കോഴിക്കോട് കലക്ടറായിരിക്കെ നടപ്പിലാക്കിയ പദ്ധതികളിലൂടെ ജനകീയനായ ‘കലക്ടർ ബ്രോ’ പ്രശാന്തിന്‌ അപൂർവരോഗമെന്ന് സ്ഥിരീകരണം. കൊച്ചി അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് ആൻഡ് റിസർച്ച് സെന്ററിൽ കിടക്കുന്ന തന്റെ ചിത്രം സഹിതo ഇൻസ്റ്റഗ്രാമിലൂടെ അദ്ദേഹം തന്നെയാണ് അസുഖവിവരം പങ്കുവച്ചത്.
അക്യൂട്ട് സെന്‍സറി ന്യൂറല്‍ ഹിയറിങ് ലോസ് എന്ന രോഗമാണ്. നേരത്തേ കണ്ടുപിടിച്ചതിനാൽ ആശങ്കപ്പെടാനില്ല. നിരവധി പരിശോധനകളും എംആര്‍ഐ സ്‌കാനിങും കഴിഞ്ഞു. മരുന്നുകളോടു നന്നായി പ്രതികരിക്കുന്നുണ്ട് എന്നും അദ്ദേഹം കുറിച്ചു. തന്റെ മകൾ അമ്മുവാണ് ചിത്രമെടുത്തതെന്നും അദ്ദേഹം കുറിപ്പിൽ പറയുന്നു.