തിരുവനന്തപുരം: സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍റെ മകന്‍ ബിനോയ് കോടിയേരിക്കെതിരെ സാമ്പത്തിക തട്ടിപ്പ് നടത്തിയെന്ന പരാതി ഉയര്‍ന്ന സാഹചര്യത്തിൽ  കോടിയേരി ബാലകൃഷ്ണൻ പ്രതികരിക്കാൻ തയാറാകണമെന്നും ഇന്‍റര്‍പോൾ അന്വേഷിക്കുന്ന വിഷയത്തിൽ എൻഫോഴ്സ്മെന്‍റിനോട് ബി.ജെപി അന്വേഷണം ആവശ്യപ്പെടുമെന്നും ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍.

സംഭവത്തില്‍ കോടിയേരിയും പിണറായിയും മൗനം വെടിയണമെന്ന് ബിജെപി സംസ്ഥാന ജനറല്‍ സെക്രട്ടറി  കെ.സുരേന്ദ്രന്‍ പ്രതികരിച്ചു.

കോടിയേരി ബാലകൃഷ്ണന്‍റെ മകന്‍ ബിനോയ് കോടിയേരിക്കെതിരെ ദുബായില്‍ 13 കോടി രൂപ സാമ്പത്തിക തട്ടിപ്പ് നടത്തിയെന്നാണ് പരാതി. ദുബായില്‍ ടൂറിസം മേഖലയില്‍ പ്രവര്‍ത്തിക്കുന്ന കമ്പനിയാണ് പരാതിയുമായി  രംഗത്തെത്തിയിരിക്കുന്നത്.

തിരുവനന്തപുരം: മുൻ ഗതാഗത മന്ത്രി എ.കെ ശശീന്ദ്രനെതിരെ പരാതി ഇല്ലെന്ന് ആരോപണമുന്നയിച്ച മാധ്യമ പ്രവര്‍ത്തക. തിരുവനന്തപുരം സിജെഎം കോടതിയിൽ മൊഴി നല്‍കിയ യുവതി ഫോണിൽ തന്നോട് അശ്ലീലം സംസാരിച്ചത് ശശീന്ദ്രനാണെന്ന് തനിക്ക് ഉറപ്പില്ലെന്നും ഔദ്യോഗിക വസതിയിൽവെച്ച് മോശമായി പെരുമാറിട്ടില്ലെന്നും പറഞ്ഞു. ഈ കേസില്‍ തിരുവനന്തപുരം മജിസ്ട്രേറ്റ് കോടതി ശനിയാഴ്ച വിധി പറയും.

കോടതിക്കുപുറത്ത് കാര്യങ്ങൾ ഒത്തുതീർപ്പായെന്നും തനിക്ക് മന്ത്രി എ.കെ ശശീന്ദ്രനെതിരെ പരാതിയില്ലെന്നും മുമ്പും പരാതിക്കാരി പറഞ്ഞിരുന്നു. എന്നാൽ കേസ് ഒത്തുതീർപ്പാക്കാൻ അനുവദിക്കരുതെന്ന് ഹർ‍ജിയിൽ കക്ഷി ചേർന്നവർ ആവശ്യപ്പെട്ടു. കേസ് തീർന്നാൽ ശശിന്ദ്രനെ വീണ്ടും മന്ത്രി ആക്കാനാണ് പാര്‍ട്ടിയുടെ തീരുമാനമെന്നാണ് സൂചന.

മന്ത്രിയായിരിക്കെ ശശീന്ദ്രൻ യുവതിക്ക് സർക്കാർ ജോലി വാഗ്ദാനം ചെയ്ത് അശ്ലീല സംഭാഷണം നടത്തിയെന്നായിരുന്നു പരാതി. ഇതേതുടര്‍ന്നാണ് ശശീന്ദ്രന്‍ മന്ത്രി സ്ഥാനം രാജിവെയ്‌ക്കേണ്ടിവന്നത്.

തി​രു​വ​ന​ന്ത​പു​രം: പെ​ട്രോ​ൾ-​ഡീ​സ​ൽ വി​ല​വ​ർ​ധ​ന​വി​ൽ പ്ര​തി​ഷേ​ധി​ച്ചു സം​സ്ഥാ​ന​ത്ത് ഗ​താ​ഗ​ത മേ​ഖ​ല​യി​ലെ തൊ​ഴി​ൽ ഉ​ട​മ​ക​ളും ട്രേ​ഡ് യൂ​ണി​യ​നു​ക​ളും സം​യു​ക്ത​മാ​യി ന​ട​ത്തു​ന്ന മോ​ട്ടോ​ർ വാ​ഹ​ന പ​ണി​മു​ട​ക്ക് തുടങ്ങി. രാ​വി​ലെ ആ​റു മു​ത​ൽ വൈ​കു​ന്നേ​രം ആ​റു വ​രെ​യാ​ണ് പ​ണി​മു​ട​ക്ക്.

കഴിഞ്ഞ ദിവസം മു​ഖ്യ​മ​ന്ത്രി​യു​മാ​യി ന​ട​ത്തി​യ ച​ർ​ച്ച പ​രാ​ജ​യ​പ്പെ​ട്ട സാ​ഹ​ച​ര്യ​ത്തിൽ കെഎ​സ്ആ​ർടിസി ​ജീ​വ​ന​ക്കാ​രും പ​ണി​മു​ട​ക്കി​ൽ പങ്കെടുക്കുന്നുണ്ട്. ഓ​ട്ടോ, ടാ​ക്സി​ക​ൾ​ ച​ര​ക്കു​ലോ​റി​ക​ൾ  സ്വ​കാ​ര്യ ബ​സു​ക​ൾ എല്ലാം പ​ണി​മു​ട​ക്കി​ൽ പ​ങ്കെ​ടു​ക്കു​ന്നു​ണ്ട്. അതിനാൽ സ​ർ​ക്കാ​ർ ഓ​ഫീ​സു​ക​ളു​ടേ​യും വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടേ​യും പ്ര​വ​ർ​ത്ത​ന​ത്തെ ബാ​ധി​ക്കും. സ്വ​കാ​ര്യ വാ​ഹ​ന​ങ്ങ​ളുടെ യാത്ര ത​ട​യി​ല്ലെ​ന്നു സ​മ​ര​സ​മി​തി അ​റി​യി​ച്ചു. എന്നാൽ വ്യ​ക്ത​മാ​യ കാ​ര​ണ​ങ്ങ​ളി​ല്ലാ​തെ  കെഎ​സ്ആ​ർ​ടി​സി​യി​ൽ  ജീ​വ​ന​ക്കാ​ർ​ക്ക് അ​വ​ധി ന​ൽ​ക​രു​തെ​ന്നും പോലീസ് സം​ര​ക്ഷ​ണ​ത്തോ​ടെ പ​രാ​മ​വ​ധി സ​ർ​വീ​സു​ക​ൾ ന​ട​ത്ത​ണ​മെ​ന്നും എം​ഡി ഉ​ത്ത​ര​വിട്ടു.

ഇന്ന് ന​ട​ത്താ​നി​രു​ന്ന പ​രീ​ക്ഷ​ക​ൾ  കേ​ര​ള സ​ർ​വ​ക​ലാ​ശാ​ല, എം​ജി സ​ർ​വ​ക​ലാ​ശാ​ല, ആ​രോ​ഗ്യ​സ​ർ​വ​ക​ലാ​ശാ​ല​ക​ൾ മാ​റ്റി​വെ​ച്ചു.  പി​എ​സ്സി പ​രീ​ക്ഷ​ക​ൾ​ക്കു മാ​റ്റ​മി​ല്ല.

ദിലീപിനെതിരെ നടിയെ ആക്രമിച്ച കേസില്‍ പോലീസിന്റെ എതിര്‍ സത്യവാങ്മൂലം.  ദിലീപിന്റെ ഹര്‍ജിയ്ക്ക് പിന്നില്‍ നടിയെ വീണ്ടും അപമാനിക്കാനുള്ള ശ്രമമാണ് നടക്കുന്നതെന്നും ഇരയെ വീണ്ടും ദിലീപ് ആക്രമിക്കുന്നുവെന്നും അതിനാൽ പള്‍സര്‍ സുനി പകര്‍ത്തിയ ദൃശ്യങ്ങള്‍ ദിലീപിന് നല്‍കരുതെന്നും പോലീസ് ആവശ്യപ്പെടുന്നു.

പോ​ലീ​സ് കോ​ട​തി​യി​ൽ സ​മ​ർ​പ്പി​ച്ച രേ​ഖ​ക​ളും വീ​ഡി​യോ ദൃ​ശ്യ​ങ്ങ​ളു​ടെ പ​ക​ർ​പ്പും ആ​വ​ശ്യ​പ്പെ​ട്ട് ദി​ലീ​പ് കോ​ട​തി​യി​ൽ ഹ​ർ​ജി സ​മ​ർ​പ്പി​ച്ച​തി​നു പി​ന്നാ​ലെ​യാ​ണ് പോലീസിന്റെ ഇത്തരം പരാമർശങ്ങൾ. ന​ടി​യെ ആ​ക്ര​മി​ച്ച കേ​സി​ൽ ദി​ലീ​പി​ന്‍റെ ജാ​മ്യം റ​ദ്ദാ​ക്കാ​നു൦ പോ​ലീ​സ് നീക്കം നടത്തുന്നുണ്ട്. അ​ങ്ക​മാ​ലി കോ​ട​തി​യി​ൽ സ​മ​ർ​പ്പി​ച്ച ഹ​ർ​ജി​യി​ൽ ദി​ലീ​പ് ന​ടി​ക്കെ​തി​രാ​യി ന​ട​ത്തി​യ പ​രാ​മ​ർ​ശ​ങ്ങ​ൾ ജാ​മ്യം റ​ദ്ദാ​ക്കാ​ൻ പ​ര്യാ​പ്ത​മാ​ണെ​ന്നാ​ണ് പോ​ലീ​സി​ന്‍റെ അ​നു​മാ​നം.

ന​ടി​യെ ആ​ക്ര​മി​ക്കു​ന്ന ദൃ​ശ്യ​ങ്ങ​ളി​ലെ സൂ​ക്ഷ്മ ശ​ബ്ദ​ങ്ങ​ളെ പ​രാ​മ​ർ​ശി​ച്ച് ദി​ലീ​പ് നി​ര​ത്തി​യ വാ​ദo തെറ്റാണെന്നും,  സൂ​ക്ഷ്മ ശ​ബ്ദ​ങ്ങ​ൾ ദി​ലീ​പ് കോ​ട​തി​യി​ൽ​നി​ന്നു കേ​ട്ടു​മ​ന​സി​ലാ​ക്കി എ​ന്നു വി​ശ്വ​സി​ക്കാ​ൻ പ്ര​യാ​സ​മാ​ണെ​ന്നും അ​ത്ത​രം സൂ​ക്ഷ്മ ശ​ബ്ദ​ങ്ങ​ൾ മ​ന​സി​ലാ​ക്കാ​ൻ അ​ത്യാ​ധു​നി​ക ലാ​ബി​ന്‍റെ സേ​വ​നം ആ​വ​ശ്യ​മാ​ണെ​ന്നും  സ​ത്യ​വാ​ങ്മൂ​ല​ത്തി​ൽ പ്രോ​സി​ക്യൂ​ഷ​ൻ പ​റ​യു​ന്നു.  ദി​ലീ​പ് അ​ടു​ത്തി​ടെ ന​ട​ത്തി​യ വി​ദേ​ശ​യാ​ത്ര ഈ ​ശ​ബ്ദ​ങ്ങ​ൾ പ​രി​ശോ​ധി​ക്കാ​നാ​കാം എ​ന്നും ദി​ലീ​പി​ന്‍റെ കൈ​വ​ശം ദൃ​ശ്യ​ങ്ങ​ളു​ണ്ടെ​ന്ന സം​ശ​യം ബ​ല​പ്പെ​ടു​ന്ന​താ​ണ് നടി ആക്രമിക്കപെട്ടപ്പോളുള്ള വീ​ഡി​യോ ദൃ​ശ്യ​ങ്ങളെ പറ്റിയുള്ള  ദിലീപിന്റെ  ഈ ​വാ​ദ​ങ്ങ​ളെ​ന്നും പ്രോ​സി​ക്യൂ​ഷ​ൻ കോ​ട​തി​യി​ൽ വ്യ​ക്ത​മാ​ക്കി.

സംഭാഷണത്തിലെ ചില ഭാഗങ്ങള്‍ അടര്‍ത്തിയെടുത്ത് ദിലീപ് തെറ്റിദ്ധാരണ പരത്തുന്നുവെന്നും അതിനാല്‍ അനുബന്ധ കുറ്റപത്രത്തോടൊപ്പം പോലീസ് സമര്‍പ്പിച്ച രേഖകളുടെയും ദൃശ്യങ്ങളുടെയും പകര്‍പ്പ് ആവശ്യപ്പെട്ട് ദിലീപ് നല്‍കിയ ഹര്‍ജി തള്ളണമെന്നാണ് പോലീസിന്റെ ആവശ്യം. എന്നാൽ കുറ്റപത്രത്തില്‍ പറഞ്ഞിട്ടുള്ള രേഖകള്‍ ലഭ്യമാക്കാന്‍ അവകാശമുണ്ടെന്നാണ് ദിലീപിന്റെ അഭിഭാഷകന്റെ വാദം.

ന്യൂഡൽഹി: ഇരട്ട പദവി വഹിച്ചെന്ന ആരോപണത്തിൽ ആം ആദ്മി പാർട്ടിയുടെ ഡൽഹിയിലുള്ള 20 എംഎൽഎമാരെ അയോഗ്യരാക്കാൻ തെരഞ്ഞെടുപ്പു കമ്മീഷന്‍റെ ശിപാർശ രാഷ്ട്രപതിക്കു സമർപിച്ചു. ഡൽഹി നിയമസഭാ തിരഞ്ഞെടുപ്പിലെ വിജയത്തിനു പിന്നാലെയാണ് എഎപി എംഎൽഎമാർ ഇരട്ട പ്രതിഫലം വാങ്ങുന്നതുമായി  ബന്ധപ്പെട്ട് ആരോപണം ഉയർന്നത്.

നിലവിൽ 66 എംഎൽഎമാരുള്ള പാർട്ടിക്ക് 20 പേർ അയോഗ്യരാക്കപ്പെട്ടാലും ഭരണം നിലനിർത്താൻ സാധിക്കും. 21 എഎപി എംഎൽഎമാരെയാണ്  അധികാരമേറ്റ് ഒരുമാസത്തിനുള്ളിലാണു അരവിന്ദ് കേജരിവാൾ സർക്കാർ പാർലമെന്‍ററി സെക്രട്ടറിമാരായി നിയമിച്ചത്. ഇതിൽ ഒരു എംഎൽഎരാജിവെച്ചിരുന്നു. പാർലമെന്‍ററി സെക്രട്ടറിമാരുടേതു പ്രതിഫലം പറ്റുന്ന പദവിയാണെന്നും അതുകൊണ്ട് ഈ എംഎൽഎമാർക്ക് ഇരട്ട പ്രതിഫലം ലഭിക്കുന്നുണ്ടെന്നും അതിനാൽ ഇവരെ അയോഗ്യരാക്കണമെന്നും ആവശ്യപ്പെട്ട് പ്രശാന്ത് പട്ടേല്‍ എന്ന അഭിഭാഷകനാണ് പരാതി നൽകിയിരുന്നത്.