മലയാള സിനിമയിലെ ചോക്ലേറ്റ് ഹീറോ ആണ് കുഞ്ചാക്കോ ബോബന്. എന്നാല് ഈ പേര് മാറ്റി വിളിക്കേണ്ട സ്ഥിതിയില് എത്തിയിരിക്കുകയാണ് കാര്യങ്ങള്. ചോക്ലേറ്റ് ഹീറോ മസിലു പെരുപ്പിച്ച് നില്ക്കുന്ന ചിത്രങ്ങളാണ് ഇപ്പോള് സോഷ്യല് മീഡിയയില് വൈറല് ആയിരിക്കുന്നത്. താരം തന്നെയാണ് ഈ ചിത്രങ്ങള് സോഷ്യല് മീഡിയയിലൂടെ ആരാധകരുമായി പങ്കുവെച്ചത്.
വടം വലിക്കുന്നതും ശേഷവുമുള്ള തന്റെ ശരീരത്തിന്റെ ചിത്രങ്ങളാണ് താരം പങ്കുവച്ചത്. ഇത് ചുമ്മാ കളിയാണെന്ന് നിങ്ങള് കരുതുന്നുണ്ടെങ്കില് ബാക്കി ചിത്രങ്ങള് കൂടി കാണൂ എന്ന് അദ്ദേഹം പറയുന്നു . ബാക്കി ചിത്രങ്ങള് കണ്ട നടന്മാരായ ഇന്ദ്രജിത്ത്, വിനയ് ഫോര്ട്ട്, ആന്റണി വര്ഗീസ്, ടൊവിനോ, നീരജ് മാധവ് എന്നിവരെല്ലാം ശരിക്കും അത്ഭുതപ്പെട്ടെന്ന് കമന്റുകളില് നിന്നും വ്യക്തം.
തന്റെ പുതിയ ചിത്രത്തിനുവേണ്ടിയാണ് ചാക്കോച്ചന് ഇത്തരത്തിലൊരു മേക്കോവര് നടത്തിയിരിക്കുന്നത്. ചാര്ലിക്ക് ശേഷം മാര്ട്ടിന് പ്രക്കാട്ട് ഒരുക്കുന്ന ചിത്രമാണിത്.
താരം വടം വലിക്കുന്ന വീഡിയോയും സോഷ്യല് മീഡിയയില് വൈറലാണ്. പ്രവീണ് മൈക്കിള് എന്ന പൊലീസുകാരനായാണ് ചാക്കോച്ചന് അഭിനയിക്കുന്നത്. ജോജു ജോര്ജ്, നിമിഷ സജയന്, യമ, അനില് നെടുമങ്ങാട് എന്നിവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്. സംവിധായകന് രഞ്ജിത്, ശശികുമാര് എന്നിവരുടെ ഉടമസ്ഥതയിലുള്ള ഗോള്ഡ് കോയ്ന് പിക്ചേഴ്സും മാര്ട്ടിന് പ്രക്കാട്ട് ഫിലിംസും ചേര്ന്നാണ് ചിത്രം നിര്മിക്കുന്നത്.
