മമ്മൂട്ടിയുടെ ആത്മകഥ സിനിമയാക്കാന് ആഗ്രഹമുണ്ടെന്ന് തുറന്നു പറഞ്ഞ് റോഷന് ആന്ഡ്രൂസ്. സ്വാധീനിച്ച സിനിമാ പുസ്തകങ്ങളെക്കുറിച്ച് സംസാരിച്ചപ്പോഴാണ് റോഷന് തന്റെ ആഗ്രഹം വെളിപ്പെടുത്തിയത്. സിനിമയെ അത്രമാത്രം പാഷനോടെ കണ്ട ഒരാളുടെ ജീവിതമാണ് അതെന്നാണ് റോഷന് പറയുന്നത്.
‘ജോസഫ് വി. മസെല്ലിയുടെ ‘ഫൈവ് സീസ് ഓഫ് സിനിമാട്ടോഗ്രഫി ‘എന്നൊരു പുസ്തകമുണ്ട്. ഓരോ ഷോട്ടിന്റെയും അര്ഥമെന്താണെന്നു കൃത്യമായി പറഞ്ഞു തരുന്നതാണത്. ‘100 ഐഡിയാസ് ദാറ്റ് ചെയ്ഞ്ച്ഡ് ദ് ഫിലിം ‘ എന്നൊരു ബുക്കാണ് മറ്റൊന്ന്. ഡേവിഡ് പാര്ക്കിന്സനാണ് രചയിതാവ്. മാസ്റ്റേഴ്സിന്റെ സിനിമകളിലെ ഷോട്ടുകള് വിലയിരുത്തുന്നതാണിത്. സെഡ് ഫീല്ഡിന്റെ സ്ക്രീന്പ്ലേ എന്ന പുസ്തകം തിരക്കഥയില് നല്ലൊരു പഠനം ആണ്.’
‘സ്റ്റീവന് കറ്റ്സിന്റെ ഷോട്ട് ബൈ ഷോട്ട് എന്ന പുസ്തകമാണ് മറ്റൊന്ന്. ഒരു ഷോട്ടില് നിന്ന് അടുത്ത ഷോട്ടിലേക്കുള്ള മാറ്റം പറയുന്ന പുസ്തകമാണിത്. എന്നാല് എന്നെ ഏറ്റവും ആകര്ഷിച്ചത് മമ്മൂക്കയുടെ ചമയങ്ങളില്ലാതെ എന്ന പുസ്തകമാണ്. അത്രമാത്രം പാഷനോടെ സിനിമയെ കണ്ട ഒരാളുടെ ജീവിതമാണത്. അതൊരു സിനിമയാക്കാന് മോഹവുമുണ്ട്.’ മനോരമയുമായുള്ള അഭിമുഖത്തില് റോഷന് പറഞ്ഞു.
