ശബരിമലയിൽ പോലീസ് അതിരുകടക്കുന്നെന്ന് കോടതി. സന്നിധാനത്ത് ഇത്രേയും പോലീസ് എന്തിന്, ഭക്തരെ ബന്ദിയാക്കി അല്ല നിയമം നടപ്പാക്കേണ്ടത്, അയ്യപ്പന്മാരെ സന്നിധാനത്ത് തങ്ങാൻ അനുവദിക്കാത്തത് ആരുടെ നിർദ്ദേശപ്രകാരമാണെന്നു വ്യക്തമാക്കണം എന്നും ഹൈക്കോടതി പറഞ്ഞു. എ .ജി ഇന്ന് ഒന്നേമുക്കാലിന് ഹാജരായി വിശദീകരണം നൽകാനും കോടതിയുടെ ഉത്തരവ്. ഹൈകോടതി ദേവസ്വം ബഞ്ചിന്റേതാണ് ഉത്തരവ്.

പമ്പയിലേക്കുള്ള കെഎസ്ആര്‍ടിസി ബസ് സര്‍വീസില്‍ സര്‍ക്കാര്‍ ഇടപെടരുത്, നിലയ്ക്കൽ പോലും ഭക്തർക്ക് വെള്ളം കിട്ടാത്ത അവസ്ഥയുണ്ട്, നടപ്പന്തലിൽ അയ്യപ്പഭക്തന്മാർ വിരിവയ്ക്കാതിരിക്കാൻ വെള്ളം ഒഴിച്ചത് ആരുപറഞ്ഞിട്ടാണ് എന്നും ചോദിച്ച കോടതി ശബരിമല സ്ത്രീപ്രവേശന ഹർജ്ജിക്കുമേൽ ജനുവരി 22 നാണ് കോടതി വാദം കേൾക്കുക എന്നും ആവർധിച്ചു പറഞ്ഞു.

ശബരിമല ദർശനത്തിനായി യുവതികൾ കൊച്ചിയിൽ എത്തിയതായി റിപ്പോർട്ടുകൾ. പുലർച്ചെ 4 മണിയോടെയാണ് ഇവർ കൊച്ചിയിൽ എത്തിയത്. മലബാറിൽ നിന്നുള്ള യുവതികളാണ് മലകയറാൻ എത്തിയിരിക്കുന്നത്. യുവതികൾ ഇപ്പോൾ കൊച്ചിയിൽ ഒരു രഹസ്യകേന്ദ്രത്തിലാണ് ഉള്ളത് എന്നാണ് റിപ്പോർട്ടുകൾ.

മലബാറിൽ നിന്ന് ട്രെയിനിലാണ് ഇവർ കൊച്ചിയിലെത്തിയത്. യുവതികൾ ഇപ്പോൾ പോലീസ് നിരീക്ഷണത്തിൽ ആണ്. ഇവർ എത്തിയതുമുതൽ പോലീസിന് വിവരം ലഭിച്ചിരുന്നു. ഇവർ ആക്ടിവിസ്റ്റുകളാണോ അതോ യഥാർത്ഥ ഭക്തരാണോ എന്ന കാര്യത്തിൽ കൂടുതൽ വിവരങ്ങൾ അറിവായിട്ടില്ല.

ചരിത്രത്തിലാദ്യമായി സന്നിധാനത്ത് നിന്ന് നൂറുകണക്കിന് ഭക്തരെ പോലീസ് അറസ്റ്റ് ചെയ്തു. കൂട്ടം കൂടി ശരണം വിളിച്ചു എന്നപേരിലാണ് അറസ്റ്റ് എന്നാണ് പോലീസ് പറയുന്നത് .മഴ പെയ്തപ്പോൾ മാളികപ്പുറത്തിന് സമീപം കേറിനിന്ന ഭക്തരെ പോലീസ് ഒഴിപ്പിക്കാൻ ശ്രമിച്ചതാണ് പ്രശ്നങ്ങളുടെ തുടക്കം . ഇതിനെതിരെയാണ് ഭകതർ ശരണം വിളിച്ചു തുടങ്ങിയത് .നട അടച്ചതിനു ശേഷം പിരിഞ്ഞു പോകുമെന്ന് ഭക്തർ പറഞ്ഞിരുന്നു .എന്നാൽ നട അടച്ചതിനു ശേഷം പോലീസ് ഭക്തരെ അറസ്റ്റ് ചെയുകയായിരുന്നു .പോലീസിന്റെ മർദ്ദനത്തിൽ ഒരു അയ്യപ്പ ഭക്തന് പരിക്കേറ്റു .അദ്ദേഹത്തെ സന്നിധാനം ആശുപത്രിയിൽ പ്രവേശിപ്പിച്ചു .