ഇഷ്ടം’ എന്ന ചിത്രത്തിലൂടെ മലയാള സിനിമയിലേക്ക് എത്തി പ്രേക്ഷകരുടെ ഇഷ്ട താരമായ നടിയാണ് നവ്യ നായര്. 2014ല് ‘ദൃശ്യ’ എന്ന കന്നഡ ചിത്രത്തിലാണി താരം ഒടുവിലായി എത്തിയത്. അഭിനയ ലോകത്തുനിന്നും വിട്ടു നിന്ന താരം തിരിച്ചു വരവിനൊരുങ്ങുകയാണ്.
വനിതാ മാസികയുടെ ന്യൂഇയര് പതിപ്പിലൂടെ സിനിമയിലേക്കുള്ള തന്റെ തിരിച്ചുവരവിനെ വെളിപ്പെടുത്തുന്നു എന്ന് കാണിച്ച് താരം ഇന്സ്റ്റഗ്രാമില് കുറിപ്പ് പങ്കുവച്ചിട്ടുണ്ട്. 2012ല് എത്തിയ ‘സീന് ഒന്ന് നമ്മുടെ വീട്’ ആണ് താരം അവസാനമായി അഭിനയിച്ച മലയാള ചിത്രം.
നിലവില് ടെലിവിഷന് രംഗത്ത് സജീവമാണ് നവ്യ. 2010ലായിരുന്നു നവ്യയുടെ വിവാഹം. സായ് കൃഷ്ണ എന്നൊരു മകനുണ്ട്. മകനോടൊപ്പമുള്ള ചിത്രങ്ങള് താരം സോഷ്യല് മീഡിയയില് പങ്കുവെക്കാറുണ്ട്.
