മലപ്പുറം: കൊവിഡിനിടെ ജോര്‍ദ്ദാനില്‍ കുടുങ്ങിയ ആടുജീവിതം സിനിമാ സംഘാംഗത്തിന് കൊവിഡ്. ജോര്‍ദ്ദാനില്‍ നിന്ന് നടന്‍ പൃഥ്വിരാജിനൊപ്പം പ്രത്യേക വിമാനത്തില്‍ നാട്ടില്‍ തിരിച്ചെത്തിയതായിരുന്നു.

മലപ്പുറം ജില്ലയിലെ പാണ്ടിക്കാട് വെട്ടിക്കാട്ടിരി സ്വദേശിയായ 58 കാരനാണ് രോഗബാധ സ്ഥിരീകരിച്ചത്. അറബിക് അദ്ധ്യാപകനായ ഇദ്ദേഹം ആടുജീവിതം സിനിമാ സംഘത്തിനൊപ്പം ട്രാന്‍സ്ലേറ്ററായാണ് പ്രവര്‍ത്തിച്ചത്. മാര്‍ച്ച് 17 നാണ് ഇദ്ദേഹം അമ്മാനിലെത്തിയത്. ഈ ദിവസം മുതല്‍ അമ്മാന്‍ വിമാനത്താവളം കൊവിഡിനെ തുടര്‍ന്ന് അടച്ചു. തുടര്‍ന്ന് നിരീക്ഷണത്തില്‍ കഴിഞ്ഞ ഇദ്ദേഹം കൊവിഡില്ലെന്ന് വ്യക്തമായതോടെ സിനിമാ സംഘത്തോടൊപ്പം ചേരുകയായിരുന്നു,

പൃഥ്വിരാജ് ഉള്‍പ്പെടെ 58 അംഗ സംഘമായിരുന്നു ആടുജീവിതം സിനിമയുടെ ഷൂട്ടിംഗിന് വേണ്ടി ജോര്‍ദാനിലേക്ക് പോയത്. രണ്ട് മാസത്തിലേറെയായി ഇവര്‍ ജോര്‍ദാനില്‍ തുടരുകയായിരുന്നു. ഇടക്ക് സിനിമാ ചിത്രീകരണം നിലച്ച് പോയെങ്കിലും പ്രതിസന്ധികള്‍ മറികടന്ന് ഷെഡ്യൂള്‍ പൂര്‍ത്തിയാക്കാനും സംഘത്തിന് കഴിഞ്ഞിരുന്നു. എയര്‍ ഇന്ത്യയുടെ പ്രത്യേക വിമാനത്തില്‍ ദില്ലി വഴിയാണ് സംഘം നാട്ടിലെത്തിയത്.

പൃഥ്വിരാജിന്റെ  കൊവിഡ് പരിശോധനാഫലം നെഗറ്റീവാണ്. സോഷ്യല്‍ മീഡിയ വഴി പൃഥ്വിരാജ് തന്നെയാണ് ഇക്കാര്യം പുറത്തുവിട്ടത്. ജോര്‍ദ്ദാനില്‍ നിന്നും തിരിച്ചെത്തിയതിനെ തുടര്‍ന്നാണ് കൊവിഡ് പരിശോധന നടത്തിയത്. ക്വാറന്റീന്‍ കാലാവധി പൂര്‍ത്തിയായ ശേഷം വീട്ടിലേക്ക് പോകുമെന്നും താരം അറിയിച്ചു.

English summary :  A member of ‘Aadujeevitham‘ crew tested positive for corona virus

കൊല്ലം: ഉത്രയുടെ കൊലപാതകവുമായി ബന്ധപ്പെട്ട് ഒന്നാം പ്രതിയുടെ ഉത്രയുടെ ഭര്‍ത്താവുമായ സൂരജിന്റെ അമ്മയെയും സഹോദരിയെയും ചോദ്യം ചെയ്യലിന് ശേഷം ക്രൈം ബ്രാഞ്ച് വിട്ടയച്ചു. കൊട്ടാരക്കര ക്രൈം ബ്രാഞ്ച് ഓഫീസില്‍ വച്ചാണ് ചോദ്യം ചെയ്തത്. ഇവരോട് ചോദ്യം ചെയ്യലിനായി ഹാജരാകാന്‍ ആവശ്യപ്പെട്ടെങ്കിലും എത്തിച്ചേരാത്തതിനെ തുടര്‍ന്ന് പുനലൂര്‍ പൊലീസെത്തി കസ്റ്റഡിയിലെടുക്കുകയായിരുന്നു.

അതേസമയം സൂരജിന്റെ അച്ഛന്‍ സുരേന്ദ്രനെ പോലീസ് അറസ്റ്റ് ചെയ്തു. തെളിവ് നശിപ്പിച്ചതിനും ഗാര്‍ഹിക പീഡനത്തിനും ആണ് സുരേന്ദ്രനെ അറസ്റ്റ് ചെയ്തത്. സൂരജിനെയും അച്ഛനെയും ഒരുമിച്ച് ഇരുത്തിയാണ് ചോദ്യം ചെയ്തത്. ചോദ്യം ചെയ്യലില്‍ ഉത്രയുടെ സ്വര്‍ണം പറമ്പിൽ കുഴിച്ചിട്ടതായും സുരേന്ദ്രന്‍ സമ്മതിച്ചിരുന്നു. അമ്മയെയും സഹോദരിയെയും നാളെ വീണ്ടുമെത്തിച്ച് ചോദ്യം ചെയ്യും.

English Summary : Uthra Case Sooraj’s mother and sister were released after interrogation

വളഞ്ചോരി: ഓണ്‍ലൈന്‍ പഠനം മുടങ്ങിയ മനോ
വിഷമത്തിലാണ് മകള്‍ ദേവിക ജീവനൊടുക്കിയതെന്ന് മാതാപിതാക്കള്‍. മാങ്കേരി കളത്തിങ്ങല്‍ വീട്ടില്‍ ബാലന്റെയും ഷീബയുടെയും മകളും ഇരിമ്പിളിയം ഗവ. ഹയര്‍സെക്കന്‍ഡറി സ്‌കൂള്‍ ഒന്‍പതാം ക്‌ളാസ് വിദാര്‍ത്ഥി
നിയുമായ ദേവിക(14) തിങ്കളാഴ്ച വൈകിട്ട് സ്വയം തീകൊളുത്തി മരിക്കുകയായിരുന്നു.

വൈകിട്ട് കുട്ടിയെ കാണാതായതിനെത്തുടര്‍ന്ന് നടത്തിയ  തിരച്ചിലില്‍ സമീപത്തെ ആള്‍ത്താസമില്ലാത്ത വീട്ടുമുറ്റത്ത് പൊള്ളലേറ്റ് മരിച്ച നിലയില്‍ കണ്ടെത്തുകയായിരുന്നു.കടുത്ത സാമ്പത്തിക പ്രാരാബ്ധങ്ങള്‍ക്ക് നടുവിലാണ് കുടുംബം കഴിയുന്നത്. കൂലിപ്പണിക്കാരനായ ബാലന്‍ ആരോഗ്യ പ്രശ്‌നങ്ങളും ലോക്ക്ഡൗണും കാരണം മാസങ്ങളായി ജോലിക്ക് പോകുന്നില്ല. രണ്ട് മാസം മുമ്പ് പ്രസവിച്ച ഷീബ അമിത രക്തസമ്മര്‍ദ്ദമുള്‍പ്പെടെയുള്ള ബുദ്ധിമുട്ടുകളില്‍ കഴിയുകയാണ്. നാട്ടുകാരുടെ സഹായത്തോടെയാണ് കുടുംബം കഴിഞ്ഞു കൂടിയിരുന്നത്.

ഇതിനിടെ ഓണ്‍ൈലന്‍ പഠനം ആരംഭിച്ചതോടെ ദേവിക കടുത്ത
മാനസിക സമ്മര്‍ദ്ദത്തിലായിരുന്നുവെന്ന് വീട്ടുകാര്‍പറഞ്ഞു.  മിടുക്കിയായിരുന്ന ദേവികയ്ക്ക് തന്റെ പഠനം അവതാളത്തിലാകുമെന്ന് ആശങ്കയുണ്ടായിരുന്നു. സാമ്പത്തിക ക്‌ളേശം മൂലം വീട് അറ്റകുറ്റപ്പണി പോലും നടത്തിയിട്ടില്ല.
ഡി.ടി.എച്ച് റീ ചാര്‍ജ്ജ് ചെയ്യാനോ കേടായ ടെലിവി
ഷന്‍ നാന്നാക്കാനോ സാധിച്ചിരുന്നില്ലെന്നും വീട്ടിലുണ്ടായിരുന്ന സ്മാര്‍ട്ട്്  ഫോണ്‍കേടായിപ്പോയെന്നും സമീപവാസികള്‍  പറഞ്ഞു.
ഓണ്‍ലൈന്‍ പഠന സൗകര്യമില്ലാത്ത വിദ്യാര്‍ത്ഥികളുടെ പട്ടിക ഇരുമ്പിളിയം സ്‌കൂളില്‍ നിന്ന് കൈമാറിയതില്‍ ദേവികയുടെയും പേരുണ്ടായിരുന്നു. അഞ്ചിനകം പഞ്ചായത്തിലെ എല്ലാ വിദ്യാര്‍ത്ഥികള്‍ക്കും ഓണ്‍ലൈന്‍ പഠന സൗകര്യമൊരുക്കാമെന്ന് പഞ്ചായത്ത്് അധികൃതര്‍ അറിയിച്ചിരുന്നതായും വിദ്യാഭ്യാസ വകുപ്പ് അധികൃതര്‍ പറയുന്നു.

തിങ്കളാഴ്ച വൈകിട്ട്് നാലു മണിയോടെ കുട്ടിയെ
കാണാതാകുകയും  അഞ്ചരമണിയോടെ മരിച്ച നിലയില്‍ കണ്ടെത്തുകയുമായിരുന്നു. ഈ സമയത്തായിരുന്നു ഒമ്പതാം ക്‌ളാസ് വിദ്യാര്‍ത്ഥികള്‍ക്കുളള ഓണ്‍ ലൈന്‍ പഠനം. മഞ്ചേരി മെഡക്കില്‍കോളേജ് ആശുപത്രയിലെ കോവിഡ് പരിശോധനയ്ക്കും കോഴിക്കോട് മെഡിക്കല്‍കോളേജ് ആശുപത്രിയില്‍ പോസ്റ്റ് മോര്‍ട്ടത്തിനും ശേഷം ഇന്നലെ വൈകിട്ട്  മൃതദേഹം വീട്ടുവളപ്പില്‍ സംസ്‌കാരിച്ചു.

English Summary : Dead online learning is impossible Devika’s body was cremated

എല്ലാ സീറ്റുകളിലും ആളെ ഇരുത്തും, മാസ്‌ക് നിര്‍ബ്ബന്ധം, വയോധികര്‍ക്കും കുട്ടികള്‍ക്കും യാത്രാനുമതിയില്ല, സ്വകാര്യബസുടമകള്‍ പ്രതിഷേധത്തില്‍.

തിരുവനന്തപുരം: കെഎസ്ആര്‍ടിസി നാളെ മുതല്‍ അയല്‍ജില്ലകളിലേക്ക് സര്‍വീസുകള്‍ തുടങ്ങുമെന്ന് ഗതാഗതമന്ത്രി എ.കെ. ശശീന്ദ്രന്‍ അറിയിച്ചു. 1037 ഫാസ്റ്റ് പാസഞ്ചര്‍ ബസുകള്‍ അന്തര്‍ജില്ലാ അടിസ്ഥാനത്തില്‍ സര്‍വ്വീസ് നടത്തും. രാവിലെ അഞ്ചുമുതല്‍ വൈകിട്ട് ഒമ്പതുവരെയാകും സര്‍വ്വീസ്. സീറ്റുകളില്‍ മുഴുവന്‍ യാത്രക്കാരെയും അനുവദിക്കുമെങ്കിലും നിന്ന് യാത്രയ്ക്ക് അനുമതിയില്ല. ലോക്ക്ഡൗണില്‍ വര്‍ദ്ധിപ്പിച്ച നിരക്ക് ഇല്ലാതായി. ഈ സാഹചര്യത്തില്‍ നഷ്ടമില്ലാതെ സര്‍വ്വീസ് നടത്തുന്നതു ദുഷ്‌കരമാണെന്ന് മന്ത്രി പറഞ്ഞു.

സ്വകാര്യ ബസുടമകള്‍ കടുത്ത അതൃപ്തി സര്‍ക്കാരിനെ അറിയിച്ചിട്ടുണ്ട്. പഴയ ടിക്കറ്റ് നിരക്കില്‍ സര്‍വ്വീസ് നടത്താനാകില്ലെന്ന നിലപാടില്‍ മിക്ക ബസുകളും സര്‍വ്വീസ് നിര്‍ത്തിവച്ചിരിക്കുകയാണ്. ചില റൂട്ടുകളില്‍ രാവിലെ ഓടിത്തുടങ്ങിയ ബസുകള്‍ യാത്രക്കാരില്ലാത്തതിനാല്‍ സര്‍വ്വീസ് നിര്‍ത്തി. കോവിഡ് കാലത്തെ നിരക്കില്‍ സര്‍വീസ് നടത്താന്‍ അനുവദിക്കണമെന്നാണ് ഉടമകളുടെ ആവശ്യം. എന്നാല്‍ റോഡ് ടാക്‌സില്‍ മൂന്നുമാസം ഇളവ് നല്‍കാനാണ് തീരുമാനമെന്ന് മന്ത്രി അറിയിച്ചു.

നിലവിലെ സര്‍ക്കാര്‍ നിര്‍ദ്ദേശപ്രകാരം തൊട്ടടുത്ത രണ്ടു ജില്ലകളെ ബന്ധിപ്പിച്ചുള്ള എല്ലാ സര്‍വ്വീസുകളും ഉണ്ടായിരിക്കും. എല്ലാ യാത്രക്കാരും നിര്‍ബ്ബന്ധമായും മാസ്‌ക് ശരിയായ വിധത്തില്‍ ധരിച്ചിരിക്കണം. മാസ്‌ക് ധരിക്കാത്തവരെ യാത്ര ചെയ്യാന്‍ അനുവദിക്കില്ല. സര്‍ക്കാര്‍ യാത്ര നിരോധിച്ചിരിക്കുന്ന 10 വയസില്‍ താഴെയുള്ള കുട്ടികളും 65 വയസിന് മുകളിലുള്ള വയോധികരും യാത്ര ചെയ്യാന്‍ പാടില്ല. യാത്രയ്ക്ക് മുമ്പും ശേഷവും കൈകള്‍ സാനിറ്റൈസ് ചെയ്യണം. എന്തെങ്കിലും  രോഗമുള്ളവര്‍ യാത്രയ്ക്ക് ബസ് ഉപയോഗിക്കാന്‍ പാടില്ല.

English Summary : Intercity services from tomorrow There is no charge increase

കോവിഡ് 19 വ്യാപനത്തെ തുടര്‍ന്ന് രാജ്യത്ത് പ്രഖ്യാപിച്ച ലോക്ക്ഡൗണ്‍ ജൂണ്‍ 30 വരെ നീട്ടി. എന്നാല്‍ കണ്ടെയ്ന്‍മെന്റ് സോണുകളിലോ അല്ലെങ്കില്‍ ധാരാളം വൈറസ് കേസുകള്‍ കാരണം സീല്‍ ചെയ്തിരിക്കുന്ന സ്ഥലങ്ങളിലോ ഒഴികെ മാളുകളും റെസ്റ്റോറന്റുകളും ജൂണ്‍ 8 മുതല്‍ വീണ്ടും തുറക്കാം.

ജൂണ്‍ 8 മുതല്‍ മതപരമായ സ്ഥലങ്ങള്‍, ഹോട്ടലുകള്‍, റസ്റ്റോറന്റുകള്‍ എന്നിവയും അനുവദിക്കുമെന്ന് കണ്ടെയ്ന്‍മെന്റ് സോണുകള്‍ക്ക് പുറത്തുള്ള പ്രദേശങ്ങളില്‍ ഘട്ടംഘട്ടമായി വീണ്ടും തുറക്കാന്‍ ഉത്തരവിട്ടുകൊണ്ടുള്ള ആഭ്യന്തര മന്ത്രാലയം പുറത്തിറക്കിയ പുതിയ മാര്‍ഗ്ഗനിര്‍ദ്ദേശങ്ങളില്‍ പറയുന്നു.

”വീണ്ടും തുറക്കുന്നതിന്റെ ആദ്യ ഘട്ടമായ അണ്‍ലോക്ക് ഒന്നില്‍ സമ്പദ്വ്യവസ്ഥയില്‍ ആയിരിക്കും ശ്രദ്ധ കേന്ദ്രീകരിക്കുക,” മാര്‍ഗ്ഗനിര്‍ദ്ദേശങ്ങളില്‍ പറയുന്നു.

സംസ്ഥാനങ്ങളുമായും കേന്ദ്രഭരണ പ്രദേശങ്ങളുമായും നടത്തിയ വിപുലമായ ചര്‍ച്ചകളുടെ അടിസ്ഥാനത്തിലാണ് പുതിയ മാര്‍ഗ്ഗനിര്‍ദ്ദേശങ്ങള്‍ പുറപ്പെടുവിച്ചതെന്ന് ആഭ്യന്തര മന്ത്രാലയം അറിയിച്ചു.

നേരത്തെ നിരോധിച്ച എല്ലാ പ്രവര്‍ത്തനങ്ങളും ഘട്ടം ഘട്ടമായി കണ്ടെയ്ന്‍മെന്റ് സോണിന് പുറത്തുള്ള പ്രദേശങ്ങളില്‍ തുറക്കും, ആരോഗ്യ മന്ത്രാലയം നിര്‍ദ്ദേശിക്കുന്ന സ്റ്റാന്‍ഡേര്‍ഡ് ഓപ്പറേറ്റിംഗ് പ്രസീജര്‍ അനുസരിച്ചായിരിക്കും ഇത്.

സ്‌കൂളുകളുമായി കൂടിയാലോചിച്ച ശേഷം ജൂലൈയില്‍ സ്‌കൂളുകള്‍ വീണ്ടും തുറക്കുന്നതിനുള്ള തീരുമാനം എടുക്കും.

English Summary : Covid19 lockdown was extended to June 30