ഡ്രൈവറെ മകൾ മർദ്ദിച്ച സംഭവത്തിൽ പരാതികൾ ലഭിച്ചതിനെ തുടർന്ന് സുദേഷ് കുമാറിനെ എഡിജിപി സ്ഥാനത്ത് നിന്ന് മാറ്റി .എഡിജിപി സുദേഷ്കുമാര്‍ ജീവനക്കാരെ അടിമപ്പണി എടുപ്പിക്കുന്നതിനൊപ്പം ഔദ്യോഗിക വാഹനം ദുരുപയോഗം ചെയ്തതിന്റെ  തെളിവുകളും പുറത്തു വന്നിരുന്നു .കൂടാതെ എ.ഡി.ജി.പി സുധേഷ് കുമാറിന്റെ മകള്‍ പൊലീസ് ഡ്രൈവര്‍ ഗവാസ്കറെ മർദിച്ചത് തെളിയിക്കുന്ന മെഡിക്കല്‍ കോളജിലെ പരിശോധനാ റിപ്പോര്‍ട്ടും പുറത്തുവന്നിരുന്നു .കഴുത്തിന് പിന്നിലുള്ള നട്ടെല്ലിലെ കശേരുക്കള്‍ക്ക് ക്ഷതമേറ്റിട്ടുണ്ടെന്നാണ് മെഡിക്കൽ റിപ്പോർട്ടിൽ പറയുന്നത് .

രാഷ്ട്രീയക്കാരാകുമ്പോള്‍ ഒരുപാട് ആരോപണങ്ങള്‍ വരുമെന്ന് എംഎല്‍എ കെ.ബി. ഗണേഷ്കുമാര്‍. അഞ്ചലില്‍ യുവാവിവിനെ മർദിച്ചതുമായി ബന്ധപ്പെട്ട് മാധ്യമപ്രവർത്തകരുടെ ആവര്‍ത്തിച്ചുള്ള ചോദ്യങ്ങളോട് പ്രതികരിക്കുകയായിരുന്നു അദ്ദേഹം. സംഭവത്തെ കുറിച്ച് കൂടുതൽ പ്രതികരിക്കാനില്ലെന്നും അദ്ദേഹം പറഞ്ഞു .വാഹനത്തിന് വഴികൊടുത്തില്ല എന്ന് പറഞ്ഞ് സ്ത്രീയെയും മകനെയും മർദിച്ചു എന്നുള്ളതാണ് കെ.ബി. ഗണേഷ്കുമാര്‍ എംഎല്‍എക്കെതിരെ ഉള്ള പരാതി .

ഒരുമാസം നീണ്ട നോമ്പിന് പരിസമാപ്തി കുറിച്ച് ഇസ്‌ലാം മതവിശ്വാസികള്‍ക്ക് ഇന്ന് ചെറിയ പെരുന്നാള്‍ .കേരളത്തിലെ പള്ളികളിൽ നടന്ന പെരുന്നാള്‍ നമസ്കാരങ്ങളില്‍ ആയിരക്കണക്കിന് ഇസ്‌ലാം വിശ്വാസികള്‍ പങ്കെടുത്തു.തിരുവനന്തപുരത്ത്  നടന്ന പെരുന്നാള്‍ നമസ്കാരത്തിന് പാളയം ഇമാം വി.പി. സുഹൈബ് മൗലവി നേതൃത്വം നല്‍കി.കനത്ത മഴ കാരണം പലയിടത്തും ഈദ് ഗാഹുകള്‍ക്ക് പകരം പള്ളികളും ഒാഡിറ്റോറിയങ്ങളിലും പ്രത്യേക പ്രാര്‍ത്ഥനകളോടെയാണ് ചെറിയ പെരുന്നാള്‍ ആഘോഷം നടക്കുന്നത്.കൊച്ചി കടവന്ത്ര സലഫി മസ്ജിദില്‍ നടന്ന പെരുനാള്‍ നമസ്കാരത്തിൽ മമ്മുട്ടിയും മകന്‍ ദുല്‍ഖര്‍ സല്‍മാനും പങ്കെടുത്തു .

പ്രധാനമന്ത്രി നരേന്ദ്രമോദിയുടെ ന്യൂഡൽഹിലെ വസതിക്കടുത്ത് ആകാശത്ത് അജ്ഞാതമായ ഒരു വസ്തു (UFO) പറക്കുന്നതായി കണ്ടെന്ന് റിപ്പോർട്ട്. ജൂൺ ഏഴിന് രാത്രി ഏഴരയോടെ  ദില്ലിയിലെ ലോക് കല്യാൺ മാർഗിൽ രണ്ടുകിലോമീറ്റർ ചുറ്റളവിലാണ് അജ്ഞാതവസ്തു പറക്കുന്നതായി കണ്ടത്.

അപ്പോൾ തന്നെ സുരക്ഷ ഉദ്യോഗസ്ഥർ പോലീസിനെ വിവരമറിയിക്കുകയും . ഉടൻതന്നെ ദേശീയ സുരക്ഷാ ഗാർഡ്, സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സ് (സി.ഐ.എസ്.എഫ്), ഡൽഹി എയർപോർട്ട് അധികൃതർ, ഡൽഹി എയർ ട്രാഫിക് കൺട്രോൾ എന്നിവർ സ്ഥലത്തെത്തി. പക്ഷെ അതിനുള്ളിൽ തന്നെ അജ്ഞാതവസ്തു അപ്രതീക്ഷിതമായി.

അജ്ഞാതവസ്തു പറക്കുന്നത് കണ്ടു എന്നുള്ള വാർത്ത സോഷ്യൽ മീഡിയയിൽ വന്നതോടെ ധാരാളം കമ്മന്റുകളും സിദ്ധാന്തങ്ങളുമാണ് ആളുകൾ പോസ്റ്റ് ചെയ്യുന്നത്. ഇതൊരു പറക്കും തളികയാണെന്നാണ് (UFO) കൂടുതൽ അളക്കാരും പറയുന്നത് . എന്തായാലും സംഭവത്തിനുശേഷം പ്രധാനമന്ത്രിയുടെ സുരക്ഷാസന്നാഹങ്ങൾ ഒന്നുകൂടി ശക്തമാക്കിയിരിക്കുകയാണ്.

കെ.ബി.ഗണേഷ്കുമാര്‍ എംഎല്‍എ യുവാവിനെ മര്‍ദിച്ച കേസിൽ ഗണേഷ് കുമാറിനെതിരെ സ്‌പെഷ്യല്‍ ബ്രാഞ്ച് റിപ്പോര്‍ട്ട്. കെ.ബി.ഗണേഷ്കുമാർ എംഎൽഎയും ഡ്രൈവറും ചേർന്ന് പരാതിക്കാരനായ അനന്തകൃഷ്ണനെ മർദിക്കുകയും അസഭ്യം പറയുകയും ചെയ്തതായി സ്‌പെഷ്യല്‍ ബ്രാഞ്ച് കണ്ടെത്തി. വാഹനത്തിൽനിന്ന് ഇറങ്ങിയ ഡ്രൈവർ അനന്തകൃഷ്ണനെ കാറിൽനിന്നു പിടിച്ചിറക്കി മര്‍ദിചെന്നും ,വാഹനത്തിൽനിന്ന് ഇറങ്ങിയ ഗണേഷ്കുമാർ അനന്തകൃഷ്ണനെ പിടിച്ചു തള്ളിയെന്നും ‘അമ്മ ഷീനയെ അസഭ്യം പറഞ്ഞെന്നും സ്‌പെഷ്യല്‍ ബ്രാഞ്ച് റിപ്പോര്‍ട്ടില്‍ പറയുന്നു.

കാർ അൽപം പിന്നോട്ട് എടുത്തിരുന്നെങ്കിൽ ഇത്ര ബുദ്ധിമുട്ടണമായിരുന്നോ എന്നു ഷീന വാഹനത്തിൽ ഇരുന്ന് എംഎൽഎ യെ പ്രകോപിപ്പിച്ചത് എന്നാണ് അനന്തകൃഷ്ണൻ പറയുന്നത് .എന്നാൽ തന്നെയാണ് യുവാവ് മർദിച്ചത് എന്ന  വാദവുമായി എംഎല്‍എയുടെ ഡ്രൈവറും പോലീസിൽ പരാതി നൽകിയിട്ടുണ്ട് .