മലയാളത്തില്‍ ഒരുകാലത്ത് നായികയായി തിളങ്ങിയ നടിയാണ് ഭാമ. നിവേദ്യം എന്ന സിനിമയിലൂടെ വെള്ളിത്തിരയിലെത്തി പ്രേക്ഷകരുടെ പ്രിയ നടിയായി മാറിയ താരമാണ് ഭാമ.  ഭാമയുടെ ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ഇപ്പോഴിതാ വിവാഹ നിശ്ചയത്തിന്റെ ഫോട്ടോയാണ് ഭാമ ഷെയര്‍ ചെയ്തിരിക്കുന്നത്. വിവാഹ നിശ്ചയത്തിന്റെ ചടങ്ങിനിടെ എടുത്ത  ഫോട്ടോയാണ് ഇത്.

ഒരു വര്‍ഷമാകുന്നു വിവാഹ നിശ്ചയത്തിന് എന്ന് ക്യാപ്ഷനായി എഴുതിയിട്ടുണ്ട്. വ്യവസായിയായ അരുണുമായി ജനുവരി 3നാണ് ഭാമ വിവാഹിതയായത്. ചെന്നിത്തല സ്വദേശിയായ ജഗദീശ്വരന്റെയും ജയശ്രീയുടെയും മകനാണ് അരുണ്‍. അരുണിനൊപ്പമുള്ള ഫോട്ടോകള്‍ ഭാമ പങ്കുവയ്ക്കാറുണ്ട്. ഇപ്പോള്‍ ഭാമ സിനിമയില്‍ സജീവമല്ല. അമ്പതോളം സിനിമകളില്‍ ഭാമ വേഷമിട്ടിട്ടുണ്ട്.

നടന്‍ സുശാന്തിന്റെ മരണത്തിന് ശേഷം വരുന്ന വാര്‍ത്തകള്‍ ബോളിവുഡിലെ മറ്റൊരു ലോകത്തെ വെളിപ്പെടുത്തുന്നതാണ്. ബോളിവുഡിലെ സ്വജനപക്ഷവാദത്തെ കുറിച്ചും ബോളിവുഡ് ഭരിക്കുന്ന പ്രത്യേക സംഘത്തെ കുറിച്ചുമുള്ള വെളിപ്പെടുത്തലുകള്‍ ഓരോ ദിവസം വന്നുകൊണ്ടിരിക്കുകയാണ്. ഇപ്പോഴിതാ ബോളിവുഡ് ഗായകനാനായ സോനു നിഗം ബോളിവുഡ് സംഗീതത്തെ ഭരിക്കുന്ന മാഫിയകളെ കുറിച്ച് പറയുകയാണ്.

ഭാവിയില്‍ സംഗീതമേഖലയില്‍ നിന്നുമൊരു ആത്മഹത്യയെക്കുറിച്ച് ജനങ്ങള്‍ കേള്‍ക്കും. പ്രധാനമായും ബോളിവുഡില്‍ രണ്ട് മാഫിയകളാണ് എല്ലാം തീരുമാനിക്കുന്നത്. അവര്‍ക്ക് പ്രത്യേക അധികാരങ്ങള്‍ ഉണ്ടെന്നും അവരുടെ സ്വാധീനവുമുപയോഗിച്ച് ആരൊക്കെ പാടണം പാടരുത് എന്ന് നിശ്ചയിക്കും എന്നും സോനു പറയുന്നു. അവരുടെ ലക്ഷ്യം പണം മാത്രമാണ് ഗായകരുടെ കഴിവ് അവര്‍ക്ക് വിഷമയല്ല. വളരെ ചെറിയ പ്രായത്തില്‍ തന്നെ ഗായകനായി വന്നതിനാല്‍ അധികം മത്സരങ്ങളൊന്നും ഇല്ലാതെ തനിക്ക് തുടരാന്‍ സാധിച്ചു. എന്നാല്‍ ഇന്ന് സ്ഥിതിയാകെ മാറിയിരിക്കുന്നു അദ്ദേഹം പറയുന്നു.

ഗായകന്‍ അര്‍ജിത്ത് സിങ്ങിന് ഉണ്ടായ ദുരനുഭവമാണ് സോനു നിഗം ഈ വിഷയത്തില്‍ ഉദാഹരണമായി ഉന്നയിക്കുന്നത്. സല്‍മാന്‍ അഭിനയിച്ച സുല്‍ത്താന്‍ എന്ന സിനിമയില്‍ അര്‍ജിത്ത് ആലപിച്ച ഗാനം മാറ്റം സംഗീത സംവിധായകന് മേല്‍ സമ്മര്‍ദ്ദമുണ്ടായി എന്നാണ് സോനു ഉന്നയിക്കുന്ന ആരോപണം. അതിന് പിന്നില്‍ ആരുടെയെങ്കിലും പേര് പറയാതെയാണ് സോനു ആരോപണം ഉന്നയിക്കുന്നത്. അനുഭവസമ്ബത്തുള്ള ഗായകരുടെ അനുഭവം ഇതാണെങ്കില്‍ പുതുമുഖങ്ങളുടെ അവസ്ഥയെക്കുറിച്ച് ആലോചിച്ചു നോക്കൂ എന്നും അദ്ദേഹം പറയുന്നു.

ബോളിവുഡ് സിനിമകളില്‍ പാടുന്നതിന് പ്രതിഫലം കിട്ടാറില്ല എന്ന വെളിപ്പെടുത്തലുമായി നേഹ കക്കര്‍ എന്ന ബോളിവുഡ് ഗായിക രംഗത്ത് വന്നിരുന്നു. പാട്ട് ഹിറ്റായാല്‍ പിന്നീട് ഗായകര്‍ക്ക് ഷോയില്‍ പാടാന്‍ അവസരങ്ങള്‍ ലഭിക്കും.അവിടെ നിന്നും പണം സമ്ബാദിക്കാമല്ലോ എന്ന നിലപാടാണ് ബോളിവുഡിലെന്നും ഗായിക വ്യക്തമാക്കിയിരുന്നു.

English summary : Two mafias rule Bollywood music; Sonu Nigam with revelation

തിരുവനന്തപുരം: സംസ്ഥാനത്ത് ഞായറാഴ്ച സമ്പൂര്‍ണ ലോക് ഡൗണ്‍ ഇല്ലെന്ന് സര്‍ക്കാര്‍. പ്രവേശന പരീക്ഷകള്‍ നടക്കുന്ന സാഹചര്യത്തില്‍ ക്രമീകരണങ്ങള്‍ നടത്തുന്നതിനാണ് ഇളവ് അനുവദിച്ചത്. മറ്റ് ദിവസങ്ങളിലെ നിയന്ത്രണങ്ങള്‍ മാത്രമാകും ഞായറാഴ്ച ഉണ്ടാവുകയെന്നും അധികൃതര്‍ അറിയിച്ചു. കോവിഡ് വ്യാപന നിയന്ത്രണത്തിന്റെ ഭാഗമായാണ് ഞായറാഴ്ച ദിവസങ്ങളില്‍ സമ്പൂര്‍ണ ലോക് ഡൗണ്‍ നടപ്പാക്കാന്‍ സര്‍ക്കാര്‍ ഉത്തരവിട്ടത്. കഴിഞ്ഞ ഞായറാഴ്ച ആരാധനാലയങ്ങളില്‍ പോകുന്നവര്‍ക്കും പരീക്ഷ എഴുതുന്നവര്‍ക്കും പരീക്ഷ നടത്തിപ്പുകാര്‍ക്കും വേണ്ടി സമ്പൂര്‍ണ ലോക്ഡൗണില്‍ ഇളവ് അനുവദിച്ചിരുന്നു.

Englissh Summary : Covid19 No complete lockdown on Sunday

കൊച്ചി: അന്തരിച്ച തിരക്കഥാകൃത്തും സംവിധായകനുമായ സച്ചിയുടെ മൃതദേഹം രവിപുരം ശമ്ശാനത്തില്‍ സംസ്‌കരിച്ചു. കൊച്ചി തമ്മനത്തെ വീട്ടില്‍ പൊതുദര്‍ശനത്തിന് വച്ച പ്രിയ കലാകാരന് വിവിധ മേഖലകളില്‍ നിന്നുള്ള നൂറ് കണക്കിന് പേര്‍ അന്ത്യാഞ്ജലി അര്‍പ്പിച്ചു.രാവിലെ ഒന്‍പതേ കാലോടെയാണ് സച്ചിയുടെ മൃതദേഹം തൃശ്ശൂരില്‍ നിന്നും കൊച്ചിയില്‍ എത്തിച്ചത്. കേരള ഹൈക്കോടതി അഭിഭാഷക അസോസിയേഷന്‍ ചേംബര്‍ ഹാളില്‍  പത്തരവരെ പൊതുദര്‍ശനത്തിന് വച്ചു.

എറണാകുളം ലോ കോളജിലെ നിയമ പഠനത്തിന്  ശേഷം സിനിമയില്‍ എത്തുന്നതിന് മുമ്പ് പത്ത് വര്‍ഷത്തോളം ഹൈക്കോടതിയില്‍ അഭിഭാഷകനായി പ്രവര്‍ത്തിച്ച സച്ചിക്ക് നിരവധി അഭിഭാഷക സുഹൃത്തുക്കളും ഹൈക്കോടതിയിലെ ജഡ്ജിമാരും അന്ത്യാഞ്ജലി അര്‍പ്പിച്ചു. സച്ചിയുടെ സഹോദരങ്ങളും ഇവിടെയുണ്ടായിരുന്നു. മുകേഷ്,  ലാല്‍,  സുരേഷ് കൃഷ്ണ തുടങ്ങിയ നടന്മാരടക്കം സിനിമ രംഗത്ത് നിന്നുള്ളവരും അന്ത്യാഞ്ജലി അര്‍പ്പിക്കാനെത്തി. മന്ത്രി വി എസ് സുനില്‍ കുമാര്‍ അടക്കമുള്ള ജനപ്രതിനിധികളും രാഷ്ട്രീയ നേതാക്കളുമുണ്ടായിരുന്നു. ഹിറ്റ് സിനിമകള്‍ക്ക് തിരക്കഥ എഴുതിയ സച്ചി- സേതു കൂട്ടുകെട്ടിലെ സേതു പഴയ ഓര്‍മകളില്‍ വിങ്ങിപ്പൊട്ടി.

കലയും കച്ചവടവും ഒരുമിച്ച ഒരു പിടി സിനിമ അനുഭവങ്ങള്‍ മലയാളികള്‍ക്ക് നല്‍കിയാണ് സച്ചിയുടെ വിടപറച്ചില്‍. പതിമൂന്ന് വര്‍ഷം മാത്രം നീണ്ടുനിന്ന സിനിമ ജീവിതത്തില്‍, തിരക്കഥാകൃത്ത് പങ്കാളിയില്‍ നിന്നും സ്വതന്ത്ര തിരക്കഥാകൃത്തായും,സംവിധായകനായും മലയാളസിനിമയില്‍ ഇടം കണ്ടെത്തിയ ആളാണ് സച്ചി.

English summary : Sachi’s body buried in Ravipuram Cemetery

യുവ നടന്‍ സുശാന്ത് സിംഗ് രാജ്പുതിന്റെ മരണം ഞെട്ടലോടെയാണ് എല്ലാവരും കേട്ടത്. എന്നാലിപ്പോള്‍ സുശാന്തിന്റെ മരണവുമായി ബന്ധപ്പെട്ട് കരണ്‍ ജോഹര്‍, സല്‍മാന്‍ ഖാന്‍, സഞ്ജയ് ലീല ബന്‍സാലി, ഏക്താ കപൂര്‍ എന്നിവര്‍ക്കെതിരെ കേസ് കൊടുത്തെന്ന് വ്യക്തമാക്കി അഭിഭാഷകന്‍ സുധീര്‍ കുമാര്‍ ഓജ രംഗത്ത് എത്തിയിരിക്കുന്നു. സുശാന്ത് സിംഗിന്റെ ആത്മഹത്യയുടെ കാരണം എന്തെന്ന് വ്യക്തമായിട്ടില്ല. പക്ഷേ ഹിന്ദി സിനിമ ലോകത്തെ വിവേചനമാണ് സുശാന്തിനെ ആത്മഹത്യയിലേക്ക് നയിച്ചത് എന്ന് ചൂണ്ടിക്കാട്ടി താരങ്ങളടക്കമുള്ളവര്‍ രംഗത്ത് എത്തിയിരുന്നു. കരണ്‍ ജോഹറിനും സല്‍മാന്‍ ഖാനുമെതിരെ രൂക്ഷ വിമര്‍ശനങ്ങളുമുണ്ടായിരുന്നു.  സെക്ഷന്‍ 306, 109, 504, 506 വകുപ്പുകള്‍ പ്രകാരമാണ് ഇപ്പോള്‍ സുധീര്‍ കുമാര്‍ ഓജ കേസ് നല്‍കിയിരിക്കുന്നത് എന്നാണ് എഎന്‍ഐയിലെ വാര്‍ത്ത.

സുശാന്തിന്റെ ഏഴോളം സിനിമകള്‍ മുടങ്ങിപ്പോകാനും ചില സിനിമകളുടെ റിലീസ് മുടങ്ങാനും കരണ്‍ ജോഹറും സല്‍മാന്‍ ഖാനും അടക്കമുള്ളവര്‍ കാരണക്കാരായി എന്ന് സംശയിക്കുന്നതായി സുധീര്‍ കുമാര്‍ ഓജ പറയുന്നു. അതാണ് സുശാന്തിന്റെ ആത്മഹത്യയുടെ കാരണമെന്നും സുധീര്‍ പറയുന്നു. മുസാഫര്‍പുര്‍ കോടതിയിലാണ് സുധീര്‍ കുമാര്‍ ഓജ പരാതി നല്‍കിയിരിക്കുന്നത്. സുശാന്ത് മാനസിക സമ്മര്‍ദ്ദത്തിലായിരുന്നുവെന്ന് സംവിധായകന്‍ ശേഖര്‍ കപൂര്‍ സമൂഹ്യ മാധ്യമത്തില്‍ പറഞ്ഞിരുന്നു. ചിച്ചോര എന്ന സിനിമയ്ക്ക് ശേഷം ആറ് മാസത്തിനുള്ളില്‍ ഏഴ് സിനിമകള്‍ ലഭിച്ചെങ്കിലും അത് സുശാന്തിന് നഷ്ടമായെന്നും കോണ്‍ഗ്രസ് നേതാവ് സഞ്ജയ് നിരുപമും പറഞ്ഞിരുന്നു.

English Summary : Sushant’s death And for Karan Johar
Case against Salman Khan

മുന്‍ ഇന്ത്യന്‍ ഫുട്ബോള്‍ താരം ഐഎം വിജയനെ ഇത്തവണത്തെ പദ്മശ്രീ പുരസ്‌കാരത്തിന് നാമനിര്‍ദേശം ചെയ്തു. ആള്‍ ഇന്ത്യ ഫുട്‌ബോള്‍ ഫെഡറേഷനാണ് വിജയന്റെ പേര് നിര്‍ദേശിച്ചത്. 2003ല്‍ കായിക രംഗത്തെ സംഭാവനകള്‍ മുന്‍നിര്‍ത്തി ഐഎം വിജയന് അര്‍ജുന അവാര്‍ഡ് നല്‍കിയിരുന്നു. 1992, 1997, 2000 വര്‍ഷങ്ങളില്‍ ഫുട്ബോള്‍ ഫെഡറേഷന്റെ പ്ലേയര്‍ ഓഫ് ദി ഇയര്‍ പുരസ്‌കാരം നേടിയിട്ടുള്ള താരമാണ് വിജയന്‍.

1989 ലാണ് ഐഎം വിജയന്‍ ആദ്യമായി ഇന്ത്യയ്ക്ക് വേണ്ടി ജേഴ്സി അണിഞ്ഞത്. 66 തവണ ഇദ്ദേഹം ഇന്ത്യയെ പ്രതിനിധീകരിച്ചിട്ടുണ്ട്. 1999 ലെ സീസണില്‍ 13 മത്സരങ്ങളില്‍ നിന്നായി 10 ഗോളുകള്‍ സ്വന്തമാക്കിയ താരത്തിന്റെ പേരില്‍ ആകെ 40 രാജ്യാന്തര ഗോളുകളാണ് ഉള്ളത്. 1999 -ലെ ദക്ഷിണേഷ്യന്‍ ഗെയിംസില്‍ പാകിസ്താനെതിരെ ഹാട്രിക് ഗോള്‍ കുറിച്ച നേട്ടവും ഐഎം വിജയനുണ്ട്.

കേരള പൊലീസിന് വേണ്ടിയും മോഹന്‍ ബഗാന്‍, എഫ്സി കൊച്ചിന്‍, ജെസിടി ഫാഗ്വാര, ചര്‍ച്ചില്‍ ബ്രദേഴ്സ്, ഈസ്റ്റ് ബംഗാള്‍ എന്നി പ്രമുഖ ക്ലബുകള്‍ക്ക് വേണ്ടിയും വിജയന്‍ ബൂട്ടണിഞ്ഞിട്ടുണ്ട്.

English Summary : IM Vijayan nominated for Padma Shri

പട്ന: കഴിഞ്ഞ ദിവസം അന്തരിച്ച ബോളിവുഡ് നടന്‍ സുശാന്ത് സിംഗ് രജ്പുതിന്റെ കുടുംബത്തില്‍ വീണ്ടും മരണം.
സുശാന്തിന്റെ അടുത്ത ബന്ധു ബിഹാറിലെ സ്വന്തം ഗ്രാമമായ പുര്‍ണിയയില്‍ മരിച്ചു. സുശാന്തിന്റെ കസിന്റെ ഭാര്യ സുധാദേവിയാണ് തിങ്കളാഴ്ച മരിച്ചത്.

സുശാന്തിന്റെ മരണത്തെ തുടര്‍ന്ന് സുധാദേവി കടുത്ത മാനസിക പ്രയാസത്തിലായിരുന്നെന്നാണ് റിപ്പോര്‍ട്ട്. മരണ വിവരം അറിഞ്ഞതു മുതല്‍ ഇവര്‍ ഭക്ഷണം ഒന്നും കഴിച്ചിരുന്നില്ല. തിങ്കളാഴ്ച മുംബൈയില്‍ സുശാന്തിന്റെ ശവസംസ്‌കാരം നടക്കുന്ന സമയത്താണ് സുധാദേവിയുടെ മരണം.