മുംബൈ: നടൻ സുശാന്ത് സിംഗ് രാജ്പുത്തിൻ്റെ മരണവുമായി ബന്ധപ്പെട്ട് പ്രമുഖരുടെ മൊഴി എടുക്കാൻ പൊലീസ്. സംവിധായകൻ സഞ്ജയ് ലീല ബൻസാരി, നടി കങ്കണാ റണൗത്ത്, നടനും സംവിധായകനും നിർമ്മാതാവുമായ ശേഖർ കപൂർ എന്നിവരുടെ മൊഴികൾ അന്വേഷണ സംഘം രേഖപ്പെടുത്തും.

സഞ്ജയ് ലീല ബൻസാരി സുശാന്തിന് നാല് സിനിമകൾ വാഗ്ദാനം ചെയ്തതായി റിപ്പോർട്ട് ഉണ്ടായിരുന്നു. എന്നാൽ ഒരു സിനിമ പോലും യാഥാർത്ഥത്യമായിരുന്നില്ല. കരാറിൻ്റെ ഭാഗമായി സുശാന്തിന് പല സിനിമകളും ഉപേക്ഷിക്കേണ്ടി വന്നതായും റിപ്പോർട്ട് ഉണ്ടായിരുന്നു. ഇതിനെക്കുറിച്ചും അന്വേഷണ സംഘം ചോദിച്ചറിയുക.

സുശാന്തിന് ലഭിക്കേണ്ടിയിരുന്ന അവസരങ്ങൾ നിഷേധിച്ച ഹോളിവുഡ് മേഖലയെ കുറ്റപ്പെടുത്തിക്കൊണ്ട് കങ്കണ ട്വീറ്റ് ചെയ്തിരുന്നു. സുശാന്തിന് നേരിടേണ്ടി വന്ന വേദനകൾ തനിക്ക് അറിയാമെന്നും അതിന് കാരണക്കാരായവരേയും അറിയാമെന്നും ശേഖർ കപൂർ ട്വീറ്റ് ചെയ്തിരുന്നു. ഈ ട്വീറ്റിന് വൻ പിന്തുണയാണ് ലഭിച്ചത്.പരസ്യ പ്രതികരണത്തെക്കുറിച്ചാവും കങ്കണയോടും ശേഖർ കപൂറിനോടും അന്വേഷണം സംഘം ചോദിച്ചറിയുക.

English Summary : Police take statement of actor Sushant Singh Rajput death

ന്യൂഡൽഹി: ബാബ രാംദേവിൻ്റെ പതഞ്ജലി ആയുർദേവ മരുന്ന് കൊറോനിലിന് കേന്ദ്ര ആയുഷ് മന്ത്രാലയം അനുമതി നൽകി. എന്നാൽ കൊറോണയ്ക്കുള്ള മരുന്നായല്ല പ്രതിരോധ മരുന്നായാണ് അനുമതി നൽകിയത് . കോവിഡ് തടയാൻ പതഞ്ജലി മികച്ച പ്രവർത്തനമാണ് നടത്തുന്നതെന്ന് അദ്ദേഹം പറഞ്ഞു.

കൊറോനലിന് വിലക്ക് ഏറ്റപ്പെടുത്തിയിട്ടില്ല. രാജ്യത്തെ എല്ലാ ആയുർവേദ മരുന്ന് കടകളിലും പതഞ്ജലി സ്‌റ്റോറുകളിലും മരുന്ന് ലഭിക്കും തുളസി, ചിറ്റമൃത്, അമക്കൂര തുടങ്ങിയ ഔഷധങ്ങൾ ചേർത്താണ് മരുന്ന് തയ്യാറാക്കിയത്. ഇത് കഴിച്ചാൽ കൊറോണ മാറുമെന്ന് ഞങ്ങൾ അവകാശപ്പെടുന്നില്ലെന്നും അദ്ദേഹം പറഞ്ഞു.

ജൂൺ 23നാണ് മരുന്ന് ഉണ്ടാക്കിയെന്ന് അവകാശപ്പെട്ട് പഞ്ജലി പത്ര സമ്മേളനം നടത്തിയത്.ഇതിന് പിന്നാലെ കേന്ദ്രം വിശദീകരണം ആവശ്യപ്പെട്ടിരുന്നു. തുടർന്ന് വിവിധ സംസ്ഥാനങ്ങളും മരുന്നിന് വിലക്ക് പുറപ്പെടുത്തിയിരുന്നു.

English Summary : Baba Ramdev’s Patanjali Ayurvedic Medicine Coronal has been approved by the Union Ministry of AYUSH

തിരുവനന്തപുരം: സംസ്ഥാനത്ത്  ഞായറാഴ്ചകളില്‍ ഏര്‍പ്പെടുത്തിയിരുന്ന സമ്പൂര്‍ണ്ണ ലോക്ക്ഡൗണ്‍ ഒഴിവാക്കി. മുഖ്യമന്ത്രിയുടെ ഓഫീസാണ് ഇക്കാര്യം അറിയിച്ചത്.

വിദേശത്ത് നിന്നും മറ്റും മടങ്ങി വരുന്നവര്‍ക്ക് ഞായറാഴ്ചത്തെ സമ്പൂര്‍ണ്ണ ലോക്ക്ഡൗണ്‍ പ്രയാസമുണ്ടാക്കുന്നുവെന്ന വിലയിരുത്തലിനെ തുടര്‍ന്നാണിത്.

അതേസമയം കണ്ടെയന്‍മെന്റ് സോണുകളിലേയും റെഡ്സോണുകളിലേയും നിയന്ത്രണം കര്‍ശനമാക്കാനും തീരുമാനിച്ചിട്ടുണ്ട്.

കൊച്ചി: കുട്ടികളെക്കൊണ്ട് നഗ്‌നശരീരത്തില്‍ ചിത്രം വരപ്പിച്ച് വീഡിയോ പ്രചരിപ്പിച്ചെന്ന കേസില്‍ പ്രതിയായ രഹ്ന ഫാത്തിമ ഒളിവില്‍. രഹ്ന ഫാത്തിമയെ അറസ്റ്റ് ചെയ്യാനായി കൊച്ചി പനമ്പിള്ളിനഗറിലെ വീട്ടിലെത്തിയ പോലീസ് സംഘത്തിന് ഇവരെ കണ്ടെത്താനായില്ല. വ്യാഴാഴ്ച ഉച്ചയോടെയാണ് പോലീസ് സംഘം രഹ്ന ഫാത്തിമയുടെ വീട്ടില്‍ എത്തിയത്. തുടര്‍ന്ന് ക്വാര്‍ട്ടേഴ്സില്‍ റെയ്ഡും നടത്തി.
‘ബോഡി ആന്‍ഡ് പൊളിറ്റിക്‌സ്’ എന്ന തലക്കെട്ടില്‍ കഴിഞ്ഞ ദിവസമാണ് യുട്യൂബിലും ഫെയ്‌സ്ബുക്കിലും രഹ്ന വീഡിയോ പോസ്റ്റ് ചെയ്തത്. പ്രായപൂര്‍ത്തിയാകാത്ത മകനും മകളും ചേര്‍ന്ന് രഹ്നയുടെ നഗ്നദേഹത്ത് ചിത്രം വരയ്ക്കുന്നതാണ് വീഡിയോ. സ്ത്രീ ശരീരവും ലൈംഗികതയും സംബന്ധിച്ച പഠനം വീട്ടില്‍നിന്ന് തുടങ്ങിയാലേ സമൂഹത്തില്‍ മാറ്റം കൊണ്ടുവരാന്‍ കഴിയൂ എന്ന കുറിപ്പോടെയായിരുന്നു പോസ്റ്റ്.

നൊവാക് ജോക്കോവിച്ചിനും ഭാര്യയ്ക്കും കോവിഡ്
ബെല്‍ഗ്രേഡ്: ലോക ഒന്നാം നമ്പര്‍ ടെന്നീസ് താരം നൊവാക് ജോക്കോവിച്ചിന് കോവിഡ്. ജോക്കോവിച്ച് സംഘടിപ്പിച്ച ചാരിറ്റി ടെന്നീസ് ടൂര്‍ണമെന്റില്‍ പങ്കെടുത്ത മൂന്നു താരങ്ങള്‍ക്ക് നേരത്തെ കോവിഡ് സ്ഥിരീകരിച്ചിരുന്നു. ഇതിന് പിന്നാലെയാണ് ജോക്കോവിച്ചിന് രോഗം സ്ഥിരീകരിച്ചത്. ജോക്കോവിച്ചിന്റെ ഭാര്യ ജെലീനയുടെ പരിശോധനാഫലവും പോസിറ്റീവാണ്.

‘ക്രൊയേഷ്യയിലെ സദറിലെ ചാരിറ്റി മത്സരത്തില്‍ പങ്കെടുത്ത ശേഷം ബെല്‍ഗ്രേഡിലെത്തിയ ഉടനെത്തന്നെ ഞങ്ങള്‍ പരിശോധനയ്ക്ക് വിധേയരായി. എന്റേയും ജെലീനയുടേയും ഫലം പോസിറ്റീവാണ്. മക്കളുടേത് നെഗറ്റീവാണ്. ചാരിറ്റി ടൂര്‍ണമെന്റ് സംഘടിപ്പിച്ചത് നല്ല ഉദ്ദേശത്തോടെയാണ്. അത് ഇങ്ങനെ ആയിത്തീരുമെന്ന് പ്രതീക്ഷിച്ചില്ല.’ സെര്‍ബിയന്‍ താരം വാര്‍ത്താ കുറിപ്പില്‍ വ്യക്തമാക്കി.

നേരത്തെ ക്രൊയേഷ്യന്‍ താരം ബോര്‍ന കോറിച്ച്, ബള്‍ഗേറിയയുടെ ഗ്രിഗര്‍ ദിമിത്രോവ്, സെര്‍ബിയയുടെ വിക്ടര്‍ ട്രോയിസ്‌ക്കി എന്നിവര്‍ക്കാണ് കോവിഡ് ബാധിച്ചിരുന്നത്. ഗ്രിഗര്‍ ദിമിത്രോവിന് കോവിഡ് സ്ഥിരീകരിച്ചതിനു പിന്നാലെ ടൂര്‍ണമെന്റിന്റെ ഫൈനല്‍ റദ്ദാക്കിയിരുന്നു.

സെര്‍ബിയയിലെ സെന്‍ട്രല്‍ ബെല്‍ഗ്രേഡിലെ ജോക്കോവിച്ച് ടെന്നീസ് കോംപ്ലക്‌സിലും ക്രൊയേഷ്യയിലെ സദറിലുമായി നടന്ന ടൂര്‍ണമെന്റില്‍ നിരവധി താരങ്ങള്‍ പങ്കെടുത്തിരുന്നു.

സാമൂഹിക അകലം പാലിക്കാതെ ടൂര്‍ണമെന്റ് സംഘടിപ്പിച്ചതിനെ തുടര്‍ന്ന് വിമര്‍ശനവുമുയര്‍ന്നിരുന്നു. ജോക്കോവിച്ചിന് പുറമെ പ്രമുഖ താരങ്ങളായ ഡൊമിനിക് തീം, അലക്‌സാണ്ടര്‍ സ്വരേവ് എന്നിവരും ടൂര്‍ണമെന്റില്‍ പങ്കെടുത്തിരുന്നു.