തനിക്കെതിരെ ഉയർന്ന വർഗീയവാദി ആരോപണങ്ങളിൽ പ്രതികരണവുമായി ഡോ. റോബിൻ രാധാകൃഷ്ണൻ. താൻ ഇതുവരെ ഒരു മതത്തെയും അധിക്ഷേപിക്കുകയോ വർഗീയത പറയുകയോ ചെയ്തിട്ടില്ലെന്ന് അദ്ദേഹം വ്യക്തമാക്കി.

തനിക്കെതിരെ സോഷ്യൽ മീഡിയയിൽ ഉയർന്ന വർഗീയവാദി ആരോപണങ്ങളോട് പ്രതികരിച്ച് ബിഗ് ബോസ് മുൻ മത്സരാർത്ഥിയും ബിജെപി നേതാവുമായ ഡോ. റോബിൻ രാധാകൃഷ്ണൻ രംഗത്ത്. സോഷ്യൽ മീഡിയയിലൂടെ പങ്കുവെച്ച പുതിയ വീഡിയോയിലൂടെയാണ് താരം തന്റെ നിലപാട് വ്യക്തമാക്കിയത്.

“ഒരുപാട് പേർ കമന്റുകളിലും മറ്റും ഞാൻ ഒരു വർഗീയവാദിയാണെന്ന് പറയുന്നത് കണ്ടു. അവരോട് എനിക്ക് ചോദിക്കാനുള്ളത് ഒന്നേയുള്ളൂ— ഞാൻ ഇതുവരെ എവിടെയെങ്കിലും വർഗീയത പറയുകയോ, ഏതെങ്കിലും മതത്തെ അധിക്ഷേപിക്കുകയോ അനാദരിക്കുകയോ, ഒരു മതത്തെ മാത്രം പുകഴ്ത്തി പറയുകയോ ചെയ്തതായി നിങ്ങൾ കണ്ടിട്ടുണ്ടോ?” എന്ന് റോബിൻ ചോദിക്കുന്നു.

ഏഴെട്ട് വർഷക്കാലം ഒരു ഡോക്ടറായി സേവനമനുഷ്ഠിച്ചയാളാണ് താനെന്ന് ഓർമ്മിപ്പിച്ച റോബിൻ, തന്റെ മുന്നിൽ ചികിത്സയ്ക്കായി വന്ന ഒരു രോഗിയുടെയും ജാതിയോ മതമോ നോക്കിയിട്ടില്ലെന്നും കൂട്ടിച്ചേർത്തു. രാജ്യത്തിന്റെ നന്മയ്ക്ക് വേണ്ടി നല്ല കാര്യങ്ങൾ ചെയ്യുന്നതാണ് തന്റെ രാഷ്ട്രീയസങ്കല്പം.

“ഒരു ജാതി, ഒരു മതം, ഒരു ദൈവം മനുഷ്യന്” എന്ന് ഉദ്ഘോഷിച്ച ശ്രീനാരായണ ഗുരുദേവന്റെ ദർശനങ്ങളിൽ വിശ്വസിക്കുന്ന ആളാണ് ഞാൻ. അതോടൊപ്പം തന്നെ പ്രധാനമന്ത്രി നരേന്ദ്ര മോദിയെയും എനിക്ക് ഇഷ്ടമാണ്. ഞാൻ ഒരു ബിജെപിക്കാരനാണെന്ന് അഭിമാനത്തോടെ തന്നെ പറയും,” എന്നും വീഡിയോയിൽ റോബിൻ റോബിൻ വ്യക്തമാക്കുന്നു.

View this post on Instagram

A post shared by Dr Robin Radhakrishnan (@dr.robin_radhakrishnan)

Dr. Robin Radhakrishnan Responds to Backlash

മലയാളത്തിലും തമിഴിലും ശ്രദ്ധേയയായ ചലച്ചിത്ര നടി റെബ മോണിക്ക ജോണിനും ഭർത്താവ് ജോമോൻ ജോസഫിനും പെൺകുഞ്ഞ് പിറന്നു. ‘കിയാര ജോസഫ്’ എന്നാണ് കുഞ്ഞിന് പേരിട്ടിരിക്കുന്നത്. ജൂലൈ 22-നായിരുന്നു കുഞ്ഞിന്റെ ജനനം. സോഷ്യൽ മീഡിയയിൽ കുഞ്ഞിന്റെ ചിത്രം പങ്കുവെച്ചുകൊണ്ട് റെബ തന്നെയാണ് ഈ സന്തോഷവാർത്ത ആരാധകരുമായി പങ്കുവെച്ചത്.

പുതിയ സാഹചര്യങ്ങളുമായി പൊരുത്തപ്പെട്ടു വരികയായിരുന്നതിനാലാണ് കുഞ്ഞ് പിറന്ന വിവരം അറിയിക്കാൻ ഏതാനും ദിവസങ്ങൾ വൈകിയതെന്ന് റെബ ഇൻസ്റ്റാഗ്രാമിൽ കുറിച്ചു.

“ഹലോ വേൾഡ്, ഇതാ ഞങ്ങളുടെ കുഞ്ഞുമാലാഖ… കിയാര ജോസഫ്… ഞങ്ങളുടെ ജീവിതത്തിലേക്ക് വെളിച്ചമായി കടന്നുവന്ന ഞങ്ങളുടെ മകൾ. കഴിഞ്ഞ കുറച്ചു ദിവസങ്ങളായി ജീവിതത്തിലെ ഈ പുതിയ ഘട്ടത്തെ അടുത്തറിയാനും ഓരോ നിമിഷവും ആസ്വദിക്കാനുമാണ് ഞങ്ങൾ ശ്രദ്ധിച്ചത്. ഒരു ജീവനെ സ്വന്തം ശരീരത്തിൽ വളർത്തിയെടുക്കാൻ സാധിക്കുന്നത് ശരിക്കും ഒരു അത്ഭുതമാണ്. കഴിഞ്ഞ 9 മാസവും അവൾ എനിക്ക് സമ്മാനിച്ചത് സ്നേഹവും കരുതലും മാത്രമാണ്. ഇപ്പോൾ അവൾ ഞങ്ങളുടെ കൈകളിലുണ്ട്. ഇനി ഞങ്ങളുടെ കണ്ണുകളിലൂടെ ഈ ലോകം അവൾക്ക് കാണിച്ചുകൊടുക്കാനും, മൂവരും ചേർന്ന് മനോഹരമായ ഓർമ്മകൾ സൃഷ്ടിക്കാനും കാത്തിരിക്കുകയാണ്,” – റെബ കുറിച്ചു.

2022-ലായിരുന്നു റെബയുടെയും ജോമോൻ ജോസഫിന്റെയും വിവാഹം. ‘ജേക്കബിന്റെ സ്വർഗ്ഗരാജ്യം’ എന്ന ചിത്രത്തിലൂടെ അരങ്ങേറ്റം കുറിച്ച റെബ, ‘ഫോറൻസിക്’, ദളപതി വിജയ് ചിത്രമായ ‘ബിഗിൽ’ എന്നിവയിലെ പ്രകടനങ്ങളിലൂടെ ഏറെ പ്രേക്ഷകപ്രീതി നേടിയിട്ടുണ്ട്. സിനിമാരംഗത്തുനിന്നുള്ള സുഹൃത്തുക്കളും ആരാധകരും ഉൾപ്പെടെ നിരവധിയാളുകളാണ് ദമ്പതികൾക്ക് ആശംസകൾ നേരുന്നത്.

View this post on Instagram

A post shared by Reba Monica John (@reba_john)

Actress Reba Monica John Welcomes Baby Girl ‘Kiara’;

തമിഴ് സൂപ്പർതാരവും സംവിധായകനുമായ ധനുഷിന് പിറന്നാൾ ആശംസകൾ നേർന്ന് പ്രശസ്ത ഗായിക ശ്വേത മോഹൻ. ഇൻസ്റ്റഗ്രാമിൽ പങ്കുവെച്ച വൈകാരികമായ കുറിപ്പിലൂടെയാണ് ശ്വേത, ധനുഷുമായുള്ള തന്റെ സംഗീത ബന്ധത്തെക്കുറിച്ചും അദ്ദേഹത്തോടുള്ള ബഹുമാനത്തെക്കുറിച്ചും മനസ്സ് തുറന്നത്.

ധനുഷിന്റെ സാന്നിധ്യം തന്റെ സംഗീത യാത്രയിൽ വരുത്തിയ വലിയ മാറ്റങ്ങളെക്കുറിച്ചാണ് ശ്വേത പോസ്റ്റിൽ വ്യക്തമാക്കുന്നത്.

ശ്വേത മോഹന്റെ ഇൻസ്റ്റഗ്രാം പോസ്റ്റ്:

“എന്റെ പ്രിയപ്പെട്ട ധനുഷ് സാറിന് പിറന്നാൾ ആശംസകൾ! 💓🎶✨💐

എന്റെ സംഗീത ജീവിതത്തിൽ അദ്ദേഹത്തിന്റെ സ്വാധീനം (Midas touch) നിഷേധിക്കാനാവാത്ത ഒന്നാണ്. കലയോടും സംഗീതത്തോടുമുള്ള അദ്ദേഹത്തിന്റെ അഭിനിവേശത്തെയും കഠിനാധ്വാനത്തെയും ഞാൻ ഏറെ ബഹുമാനിക്കുന്നു. പരസ്പരമുള്ള ഈ ബഹുമാനം ഇനിയും മനോഹരമായ ഒരുപാട് നല്ല ഗാനങ്ങളിലേക്ക് നമ്മെ നയിക്കുമെന്ന് ഞാൻ പ്രത്യാശിക്കുന്നു.”

ഹിറ്റ് കൂട്ടുകെട്ട്

ധനുഷ് ചിത്രങ്ങളിൽ ശ്വേത മോഹൻ ആലപിച്ച ഗാനങ്ങൾ എന്നും സംഗീതാസ്വാദകർ ഏറ്റെടുത്തിട്ടുണ്ട്. ‘വേലൈയില്ലാ പട്ടധാരി’ (VIP) എന്ന ചിത്രത്തിലെ ഏറെ പ്രശസ്തമായ “അമ്മ അമ്മ”, ‘വാത്തി’യിലെ സൂപ്പർഹിറ്റ് ഗാനമായ “വാ വാത്തി” എന്നിവ ഇരുവരുടെയും കൂട്ടുകെട്ടിൽ പിറന്ന ശ്രദ്ധേയമായ ഗാനങ്ങളാണ്.

താരത്തിന് ആശംസകൾ നേർന്നുകൊണ്ടുള്ള ശ്വേതയുടെ പോസ്റ്റ് നിമിഷങ്ങൾക്കകം തന്നെ ആരാധകർക്കിടയിൽ തരംഗമായി മാറി. നിരവധിയാളുകളാണ് പോസ്റ്റിന് താഴെ ധനുഷിന് ജന്മദിനാശംസകൾ അറിയിച്ചുകൊണ്ട് കമന്റ് ചെയ്യുന്നത്.

ദുൽഖർ സൽമാനെ നായകനാക്കി പവൻ സാദിനേനി ഒരുക്കുന്ന പുതിയ തെലുങ്ക് ചിത്രം “ആകാശംലോ ഒക താര” യിലെ ദുൽഖർ സൽമാന്റെ കാരക്ടർ പോസ്റ്റർ പുറത്ത്. താരത്തിന്റെ ജന്മദിനം പ്രമാണിച്ച് ആശംസകൾ നൽകി കൊണ്ടാണ് കാരക്ടർ പോസ്റ്റർ പുറത്തു വിട്ടത്. കൃഷ്ണ എന്നാണ് ചിത്രത്തിൽ ദുൽഖർ സൽമാൻ അവതരിപ്പിക്കുന്ന കഥാപാത്രത്തിന്റെ പേര്. ഇത് കൂടാതെ ചിത്രത്തിലെ ആദ്യ ഗാനം “ചിട്ടി ചിട്ടി ചീമ”യും ഇന്ന് പുറത്തു വരും. സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന, “ആകാശംലോ ഒക താര” തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവ സംയുക്തമായി അവതരിപ്പിക്കുന്നു. ചിത്രത്തിലെ നായികയായി വേഷമിട്ടിരിക്കുന്നത് പുതുമുഖം സാത്വിക വീരവല്ലിയാണ്.

വളരെ സാധാരണക്കാരനായ ഒരു കഥാപാത്രമായാണ് ദുൽഖർ ഈ ചിത്രത്തിലെത്തുന്നത് എന്ന സൂചനയാണ് കാരക്ടർ പോസ്റ്റർ നൽകുന്നത്. ചിത്രത്തിൻ്റെ ഫസ്റ്റ് ലുക്ക് പോസ്റ്റർ നേരത്തെ തന്നെ പുറത്ത് വരികയും പ്രേക്ഷക ശ്രദ്ധ നേടുകയും ചെയ്തിരുന്നു. പ്രേക്ഷകരുടെ മനസ്സിൽ തൊടുന്ന ഒരു ഫീൽ ഗുഡ് ഡ്രാമ ആയിരിക്കും ചിത്രം എന്ന സൂചനയാണ് ഇതിന്റെ പോസ്റ്ററുകളും നായികയെ അവതരിപ്പിച്ചു കൊണ്ട് നേരത്തേയെത്തിയ ഗ്ലിംബ്സ് വീഡിയോയും നൽകുന്നത്.

മഹാനടി, സീത രാമം, ലക്കി ഭാസ്കർ തുടങ്ങിയ ചിത്രങ്ങളിലെ മികച്ച പ്രകടനങ്ങളിലൂടെ തെലുങ്ക് സിനിമയിൽ ശ്രദ്ധേയനായ ദുൽഖർ, പ്രഭാസിൻ്റെ കൽക്കി 2898AD എന്ന ചിത്രത്തിലും ശ്രദ്ധേയമായ ഒരു അതിഥി വേഷം ചെയ്തിരുന്നു. അതിന് ശേഷം ദുൽഖർ അഭിനയിച്ച തെലുങ്ക് ചിത്രമാണ് “ആകാശംലോ ഒക താര”. ദുൽഖറിന്റെ കരിയറിലെ തന്നെ വളരെ വ്യത്യസ്തമായ ഒരു ചിത്രമായാവും ഇതെത്തുക എന്നാണ് സൂചന. ചിത്രത്തിന്റെ റിലീസ് ഉൾപ്പെടെയുള്ള കാര്യങ്ങളെ സംബന്ധിച്ചുള്ള കൂടുതൽ വിവരങ്ങൾ വൈകാതെ പുറത്തു വിടും.

തെലുങ്ക്, തമിഴ്, ഹിന്ദി, മലയാളം ഭാഷകളിൽ പാൻ ഇന്ത്യൻ ചിത്രമായി “ആകാശം ലോ ഒക താര” പ്രദർശനത്തിന് എത്തും. ചിത്രത്തിന് സംഗീതമൊരുക്കുന്നത് ദേശീയ അവാർഡ് ജേതാവായ ജി വി പ്രകാശ് കുമാർ ആണ്. പിആർഒ ശബരി.

ദുൽഖർ സൽമാനെ നായകനാക്കി പവൻ സാദിനേനി ഒരുക്കുന്ന പുതിയ തെലുങ്ക് ചിത്രം “ആകാശംലോ ഒക താര” യിലെ ആദ്യ ഗാനം “ചിട്ടി ചിട്ടി ചീമ” ഇന്ന് പുറത്തു വരും. നായകൻ ദുൽഖർ സൽമാന്റെ ജന്മദിനം പ്രമാണിച്ചാണ് ഈ ഗാനം റിലീസ് ചെയ്യുന്നത്. ദേശീയ അവാർഡ് ജേതാവായ ജി വി പ്രകാശ് കുമാറാണ് ഈ ഗാനത്തിന് സംഗീതം നൽകിയിരിക്കുന്നത്. സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന, “ആകാശംലോ ഒക താര” തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവ സംയുക്തമായി അവതരിപ്പിക്കുന്നു. ചിത്രത്തിലെ നായികയായി വേഷമിട്ടിരിക്കുന്നത് പുതുമുഖം സാത്വിക വീരവല്ലിയാണ്.

തെലുങ്ക്, മലയാളം, തമിഴ്, ഹിന്ദി ഭാഷകളിലാണ് ഗാനം നാളെ പുറത്തു വരുന്നത്. ചിത്രത്തിൻ്റെ ഫസ്റ്റ് ലുക്ക് പോസ്റ്റർ നേരത്തെ തന്നെ പുറത്ത് വരികയും പ്രേക്ഷക ശ്രദ്ധ നേടുകയും ചെയ്തിരുന്നു. പ്രേക്ഷകരുടെ മനസ്സിൽ തൊടുന്ന ഒരു ഫീൽ ഗുഡ് ഡ്രാമ ആയിരിക്കും ചിത്രം എന്ന സൂചനയാണ് ഇതിന്റെ പോസ്റ്ററുകളും നായികയെ അവതരിപ്പിച്ചു കൊണ്ടുള്ള ഗ്ലിംബ്സ് വീഡിയോയും നൽകുന്നത്.

മഹാനടി, സീത രാമം, ലക്കി ഭാസ്കർ തുടങ്ങിയ ചിത്രങ്ങളിലെ മികച്ച പ്രകടനങ്ങളിലൂടെ തെലുങ്ക് സിനിമയിൽ ശ്രദ്ധേയനായ ദുൽഖർ, പ്രഭാസിൻ്റെ കൽക്കി 2898AD എന്ന ചിത്രത്തിലും ശ്രദ്ധേയമായ ഒരു അതിഥി വേഷം ചെയ്തിരുന്നു. അതിന് ശേഷം ദുൽഖർ അഭിനയിച്ച തെലുങ്ക് ചിത്രമാണ് “ആകാശംലോ ഒക താര”. ചിത്രത്തിന്റെ റിലീസ് ഉൾപ്പെടെയുള്ള കാര്യങ്ങളെ സംബന്ധിച്ചുള്ള കൂടുതൽ വിവരങ്ങൾ വൈകാതെ പുറത്തു വിടും.

തെലുങ്ക്, തമിഴ്, ഹിന്ദി, മലയാളം ഭാഷകളിൽ പാൻ ഇന്ത്യൻ ചിത്രമായി “ആകാശം ലോ ഒക താര” പ്രദർശനത്തിന് എത്തും. ചിത്രത്തിന് സംഗീതമൊരുക്കുന്നത് ദേശീയ അവാർഡ് ജേതാവായ ജി വി പ്രകാശ് കുമാർ ആണ്. പിആർഒ ശബരി.

ദുൽഖർ സൽമാൻ ചിത്രം “ഐ ആം ഗെയിം” ട്രെയ്‌ലർ ഇന്ന് എത്തുന്നു. ദുൽഖർ സൽമാന്റെ ജന്മദിനം പ്രമാണിച്ചാണ് ചിത്രത്തിന്റെ ട്രെയ്‌ലർ റീലീസ് ചെയ്യുന്നത്. താരത്തിന്റെ സ്റ്റൈലിഷ് പോസ്റ്റർ പുറത്തു വിട്ടു കൊണ്ടാണ് ചിത്രത്തിന്റെ ട്രെയ്‌ലർ നാളെ എത്തുന്ന വിവരം അണിയറ പ്രവർത്തകർ പുറത്തു വിട്ടത്. 2026 ഓഗസ്റ്റ് 20 ന് ഓണം റിലീസായി ചിത്രം ആഗോള തലത്തിൽ തീയേറ്ററുകളിലെത്തും. ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഈ ബിഗ് ബഡ്ജറ്റ് ആക്ഷൻ ത്രില്ലർ, ദുൽഖറിന്റെ കരിയറിലെ തന്നെ ഏറ്റവും വലിയ ചിത്രമായാണ് എത്തുന്നത്. ചിത്രം സംവിധാനം ചെയ്തത് നഹാസ് ഹിദായത്. വേഫെറർ ഫിലിംസിന്റെ ബാനറിൽ ദുൽഖർ സൽമാൻ, ജോം വർഗീസ് എന്നിവർ ചേർന്ന് നിർമ്മിക്കുന്ന ചിത്രത്തിന് തിരക്കഥ രചിച്ചത് സജീർ ബാബ, ഇസ്മായിൽ അബൂബക്കർ, ബിലാൽ മൊയ്‌ദു എന്നിവർ ചേർന്നാണ്. സജീർ ബാബയും ആദർശ് സുകുമാരനും ഷബാസ് റഷീദും ചേർന്നാണ് ചിത്രത്തിന് വേണ്ടി സംഭാഷണങ്ങൾ ഒരുക്കിയത്.

തെന്നിന്ത്യയിലെ നൂറിലധികം ലൊക്കേഷനുകളിലായി ചിത്രീകരണം പൂർത്തിയായ ഐ ആം ഗെയിം മലയാള സിനിമാ പ്രേമികൾ ഏറ്റവും ആവേശത്തോടെയും പ്രതീക്ഷയോടെയും കാത്തിരിക്കുന്ന ചിത്രമാണ്. അതീവ സ്റ്റൈലിഷ് ലുക്കിൽ മാസ്സ് കഥാപാത്രമായാണ് ദുൽഖർ സൽമാൻ ഈ ചിത്രത്തിലെത്തുന്നത്. മലയാളത്തിലെ ഏറ്റവും വലിയ റിലീസുകളിൽ ഒന്നായാണ് ചിത്രം എത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ, സെക്കന്റ് ലുക്ക് എന്നിവയെല്ലാം സമൂഹ മാധ്യമങ്ങളിൽ വമ്പൻ പ്രതികരണമാണ് നേടിയത്. ജേക്സ് ബിജോയ് സംഗീതമൊരുക്കിയ ചിത്രത്തിന്റെ മ്യൂസിക് അവകാശം നേടിയത് സീ മ്യൂസിക് ആണ്. ചിത്രത്തിന് സംഘട്ടനം ഒരുക്കുന്നത് അൻപറിവ്‌ മാസ്റ്റേഴ്സ് ആണ്.

മെഗാ ബ്ലോക്ക്ബസ്റ്റർ ഹിറ്റായ ലോകക്ക് ശേഷം വേഫെറർ ഫിലിംസിന്റെ ബാനറിൽ നിർമ്മിച്ചു പുറത്ത് വരാൻ പോകുന്ന ചിത്രം കൂടിയാണ് “ഐ ആം ഗെയിം”. ദുൽഖർ സൽമാന്റെ നാല്പതാം ചിത്രമായി എത്തുന്ന ഈ ബിഗ് ബഡ്ജറ്റ് ആക്ഷൻ ത്രില്ലറിൽ, ദുൽഖർ സൽമാനെ കൂടാതെ ആന്റണി വർഗീസ്, തമിഴ് നടനും സംവിധായകനുമായ മിഷ്കിൻ, കായദു ലോഹർ, കതിർ, പാർത്ഥ് തിവാരി, തമിഴ് നായികാ താരം സംയുക്ത വിശ്വനാഥൻ തുടങ്ങി വമ്പൻ താരനിരയാണ് അണിനിരക്കുന്നത്. ആർഡിഎക്സ് എന്ന സൂപ്പർ ഹിറ്റ് ചിത്രത്തിന് ശേഷം നഹാസ് സംവിധാനം ചെയ്യുന്ന ചിത്രം കൂടിയാണ് “ഐ ആം ഗെയിം”. മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ പാൻ ഇന്ത്യൻ റിലീസായി ചിത്രം തീയേറ്ററുകളിലെത്തും.

ലൈൻ പ്രൊഡ്യൂസർ – ബിബിൻ പെരുമ്പിള്ളി, ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമൻ ചാക്കോ, ആക്ഷൻ – അൻപറിവ്‌ മാസ്റ്റേഴ്സ്, പ്രൊഡക്ഷൻ ഹെഡ് – സുജോയ് ജെയിംസ്, ദേവദേവൻ, പ്രൊഡക്ഷൻ ഡിസൈനർ- അജയൻ ചാലിശ്ശേരി, മേക്കപ്പ് – റോണക്സ് സേവ്യർ. കോസ്റ്റ്യൂം- മഷർ ഹംസ, പ്രൊഡക്ഷൻ കൺട്രോളർ- ദീപക് പരമേശ്വരൻ, അസോസിയേറ്റ് ഡയറക്ടർ- രോഹിത് ചന്ദ്രശേഖർ. ഗാനരചന- മനു മഞ്ജിത്ത്, വിനായക് ശശികുമാർ, VFX – തൗഫീഖ് – എഗ്‌വൈറ്റ്, പോസ്റ്റർ ഡിസൈൻ- ടെൻ പോയിന്റ്, സൗണ്ട് ഡിസൈൻ- സിങ്ക് സിനിമ, സൗണ്ട് മിക്സ് – കണ്ണൻ ഗണപത്, സ്റ്റിൽസ്- എസ് ബി കെ, മാർക്കറ്റിംഗ് ഹെഡ് – വിജിത് വിശ്വനാഥൻ, പിആർഒ- ശബരി

ലോകേഷ് കനകരാജിനെ നായകനാക്കി അരുൺ മാതേശ്വരൻ സംവിധാനം ചെയ്ത ‘ഡിസി’ എന്ന ആക്ഷൻ ത്രില്ലർ ചിത്രം ഓഗസ്റ്റ് 7 ന് ആഗോള റിലീസായി എത്തുന്നു. ചിത്രം കേരളത്തിലും കർണാടകത്തിലും വമ്പൻ റിലീസായി പ്രദർശനത്തിന് എത്തിക്കുന്നത് ശ്രീ ഗോകുലം മൂവീസിന്റെ ബാനറിൽ ശ്രീ ഗോകുലം ഗോപാലനാണ്. ഡ്രീം ബിഗ് ഫിലിംസ് ആണ് കേരളത്തിലും കർണാടകയിലും ചിത്രത്തിൻ്റെ ഡിസ്ട്രിബുഷൻ പാർട്ണർ. വാമിക ഗബ്ബിയാണ് ചിത്രത്തിലെ നായികാവേഷം ചെയ്തിരിക്കുന്നത്. ഗ്യാങ്‌സ്റ്റർ ഡ്രാമ ചിത്രമായി എത്തുന്ന ഡിസിയുടെ സംഗീത സംവിധാനം അനിരുദ്ധ് രവിചന്ദറാണ്. സൺ പിക്ചേഴ്സിന്റെ ബാനറിൽ കലാനിധി മാരനാണ് ചിത്രം നിർമ്മിച്ചിരിക്കുന്നത്. സംവിധായകൻ ലോകേഷ് കനകരാജ് നായകനായി അരങ്ങേറ്റം കുറിക്കുന്ന ചിത്രമാണിത്.

15 ഗാനങ്ങൾ ഉള്ള ചിത്രത്തിന്റെ മ്യൂസിക് ആൽബത്തിലെ ഗാനങ്ങൾ എല്ലാം തന്നെ ഇപ്പോൾ സമൂഹ മാധ്യമങ്ങളിൽ തരംഗമാണ്. അതിലെ തന്നെ “രാഗാ ഓഫ് റിവഞ്ച്” എന്ന ട്രാക്ക് ഇതിനോടകം ആഗോള തലത്തിൽ സെൻസേഷൻ ആയി മാറിയിട്ടുണ്ട്. റോക്കി, സാനി കായിദം, ക്യാപ്റ്റൻ മില്ലർ എന്നീ ചിത്രങ്ങൾക്ക് ശേഷം അരുൺ മാതേശ്വരൻ സംവിധാനം ചെയ്യുന്ന ചിത്രമാണിത്. ദേവദാസ് എന്ന കഥാപാത്രമായി ലോകേഷ് വേഷമിടുമ്പോൾ, ചന്ദ്ര എന്ന കഥാപാത്രമായാണ് വാമിഖ ചിത്രത്തിലെത്തുന്നത്. സഞ്ജന കൃഷ്ണമൂർത്തിയാണ് ചിത്രത്തിലെ മറ്റൊരു പ്രധാന വേഷം ചെയ്യുന്നത്. വയലൻസിന് പ്രാധാന്യം നല്കിയൊരുക്കിയ ചിത്രത്തിന്റെ ട്രെയ്‌ലർ വലിയ പ്രേക്ഷക ശ്രദ്ധ നേടിയിരുന്നു.

അഡീഷണൽ സ്ക്രീൻപ്ലേ: അരുൺ രഞ്ജൻ, സംഭാഷണം: അരുൺ മാതേശ്വരൻ, ഫ്രാങ്ക്ളിൻ ജേക്കബ്, ഛായാഗ്രഹണം: മുകേഷ് ജി, ചിത്രസംയോജനം: ജി കെ പ്രസന്ന, അസോസിയേറ്റ് എഡിറ്റർ: ഹരീഷ് അരുൺ എം, കലസംവിധാനം: കണ്ണൻ എസ്, സ്റ്റണ്ട്: പിസി സ്റ്റണ്ട്സ്, വസ്ത്രാലങ്കാരം: അരുൺ മാതേശ്വരൻ, കോസ്റ്റ്യൂമർ: പെരുമാൾ ശെൽവം, ചമയം: വിനോദ് സുകുമാരൻ, സ്റ്റിൽസ്: അമീർ, ശബ്ദലേഖനം: സിങ്ക് സിനിമാസ്, ഓഡിയോ​ഗ്രാഫി: വിനയ് ശ്രീധർ, അറ്റ്മോസ് മിക്സ് അസിസ്റ്റന്റ്: വിഘ്നേഷ് ഗുരു (നാക്ക് സ്റ്റുഡിയോസ്), കളറിസ്റ്റ്: രംഗ, വിഷ്വൽ ഇഫക്ട്സ്: പ്രവീൺ ഡി, പബ്ലിസിറ്റി ഡിസൈനർ: കബിലൻ ചെല്ലയ്യ, പ്രൊഡക്ഷൻ കൺട്രോളർ: ഡി രമേശ് കുച്ചിരായർ, കെ.ടി.എസ്. സ്വാമിനാഥൻ. പിആർഒ – ശബരി