യുവതിപ്രവേശത്തിനെതിരെ കനത്ത പ്രതിഷേധം നടക്കുന്ന ശബരിമല സംബന്ധിച്ച തത്സമയ വിവരങ്ങൾ . .Sabarimala live news update in malayalam

ചെങ്ങന്നൂർ : ശബരിമലയിൽ ദർശനം നടത്തണമെന്നാവശ്യപ്പെട്ട് കഴക്കൂട്ടം സ്വദേശിനി മേരി സ്വീറ്റി വീണ്ടും ശബരിമലയിൽ എത്താൻ ശ്രമം നടത്തുന്നു  . ചെങ്ങന്നൂരിൽ റെയിൽവേ സ്റ്റേഷനിൽ എത്തിയ മേരി സ്വീറ്റിയെ ഭക്തർ തടഞ്ഞു .എന്നാൽ താൻ പമ്പയിൽ പോകാൻ എത്തിയതെന്നാണ് ഇവർ പോലീസിനൊട് പറയുന്നത് . ഇരുമുടികെട്ടില്ലാതെയാണ് മേരി സ്വീറ്റി എത്തിയിരിക്കുന്നത് .

ശബരിമല : മുൻ കരുതൽ നടപടിയെന്ന പേരിൽ ശബരിമല കർമ്മ സമിതിയുടെയും ഹിന്ദു ഐക്യവേദിയുടെയും നേതാക്കളെ പോലീസ് അറസ്റ്റ് ചെയ്തു തുടങ്ങി .പമ്പയിൽ വെച്ചാണ് ശബരിമല ആചാര സംരക്ഷണ സമിതി കൺവീനർ പ്രിഥ്വിപാലിനെയും ഹിന്ദു ഐക്യവേദി സംസ്ഥാന ജനറൽ സെക്രട്ടറി ബ്രഹ്മചാരി ഭാർഗവറാമിനെയും പോലീസ് കസ്റ്റഡിയിലെടുത്തത് .കൂടാതെ ഇരുമുടികെട്ടുമായി ക്ഷേത്ര ദർശനത്തിനെത്തിയ ഹിന്ദു ഐക്യവേദി സംസ്ഥാന അദ്ധ്യക്ഷ കെപി ശശികല ടീച്ചറിനെ മരക്കൂട്ടത്തിനടുത്തുവച്ച് പൊലീസ് നേരത്തെ തടഞ്ഞിരുന്നു.മുൻ കരുതൽ നടപടിയുടെ ഭാഗമായാണ് അറസ്റ്റ് എന്നാണ് പൊലീസ് ഇതിനെ കുറിച്ച് പറയുന്നത് .

കൊച്ചി : ശബരിമല ദർശനത്തിനെത്തിയ തൃപ്തി ദേശായി ദർശനം സാധ്യമാകാതെ അയ്യപ്പഭക്തരുടെ പ്രതിക്ഷേധത്തിനുമുന്നിൽ കീഴടങ്ങി മടങ്ങുന്നു. CISF ഉദ്യോഗസ്ഥരോട് തിരിച്ചുപോകാൻ സമ്മതം അറിയിച്ച തൃപ്തി  രാത്രിയിൽ എയർ ഇന്ത്യ വിമാനത്തിൽ മുംബൈയിലേക്ക്‌ മടങ്ങും എന്നാണ് റിപോർട്ടുകൾ . പുറത്തിറങ്ങാനാവാതെ 13 മണിക്കൂറാണ് വിമാനത്താവളത്തിൽ അവർ കുടുങ്ങിയത്. തൃപ്തി ദേശായി മടങ്ങിയതിന് ശേഷമേ തിരിച്ച് പോകുകയുള്ളു എന്ന് പ്രതിഷേധക്കാർ പറഞ്ഞു

ഇന്നു പുലർച്ചെ 4.40 ഓടെ കൊച്ചി വിമാനത്താവളത്തിലെത്തിയ തൃപ്തിദേശായിയെയും കൂട്ടരെയും കോട്ടയത്തേക്ക് കൊണ്ടുപോകാൻ ഒരു ടാക്സിക്കാരും തയ്യാറായിരുന്നില്ല. ഭക്തജനങ്ങളുടെ പ്രതിക്ഷേധത്തെത്തുടർന്നു തിരിച്ചുപോകാൻ പോലീസും മറ്റും ആവശ്യപ്പെട്ടിട്ടും തയ്യാറാകാതെനിൽക്കുകയായിരുന്നു  തൃപ്തിയും കൂട്ടരും

ഭക്തരുടെ പ്രതിഷേധങ്ങൾക്കൊടുവിൽ  സ്ത്രീ പ്രവേശന വിധി നടപ്പാക്കാൻ സാവകാശം തേടി സുപ്രീംകോടതിയെ സമീപിക്കുമെന്ന് ദേവസ്വം ബോർഡ്. ഉടൻ തന്നെ  സാവകാശ ഹർജി ഫയൽ ചെയ്യുമെന്ന് ഇന്ന് ചേർന്ന ദേവസ്വം ബോർഡ് യോഗത്തിനൊടുവിൽ  ദേവസ്വം പ്രസിഡന്റ് എ പത്മകുമാർ പറഞ്ഞു .കൂടാതെ ഹോട്ടലുകൾ രാത്രിയിൽ അടക്കണമെന്ന പോലീസ് ഉത്തരവ് നടപ്പാക്കില്ലെന്നും അദേഹം പറഞ്ഞു .