ദ്ര റാവു ചിത്രത്തിൻ്റെ ആദ്യ ഷോട്ട് സംവിധാനം ചെയ്തു.

VenkyAnil5 & #NkrAR2 എന്ന് താൽക്കാലികമായി പേര് നൽകിയിരിക്കുന്ന ചിത്രം, അനിൽ രവിപുടി ശൈലിയിലുള്ള സംക്രാന്തി എന്റർടെയ്‌നറായിരിക്കുമെന്ന് അണിയറ പ്രവർത്തകർ ഉറപ്പ് നൽകുന്നു. ആദ്യാവസാനം വിനോദവും ചിരിയും നിറഞ്ഞതാണ് ചിത്രമെന്നും അവർ സൂചിപ്പിച്ചു. വെങ്കിടേഷിന്റെയും കല്യാൺ റാമിന്റെയും ആവേശകരമായ ഒത്തുചേരൽ, ഈ പ്രോജക്റ്റിന് കൂടുതൽ വലിപ്പം നൽകുന്നു. അത് കൊണ്ട് തന്നെ തെലുങ്കിലെ ഏറ്റവും പ്രതീക്ഷയോടെ കാത്തിരിക്കുന്ന ഉത്സവ റിലീസുകളിലൊന്നായി ചിത്രം ഇതിനോടകം മാറിയിട്ടുണ്ട്.

അനിൽ രവിപുടിയുടെ ശ്രദ്ധേയമായ ബ്ലോക്ക്ബസ്റ്റർ ട്രാക്ക് റെക്കോർഡ്, അതുല്യമായ താര സംയോജനം, വ്യവസായത്തിലെ ഏറ്റവും പ്രമുഖ പ്രൊഡക്ഷൻ ഹൗസുകളുടെ പിന്തുണ എന്നിവ കാരണം ചിത്രം ഇതിനകം തന്നെ ശക്തമായ ആവേശം പ്രേക്ഷകരിൽ സൃഷ്ടിച്ചിട്ടുണ്ട്.

പ്രമുഖ സംഗീത സംവിധായകൻ ജി.വി. പ്രകാശ് കുമാർ സംഗീതം ഒരുക്കുന്ന ചിത്രത്തിന്, സമീർ റെഡ്ഡി ഛായാഗ്രഹണം. നിർവഹിക്കുന്നു. ചിത്രത്തിൻ്റെ റെഗുലർ ഷൂട്ട് ഉടൻ ആരംഭിക്കാനുള്ള ഒരുക്കത്തിലാണ് അണിയറ പ്രവർത്തകർ.

രചന, സംവിധായകൻ: അനിൽ രവിപുടി, നിർമ്മാതാവ്: സാഹു ഗരപതി, അവതരിപ്പിക്കുന്നത്: സുരേഷ് പ്രൊഡക്ഷൻസ്, സീ സ്റ്റുഡിയോസ്, ശ്രീമതി അർച്ചന, സംഗീതം: ജി വി പ്രകാശ് കുമാർ, എക്സിക്യൂട്ടീവ് പ്രൊഡ്യൂസർ: എസ് കൃഷ്ണ,
ഛായാഗ്രാഹകൻ: സമീർ റെഡ്ഡി, എഡിറ്റർ: തമ്മിരാജു, കലാസംവിധാനം: എ എസ് പ്രകാശ്, മാർക്കറ്റിംഗ്: ഹാഷ്ടാഗ് മീഡിയ, പിആർഒ – ശബരി

വിശുദ്ധ കുരിശിൻ്റെ മഹത്വവും കുടുംബജീവിതത്തിൻ്റെ പവിത്രതയും വീണ്ടെടുക്കാൻ പ്രചോദനമേകുന്ന ചലച്ചിത്രമാണ് “അരയനും അമരക്കാരനും “. ജീവിത പോരാട്ടങ്ങൾക്കിടയിലും നിർമ്മിത ബുദ്ധിയുടെ മദ്ധ്യേയും സത്യവും നീതിയും സ്വാതന്ത്ര്യവും കരുണയും സമാധാനവും സ്നേഹവും കൈമുതലാക്കി മുന്നേറുവാൻ ശക്തിപകരുന്നതാണീ ചിത്രം. ചിത്രം പ്രദർശന സജ്ജമായികൊണ്ടിരിക്കുന്നു …….

ഇന്ദ്രൻസ്, ചെമ്പിൽ അശോകൻ, ബോബൻ ആലുംമൂടൻ, കുമരകം രഘുനാഥ്, മനുരാജ്, കോട്ടയം രമേഷ്, സജി സൂര്യ, ഹരി കൊല്ലം, റ്റി ബിനു, രാജമണി, ബ്രൈറ്റ് തോംസൺ, ഇഗ്‌നേഷ്യസ്, പ്രമോദ് മണി, ഡോ. ദിവ്യ നായർ, വിജയകുമാരി, സേതുലക്ഷ്മി, രഹ്‌ന, കല്യാണി, കെസിയ എന്നിവർ പ്രധാന കഥാപാത്രങ്ങൾക്കു ജീവൻ പകരുന്നു.

സമന്വയ വിഷൻ്റെ ബാനറിൽ ബ്രൈറ്റ് പ്രൊഡക്ഷൻസ് നിർമ്മിക്കുന്ന ചിത്രത്തിൻ്റെ ക്രിയേറ്റീവ് ഹെഡ് , വെരി റവ. മോൺ. ഡോ. വിൻസൻ്റ് കെ പീറ്ററാണ്. നിർമ്മാണം – ബ്രൈറ്റ് തോംസൺ, സംവിധാനം – വി വി വിൽഫ്രഡ്, കഥ തിരക്കഥ സംഭാഷണം – ഷാജി മതിലകം, ഛായാഗ്രഹണം – ഗുണ അനുരാഗ്, അലക്സ്, വിനോദ്, എഡിറ്റിംഗ് – പി സി മോഹനൻ, പ്രൊഡക്ഷൻ കൺട്രോളർ-കിച്ചി പൂജപ്പുര, കളറിസ്റ്റ് – ആർ മുത്തുരാജ്, കല -ഷിലിൻ, ബിജു വിതുര,രാജീവ് ഇടക്കുളം, ചമയം – വിനോദ്, കോസ്‌റ്റ്യും – രാധാകൃഷ്ണൻ, അസ്സോസിയേറ്റ് ഡയറക്ടർ – ശരത് ബാലകൃഷ്ണൻ, കോ- ഡയറക്ടർ – ജിതീഷ് കരുണാകരൻ, ഗാനരചന -വെരി റവ. മോൺ. ഡോ. വിൻസൻ്റ് കെ പീറ്റർ, ബ്രൈറ്റ് തോംസൺ, സോംഗ് കമ്പോസിംഗ് – വില്യം ആറാട്ടുകുഴി, പ്രണവം മധു, ആലാപനം – കാവാലം ശ്രീകുമാർ, വിധു പ്രതാപ്, പുഷ്പവതി, ഇമ്മാനുവേൽ ഹെൻറി, അനൂപ് കോവളം, ബി ജി എം – ശ്യാം മോഹൻ എം എം, ആക്ഷൻസ് – അഷ്‌റഫ് ഗുരുക്കൾ, സൗണ്ട് എഫക്ട്‌സ് – ആർ റെജികുമാർ, മുരുകൻ, എഫക്ട്സ് – രാജേഷ് കെ ആർ, സംവിധാന സഹായികൾ – മുകേഷ് മനോഹർ, സനീഷ് മുല്ലരികുടി, ജോർജ് യോഗീശ്വരൻ, പ്രമോദ് മണി, വിതരണം – ബ്രൈറ്റ് റിലീസ്, മാർക്കറ്റിംഗ് സഹായികൾ – പ്രജിത്ത്, രാഹുൽ, ജിനു, ജയന്തി, പിആർഓ – അജയ് തുണ്ടത്തിൽ

ഈ വരാന്ത്യത്തിൽ ഒടിടിയിൽ കാണാൻ മികച്ച സിനിമകളും വെബ് സീരീസുകളും തിരയുകയാണോ? സിനിമാ പ്രേമികൾ ഏറെ ആകാംക്ഷയോടെ കാത്തിരുന്ന ഒരു കൂട്ടം മികച്ച ചിത്രങ്ങളാണ് 2026 ജൂൺ മൂന്നാം വാരത്തിൽ പ്രമുഖ ഒടിടി പ്ലാറ്റ്‌ഫോമുകളിലെത്തുന്നത്. മലയാളികളുടെ പ്രിയപ്പെട്ട ‘ദൃശ്യം’ 3 മുതൽ ബോളിവുഡ് ഹൊറർ-കോമഡികളും ഹോളിവുഡ് ത്രില്ലറുകളും വരെ ഈ ലിസ്റ്റിലുണ്ട്.

നെറ്റ്ഫ്ലിക്സ്, ആമസോൺ പ്രൈം വീഡിയോ, ജിയോഹോട്ട്സ്റ്റാർ, ആപ്പിൾ ടിവി എന്നിവയിലൂടെ ഈ ആഴ്ച റിലീസ് ചെയ്യുന്ന പ്രധാന ചിത്രങ്ങൾ ഏതൊക്കെയാണെന്ന് നോക്കാം.

1. ആമസോൺ പ്രൈം വീഡിയോ: ജോർജുകുട്ടി വീണ്ടുമെത്തുന്നു, ഒപ്പം ‘ദൃശ്യം 3’

ഈ വർഷത്തെ ഇന്ത്യൻ ഡിജിറ്റൽ റിലീസുകളിൽ ഏറ്റവും വലിയ ഹൈപ്പുള്ള ചിത്രമാണ് പ്രൈം വീഡിയോയിലൂടെ പ്രേക്ഷകരിലേക്ക് എത്തിയിരിക്കുന്നത്.

• ദൃശ്യം 3 (റിലീസ് തീയതി: ജൂൺ 18)മലയാള സിനിമയിലെ എക്കാലത്തെയും വലിയ വിജയ പരമ്പരയായ ‘ദൃശ്യം’ മൂന്നാം ഭാഗവുമായി മോഹൻലാൽ (ജോർജുകുട്ടി) വീണ്ടുമെത്തുന്നു. ജീത്തു ജോസഫ് സംവിധാനം ചെയ്ത ഈ ക്രൈം ത്രില്ലർ, തന്റെ കുടുംബത്തെ സംരക്ഷിക്കാൻ ജോർജുകുട്ടി നടത്തുന്ന പുതിയ മനശാസ്ത്രപരമായ പോരാട്ടങ്ങളുടെ കഥയാണ് പറയുന്നത്. മീന, സിദ്ദിഖ്, ആശാ ശരത്, മുരളി ഗോപി എന്നിവരും പ്രധാന വേഷങ്ങളിൽ തിരിച്ചെത്തുന്നു.
• യുവർ ഫോൾട്ട്: ലണ്ടൻ (റിലീസ് തീയതി: ജൂൺ 17)യുവ പ്രേക്ഷകരെ ആകർഷിക്കുന്ന ബ്രിട്ടീഷ് റൊമാന്റിക് ഡ്രാമയായ ‘Your Fault: London’ റിലീസ് ചെയ്തു. നോഹ (ആഷാ ബാങ്ക്സ്), നിക്ക് (മാത്യു ബ്രൂം) എന്നിവരുടെ പ്രണയവും അവർക്കിടയിലെ ദൂരവും ഉണ്ടാക്കുന്ന സങ്കീർണ്ണതകളുമാണ് ഇതിന്റെ ഇതിവൃത്തം.

2. നെറ്റ്ഫ്ലിക്സ് റിലീസുകൾ: ത്രില്ലറുകളും കോമഡികളും

വിവിധ ഭാഷകളിലുള്ള മികച്ച ചിത്രങ്ങളും സീരീസുകളുമായാണ് നെറ്റ്ഫ്ലിക്സ് ഈ വാരം സജീവമായിരിക്കുന്നത്.

• ഭൂത് ബംഗ്ല (റിലീസ് തീയതി: ജൂൺ 12)പ്രിയദർശൻ സംവിധാനം ചെയ്ത ഈ ബോളിവുഡ് ഹൊറർ-കോമഡി ചിത്രം വലിയ താരനിരയോടെയാണ് എത്തിയിരിക്കുന്നത്. അക്ഷയ് കുമാർ, വാമിഖ ഗബ്ബി, പരേഷ് റാവൽ, തബു, രാജ്പാൽ യാദവ് എന്നിവർ അണിനിരക്കുന്ന ചിത്രം ചിരിയും ഭയവും ഒരേപോലെ സമ്മാനിക്കുന്നു.
• ഐ വിൽ ഫൈൻഡ് യു (റിലീസ് തീയതി: ജൂൺ 18)ഹർലൻ കോബന്റെ പ്രശസ്തമായ മിസ്റ്ററി നോവലിനെ ആസ്പദമാക്കി ഒരുക്കിയ ത്രില്ലർ മിനിസീരീസ്. സാം വർതിംഗ്ടൺ, ബ്രിട്ട് ലോവർ, മിലോ വെന്റിമിഗ്ലിയ എന്നിവർ അഭിനയിച്ച ഈ സീരീസ്, കാണാതായ മകനെ തിരയുന്ന ഒരു പിതാവിന്റെ കഥയാണ് പറയുന്നത്.
• വോയ്സ്മെയിൽസ് ഫോർ ഇസബെല്ല (റിലീസ് തീയതി: ജൂൺ 19)സോയ് ഡിയുച്ചും നിക്ക് റോബിൻസണും പ്രധാന വേഷങ്ങളിൽ എത്തുന്ന വ്യത്യസ്തമായൊരു റൊമാന്റിക് ഡ്രാമ. മരിച്ചുപോയ സഹോദരിയുടെ നമ്പറിലേക്ക് ഒരു യുവതി അയക്കുന്ന വോയ്‌സ്‌മെയിലുകൾ അബദ്ധത്തിൽ മറ്റൊരു അപരിചിതന്റെ പക്കൽ എത്തുന്നതാണ് കഥ.
• ഹസ്ബൻഡ്സ് ഇൻ ആക്ഷൻ (റിലീസ് തീയതി: ജൂൺ 19)ഒരു തട്ടിക്കൊണ്ടുപോകൽ കേസ് അന്വേഷിക്കാൻ തന്റെ മുൻഭാര്യയുടെ ഇപ്പോഴത്തെ ഭർത്താവുമായി കൈകോർക്കേണ്ടി വരുന്ന ഒരു നാർക്കോട്ടിക് ഡിറ്റക്ടീവിന്റെ കഥ പറയുന്ന കൊറിയൻ ആക്ഷൻ-കോമഡി ചിത്രം (K-Drama).

3. ജിയോഹോട്ട്സ്റ്റാർ & മറ്റ് പ്രാദേശിക റിലീസുകൾ

പ്രാദേശിക ഭാഷകളിൽ മികച്ച കോമഡി, റിവഞ്ച് ഡ്രാമകൾ ഈ വാരം റിലീസ് ചെയ്യുന്നുണ്ട്.

4. ആപ്പിൾ ടിവി, ഡിസ്നി പ്ലസ് ഹോളിവുഡ് ഹൈലൈറ്റ്സ്

ഹോളിവുഡ് സിനിമാ പ്രേമികൾക്കായി ആപ്പിൾ ടിവിയും ഡിസ്നി പ്ലസും മികച്ച പ്രൊജക്ടുകളാണ് ഒരുക്കിയിരിക്കുന്നത്.

ആപ്പിൾ ടിവി പ്ലസ് ചോയ്സ്: ഷുഗർ സീസൺ 2 (ജൂൺ 19)

പ്രശസ്ത നടൻ കോളിൻ ഫാരൽ പ്രൈവറ്റ് ഡിറ്റക്ടീവായ ജോൺ ഷുഗർ ആയി തിരിച്ചെത്തുന്നു. ലോസ് ആഞ്ചലസിലെ ഒരു സാധാരണ മിസ്സിംഗ് കേസ് അന്വേഷിക്കാൻ ഇറങ്ങുന്ന ജോൺ ഷുഗർ, നഗരത്തിലെ വലിയൊരു രാഷ്ട്രീയ-കോർപ്പറേറ്റ് അഴിമതിയുടെ ചുരുളഴിക്കുന്നതാണ് രണ്ടാം സീസൺ.

• ഡോക്ടർ ഓൺ ദി എഡ്ജ് (ഡിസ്നി പ്ലസ്): ലീ ജെ-വൂക്കും ഷിൻ യെ-ഉന്നും അഭിനയിക്കുന്ന ഹിറ്റ് കൊറിയൻ മെഡിക്കൽ റൊമാൻസ് സീരീസിന്റെ പുതിയ എപ്പിസോഡുകൾ ലഭ്യമാണ്.
• ആലിയ ബാസു ഗായബ് ഹേ (ലയൺസ്ഗേറ്റ് പ്ലേ): വിനയ് പഥക്, റൈമ സെൻ എന്നിവർ കേന്ദ്രകഥാപാത്രങ്ങളാകുന്ന ഡാർക്ക് ക്രൈം ത്രില്ലർ. ഒരു തട്ടിക്കൊണ്ടുപോകൽ പ്ലാൻ പൂർണ്ണമായും പാളിപ്പോകുന്നതാണ് സിനിമയുടെ പ്രമേയം.

താൻ കാൻസർ ബാധിതയാണെന്ന യാഥാർഥ്യം വെളിപ്പെടുത്തിയതിന് പിന്നാലെ, ചികിത്സയുമായി ബന്ധപ്പെട്ട പ്രധാന അപ്‌ഡേറ്റുമായി എത്തിയിരിക്കുകയാണ് സോഷ്യൽ മീഡിയ താരം രേണു സുധി. രോഗചികിത്സയുടെ ഭാഗമായുള്ള കീമോതെറാപ്പി സെഷനുകൾ ആരംഭിക്കുകയാണെന്ന് രേണു ഇൻസ്റ്റഗ്രാമിലൂടെ അറിയിച്ചു. ഈ നിർണായക ഘട്ടത്തിൽ എല്ലാവരുടെയും പ്രാർഥനകൾ കൂടെയുണ്ടാകണമെന്ന് രേണു തൻ്റെ കുറിപ്പിൽ അഭ്യർത്ഥിച്ചു. രേണു പങ്കുവെച്ച പോസ്റ്റിന് താഴെ ആയിരക്കണക്കിന് ആരാധകരും സുഹൃത്തുക്കളുമാണ് പ്രാർഥനകളും പിന്തുണയും അറിയിച്ച് രംഗത്തെത്തുന്നത്.

രേണുവിൻ്റെ ആരോഗ്യസ്ഥിതിയെക്കുറിച്ച് സോഷ്യൽ മീഡിയയിൽ പലവിധ പ്രചരണങ്ങൾ നടന്നതിന് പിന്നാലെയായിരുന്നു താൻ കാൻസർ ബാധിതയാണെന്ന സത്യം താരം ദിവസങ്ങൾക്ക് മുൻപ് തുറന്നുപറഞ്ഞത്. രോഗം മൂന്നാം ഘട്ടത്തിൻ്റെ (Stage 3) അവസാനത്തിലാണെന്നും ഉടൻ തന്നെ ചികിത്സ ആരംഭിക്കുമെന്നും അവർ വ്യക്തമാക്കിയിരുന്നു.

തനിക്ക് 15 വയസ്സുള്ളപ്പോൾ തന്നെ മാറിടത്തിൽ ഒരു മുഴ ശ്രദ്ധയിൽ പെട്ടിരുന്നുവെന്നും അന്നത് കാര്യമാക്കിയിരുന്നില്ലെന്നും രേണു മുൻപ് വെളിപ്പെടുത്തിയിരുന്നു. പിന്നീട് ഡിപ്ലോമയ്ക്ക് പഠിക്കുന്ന കാലത്ത് വീട്ടുകാർ ഇതറിഞ്ഞ് കോട്ടയം മെഡിക്കൽ കോളേജിൽ എത്തിച്ച് ബയോപ്സി ചെയ്തപ്പോൾ, ഭാവിയിൽ ഇത് കാൻസർ ആകാൻ സാധ്യതയുണ്ടെന്ന് ഡോക്ടർമാർ മുന്നറിയിപ്പ് നൽകിയിരുന്നു. എന്നാൽ മുൻപ് കഴിഞ്ഞ മറ്റൊരു ശസ്ത്രക്രിയയുടെ പേടി കാരണം രേണു അത് പിന്നീട് ആരോടും പറഞ്ഞില്ല. വർഷങ്ങൾക്ക് ശേഷം, സുധിച്ചേട്ടൻ്റെ (കൊല്ലം സുധി) മരണശേഷം നടത്തിയ സ്കാനിംഗിലും മാമ്മോഗ്രാമിലുമാണ് ഡോക്ടർമാർക്ക് വീണ്ടും സംശയം തോന്നിയതും ബയോപ്സിയിലൂടെ രോഗം സ്ഥിരീകരിച്ചതും. ഏറെ പ്രിയപ്പെട്ടവരുടെ പിന്തുണയോടെ വലിയ മനക്കരുത്തോടെയാണ് രേണു ഈ പോരാട്ടത്തെ നേരിടുന്നത്.

View this post on Instagram

A post shared by Reshma P Thankachen (@renu_sudhi)

Renusudhi treatment starts