ഭോപ്പാൽ: ഏപ്രിൽ ഫൂൾ ദിനത്തിൽ സുഹൃത്തിനെ പറ്റിക്കാനായി ആത്മഹത്യാ നാടകം അഭിനയിച്ച 17 വയസുകാരന് ദാരുണാന്ത്യം.മധ്യപ്രദേശിലെ ഇൻഡോറിലാണ് പതിനൊന്നാം ക്ലാസ് വിദ്യാർത്ഥി അഭിഷേക് പ്രാങ്കിനിടയിൽ അബദ്ധത്തിൽ തൂങ്ങിയത്. തിങ്കളാഴ്ച ഏപ്രിൽ ഫൂൾ ദിനത്തിൽ സുഹൃത്തുക്കൾക്ക് പ്രാങ്ക് ചെയ്യാനായി വ്യാജ ആത്മഹത്യ നടത്താനായിരുന്നു വിദ്യാർത്ഥിയുടെ നീക്കം.

വിദ്യാർത്ഥി തൻ്റെ സുഹൃത്തുമായി വീഡിയോ ചാറ്റിനിടെ സ്റ്റൂളിൽ കയറി നിന്ന് ഞാൻ ആത്മഹത്യ ചെയ്യാൻ പോകുകയാണെന്ന് പറയുകയായിരുന്നു. പ്രാങ്ക് ചെയ്യാനായി അഭിഷേക് കയർ കഴുത്തിലിട്ടെങ്കിലും കഴുത്തിലെ കയർ മുറുകുകയും ബോധംനഷ്ടപ്പെടുകയും ആയിരുന്നു. ഉടൻ തന്നെ സുഹൃത്തുക്കൾ അഭിഷേകികന്റെ മാതാപിതാക്കളെ വിവരം അറിയിക്കുകയും അവർ മുറിയിലേക്ക് ഓടിയെത്തി കെട്ട് അഴിക്കുകയും ചെയ്തു. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ലെന്ന് ദേശീയമാധ്യമമായ ഇന്ത്യ ടുഡേ റിപ്പോർട്ടിൽ വ്യക്തമാക്കുന്നു.

തിരുവനന്തപുരം: അരുണാചൽ പ്രദേശിൽ മലയാളി ദമ്പതികളേയും സുഹൃത്തിനേയും മരിച്ച നിലയിൽ കണ്ടെത്തിയ വാർത്ത പുറത്തായത് ഇന്ന് ഉച്ചയോടെയാണ്. മീനടം സ്വദേശികളായ നവീൻ, ഭാര്യ ദേവി, സുഹൃത്തും അധ്യാപികയുമായ ആര്യ (29) എന്നിവരെയാണ് അരുണാചലിന്റെ തലസ്ഥാനമായ ഇറ്റാനഗറിലെ ഹോട്ടലിൽ മരിച്ച നിലയിൽ കണ്ടെത്തിയത്. ആര്യയെ കാണാനില്ലെന്ന് കഴിഞ്ഞ മാസം 27 മുതൽ പൊലീസിൽ പരാതിയുമെത്തിയിരുന്നു.പിന്നാലെയാണ് മരണവാർത്തയും എത്തുന്നത്. സംഭവത്തിൽ ദുരൂഹയുണ്ടെന്നും ബ്ലാക്ക് മാജിക്കാണ് മരണത്തിന് പിന്നിലെന്നും ആരോപിച്ച് രം​ഗത്തെത്തുകയാണ് സാംസ്കാരിക പ്രവർത്തകനും മരിച്ച ദേവിയുടെ ബന്ധുവുമായ സൂര്യകൃഷ്ണമൂർത്തി.

നവീനും ദേവിയും ബ്ലാക് മാജിക്കിന്റെ കെണിയിൽ വീണുപോയി എന്നാണ് ദേവിയുടെ പിതാവ് ബാലൻ പറഞ്ഞതതെന്നും അദ്ദേഹം പറയുന്നു.-
നവീനും ദേവിയും ബ്ലാക് മാജിക്കിന്റെ കെണിയിൽ വീണുപോയി എന്നാണ് ദേവിയുടെ പിതാവ് ബാലൻ പറഞ്ഞത്. അദ്ദേഹത്തെ സമാധാനിപ്പിക്കാമെന്നു കരുതിയാണ് ഞാൻ വന്നത്. എന്നാൽ എന്നെപ്പോലെ ഒരാൾക്കു സമാധാനിപ്പിക്കാൻ പറ്റിയ ദുഃഖമൊന്നുമല്ല അദ്ദേഹത്തിന്റേത്. മരിച്ച മൂന്നു പേരും ഉയർന്ന വിദ്യാഭ്യാസം നേടിയവരാണെന്നും അദ്ദേഹം പ്രതികരിച്ചു. കഴിഞ്ഞ മാസം 27 മുതലാണ് ആര്യയെ കാണാതായത്. ഇത് ചൂണ്ടിക്കാട്ടി പിതാവ് പൊലീസിൽ പരാതിയും നൽകിയിരുന്നു. എന്നാൽ വട്ടിയൂർക്കാവ് പൊലീസിന്റെ അന്വേഷണം എങ്ങും എത്തിയിരുന്നില്ല. മരിച്ച ആര്യ തിരുവനന്തപുരത്തെ സ്വകാര്യ സ്കൂളിൽ അധ്യാപികയായിരുന്നു.

They fell for black magic; Culture activist Surya Krishnamurthy says couple and friend died in Arunachal due to witchcraft

ഗായകനും , സംഗീത സംവിധായകനുമായ ശങ്കർ മഹാദേവൻ പാടുന്ന ആദ്യ ഗുരുവായൂരപ്പ ഭക്തിഗാനം പുറത്തിറങ്ങി. പാടൂ ബാസുരീ നീ എന്ന് തുടങ്ങുന്നതാണ് ഗാനം . കൃഷ്ണനും ഓടക്കുഴലും തമ്മിലുള്ള നിതാന്ത പ്രണയമാണ് പാട്ടിൻ്റെ ഇതിവൃത്തം. പ്രശ്സ്ത സംഗീതജ്ഞൻ പ്രകാശ് ഉള്ളിയേരിയുടെ സംഗീതത്തിൽ ബി.കെ ഹരിനാരായണനാണ് ഗാനത്തിൻ്റെ രചന. ഇന്ത്യയിലെ പുല്ലാങ്കുഴൽ പ്രതിഭകളിൽ ഒരാളായ എസ്. ആകാശ്, കി ബോർഡ് മാന്ത്രികൻ തുടങ്ങിയവരാണ് ഈ പാട്ടിൻ്റെ പിന്നണിയിൽ പ്രവർത്തിച്ചിട്ടുള്ളത്. സജി ആർ നായരാണ് ശബ്ദമിശ്രണം നിർവ്വഹിച്ചത്. ബാസുരി ആൻറ് ബീറ്റ്സിലൂടെയാണ് ഗാനം ആസ്വാദകരിലേക്കെത്തുന്നത്

English Summary : The first Guruvayurappa devotional song sung by Shankar Mahadevan was released

കൊച്ചി: ബി.ജെ.പി സർക്കാർ കേന്ദ്ര ഏജൻസികളെ വിട്ട് വേട്ടയാടൽ നടത്തുന്നു എന്ന ആരോപണം കത്തിപ്പടരവേ സി.പി.എം സംസ്ഥാന കമ്മിറ്റി അം​ഗവും മുൻ എം.പിയുമായ പി.കെ. ബിജുവിന് ഇ.ഡി നോട്ടീസ്. കരുവന്നൂർ സഹകരണ ബാങ്ക് കേസുമാ.യി ബന്ധപ്പെട്ടാണ് എൻഫോഴ്സ്മെന്റ് ഡയറക്ടറേറ്റ് കേസ് എടുത്തിരിക്കുന്നത്.വ്യാഴ്യാഴ്ച കൊച്ചിയിലെ ഇ ഡി ഓഫീസിൽ ഹാജരാകാനാണ് നിർദ്ദേശം നൽകിയിരിക്കുന്നത്. ബിജുവിനെ കൂടാതെ സിപിഐഎമ്മിൻ്റെ തൃശ്ശൂർ കോർപ്പറേഷൻ കൗൺസിലർ എം ആർ ഷാജനും ചോദ്യം ചെയ്യലിന് ഹാജരാകാൻ ആവശ്യപ്പെട്ട് ഇ ഡി നോട്ടീസ് നൽകിയിട്ടുണ്ട്.

കരുവന്നൂർ ബാങ്ക് തട്ടിപ്പ് കേസുമായി ബന്ധപ്പെട്ട് സി.പി.എം മുൻ എം.പിക്ക് പങ്കുണ്ടെന്ന് ഇ.ഡിയെ ഉദ്ധരിച്ച വാർത്തകൾ എത്തിയതിന് പിന്നാലെയാണ് പി.കെ ബിജുവിന് നോട്ടീസ് എത്തിയിരിക്കുന്നത്. ഇതോടെ തിരഞ്ഞെടുപ്പ് അടുത്ത വേളയിൽ സി.പി.എം പ്രതിരോധത്തിലായിരിക്കുകയാണ്. കരുവന്നൂർ ബാങ്കിലെ സിപിഐഎം അക്കൗണ്ടുകളുമായി ബന്ധപ്പെട്ടാണ് ചോദ്യം ചെയ്യൽ. ഇത് അഞ്ചാം തവണയാണ് എം എം വർഗീസിന് ചോദ്യം ചെയ്യലിന് ഹാജരാകാൻ ഇ ഡി നോട്ടീസ് നൽകുന്നത്. കരുവന്നൂർ ബാങ്കുമായി ബന്ധപ്പെട്ട കള്ളപ്പണ ഇടപാട് കേസിൽ സിപിഎം തൃശ്ശൂർ ജില്ലാ സെക്രട്ടറി എം എം വർഗീസിന് നേരത്തെ ഇ ഡി നോട്ടീസ് നൽകിയിരുന്നു. ബുധനാഴ്ച വീണ്ടും ചോദ്യം ചെയ്യലിന് ഹാജരാകണമെന്നാണ് നിർദ്ദേശത്തിൽ പറയുന്നു. കേസിൽ അറസ്റ്റിലായ സതീഷ് കുമാറുമായി പി കെ ബിജുവിന് ബന്ധമുണ്ടെന്നും സാമ്പത്തിക ഇടപാടുകളുണ്ടെന്നും ഇ.ഡി കണ്ടെത്തൽ എത്തിയിരുന്നു. എന്നാൽ വാർത്ത നിഷേധിക്കുക മാത്രമല്ല. തെളിവുണ്ടെങ്കിൽ കാണിക്കാൻ വെല്ലുവിളി നടത്തിയായിരുന്നു പി.കെ ബിജു രം​ഗത്തെത്തിയത്.

കരുവന്നൂരിൽ സി.പി.എമ്മിന് ബിനാമി അക്കൗണ്ടുകൾ വഴി പണം നിക്ഷേപമുണ്ടെന്നും എന്നാൽ അന്വേഷണത്തെ ഭയന്നതോടെ ഇത് പിൻവലിച്ചെന്നും ഇ.ഡി നി​ഗമനം എത്തിയിരുന്നു. എന്നാൽ പാർട്ടി ഇത് നിഷേധിക്കുക മാത്രമല്ല. മുഖ്യമന്ത്രിയും സി.പി.എം സംസ്ഥാന സെക്രട്ടറിയും അടക്കം വാർത്തകൾ മാധ്യമ സൃഷ്ടിയാണെന്ന് അഭിപ്രായം രേഖപ്പെടുത്തുകയും ചെയ്തിരുന്നു. പിന്നാലെയാണ് പി.കെ ബിജുവിലേക്കും നോട്ടീസ് എത്തുന്നത്. മുഖ്യമന്ത്രി പിണറായി വിജയന്റെ മകൾ ഇ.ഡി അന്വേഷണ പരിധിയിൽ നിൽക്കുന്നതും, അരവിന്ദ് കെജ്രിവാളടക്കമുള്ള ഇന്ത്യ സഖ്യത്തിലെ പ്രമുഖ നേതാക്കളെ ബി.ജെ.പി സർക്കാർ വേട്ടയാടുന്നത് ചൂണ്ടിക്കാട്ടി രാഷ്ട്രീയപരമായി നേരിടാനാണ് സി.പി.എമ്മിന്റേയും പ്രതിപക്ഷ പാർട്ടികളുടേയും ശ്രമം.

English Summary : P K Biju is set to be interrogated by the Enforcement Directorate regarding the Karuvannur bank scam

പത്തനംതിട്ട: പത്തംനംതിട്ടയിൽ എൻ.ഡി.എസ്ഥാനാർത്ഥി അനിൽ ആന്റണിക്കെതിരെ കുടുംബം ഒന്നാകെ രം​ഗത്തിറങ്ങുമെന്ന് ഉമ്മൻ ചാണ്ടിയുടെ മകൾ മറിയാമ്മ ഉമ്മൻ. അനിൽ ആന്റണിക്കെതിരെ പ്രചരണ രം​ഗത്ത് ഉണ്ടാകില്ലെന്ന തരത്തിൽ മറിയം ഉമ്മൻ പ്രതികരിച്ച രീതിയിൽ വാർത്ത എത്തിയതിന് പിന്നാലെയാണ് കടുംബത്തിന്റെ പ്രതികരണം. ഉമ്മൻചാണ്ടിയുടെ മക്കൾ പാർട്ടി വിടുമെന്നാണ് പല തരത്തിലുള്ള വാർത്തകൾ എത്തുന്നത്.

എന്നാൽ ഉമ്മൻ ചാണ്ടിയുടെ മക്കൾ തുണ്ടം ചെയ്താലും പാർട്ടി വിടില്ലെന്നും മറിയാമ്മ ഉമ്മൻ പ്രതികരിച്ചു. അനിൽ ആന്റണിക്കെതിരെ നാളെ മുതൽ യു.ഡി.എഫ് സ്ഥാനാർത്ഥിയുടെ പ്രചാരണത്തിനായി ഉണ്ടാകും. അച്ചുവിനെക്കുറിച്ചും, ചാണ്ടിയെക്കുറിച്ചുമെല്ലം കേൾക്കുന്നത് തെറ്റായ വാർത്തയാണ്. പാർട്ടി മാറ്റം ഉമ്മൻചാണ്ടിയുടെ മക്കൾക്ക് ഉണ്ടാകില്ലെന്നും മറിയാമ്മ ഉമ്മൻ പ്രചികരിച്ചു.

പത്തനംതിട്ടയിൽ പ്രചരണത്തിന് ഇറങ്ങുന്നത് അനിൽ ആന്റണിക്ക് എതിരെയല്ല, കോൺ​ഗ്രസ് എന്ന പ്രസ്ഥാനത്തിന് വേണ്ടിയാെന്നും മറിയാമ്മ ഉമ്മൻ പ്രതികരിച്ചു. ഇന്ത്യ മുന്നണി, കോൺ​ഗ്രസ് , ജയിക്കണം , അതിൽ വ്യക്തിപരമായ കാരണങ്ങളില്ലെന്നും മറിയമ്മ ഉമ്മൻ വ്യക്തമാക്കി. എനിക്ക് അനിൽ ചാണ്ടി മോനെ തന്നെയാണ്, മാതൃബന്ധം അങ്ങനെ പൊട്ടിച്ചുകളയാൻ കഴിയുമോ എന്നും മറിയാമ ഉമ്മൻ പ്രതികരിച്ചു.

തിരുവനന്തപുരം: കള്ളക്കടൽ പ്രതിഭാസത്തിൽ തിരുവനന്തപുരം ജില്ലയിലെ വലിയതുറ, കോവളം, വിഴിഞ്ഞം തീരപ്രദേശങ്ങളിലായി തകർന്നത് 15ലധികം ഭവനങ്ങൾ. നാല് ദിവസത്തെ മുന്നറിയിപ്പിൽ ഭയന്ന് വീട് വിട്ട് ഓടാനൊരുങ്ങുകയാണ് തീരദേശ ജനത. കഴിഞ്ഞ ദിവസത്തെ ഭീമമായ കടൽകയറ്റത്തിന്റെ നടുക്കുന്ന ഓർമകളാണ് മത്സ്യത്തൊഴിലാളികൾ കേരള 9 നോട് പങ്കുവച്ചത്. ഇരച്ചെത്തിയ തിരമാലകൾ ആദ്യം വീടുകൾ തകർത്തു. ഇറങ്ങി ഓടിയ പല കുടുംബങ്ങളും തലനാഴിരയ്ക്കാണ് രക്ഷപ്പെട്ടത്. മത്സ്യത്തൊഴിലാളി കോൺ​ഗ്രസ് ജില്ലാ പ്രസിഡന്റ് ആന്റണിയാണ് പ്രതികരണം രേഖപ്പെടുത്തിയത്.

സർക്കാർ കൊണ്ടുവന്ന അശാസ്ത്രീയമായ തീരസുരക്ഷാ രീതികൾ മൂലമാണ് അടിക്കടി കടൽക്ഷോഭത്തിൽ വീടുതൾക്ക് നാശനഷ്ടം ഉണ്ടാകുന്നതെന്ന് തീരദേശ വാസികളുടെ പ്രതികരണം. ഇന്നലെ ഉച്ചയോടെയാണ് കടൽ ഉൾവലിയുകയും പിന്നീട് തീരത്തേക്ക് അതിഭാകരമായ തിര എത്തിയതെന്നും മത്സ്യത്തൊഴിലാളികൾ പറയുന്നത്. ഭീമമായ തിരയിൽ വലിയ തുറ, പൊഴിയൂർ ഭാ​ഗത്താണ് ഏറ്റവും കൂടുതൽ നാശനഷ്ടം റിപ്പോർട്ട് ചെയ്തിരിക്കുന്നത്. 15ലധികം വീടുകൾ, ബീച്ചിലേക്കുള്ള റോഡ്, മത്സ്യഫെഡിന് കീഴിലുള്ള സ്ഥാപനങ്ങൾ, മിനിഹാർബറുകൾ ഉൾപ്പടെ ഭീമമായ തകർച്ചയാണ് പൊഴിയൂർ തീരം സാക്ഷ്യം വഹിച്ചിരിക്കുന്നത്. വീട് തകർന്നവരെ ജില്ലാ അധികൃതർ പൊഴിയൂർ സർക്കാർ സ്ക്കൂളിൽ പ്രവർത്തനം ആരംഭിച്ചിരിക്കുന്ന ദുരിതാശ്വാസ ക്യാമ്പിലേക്ക് മാറ്റി.

ഇന്നലെ മുതൽ തുടരുന്ന ഭീമൻ തിരയിൽ തമിഴ്നാട്ടിൽ രണ്ട് മരണവും റിപ്പോർട്ട് ചെയ്തു. മൂന്ന് ദിവസം കൂടി മത്സ്യത്തൊഴിലാളികൾ കടലിൽ പോകരുതെന്നണ് സംസ്ഥാന ദുരന്തനിവാരണ അതോറിറ്റിയുടെ മുന്നറിയിപ്പിൽ വ്യക്തമാക്കുന്നത്. അതേസമയം കോവളം ബീച്ചിൽ സന്ദർശകരെ പൂർണമായും വിലക്കി. ഇതരസംസ്ഥാനത്ത് നിന്നെത്തുന്ന വിനോദ സഞ്ചാരികളേയും വിദേശ സഞ്ചാരികളേയും ലൈഫ് ​ഗാർഡുമാർ പ്രത്യേക നിർദേശത്തോടെയാണ് ബീച്ചിൽ നിന്ന് മാറ്റിയത്.