ക്വീനിന് രണ്ടാം ഭാഗവുമായി ഡിജോ ജോസ് ആന്റണി. 2018ല്‍ പുതുമുഖങ്ങളെ അണിനിരത്തി ഒരുക്കിയ ചിത്രം ‘ക്വീന്‍’ ബോക്‌സോഫീസില്‍ തരംഗമായിരുന്നു. ക്വീന്‍ എത്തി രണ്ട് വര്‍ഷത്തിന് ശേഷം ചിത്രത്തിന് രണ്ടാം ഭാഗം പ്രഖ്യാപിച്ചിരിക്കുകയാണ് സംവിധായകന്‍ ഡിജോ ജോസ് ആന്റണി. ഫേസ്ബുക്കിലൂടെയാണ് ചിത്രത്തിന് രണ്ടാം ഭാഗം ഒരുങ്ങുന്ന കാര്യം ഡിജോ അറിയിച്ചത്.

‘എവിടെ നിര്‍ത്തിയോ, അവിടെ തുടങ്ങുന്നു, ഇത്തവണ ഒറ്റക്കല്ല’ എന്നാണ് ഡിജോ എഫ്ബിയില്‍ കുറിച്ചിരിക്കുന്നത്. ചിത്രത്തിന്റെ മറ്റ് വിവരങ്ങള്‍ ഉടന്‍ എത്തുമെന്നും സംവിധായകന്‍ പറയുന്നു.

ടോവിനോ തോമസ് കേന്ദ്ര കഥാപാത്രമാകുന്ന ‘പള്ളിച്ചട്ടമ്പി’യാണ് ഡിജോയുടെ സംവിധാനത്തില്‍ പുറത്തിറങ്ങാനിരിക്കുന്ന അടുത്ത ചിത്രം. ‘പള്ളിച്ചട്ടമ്പി’യുടെ പ്രീ പ്രൊഡക്ഷന്‍ ജോലികള് പുരോഗമിക്കുകയാണെന്നും സംവിധായകന്‍ ഡിജോ പറഞ്ഞു.

2018ല്‍ പുറത്തിറങ്ങിയ ക്വീനില്‍ ധ്രുവന്‍, എല്‍ദോ മാത്യു, മൂസി, സാം സിബിന്‍, സാനിയ്യ ഇയ്യപ്പന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്. ഷെരിസ് മുഹമ്മദ്, ജെബിന് ജോസഫ് എന്നിവരാണ് ക്വീന്‍ ആദ്യഭാഗത്തിന്റെ തിരക്കഥ രചിച്ചത്. മികച്ച വാണിജ്യ വിജയം നേടിയ ചിത്രം രണ്ടാം ഭാഗത്തിലും പഴയ വിജയം ആവര്‍ത്തിക്കാനാകുമെന്ന പ്രതീക്ഷയിലാണ് അണിയറക്കാര്‍.

2019 മലയാള സിനിമയില്‍ വിലസിയ കഥാപാത്രമാണ് റോബോട്ട് കുഞ്ഞപ്പന്‍. ആദ്യായിട്ടാണ് മലയാള സിനിമയില്‍ ഇത്തരത്തില്‍ ഒരു റോബോട്ട് ആരാധകരുടെ മനസ് കീഴടക്കുന്നത്. ആന്‍ഡ്രോയിഡ് കുഞ്ഞപ്പന്‍ എന്ന സിനിമയില്‍ ഭാസ്‌കര പൊതുവാള്‍ മാത്രമല്ല അദ്ദേഹത്തിന് കൂട്ടായെത്തുന്ന റോബോട്ടും ആരാധകരെ വല്ലാതെ ആകര്‍ഷിച്ചിരുന്നു.  യഥാത്ഥ റോബോട്ടിനെ പുറത്തെത്തിച്ചിരിക്കുകയാണ് പക്രു.

സൗബിന്‍, സൈജു കുറുപ്പ് എന്നിവരെ പ്രധാന കഥാപാത്രമാക്കി നവാഗതനായ രതീഷ് ബാലകൃഷ്ണപൊതുവാര്‍ സംവിധാനം ചെയ്ത ചിത്രമാണ് ആന്‍ഡ്രോയ്ഡ് കുഞ്ഞപ്പന്‍. ചിത്രം കണ്ടതിന് ശേഷം എല്ലാ പ്രേക്ഷകരുടെയും മനസില് ഉണ്ടായിരുന്ന ചോദ്യമാണ് ആരാണ് ഈ റോബോട്ട് എന്നത്. മനുഷ്യനാണോ അതോ യന്ത്രമാണോ എന്നതായിരുന്നു എല്ലാ ആളുകളുടേയും സംശയം. കഴിഞ്ഞ ദിവസമാണ് ചിത്രത്തിന്റെ അണിയറ പ്രവര്‍ത്തകര്‍ കുഞ്ഞപ്പനെ കുറിച്ചുള്ള വിവരങ്ങള്‍ പുറത്ത് വിട്ടത്. മിനിസ്‌ക്രീനിലെ കോമഡി ഷോകളിലൂടെയും പ്രേക്ഷകര്‍ക്ക് സുപരിചതനായ നടന്‍ സൂരജാണ് കുഞ്ഞപ്പനായി എത്തിയത്.

‘ഒരുപാടു അഭിമാനം തോന്നുന്നു കലാകാരാ താങ്കളെ ഓര്‍ത്തു. പക്രു ചേട്ടന്‍ പറഞ്ഞില്ല എങ്കില്‍ ഒരാളും അറിയില്ലായിരുന്നു ആ കുഞ്ഞപ്പന്‍ സൂരജ് ആയിരുന്നെന്ന്’ എന്നാണ് ഒരാള്‍ കമന്റ് ചെയ്തത്.

നടി ഊര്‍മിള ഉണ്ണിയുടെ മകളും നടിയുമായ ഉത്തര ഉണ്ണി വിവാഹിതയാകുന്നു.  നൃത്തത്തെ ജീവവായുവായി കാണുന്ന ഉത്തരയെ മോതിരം അണിയിച്ചതിനൊപ്പം കാലില്‍ ചിലങ്ക കെട്ടിക്കൊടുത്തുകൊണ്ടുമായിരുന്നു നിതേഷിന്റെ വിവാഹാഭ്യര്‍ത്ഥന. ഇതിന്റെവീഡിയോ ഉത്തര ഫേസ്ബുക്കില്‍ പോസ്റ്റ് ചെയ്തത് ഏറെ ശ്രദ്ധ നേടിയിരുന്നു. ബംഗളൂരുവിലെ യുടിഐസി എന്ന കമ്പനിയുടെ ഉടമയാണ് നിതേഷ്. പീകോക്ക് നിറത്തിലുള്ള ലെഹങ്ക അണിഞ്ഞ് അതിമനോഹരിയായാണ് ഉത്തര ചടങ്ങിന് എത്തിയത്. ഈ വര്‍ഷം ഏപ്രില്‍ അഞ്ചിനാണ് വിവാഹം. എറണാകുളം കുമ്പളത്തെ സ്വകാര്യ റിസോര്‍ട്ടില്‍ വച്ച് ഇരു കുടുംബങ്ങളുടെയും സാന്നിധ്യത്തില്‍ കഴിഞ്ഞദിവസമായിരുന്നു വിവാഹനിശ്ചയം.
ബംഗളൂരുവിലുള്ള യുടിഐ സെഡ് എന്ന കമ്പനിയുടെ ഉടമയാണ് നിതേഷ് നായര്‍ . നടി സംയുക്ത വര്‍മയും, ബിജു മേനോനും ചടങ്ങില്‍ സന്നിഹിതരായിരുന്നു. ഭരതനാട്യ പ്രകടനങ്ങളിലൂടെ ശ്രദ്ധേയയായ ഉത്തര ഉണ്ണി ലെനിന് രാജേന്ദ്രന് സംവിധാനം ചെയ്ത ”ഇടവപ്പാതി”യിലൂടെയാണ് മലയാള സിനിമാ അഭിനയത്തിലേക്ക് എത്തുന്നത്. സംവിധാനത്തോടും താല്പര്യമുള്ള ഉത്തര ഏതാനും ശ്രദ്ധേയ ഷോര്ട്ട് ഫിലിമുകളും ഒരുക്കിയിട്ടുണ്ട്.

അവതാരക മീര അനില്‍ വിവാഹ വിശേഷങ്ങള്‍ പങ്ക് വച്ച് എത്തിയിരിക്കുകയാണ്. ജൂണ്‍ അഞ്ചിനാണ് മീരയുടെ വിവാഹം. മല്ലപ്പള്ളി സ്വദേശി വിഷ്ണുവാണ് മീരയുടെ വരന്‍. പ്രണയവിവാഹങ്ങള്‍ നിറഞ്ഞ ഈ സമയത്ത് ഒരു അറേഞ്ച്ഡ് മാര്യേജിന്റെ കഥ തന്നെയാണ് മീരക്ക് പറയാനുള്ളത്. വിഷ്ണുവിനെ ആദ്യമായി കണ്ട കാര്യവും ലൗ അറ്റ് ഫസ്റ്റ് സൈറ്റുമെല്ലാം പങ്ക് വെച്ചിരിക്കുകയാണ് മീര.

മീരയുടെ വാക്കുകള്‍ ഇങ്ങനെ..

വിഷ്ണുവിന്റെ വീട് തിരുവല്ല, മല്ലപ്പള്ളിയിലാണ്. വെല്‍ അറേഞ്ച്ഡ് ആണ് വിവാഹം. മാട്രിമോണിയല്‍ വഴി വന്ന ആലോചനയാണ്. വിഷ്ണു ആദ്യം പെണ്ണ് കണ്ടത് എന്നെയാണ്. എന്നെ ആദ്യം പെണ്ണ് കാണാന്‍ വന്നത് വിഷ്ണു ആണെന്നതാണ് മറ്റൊരു കൗതുകം. ജാതകം നോക്കിയപ്പോള്‍ നല്ല പൊരുത്തം. എന്റെ ആകെ ആവശ്യം വിവാഹം ഉറപ്പിക്കും മുമ്പ് ചെറുക്കനോട് സംസാരിക്കണം എന്നതായിരുന്നു. ഞാന്‍ വളരെ ഓപ്പണ്‍ മൈന്‍ഡഡാണ്. ഒരുപാട് പ്രപ്പോസല്‍സ് മുമ്പേ വന്നിട്ടുണ്ടെങ്കിലും കുറച്ച് സ്പെഷ്യല്‍ എന്നു തോന്നുന്ന ഒരാള്‍ വേണം എന്ന് ആഗ്രഹമുണ്ടായിരുന്നു. കഴിഞ്ഞ ഡിസംബര്‍ 8 ന് ആയിരുന്നു എന്റെ പിറന്നാള്‍. അന്ന് തിരുവനന്തപുരത്ത് വച്ച് കാണാന്‍ തീരുമാനിച്ചു. നേരില്‍ കണ്ട്, എങ്ങനെയുണ്ട് എന്ന് അറിയണമല്ലോ. പക്ഷേ, കണ്ട് ആദ്യ നിമിഷം തന്നെ ലവ് അറ്റ് ഫസ്റ്റ് സൈറ്റ് എന്നൊന്നുണ്ടെന്ന് ജീവിതത്തില്‍ ആദ്യമായി ഞാന്‍ മനസ്സിലാക്കി. ഇനി ഇതു മതി എന്നു തീരുമാനിച്ചു. ആ ദിവസം ഞാന്‍ എന്റെ അച്ഛനും അമ്മയ്ക്കും കൊടുത്ത ഗിഫ്റ്റാണ് വിഷ്ണു. അവര്‍ മറ്റെല്ലാം ആലോചിച്ചുറപ്പിച്ച് എന്റെ യെസ് കേള്‍ക്കാന്‍ കാത്തു നില്‍ക്കുകയായിരുന്നു.
പ്രപ്പോസല്‍ വന്നപ്പോള്‍ വിഷ്ണുവിന് ഒത്തിരി കണ്‍ഫ്യൂഷന്‍സ് ഉണ്ടായിരുന്നു. ഒട്ടും മേക്കപ്പില്ലാത്ത ആളെയായിരുന്നു കക്ഷി നോക്കിക്കൊണ്ടിരുന്നത്. ഞാനാണെങ്കില്‍ ഓവര്‍ മേക്കപ്പിന്റെ കാര്യത്തില്‍ ട്രോളുകള്‍ വാങ്ങുന്ന ആളും. നേരില്‍ കാണുമ്പോള്‍ ഞാന്‍ മേക്കപ്പിലാകുമോ എന്ന് വിഷ്ണുവിന് പേടിയുണ്ടായിരുന്നു. ഞാന്‍ വളരെ സിംപിള്‍ ആയാണ് ചെന്നത്. കക്ഷി അതിശയിച്ചു പോയി.
എന്നെ ഇഷ്ടമാണ് എന്ന് വിഷ്ണു നേരത്തെ പറഞ്ഞിരുന്നു. നേരില്‍ കണ്ട് തീരുമാനിക്ക് എന്ന് ഞാന്‍ പറഞ്ഞപ്പോള്‍, വേണ്ട എനിക്ക് മാനസികമായി ഒരു അടുപ്പം തോന്നുന്നു എന്നു പറഞ്ഞു. കണ്ട് കഴിഞ്ഞ് പിരിയാന്‍ നേരം ജീവിതയാത്രയില്‍ നമ്മള്‍ മുന്നോട്ടാണോ അതോ ഇവിടെ വച്ച് പിരിയുകയാണോ എന്ന് ചോദിച്ചപ്പോള്‍ വിഷ്ണു ഒന്നും മിണ്ടാതെ ഒരു മോതിരം എന്റെ വിരലില്‍ അണിയിച്ചു. അപ്പോള്‍ കോവളത്ത് കടലിലേക്ക് മറയാന്‍ സൂര്യന്‍ വെമ്പുകയായിരുന്നു.