ആക്ഷൻ ഹീറോ വിശാലിനെ നായകനാക്കി നവാഗതനായ  തു.പാ.ശരവണൻ രചനയും സവിധാനവും നിർവഹിക്കുന്ന വീരമേ വാകൈ സൂടും എന്ന തമിഴ്-തെലുങ്ക് ദ്വിഭാഷാ ചിത്രത്തിൻ്റെ റിലീസ് തീയതി പ്ര്യാഖ്യാപിച്ചു. ചിത്രത്തിലെ നായക നായികമാരുടെ സ്റ്റില്ലുകളും അണിയറക്കാർ പുറത്തു വിട്ടു. 2022 ജനുവരി 26- നാണ് റിലീസ്.

ഭരണ കൂടത്തിനും, ഭരണ സ്വാധീനം ഉള്ളവർക്കും എതിരെ വ്യക്തികൾക്കും സമൂഹത്തിനും നേരെയുള്ള അവരുടെ പീഡനങ്ങൾക്കെതിരെ ഒരു സാധാരണ ചെറുപ്പക്കാരൻ നടത്തുന്ന സാഹസികമായ ഒറ്റയാൾ പോരാട്ടമാണ് ചിത്രത്തിൻ്റെ പ്രമേയം. എല്ലാ വിഭാഗം സിനിമാ പ്രേക്ഷകരെയും ആകർഷിക്കും വിധത്തിലുള്ള ആക്ഷൻ എൻ്റർടൈനറാണ് വീരമേ വാകൈ സൂടും .ഹൈദരാബാദ്, ചെന്നൈ എന്നിവിടങ്ങളിലാണ് ചിത്രീകരണം പൂർത്തിയായത്. ഡിംപിൾ ഹയാതിയാണ് നായിക.രവീണാ രവി, തുളസി, കവിതാ ഭാരതി, യോഗി ബാബു, ജോർജ് മരിയ, ബാബുരാജ്, ബ്ലാക്ക്ഷീപ്പ് ദീപ്തി, മഹാ ഗാന്ധി എന്നീ പ്രമുഖ താരങ്ങൾ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. കവിൻ രാജ് ഛായഗ്രഹണവും യുവൻ ഷങ്കർ രാജ സംഗീത സംവിധാനവും നിർവഹിച്ചിരിക്കുന്നു. അനൽ അരസു, രവി വർമ്മ, ദിനേശ് കാശി എന്നിവരാണ് സംഘട്ടന രംഗങ്ങൾ സംവിധാനം ചെയ്തിരിക്കുന്നത്. വിശാൽ തന്നെയാണ് തൻ്റെ വിശാൽ ഫിലിം ഫാക്ടറിയുടെ ബാനറിൽ  വീരമേ വാകൈ സൂടും നിർമ്മിച്ചിരിക്കുന്നത്.

– സി.കെ.അജയ് കുമാർ, പി ആർ ഒ

English Summary: Vishal’s Veerame Wakai Soodum Released On January 26th! New Stills Released

ഇന്ദ്രൻസ് നായകനായി നവാഗതനായ എ ബി ബിനിൽ കഥ തിരക്കഥ സംഭാഷണമെഴുതി സംവിധാനം ചെയ്യുന്ന “വാമനൻ” എന്ന ചിത്രത്തിന്റെ പൂജയും സ്വിച്ചോൺ കർമ്മവും എറണാകുളം കടവന്ത്ര കൊലയ്ക്കു ഭഗവതി ക്ഷേത്രാങ്കണത്തിൽ വെച്ച് നടന്നു.

സംവിധായകനും നടനുമായ ശ്രീകാന്ത് മുരളി സ്വിച്ചോൺ കർമ്മം നിർവ്വഹിച്ചു. സീമ ജി നായർ ആദ്യ ക്ലാപ്പടിച്ചു.
മൂവി ഗ്യാങ് പ്രൊഡക്ഷൻസ്ന്റെ ബാനറിൽ അരുൺ ബാബു കെ ബി, സമഹ് അലി എന്നിവർ ചേർന്ന് നിർമ്മിക്കുന്ന ഈ ചിത്രത്തിൽ ബൈജു സന്തോഷ് ഏറേ ശ്രദ്ധേയമായ കഥാപാത്രത്തെ അവതരിപ്പിക്കുന്നു.
നെൽസൺ,അരുൺ,ജെറി,കലാന്തൻ ബഷീർ, സെബാസ്റ്റ്യൻ, ജോർജ്ജ്,മനു,ദിൽഷ,പ്രഗ്യാ, ആദിത്യ,സീമ ജി നായർ , തുടങ്ങിയവരാണ് മറ്റു പ്രമുഖ താരങ്ങൾ.

അരുൺ ശിവൻ ഛായഗ്രഹണം നിർവ്വഹിക്കുന്നു.സന്തോഷ് വർമ്മയുടെ വരികൾ ക്ക് നിതിൻ ജോർജ്ജ് സംഗീതം പകരുന്നു.
എക്സിക്യൂട്ടീവ്
പ്രൊഡ്യൂസർ-രഘു വേണുഗോപാൽ,രാജീവ് വാര്യർ.പ്രൊഡക്ഷൻ കൺട്രോളർ-ബിനു മുരളി,
കല-നിധിൻ എടപ്പാൾ,
മേക്കപ്പ്-അഖിൽ ടി രാജ്, പ്രൊഡക്ഷൻ എക്സിക്യൂട്ടീവ്-പ്രജീഷ് പ്രഭാശൻ,

ഒരു മലയോര ഗ്രാമത്തിൽ ഹോം സ്റ്റേ മാനേജരായി ജോലിചെയ്യുന്ന ഒരാളുടെയും കുടുംബത്തിന്റെയും അതിജീവനത്തിന്റെ കഥ …ഒരു ഹൊറർ സൈക്കോ ത്രില്ലർ ചിത്രമാണ് “വാമനൻ”. നവംബർ ഇരുപത്തിയെട്ടിന് കുട്ടിക്കാനത്ത് ഈ ചിത്രത്തിൻ്റെ ചിത്രീകരണം ആരംഭിക്കുന്നു.
വാർത്ത പ്രചരണം-എ എസ്.ദിനേശ്.

ഏഷ്യാനെറ്റിൽ സംപ്രേക്ഷണം ചെയ്ത പരമ്പരകൾഅഗ്നിപുത്രി, കുങ്കുമപൂവ്, പരസ്പരം, ചന്ദനമഴ നീലക്കുയിൽ എന്നീ സൂപ്പർ ഹിറ്റുകൾ പ്രേക്ഷകർക്ക് സമ്മാനിച്ച റോസ് പെറ്റൽ എന്റർ ടൈം മെന്റ്സ് ഓരോ കുടുംബത്തിലും പ്രായഭേദമന്യേ സ്വീകരിക്കപ്പെടുന്ന മറ്റൊരു പരമ്പരയ്ക്ക് കൂടി തുടക്കം കുറിച്ചിരിക്കുകയാണ്. നവംബർ 22 മുതൽ “പളുങ്ക്” എന്ന പുതിയ പരമ്പര മലയാളി പ്രേക്ഷകരുടെ സ്വീകരണമുറിയിൽ ഏഷ്യനെറ്റ് എത്തിച്ചിരിക്കുന്നു.

കന്നട താരം തേജ് ഗൗഡയും, ഗുഷി സമ്പത്ത് കുമാറും മുഖ്യ വേഷങ്ങളിലെത്തുന്ന പരമ്പരയിൽ രാജേഷ് ഹെബ്ബാർ, സുബ്രഹ്മണ്യൻ, ലക്ഷ്മി പ്രിയ, ജോളി ഈശോ, ശ്രീജിത്ത് വിജയ് തുടങ്ങി അനേകം താരങ്ങൾ വേഷമിടുന്നു.

വ്യത്യസ്ത സാഹചര്യങ്ങളിൽ ജീവിക്കുന്ന യുവ ശാസ്ത്രജ്ഞനായ ദീപക്കിനെയും നിള എന്ന ഒരു സാധാരണ പെൺകുട്ടിയെയും ആസ്പദമാക്കിയുള്ള കഥയാണ് പളുങ്ക്. ഇരുവരുടെയും മാനസിക വേദനകളിലൂടെയും നിഷ്കളങ്കതയിലൂടെയും സഞ്ചരിക്കുന്ന പരമ്പര പ്രേക്ഷക ചേരുവകളെല്ലാം ചേർത്ത് സ്വീകരണമുറിയിലേക്ക് എത്താൻ തുടങ്ങിക്കഴിഞ്ഞു. ആരംഭം മുതൽക്കേ പ്രേക്ഷകരുടെ ഇഷ്ട പരമ്പരകളിലേക്ക് ഇടംനേടാൻ ഒരുങ്ങുകയാണ് പളുങ്ക്.

ചാനൽ ഇതിനോടകംതന്നെ പുറത്തുവിട്ട പ്രൊമോ വീഡിയോ ജനങ്ങൾ രണ്ടുകയ്യും നീട്ടി സ്വീകരിച്ചു കഴിഞ്ഞു. മറ്റു സൂപ്പർ ഹിറ്റ് പരമ്പരകൾ പോലെ തന്നെ പളുങ്കും പ്രേക്ഷകരാൽ ഇരുകൈയും നീട്ടി സ്വീകരിക്കപ്പെടും എന്നുള്ളത് തീർച്ചയാണ്.

എ വി പ്രൊഡക്ഷൻസിന്റെ ബാനറിൽ എബ്രഹാം വർഗ്ഗീസ് നിർമ്മിച്ച് റ്റി എസ് സുരേഷ് ബാബു സംവിധാനം ചെയ്യുന്ന കടമറ്റത്ത് കത്തനാർ എന്ന ഹൊറർ, ഫാന്റസി ത്രീഡി ചിത്രത്തിൽ പവർസ്റ്റാർ ബാബു ആന്റണി കത്തനാരാകുന്നു. ഒപ്പം ദക്ഷിണേന്ത്യൻ ഭാഷ സിനിമകളിലെ നിരവധി പ്രമുഖ താരങ്ങളും ചിത്രത്തിൽ അഭിനയിക്കുന്നു.

പതിനെട്ടാം നൂറ്റാണ്ടിൽ ജീവിച്ചിരുന്നുവെന്ന് ചരിത്രം പറയുന്ന കടമറ്റത്ത് കത്തനാർ എന്ന മാന്ത്രികനായ പുരോഹിതന്റെ ജീവിതത്തിന്റെ നേർക്കാഴ്ച്ചകളും പ്രതിബന്ധങ്ങളും അതിജീവനങ്ങളുമാണ് കഥ. 2011-ൽ റിലീസായ ഉപ്പുകണ്ടം ബ്രദേഴ്സ് ബാക്ക് ഇൻ ആക്ഷനു ശേഷം ടി എസ് സുരേഷ് ബാബു തിരിച്ചെത്തുന്ന ചിത്രമാണിത്. ആ ചിത്രത്തിൽ ബാബു ആന്റണി ശക്തമായ കഥാപാത്രം അവതരിപ്പിച്ചിരുന്നു. ആ കൂട്ടുകെട്ടിൽ എത്തിയ കോട്ടയം കുഞ്ഞച്ചൻ , ഉപ്പുകണ്ടം ബ്രദേഴ്സ്, കൂടിക്കാഴ്ച്ച തുടങ്ങിയ ചിത്രങ്ങളെല്ലാം സൂപ്പർ ഹിറ്റുകളായിരുന്നു. അതുകൊണ്ടു തന്നെ ഒരിടവേളയ്ക്കു ശേഷമെത്തുന്ന ചിത്രമെന്ന രീതിയിൽ കടമറ്റത്ത് കത്തനാരിൽ വൻ പ്രതീക്ഷയാണ് സിനിമാവൃത്തങ്ങളിലും പ്രേക്ഷകരിലും ഉണ്ടായിരിക്കുന്നത്.

തികച്ചും വ്യത്യസ്ത രീതിയിൽ ഒരുക്കുന്ന ഹൊറർ, ഫാന്റസി ചിത്രം, ത്രീഡിയുടെ പുത്തൻ സാങ്കേതിക ഉപയോഗിച്ചാണ് ചിത്രീകരിക്കുന്നത്. ചിത്രത്തിന്റെ പൂജയും ടൈറ്റിൽ ലോഞ്ചും സ്വിച്ചോണും തിരുവനന്തപുരത്ത് നടന്നു. ബാനർ – എ വി പ്രൊഡക്ഷൻസ്, സംവിധാനം – ടി എസ് സുരേഷ്ബാബു, നിർമ്മാണം – എബ്രഹാം വർഗ്ഗീസ്, ഛായാഗ്രഹണം – യു കെ സെന്തിൽകുമാർ , രചന – ഷാജി നെടുങ്കല്ലേൽ , പ്രദീപ് ജി നായർ , എഡിറ്റിംഗ് – കപിൽ കൃഷ്ണ, റീ- റെക്കോർഡിംഗ് -എസ് പി വെങ്കിടേഷ്, കോ-ഡയറക്ടർ – റ്റി എസ് സജി, സപ്പോർട്ടിംഗ് ഡയറക്ടർ – ബിജു കെ , ചമയം – പട്ടണം റഷീദ്, കല- ബോബൻ , കോസ്റ്റ്യുംസ് – നാഗരാജൻ, പ്രൊഡക്ഷൻ കൺട്രോളർ – എസ് മുരുകൻ അരോമ , പ്രോജക്ട് കോ – ഓർഡിനേറ്റർ – റ്റി എസ് രാജു , അസ്സോസിയേറ്റ് ഡയറക്ടേഴ്സ് – വൈശാഖ് ശ്രീനന്ദനം, സന്തോഷ് വേതാളം, ത്രീഡി പ്രോജക്ട് ഡിസൈനർ – ജീമോൻ പുല്ലേലി ,

പി ആർ ഓ – വാഴൂർ ജോസ് ,അജയ് തുണ്ടത്തിൽ.

സമുദ്രക്കനിയും സായ് പല്ലവിയുടെ (sai pallavi ) സഹോദരി പൂജ കണ്ണനും ( Pooja Kannan ) കേന്ദ്ര കഥാപാത്രങ്ങളാകുന്ന ചിത്തിരൈ സെവ്വനം ഡിസംബർ 3 മുതൽ Zee 5 ൽ പ്രീമിയർ ചെയ്യാൻ ഒരുങ്ങുകയാണ്.

പ്രശസ്ത സ്റ്റണ്ട് കൊറിയോഗ്രാഫർ സ്റ്റണ്ട് സിൽവ സംവിധാനം ചെയ്ത ചിത്രത്തിന് സംവിധായകൻ വിജയ് ആണ് തിരക്കഥ ഒരുക്കിയിരിക്കുന്നത്. വിജയും സിൽവയും ചേർന്നാണ് ചിത്രം നിർമ്മിക്കുന്നത്. നടി റിമ കല്ലിങ്കലാണ് ചിത്രത്തിൽ പോലീസ് വേഷത്തിലെത്തുന്നത്.

ചിത്രത്തിന് വേണ്ടി സംഗീതം ഒരുക്കുന്നത് സാം സി എസ് ആണ്, ചിത്തിരൈ സേവ്വനത്തിന് വേണ്ടി മനോജ് പരമഹംസയും കെ ജി വെങ്കിടേഷും ക്യാമറ ചലിപ്പിച്ചിരിക്കുന്നു.

ചിത്രത്തെപ്പറ്റി സമുദ്രക്കനി പറയുന്നതിങ്ങനെ : എന്റെ സഹോദരൻ സിൽവയിൽ നിന്ന് ഇത്രയും മനോഹരമായ ഒരു വൈകാരിക കഥ ഞാൻ പ്രതീക്ഷിച്ചിരുന്നില്ല. അദ്ദേഹം ഈ സ്ക്രിപ്റ്റ് പറഞ്ഞപ്പോൾ ഞാൻ ഉടനെ എന്റെ അനുവാദം നൽകി.

ചിത്രത്തിൽ പൂജ കണ്ണൻ അവതരിപ്പിക്കുന്ന കഥാപാത്രത്തിന്റെ അച്ഛനായാണ് സമുദ്രക്കനി വേഷമിട്ടിരിക്കുന്നത്.


English SUmmary : Sai Pallavi's sister Pooja Kannan's movie Chithirai Sevvanam

തമിഴ് സിനിമാക്കാരുടെ പേടി സ്വപ്നമാണ് ‘ബ്ലൂ സട്ടൈ’ എന്നറിയപ്പെടുന്ന   സിനിമാ നിരൂപകൻ ബ്ലൂഷർട്ട്.സി.ഇളമാരൻ. ഏതാണ്ട് പതിമൂന്നര ലക്ഷത്തിൽ പരം സബ് സ്‌ക്രൈബർമാരുള്ള ബ്ലൂ സട്ടൈയുടെ ‘ തമിഴ് ടാക്കീസ് ‘ യു ട്യൂബ് ചാനലിൽ  ഓരോ സിനിമയുടേയും വിമർശനങ്ങൾക്കുളള കാഴ്ചക്കാർ അതിനേക്കളുപരി. മുഖം നോക്കാതെ, ആരെയും കൂസാതെയുള്ള ഇയാളുടെ വിമർശനങ്ങൾക്കെതിരെ തമിഴ് സിനിമാ ലോകം ഒന്നടങ്കം മാരനെതിരെ പ്രതിഷേധിക്കയും പ്രതികരിക്കയും ചെയ്തിട്ടുണ്ട്. എങ്കിലും മാരൻ തൻ്റെ നയം മാറ്റിയിട്ടില്ല. പല സംവിധായകരോടും വലുപ്പ ചെറുപ്പം നോക്കാതെ, അവരുടെ സിനിമകളുടെ നൂലിഴ കീറി മുറിച്ച് വിമർശിച്ച് ” നിങ്ങൾക്കൊക്കെ വേറെ വല്ല പണിക്കും പോകരുതോ ? ” എന്ന് പോലും പറയാൻ മടി കാണിച്ചിട്ടില്ലാത്ത ആളാണ് ബ്ലൂ സട്ടൈ മാരൻ. അതേ സമയം നല്ല സിനിമകളെ പ്രശംസിക്കാർ തെല്ലും മടിക്കാറുമില്ല. ആ മാരനെ ഒരിക്കൽ സിനിമാ ലോകം വെല്ലു വിളിച്ചു . “എങ്കിൽ നീ ഒരു സിനിമ എടുത്ത് കാണിക്ക് ” എന്ന്. ബ്ലൂ സട്ടൈ ആ വെല്ലുവിളി സ്വീകരിച്ചു. അതിൻ്റെ ഫലമായി ജന്മം കൊണ്ട സിനിമിയാണ്  മാരൻ്റെ ” ആൻ്റി ഇൻഡ്യൻ “.

ബ്ലൂ സട്ടൈ മാരൻ സംവിധാനം ചെയ്ത് അഭിനയിക്കുന്ന, കാലിക രാഷ്ട്രീയത്തെയും സിനിമയേയും ഒരു പോലെ ആക്ഷേപിക്കുന്ന  ” ആൻ്റി ഇൻഡ്യൻ ” തുടക്കം മുതലേ വിവാദങ്ങളുടെ കയത്തിലാണ്. സെൻസറിൻ്റെ കടമ്പ കടന്ന് ഡിസംബർ ആദ്യവാരം പ്രദർശനത്തിനെത്തുന്ന ചിത്രത്തിൻ്റെ പരസ്യം തന്നെ സെൻസേഷനായിരുന്നു. മാരൻ്റെ ചിത്രം വെച്ച് “ആദരാഞ്ജലി” എന്ന തലക്കെട്ടോടെയാണ് ആദ്യ പോസ്റ്റർ തന്നെ പുറത്തു വിട്ടത്. അതു തന്നെ പ്രേക്ഷകരിൽ ആകാംഷ സൃഷ്ടിച്ചു. അതിനു ശേഷം പുറത്തിറക്കിയ ടീസറും, ട്രെയിലറും,പോസ്റ്ററുകളും   ആകാംഷയെ ഇരട്ടിപ്പിച്ചു. കൊല ചെയ്യപ്പെട്ട ഒരു മൃതശരീരത്തിന് അവകാശം ഉന്നയിച്ച് കൊണ്ട് മത – രാഷ്ട്രീയ സംഘടനകൾ നടത്തുന്ന വടം വലിയുടെ പശ്ചാത്തലത്തിലൂടെയാണ്  ബ്ലൂ സട്ടൈ മാരൻ ” ആൻ്റി ഇൻഡ്യൻ ” ദൃശ്യവൽക്കരിച്ചിരിക്കു ന്നത്. മൃതദേഹം തന്നെ കഥാപാത്രമാകുന്ന സിനിമ.സൂപ്പർ താരം മുതൽ ദേശീയ – പ്രാദേശിക രാഷ്ട്രീയത്തെ വരെ നിശിതമായി വിമർശിച്ച് കൊണ്ടുള്ള സറ്റയറാണ് ചിത്രം എന്ന് ട്രെയിലർ സൂചന നൽകുന്നു. മാരൻ തന്നെയാണു ചിത്രത്തിലെ ബാഷാ എന്ന കേന്ദ്ര കഥാപാത്രത്തെ അവതരിപ്പിക്കുന്നത്. രാധാ രവി, ആടുകളം നരേൻ, സുരേഷ് ചക്രവർത്തി, ‘വഴക്ക് എൺ ‘ മുത്തു രാമൻ എന്നിവരാണ് മറ്റു വിവാദ കഥാപാത്രങ്ങളെ അവതരിപ്പിക്കുന്നത്. മൂൺ പിക്ചേഴ്‌സിൻ്റെ ബാനറിൽ ആദം ബാവയാണ് ചിത്രം നിർമ്മിച്ചിരിക്കുന്നത്.

– സി. കെ. അജയ് കുമാർ, പി ആർ ഒ