റിഷഭ് ഷെട്ടിയെ നായകനാക്കി സന്ദീപ് സിങ് ഒരുക്കാൻ പോകുന്ന “ദി പ്രൈഡ് ഓഫ് ഭാരത്: ഛത്രപതി ശിവാജി മഹാരാജി”ലെ താരനിരയിലേക്ക് കൂടുതൽ താരങ്ങൾ. പ്രശസ്ത അഭിനേതാക്കൾ മുതൽ ആഗോളതലത്തിൽ അംഗീകരിക്കപ്പെട്ട സാങ്കേതിക വിദഗ്ധർ വരെ അണിനിരക്കുന്ന ചിത്രം, ഒരു അസാധാരണ ടീമിനെയാണ് ക്രമാനുഗതമായി കോർത്തിണക്കുന്നത്. നടി ഭൂമി സതീഷ് പെഡ്‌നേക്കർ ആണ് ചിത്രത്തിലെ നായികാ വേഷത്തിൽ എത്തുന്നത്. ധൈര്യത്തിനും അചഞ്ചലമായ മനോഭാവത്തിനും ഓർമ്മിക്കപ്പെടുന്ന, നിർഭയ യോദ്ധാവ് രാജ്ഞി ബെലവാടി മല്ലമ്മയുടെ വേഷം ആണ് ഭൂമി അവതരിപ്പിക്കുന്നത്.

ഇതിഹാസ യോദ്ധാവ് രാജാവ് ഛത്രപതി ശിവാജി മഹാരാജായി റിഷഭ് ഷെട്ടി വേഷമിടുന്ന ചിത്രത്തിൽ, അർജുൻ രാംപാൽ, വിവേക് ഒബ്‌റോയ് എന്നിവരും, പ്രശസ്തരായ കലാകാരന്മാരുടെ ഒരു സംഘവും തന്നെ അണിനിരക്കുന്നുണ്ട്. ചിത്രത്തിൻ്റെ ഭാഗമാകുന്നതിലുള്ള ആവേശം പ്രകടിപ്പിച്ചുകൊണ്ട് ഭൂമി സതീഷ് പെഡ്‌നേക്കർ പറയുന്നത്, മഹാനായ മറാത്ത യോദ്ധാവും രാജാവുമായ ഛത്രപതി ശിവാജി മഹാരാജിന്റെ ജീവിതത്തെയും പൈതൃകത്തെയും കുറിച്ചുള്ള, ഈ സ്കെയിലിലെ ആദ്യത്തെ ഇന്ത്യൻ സിനിമാറ്റിക് വിസ്മയത്തിൻ്റെ ഭാഗമാകാൻ കഴിഞ്ഞതിൽ തനിക്ക് അതിയായ അഭിമാനം ഉണ്ടെന്നാണ്. കർണാടകയിലെ ധീര യോദ്ധാവ് റാണി ബെലവാടി മല്ലമ്മയെ അവതരിപ്പിക്കാനും അവരെ സ്‌ക്രീനിൽ ജീവസുറ്റതാക്കാനും കഴിയുന്നത് ഒരു ആദരവായി ആണ് താൻ കാണുന്നത് എന്നും, താൻ ഒരു വലിയ “കാന്താര” ആരാധിക കൂടിയാണെന്നും ഭൂമി പറഞ്ഞു. അതിലെ റിഷഭ് ഷെട്ടിയുടെ അതിശയകരമായ പ്രകടനം തന്നെ അത്ഭുതപ്പെടുത്തി എന്നും, അതിനാൽ, സന്ദീപ് ഈ ചിത്രവുമായി തൻ്റെ മുന്നിലെത്തിയ നിമിഷം തന്നെ തന്നിലെ അഭിനേത്രി സമ്മതം മൂളി എന്നും ഭൂമി പറയുന്നു. ഇത് താൻ മുമ്പ് ചെയ്ത കഥാപാത്രങ്ങളിൽ നിന്നെല്ലാം വ്യത്യസ്തമാണ് എന്നും, തന്നെ പൂർണ്ണമായും പുതിയൊരു വെളിച്ചത്തിൽ കണ്ടതിന് ചിത്രത്തിൻ്റെ നിർമ്മാതാക്കളോട് താൻ നന്ദിയുള്ളവളാണ് എന്നും ഭൂമി കൂട്ടിച്ചേർത്തു.

സന്ദീപ് സിംഗ് സംവിധാനം ചെയ്യുകയും നിർമ്മിക്കുകയും ചെയ്യുന്ന ‘ദി പ്രൈഡ് ഓഫ് ഭാരത്: ഛത്രപതി ശിവാജി മഹാരാജ്’ വമ്പൻ കാൻവാസിൽ ആണ് ഒരുങ്ങുന്നത്. ഈ ഇതിഹാസ മറാത്ത രാജാവിന്റെ ജീവിതത്തെ ആസ്പദമാക്കി ഇതുവരെ നിർമ്മിച്ചതിൽ വച്ച് ഏറ്റവും വലിയ സിനിമാറ്റിക് പ്രദർശനങ്ങളിലൊന്നായി ഇത് വിഭാവനം ചെയ്യപ്പെടുന്നു.

രണ്ട് ഭാഗങ്ങളുള്ള ഒരു ഇതിഹാസമായി ആസൂത്രണം ചെയ്തിരിക്കുന്ന ഈ ചിത്രത്തിന്റെ രചന ഋഷി വിർമണിയാണ്. സംഗീതം അമിത് ത്രിവേദി, വരികൾ ദേശീയ അവാർഡ് ജേതാവായ ഗാനരചയിതാവ് പ്രസൂൺ ജോഷി. പ്രശസ്തരായ അഭിനേതാക്കളുടെയും ആഗോളതലത്തിൽ അംഗീകരിക്കപ്പെട്ട സാങ്കേതിക വിദഗ്ധരുടെയും ഒരു വലിയ നിരയുടെ പിന്തുണയോടെ, ഈ ബ്രഹ്മാണ്ഡ ചിത്രം ഈ വർഷം അവസാനം ചിത്രീകരണം ആരംഭിക്കും. ഈ ചരിത്ര ദർശനത്തെ ജീവസുറ്റതാക്കുന്നതിനുള്ള വിപുലമായ പ്രീ-പ്രൊഡക്ഷൻ ഇതിനോടകം തന്നെ പുരോഗമിക്കുകയാണ്. പിആർഒ – ശബരി

മലയാളം ഹിപ്-ഹോപ്പിന്റെ പുതിയ യുഗത്തിന് തുടക്കമിടുന്ന ZEE 5 ‘ഇൻഡി കേരള അണ്ടർഗ്രൗണ്ട്’ ഇന്റെ പ്രൊമോ ട്രാക്ക് ‘എന്താ ഹാൽ’ സീ മ്യൂസിക്കിൽ പുറത്തിറങ്ങി.കേരളത്തിലെ വളർന്നുവരുന്ന അണ്ടർഗ്രൗണ്ട് ഹിപ്പ്-ഹോപ്പ് രംഗത്തെ മുന്നിലെത്തിക്കുന്ന ഈ ഷോയിൽ, 10 എപ്പിസോഡുകളിലായി 10 വളർന്നുവരുന്ന റാപ്പർമാർ ചാമ്പ്യൻ പട്ടത്തിനായി മാറ്റുരയ്ക്കും. ഡബ്സി (Dabzee), ദി ഇമ്പാച്ചി (The Imbachi), എംസി കൂപ്പർ (MC Couper), പരിമൾ ഷെയ്സ് (Parimal Shais) എന്നീ പ്രമുഖ മലയാളം ഹിപ്പ്-ഹോപ്പ് താരങ്ങളാണ് മത്സരാർത്ഥികൾക്ക് മാർഗ്ഗനിർദ്ദേശം നൽകുന്നത്.

എംസി കൂപ്പർ, ദി ഇമ്പാച്ചി, ഡാബ്സി എന്നിവർ ചേർന്നാണ് ‘എന്താ ഹാൽ’ വരികൾ എഴുതി ആലാപിച്ചിരിക്കുന്നത്. പരിമൾ ഷെയ്സ് ആണ് സംഗീത സംവിധാനവും നിർമ്മാണവും നിർവ്വഹിച്ചിരിക്കുന്നത്.ആകാശ് ശ്രാവൺ മിക്സിംഗും മാസ്റ്ററിംഗും നിർവ്വഹിച്ച ഈ ഗാനം സോഷ്യൽ മീഡിയയിൽ ഇതിനോടകം തന്നെ ട്രെൻഡിംഗ് ആയി മാറിയിരിക്കുകയാണ്.

കേരള അണ്ടർഗ്രൗണ്ട്’ ഒരു റിയാലിറ്റി ഷോ എന്നതിലുപരി, കേരളത്തിലെ യുവതലമുറയുടെ ശബ്ദമായി മാറാനുള്ള സാധ്യത നമുക്ക് കാണാം.കേരള അണ്ടർഗ്രൗണ്ട് ഉടൻ തന്നെ മലയാളം ZEE 5-ൽ എക്സ്ക്ലൂസീവായി സ്ട്രീമിംഗ് ആരംഭിക്കും.

സംഗീത് പ്രതാപ്, ഷറഫുദീൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ശ്യാമിൻ ഗിരീഷ് ഒരുക്കുന്ന “ഇറ്റ്സ് എ മെഡിക്കൽ മിറക്കിൾ” എന്ന ചിത്രത്തിന്റെ ഓവർസീസ് വിതരണാവകാശം സ്വന്തമാക്കി ദി പ്ലോട്ട് പിക്ചേഴ്സ്. ഡോക്ടർ പോൾസ് എന്റർടൈൻമെന്റ്, ഡ്രീം ബിഗ് ഫിലിംസ് എന്നിവയുടെ ബാനറിൽ ഡോക്ടർ പോൾ വർഗീസ്, സുജിത് ജെ നായർ എന്നിവർ ചേർന്നാണ് ചിത്രം നിർമ്മിക്കുന്നത്. അഖില ഭാർഗവൻ നായികാ വേഷം ചെയ്യുന്ന ചിത്രത്തിന്റെ കഥ, തിരക്കഥ, സംഭാഷണം എന്നിവ രചിച്ചത് നടി നിലീൻ സാന്ദ്രയാണ്.

നേരത്തെ, ചിത്രത്തിൻ്റെ മ്യൂസിക് അവകാശം പ്രമുഖ സംഗീത/ഓഡിയോ ലേബൽ ആയ തിങ്ക് മ്യൂസിക് സ്വന്തമാക്കിയിരുന്നു. ഇപ്പൊൾ പോസ്റ്റ് പ്രൊഡക്ഷൻ ജോലികൾ ദ്രുതഗതിയിൽ നടക്കുകയാണ്. ചിത്രത്തിൻ്റെ ഫസ്റ്റ് ലുക്ക് നേരത്തെ പുറത്ത് വരികയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ഏറെ കൗതുകമുണർത്തുന്നതും വ്യത്യസ്തവുമായ ലുക്കിലാണ് ഫസ്റ്റ് ലുക്കിൽ ഷറഫുദീൻ, സംഗീത് പ്രതാപ് എന്നിവരെ അവതരിപ്പിച്ചത്.

സംഗീത് പ്രതാപ്, ഷറഫുദീൻ എന്നിവരുടെ കരിയറിലെ തീർത്തും വ്യത്യസ്തവും അവർ ഇതുവരെ ചെയ്യാത്ത തരത്തിലുള്ളതുമായ കഥാപാത്രങ്ങളെയാണ് ഇതിൽ അവതരിപ്പിക്കുന്നത് എന്നാണ് റിപ്പോർട്ടുകൾ വരുന്നത്. ചിത്രത്തിന്റെ കഥയെ കുറിച്ചും കഥാപാത്രങ്ങളെ കുറിച്ചും പ്രേക്ഷകരിൽ ആകാംഷയും കൗതുകവും നിലനിർത്തിക്കൊണ്ടാണ് ചിത്രത്തിൻ്റെ അപ്ഡേറ്റുകൾ ഓരോന്നായി അണിയറ പ്രവർത്തകർ പുറത്ത് വിടുന്നത്.

സംഗീത് പ്രതാപ്, ഷറഫുദ്ദീൻ എന്നിവർ കൂടാതെ, കോട്ടയം നസീർ, ആനന്ദ് മന്മഥൻ, കിരൺ പീതാംബരൻ, പാർവ്വതി ആർ കൃഷ്ണ തുടങ്ങി വലിയൊരു താരനിര ചിത്രത്തിൽ അണിനിരക്കുന്നുണ്ട്. ചിത്രത്തിൻ്റെ റിലീസ് സംബന്ധിച്ച വിവരങ്ങൾ വൈകാതെ തന്നെ പുറത്ത് വിടും. ചിത്രം കേരളത്തിൽ വിതരണം ചെയ്യുന്നത് ഡ്രീം ബിഗ് ഫിലിംസ്.

ഛായാഗ്രഹണം – അഖിൽ സേവ്യർ, എഡിറ്റർ- രാകേഷ് ചെറുമഠം, സംഗീതം- മുജീബ് മജീദ്, സൗണ്ട് ഡിസൈൻ- നിക്സൺ ജോർജ്, മേക്കപ്പ്- റോണക്സ് സേവ്യർ, വസ്ത്രങ്ങൾ- ആരതി ഗോപാൽ, പ്രൊഡക്ഷൻ കൺട്രോളർ – മനോജ് പൂങ്കുന്നം, കലാസംവിധാനം- അപ്പുണ്ണി സാജൻ, ചീഫ് അസ്സോസിയേറ്റ് ഡയറക്ടർ- വിഷ്ണു ദേവ്, അജിത് ജോസ്, വി എഫ് എക്സ്- പിക്ടോറിയൽ വി എഫ് എക്സ്, മാർജ്ജാര വിഎഫ്എക്സ്, അസ്സോസിയേറ്റ് ഡയറക്ടർ-മുബീൻ റാഫി, പ്രോജക്ട് ഡിസൈനർ- അമൃത മോഹൻ,അസ്സോസിയേറ്റ് ക്യാമറാമാൻ- വിശോക് കളത്തിൽ, ഫിനാൻസ് കൺട്രോളർ- ബിബിൻ സേവ്യർ, സ്റ്റിൽസ്- സിനറ്റ് സേവ്യർ, അസിസ്റ്റന്റ് ഡിറക്ടർസ് – ആൽബിൻ ഷാജി, ഷഫീഖ്, ഡിസൈൻസ്- യെല്ലോ ടൂത്സ്, ഡിസ്ട്രിബൂഷൻ – ഡ്രീം ബിഗ് ഫിലിംസ്, ഡിജിറ്റൽ മാർക്കറ്റിങ് – ഒബ്‌സ്‌ക്യൂറ, പിആർഒ – ശബരി

സൂര്യയെ നായകനാക്കി സൂപ്പർ ഹിറ്റ് തെലുങ്ക് സംവിധായകൻ വെങ്കി അറ്റ്ലൂരി ഒരുക്കുന്ന “വിശ്വനാഥ് ആൻഡ് സൺസ്” എന്ന ചിത്രത്തിലെ രണ്ടാം ഗാനം പുറത്ത്. വെഡിംഗ് സോംഗ് എന്ന പേരിൽ പുറത്ത് വന്ന ഈ ഗാനത്തിൻ്റെ പ്രധാന ആകർഷണം, ഇത് ആലപിച്ചിരിക്കുന്നത് നായകനായ സൂര്യ തന്നെയാണ് എന്നതാണ്. നേരത്തെ, സൂര്യയുടെ ജന്മദിനം പ്രമാണിച്ച് ജൂലൈ 23 ന് ഗാനത്തിൻ്റെ പ്രമോ വീഡിയോ റിലീസ് ചെയ്തിരുന്നു. ഇപ്പൊൾ ഗാനത്തിൻ്റെ പൂർണമായ പതിപ്പ് ആണ് പുറത്ത് വന്നിരിക്കുന്നത്. ചിത്രത്തിൻ്റെ ആഗോള റിലീസ് 2026 ഓഗസ്റ്റ് 14 നാണ്. ചിത്രം കേരളത്തിലെ തീയേറ്ററുകളിൽ പ്രദർശനത്തിന് എത്തിക്കുന്നത് ന്യൂ സൂര്യ ഫിലിംസ്.

മലയാളി താരം മമിത ബൈജു നായികയായി എത്തുന്ന ചിത്രം, ഫോർച്യൂൺ ഫോര്‍ സിനിമാസുമായി ചേര്‍ന്ന്, സിതാര എന്‍റര്‍ടെയ്ന്‍‍മെന്‍റ്സ് ബാനറിൽ സൂര്യദേവര നാഗ വംശി, സായ് സൗജന്യ എന്നിവരാണ് നിർമ്മിച്ചിരിക്കുന്നത്. ശ്രീകര സ്റ്റുഡിയോസ് ആണ് ചിത്രം അവതരിപ്പിക്കുന്നത്. നടനും സംവിധായകനുമായ യുവതാരം കെൻ കരുണാസ് ആണ് ഈ വെഡ്ഡിംഗ് സോങ്ങിന് വരികൾ രചിച്ചത്. സൂര്യ, മമിത എന്നിവരുടെ തകർപ്പൻ നൃത്തമാണ് ഈ ഗാനത്തിൻ്റെ ഹൈലൈറ്റ്. ജി വി പ്രകാശ് കുമാർ ആണ് ചിത്രത്തിലെ ഗാനങ്ങൾക്ക് സംഗീതം പകർന്നത്. അതീവ രസകരമായി, ഏറെ കളർഫുൾ ആയാണ് ഈ ഗാനം ചിത്രീകരിച്ചിരിക്കുന്നത്. ഒരു പക്കാ ഫാമിലി എന്റെർറ്റൈനെർ ആയാണ് ചിത്രം ഒരുക്കിയിരിക്കുന്നത് എന്ന സൂചനയാണ് ഇതിന്റെ ടീസർ, ഗാനങ്ങൾ എന്നിവയെല്ലാം പ്രേക്ഷകർക്ക് സമ്മാനിക്കുന്നത്.

നേരത്തെ പുറത്ത് വന്ന, ചിത്രത്തിലെ പട്ടാമ്പൂച്ചി എന്ന ആദ്യ ഗാനവും സൂപ്പർ ഹിറ്റായി മാറിയിരുന്നു. റിലീസിന് മുൻപ് തന്നെ 300 കോടിയുടെ ബിസിനസ് നടത്തി റെക്കോർഡ് സൃഷ്ടിച്ചു കൊണ്ടും ചിത്രം വാർത്തകളിൽ നിറഞ്ഞിരുന്നു. സൂര്യയുടെ കരിയറിലെ തന്നെ ഏറ്റവും വലിയ പ്രീ റിലീസ് ബിസിനസ് ആണ് ചിത്രം നേടിയത്. ചിത്രത്തിന്റെ ഒടിടി റൈറ്റ്‍സ് നെറ്റ്ഫ്ലിക്സ് 85 കോടിയോളം രൂപയ്ക്കാണ് സ്വന്തമാക്കിയത്.

സൂര്യയുടെ കരിയറിലെ നാല്പത്തിയാറാം ചിത്രമായി എത്തുന്ന വിശ്വനാഥ് ആൻഡ് സൺസ്, ബ്ലോക്ക്ബസ്റ്റർ ഹിറ്റായ ലക്കി ഭാസ്കറിന് ശേഷം വെങ്കി അറ്റ്ലൂരി ഒരുക്കുന്ന ചിത്രമാണ്. സംവിധായകൻ വെങ്കി അറ്റ്ലൂരി തന്നെയാണ് ചിത്രം രചിച്ചിരിക്കുന്നതും. രവീണ ടണ്ഡന്‍, രാധിക ശരത്കുമാര്‍, ഭവാനി ശ്രീ എന്നിവരാണ് ചിത്രത്തിലെ മറ്റു താരങ്ങൾ.

ഛായാഗ്രഹണം – നിമിഷ് രവി, സംഗീതം- ജി വി പ്രകാശ് കുമാർ, എഡിറ്റർ – നവീൻ നൂലി, പ്രൊഡക്ഷൻ ഡിസൈനർ – ബംഗ്ലാൻ, എക്സിക്യൂട്ടീവ് പ്രൊഡ്യൂസർ – യലമഞ്ചിളി ഗോപാല കൃഷ്ണ (നാനി), ലൈൻ പ്രൊഡ്യൂസർ – കരുമാഞ്ചി ഉമാ മഹേശ്വര റാവു, കലാസംവിധായകർ – ശിവ കാമേഷ് ഡി, ജിത്തു സെബാസ്റ്റ്യൻ,
ഫൈറ്റ് മാസ്റ്റർ – വി. വെങ്കട്ട്, നൃത്തസംവിധാനം – ശേഖർ വിജെ, വിജയ് ബിന്നി, സംഭാഷണങ്ങൾ – കെ. എൻ. വിജയകുമാർ, ചീഫ് കോ-ഡയറക്റ്റർ – ശ്രീവാസ്തവ , കോ-ഡയറക്ടർ – അഞ്ജി ചോഡപനിഡി, വിഎഫ്എക്സ് സൂപ്പർവൈസർ – വാസുദേവ റാവു മൊജ്ജാദ, ഡിഐ – ന്യൂബ് സ്റ്റുഡിയോസ്, കളറിസ്റ്റ് – വൈശാഖ് ശിവ, ഡോൾബി അറ്റ്മോസ് മിക്സ് – ടി. ഉദയ് കുമാർ, ടീസർ കട്ട് – ബലറാം കൃഷ്ണൻ, വിഷ്ണു രാമഗിരി, നിഖിൽ നാദെല്ല, ചീഫ് അസോസിയേറ്റ് എഡിറ്റർ – ബലറാം കൃഷ്ണൻ, അസോസിയേറ്റ് എഡിറ്റർ – ശ്രീനിവാസ് നദിമിണ്ടി, ഡയറക്ഷൻ ഡിപ്പാർട്ട്മെന്റ് – വിജയകുമാർ, ബാലയ്യ ഡി രാജശേഖർ, രാമറാവു ആലുബെല്ലി, രാം സന്ദീപ് വർമ്മ ജമ്പാന, രമേഷ് അഗുരി, നവീൻ ഈദാര, സായ് ചരൺ വണ്ടവസു, റിഷ ചെറുകുരി, ശിവ ശങ്കർ, അനീഷ് ദേവൻപള്ളി, കലാൽ വെങ്കി ഗൌഡ്, ഡിഒപി ടീം – ആൻസൺ ടൈറ്റസ്, ഹെമിൽ സുഗുനൻ, അഭിജിത് ഷാബു, നിഖില ലാൽകുമാർ, ഹരി ബാബു, പ്രവീൺ, കോസ്റ്റ്യൂം ഡിസൈനർമാർ – അർച്ചന റാവു, സന്ധ്യ സബ്ബവരപു, മോഷൻ ജിഎഫ്എക്സ് – സബാരി രാമിറോ, പ്രൊഡക്ഷൻ കൺട്രോളർ – രുദ്രേഷ് എസ്, പബ്ലിസിറ്റി ഡിസൈനർ – കബിലൻ, ഡിജിറ്റൽ മാർക്കറ്റിംഗ് – സന്ദീപ് കുൽക്കർണി, പിആർഒ- ശബരി

പ്രേക്ഷകരുടെ പ്രിയ നടി പത്മപ്രിയ താൻ അമ്മയായ വിവരം ആരാധകരുമായി പങ്കുവെച്ചു. തനിക്ക് കുഞ്ഞുപിറന്ന വിവരവും കുഞ്ഞിന് ഒരു വയസ്സ് തികഞ്ഞുവെന്ന വിശേഷവുമാണ് താരം സോഷ്യൽ മീഡിയയിലൂടെ വെളിപ്പെടുത്തിയത്.

അച്ഛന്റെയും അമ്മയുടെയും കൈകളിൽ മുറുകെ പിടിച്ചിരിക്കുന്ന കുഞ്ഞിന്റെ മനോഹരമായ ചിത്രങ്ങൾ പങ്കുവെച്ചുകൊണ്ടാണ് പത്മപ്രിയ സന്തോഷവാർത്ത അറിയിച്ചത്. “365 Days of life. Grateful” (ജീവിതത്തിന്റെ 365 ദിനങ്ങൾ, നന്ദി) എന്ന അടിക്കുറിപ്പോടെയാണ് താരം ചിത്രം പോസ്റ്റ് ചെയ്തത്. എന്നാൽ കുഞ്ഞിന്റെ പേരോ ലിംഗമോ പത്മപ്രിയ വെളിപ്പെടുത്തിയിട്ടില്ല.

ചിത്രത്തിന് താഴെ സിനിമാ മേഖലയിൽ നിന്നും ആരാധകരിൽ നിന്നും ആശംസാപ്രവാഹമാണ് എത്തുന്നത്. പത്മപ്രിയ പ്രധാന വേഷത്തിലെത്തിയ ‘വണ്ടർ വുമൺ’ എന്ന ചിത്രത്തിന്റെ സംവിധായിക അഞ്ജലി മേനോൻ “കുഞ്ഞുവാവ ഇത്രയും വലുതായോ! അമ്മയ്ക്കും അച്ഛനും അഭിനന്ദനങ്ങൾ” എന്ന് ആശംസകൾ കുറിച്ചു.

2014-ലാണ് പത്മപ്രിയയും എ.എ.പി (AAP) നേതാവും ഗവേഷകനുമായ ജാസ്മിൻ ഷായും വിവാഹിതരായത്.

ബ്ലെസ്സി സംവിധാനം ചെയ്ത ‘കാഴ്ച’ (2004) എന്ന ചിത്രത്തിലൂടെ മലയാളത്തിൽ അരങ്ങേറ്റം കുറിച്ച പത്മപ്രിയ, ‘പഴശ്ശിരാജ’യിലെ നീലി എന്ന കഥാപാത്രത്തിലൂടെ ദേശീയ ചലച്ചിത്ര പുരസ്‌കാരത്തിൽ പ്രത്യേക പരാമർശവും നേടിയിട്ടുണ്ട്. ‘ഒരു തെക്കൻ തല്ലു കേസ്’ എന്ന ചിത്രത്തിലാണ് താരം മലയാളത്തിൽ അവസാനമായി അഭിനയിച്ചത്.

View this post on Instagram

A post shared by Padmapriya Janakiraman (@padmapriya_offl)

Actress Padmapriya Motherhood Announcement as Baby Turns One

സിനിമാപ്രേമികൾക്ക് ആഘോഷിക്കാൻ ഈ വാരാന്ത്യത്തിൽ ഒടിടി പ്ലാറ്റ്‌ഫോമുകളിൽ വൻ സിനിമ നിരയാണ് എത്തിയിരിക്കുന്നത്. ആക്ഷൻ, ക്രൈം ത്രില്ലർ, സൂപ്പർനാച്ചുറൽ, ഡാർക്ക് കോമഡി എന്നിങ്ങനെ എല്ലാ വിഭാഗത്തിലുംപെട്ട മലയാള ചിത്രങ്ങളും ഡബ്ബ് ചെയ്ത പതിപ്പുകളും വിവിധ ഒടിടി പ്ലാറ്റ്‌ഫോമുകളിൽ സ്ട്രീമിംഗ് ആരംഭിച്ചു.

1. പള്ളിച്ചട്ടമ്പി (SonyLIV)

ഡിജോ ജോസ് ആന്റണി സംവിധാനം ചെയ്ത പീരിയഡ് ആക്ഷൻ ഡ്രാമയായ ‘പള്ളിച്ചട്ടമ്പി’ സോണി ലിവിലൂടെ പ്രേക്ഷകരിലേക്ക് എത്തി. 1950-കളിലെ കേരള പശ്ചാത്തലത്തിൽ കഥ പറയുന്ന ചിത്രത്തിൽ ടൊവിനോ തോമസ് ‘കൃഷ്ണപിള്ള’ എന്ന കഥാപാത്രത്തെയാണ് അവതരിപ്പിക്കുന്നത്. കയാദു ലോഹർ നായികയാകുന്ന ചിത്രത്തിൽ വിജയരാഘവൻ, സിദ്ദിഖ് എന്നിവർക്കൊപ്പം പൃഥ്വിരാജ് സുകുമാരനും ഒരു പ്രധാന അതിഥി വേഷത്തിൽ എത്തുന്നുണ്ട്. ജാക്സ് ബിജോയ് ആണ് സംഗീതം.

2. അനോമി (Prime Video)

ഭാവനയും റഹ്മാനും പ്രധാന വേഷങ്ങളിലെത്തുന്ന ക്രൈം ത്രില്ലർ ചിത്രം ‘അനോമി’ ആമസോൺ പ്രൈം വീഡിയോയിൽ റിലീസ് ചെയ്തു. റിയാസ് മാരത്ത് സംവിധാനം ചെയ്ത ചിത്രത്തിൽ, തന്റെ സഹോദരന്റെ ദുരൂഹ മരണത്തിന് പിന്നിലെ സത്യം അന്വേഷിച്ചിറങ്ങുന്ന ‘സാര’ എന്ന കഥാപാത്രമായാണ് ഭാവന എത്തുന്നത്.

3. ട്രിപ്പിൾ ഡെക്കർ (ManoramaMAX)

ഐഫോണുകളിലും ഡിഎസ്എൽആർ (DSLR) ക്യാമറകളിലും ഗറില്ല ശൈലിയിൽ ചിത്രീകരിച്ച ഇൻഡി ഡാർക്ക് കോമഡി ചിത്രമായ ‘ട്രപ്പിൾ ഡെക്കർ’ മനോരമ മാക്സിലൂടെ റിലീസ് ചെയ്തു. തിരുവനന്തപുരം പ്രാദേശിക ഭാഷാശൈലിയും വേറിട്ട കഥാപാത്രങ്ങളുമാണ് കൃഷ്ണനുണ്ണി മംഗലത്ത് സംവിധാനം ചെയ്ത ഈ ചിത്രത്തിന്റെ പ്രധാന ആകർഷണം. അഖിൽ ശ്രീകുമാരൻ, വൈഷ്ണവി, ഗൗരി കുട്ടി എന്നിവരാണ് അഭിനേതാക്കൾ.

4. സീക്രട്ട് ഓഫ് കലിംഗ (Sun NXT)

ദുരൂഹതകളും അപൂർവ്വ സംഭവങ്ങളും പ്രമേഹമാക്കിയ സൂപ്പർനാച്ചുറൽ മിസ്റ്ററി ത്രില്ലർ ചിത്രമായ ‘സീക്രട്ട് ഓഫ് കലിംഗ’ സൺ എൻഎക്സ്ടിയിൽ മലയാളം ഡബ്ബ് ചെയ്ത് റിലീസ് ചെയ്തിട്ടുണ്ട്.

വരും ദിവസങ്ങളിൽ എത്തുന്ന ചിത്രങ്ങൾ:

• ചിന്ന ചിന്ന ആശൈ (JioHotstar – ജൂലൈ 28): വർഷ വാസുദേവ് സംവിധാനം ചെയ്യുന്ന ഈ റോമാന്റിക് ഡ്രാമ വാരാണസിയുടെ പശ്ചാത്തലത്തിലാണ് കഥ പറയുന്നത്. ഇന്ദ്രൻസ്, മധു, അപർണ ബാലമുരളി എന്നിവർ പ്രധാന വേഷങ്ങളിലെത്തുന്നു. ഗോവിന്ദ് വസന്തയാണ് സംഗീതം.
• ബാലൻ: ദി ബോയ് (ZEE5 – ജൂലൈ 31): ‘മഞ്ഞുമ്മൽ ബോയ്‌സ്’ സംവിധായകൻ ചിദംബരം സംവിധാനം ചെയ്ത് ജിത്തു മാധവൻ തിരക്കഥയൊരുക്കിയ സൈക്കോളജിക്കൽ മിസ്റ്ററി ത്രില്ലർ. ടൊവിനോ തോമസ് കേന്ദ്ര കഥാപാത്രമാകുന്ന ചിത്രത്തിന് സുഷിൻ ശ്യാമാണ് സംഗീതം നൽകിയിരിക്കുന്നത്.