ഇന്ത്യൻ സിനിമാ ലോകം ഏറ്റവും ആകാംഷയോടെ കാത്തിരുന്ന ബിഗ് ബജറ്റ് ചിത്രം ‘രാമായണം’ (Ramayana) ഔദ്യോഗിക ട്രെയിലർ പുറത്തിറങ്ങി. നിതീഷ് തിവാരി സംവിധാനം ചെയ്യുന്ന ഈ ബ്രഹ്മാണ്ഡ ചിത്രത്തിന്റെ ട്രെയിലർ ഇന്ന് പുലർച്ചെ ബ്രഹ്മമുഹൂർത്തത്തിലാണ് അണിയറപ്രവർത്തകർ പുറത്തുവിട്ടത്.
അതിശയിപ്പിക്കുന്ന വിഎഫ്എക്സ് (VFX) മികവും, ഗംഭീരമായ പശ്ചാത്തല സംഗീതവും, മികച്ച താരനിരയും കൊണ്ട് സമ്പന്നമായ ട്രെയിലർ ഇതിനോടകം തന്നെ സോഷ്യൽ മീഡിയയിൽ തരംഗമായിക്കഴിഞ്ഞു.
ട്രെയിലറിന്റെ പ്രധാന ആകർഷണങ്ങൾ
ശ്രീരാമനായി റൺബീർ കപൂർ: ശാന്തവും ഗൗരവപൂർണ്ണവുമായ ഭാവത്തിൽ മേരി യാദാ പുരുഷോത്തമനായ ശ്രീരാമനായി റൺബീർ കപൂർ എത്തുന്നു. കഥാപാത്രത്തിന് അനുയോജ്യമായ അസാധ്യമായ സ്‌ക്രീൻ പ്രസൻസാണ് റൺബീർ കാഴ്ചവെയ്ക്കുന്നത്.
ഗാംഭീര്യത്തോടെ കെ.ജി.എഫ് താരം യഷ്: ലോകം കീഴടക്കുമെന്ന പ്രഖ്യാപനത്തോടെ എത്തുന്ന രാവണനായി യഷ് ട്രെയിലറിൽ തിളങ്ങിനിൽക്കുന്നു. കഥാപാത്രത്തിന് അനുയോജ്യമായ ശബ്ദഗാംഭീര്യവും ലുക്കും രാവണന്റെ വില്ലൻ ഭാവങ്ങളെ വൻതോതിൽ ഉയർത്തിക്കാട്ടുന്നു.
സീതാദേവിയായി സായി പല്ലവി: സൗമ്യതയും നിരപരാധിത്വവും തുളുമ്പുന്ന ലുക്കിലാണ് സായി പല്ലവി സീതാദേവിയായി എത്തുന്നത്. ഇന്ത്യൻ സിനിമ കണ്ട മികച്ച കാസ്റ്റിംഗുകളിൽ ഒന്നായാണ് ഈ കോമ്പോയെ പ്രേക്ഷകർ വിലയിരുത്തുന്നത്.
ദൃശ്യസമൃദ്ധിയും വൻ താരനിരയും
പുഷ്പക വിമാനം, ഭീമാകാരമായ ജടായു, ഭയപ്പെടുത്തുന്ന രാക്ഷസ രൂപങ്ങൾ, വമ്പൻ കൊട്ടാരങ്ങൾ എന്നിവയൊക്കെ ഉൾപ്പെടുത്തിയുള്ള സിനിമാറ്റിക് വിഷ്വലുകൾ ചിത്രത്തിന്റെ ഭീമമായ കാൻവാസിനെ കാണിച്ചുതരുന്നു.
അരുൺ ഗോവിൽ (ദശരഥൻ), ലാറ ദത്ത (കൈകേയി), രാകുൽ പ്രീത് സിംഗ് (ശൂർപ്പണഖ), രവി ദുബെ (ലക്ഷ്മണൻ), സണ്ണി ഡിയോൾ (ഹനുമാൻ), കുനാൽ കപൂർ (ഇന്ദ്രദേവൻ) തുടങ്ങി ഇന്ത്യൻ സിനിമയിലെ വൻ താരനിര തന്നെയാണ് ഈ ചിത്രത്തിൽ അണിനിരക്കുന്നത്.
രണ്ട് ഭാഗങ്ങളായി റിലീസ്
ഈ ഇതിഹാസ കാവ്യ ചിത്രം രണ്ട് ഭാഗങ്ങളായാണ് പ്രേക്ഷകരിലേക്ക് എത്തുന്നത്:
ഭാഗം 1 (Part 1): 2026 ദീപാവലി റിലീസ്
ഭാഗം 2 (Part 2): 2027 ദീപാവലി റിലീസ്
നിതീഷ് തിവാരിയുടെ ആഴത്തിലുള്ള കാഴ്ചപ്പാടും അത്യാധുനിക സാങ്കേതികവിദ്യയും ചേരുമ്പോൾ ഇന്ത്യൻ സിനിമാ ചരിത്രത്തിലെ തന്നെ ഏറ്റവും വലിയ വിജയങ്ങളിലൊന്നായി ‘രാമായണം’ മാറും എന്ന കാര്യത്തിൽ സംശയമില്ല.
തിരുവനന്തപുരം: സംസ്ഥാനത്ത് അടുത്ത ദിവസങ്ങളിൽ നേരിയതോ മിതമായതോ ആയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കൻ ഗുജറാത്ത് തീരം മുതൽ വടക്കൻ കേരള തീരം വരെ നിലനിൽക്കുന്ന തീരദേശ ന്യൂനമർദ്ദ പാത്തിയുടെയും (Off-Shore Trough) അതിതീവ്ര ന്യൂനമർദ്ദത്തിന്റെയും (Deep Depression) സ്വാധീനത്തിലാണ് മഴ ശക്തമാകുന്നത്.
നിലവിൽ പടിഞ്ഞാറൻ ഛത്തീസ്ഗഢ്, വിദർഭ, തെക്കുകിഴക്കൻ മധ്യപ്രദേശ് എന്നിവയ്ക്ക് മുകളിലായി സ്ഥിതി ചെയ്യുന്ന അതിതീവ്ര ന്യൂനമർദ്ദം അടുത്ത 12 മണിക്കൂറിനുള്ളിൽ പടിഞ്ഞാറ് ദിശയിൽ നീങ്ങി ക്രമേണ തീവ്ര ന്യൂനമർദ്ദമായി (Depression) മാറും. തുടർന്ന് ഇത് വിദർഭ, തെക്കൻ മധ്യപ്രദേശ് വഴി പടിഞ്ഞാറ്-വടക്കുപടിഞ്ഞാറ് ദിശയിലേക്ക് നീങ്ങാനാണ് സാധ്യത.
പ്രധാന കാലാവസ്ഥ മുന്നറിയിപ്പുകൾ:
മഴയും കാറ്റും: ജൂലൈ 30 മുതൽ ആഗസ്റ്റ് 2 വരെ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും, ജൂലൈ 30 മുതൽ ആഗസ്റ്റ് 1 വരെ മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്.
വിവിധ ജില്ലകളിലെ അലർട്ടുകൾ
ഓറഞ്ച് അലർട്ട് (അതിശക്തമായ മഴ – 24 മണിക്കൂറിൽ 115.6 mm മുതൽ 204.4 mm വരെ):
ഇടിമിന്നലോടു കൂടിയ അതിശക്തമായ മഴയ്ക്കുള്ള സാധ്യത മുൻനിർത്തി താഴെ പറയുന്ന ജില്ലകളിൽ ഓറഞ്ച് അലർട്ട് പ്രഖ്യാപിച്ചു:
ജൂലൈ 30: ഇടുക്കി, എറണാകുളം, കോഴിക്കോട്, വയനാട്, കണ്ണൂർ.
ജൂലൈ 31: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂർ, കാസറഗോഡ്.
ആഗസ്റ്റ് 01: പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്.
മഞ്ഞ അലർട്ട് (ശക്തമായ മഴ – 24 മണിക്കൂറിൽ 64.5 mm മുതൽ 115.5 mm വരെ):
ഇടിമിന്നലോടു കൂടിയ ശക്തമായ മഴ പ്രവചിക്കുന്ന സാഹചര്യത്തിൽ താഴെ പറയുന്ന ജില്ലകളിൽ മഞ്ഞ അലർട്ട് പ്രഖ്യാപിച്ചു:
ജൂലൈ 30: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, തൃശൂർ, പാലക്കാട്, മലപ്പുറം, കാസറഗോഡ്.
ജൂലൈ 31: തൃശൂർ, പാലക്കാട്, മലപ്പുറം.
ആഗസ്റ്റ് 01: തിരുവനന്തപുരം, കൊല്ലം, ആലപ്പുഴ, കണ്ണൂർ, കാസറഗോഡ്.
ആഗസ്റ്റ് 02: പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂർ, കാസറഗോഡ്.
ജാഗ്രതാ നിർദ്ദേശം: മലയോര മേഖലകളിലും തീരദേശങ്ങളിലും പ്രകൃതിദുരന്ത സാധ്യതയുള്ള പ്രദേശങ്ങളിലും താമസിക്കുന്നവർ കാലാവസ്ഥ വകുപ്പിന്റെയും ദുരന്തനിവാരണ അതോറിറ്റിയുടെയും നിർദ്ദേശങ്ങൾ കർശനമായി പാലിക്കേണ്ടതാണ്.
ദുൽഖർ സൽമാനെ നായകനാക്കി പവൻ സാദിനേനി ഒരുക്കുന്ന പുതിയ തെലുങ്ക് ചിത്രം “ആകാശംലോ ഒക താര” യിലെ ആദ്യ ഗാനത്തിന് വമ്പൻ വരവേൽപ്പ്. സമൂഹ മാധ്യമങ്ങളിലടക്കം സൂപ്പർ ഹിറ്റായി മാറിയ ഗാനം, ഇതിനോടകം യൂട്യൂബിൽ നിന്ന് മാത്രം 6 മില്യൺ കാഴ്ചക്കാരിലധികമാണ് നേടിയത്. നായകൻ ദുൽഖർ സൽമാന്റെ ജന്മദിനം പ്രമാണിച്ചാണ് ജൂലൈ 28 ന് “ചിട്ടി ചിട്ടി ചീമ” ഗാനം റിലീസ് ചെയ്തത്. അരുൺ ആലാട്ട് വരികൾ രചിച്ച ഈ ഗാനത്തിന്റെ മലയാളം പതിപ്പ് ആലപിച്ചത് നിത്യ മാമ്മൻ ആണ്. ‘കുട്ടി കുട്ടി പൂവേ’ എന്ന വരികളോടെയാണ് മലയാളത്തിൽ ഈ ഗാനം ഒരുക്കിയിരിക്കുന്നത്. സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന, “ആകാശംലോ ഒക താര” തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവ സംയുക്തമായി അവതരിപ്പിക്കുന്നു. ചിത്രത്തിലെ നായികയായി വേഷമിട്ടിരിക്കുന്നത് പുതുമുഖം സാത്വിക വീരവല്ലിയാണ്.
ഒരിക്കൽ കേട്ടാൽ മനസ്സിലിടം പിടിക്കുന്ന മനോഹരമായ ഗാനം എന്നാണ് സമൂഹ മാധ്യമങ്ങളിൽ പ്രേക്ഷകർ ഈ ഗാനത്തെ വിശേഷിപ്പിക്കുന്നത്. ദേശീയ അവാർഡ് ജേതാവായ ജി വി പ്രകാശ് കുമാറാണ് ഈ ഗാനത്തിന് സംഗീതം നൽകിയിരിക്കുന്നത്. ഗാനത്തിലെ ദൃശ്യങ്ങൾക്കൊപ്പം, ഗാനത്തിൻ്റെ മേക്കിങ് ദൃശ്യങ്ങളും പുറത്ത് വന്ന വീഡിയോയുടെ ഭാഗമായിരുന്നു.
ദുൽഖർ സൽമാൻ, സാത്വിക എന്നിവർ അവതരിപ്പിക്കുന്ന കേന്ദ്ര കഥാപാത്രങ്ങളുടെ ജീവിതത്തിലൂടെയാണ് ചിത്രം സഞ്ചരിക്കുന്നത് എന്ന സൂചനയാണ് ഗാനം നൽകിയത്. ചിത്രത്തിൽ കൃഷ്ണ എന്ന കഥാപാത്രമായി എത്തുന്ന ദുൽഖറിൻ്റെ ലുക്കും ഏറെ ശ്രദ്ധ നേടുന്നുണ്ട്. നൂതന ശൈലിയിലുള്ള കഥപറച്ചിലിനും അതുല്യമായ സിനിമാറ്റിക് സമീപനത്തിനും പേരുകേട്ട പവൻ സാദിനേനി ഒരുക്കുന്ന ചിത്രമെന്ന നിലയിൽ വലിയ പ്രതീക്ഷകളോടെയാണ് പ്രേക്ഷകർ ഈ ചിത്രം കാത്തിരിക്കുന്നത്. ശ്രുതി ഹാസൻ ആണ് ചിത്രത്തിലെ മറ്റൊരു നിർണ്ണായക വേഷം ചെയ്യുന്നത്. ചിത്രത്തിൻ്റെ ഫസ്റ്റ് ലുക്ക് പോസ്റ്റർ നേരത്തെ തന്നെ പുറത്ത് വരികയും പ്രേക്ഷക ശ്രദ്ധ നേടുകയും ചെയ്തിരുന്നു.
പ്രേക്ഷകരുടെ മനസ്സിൽ തൊടുന്ന ഒരു ഫീൽ ഗുഡ് ഡ്രാമ ആയിരിക്കും ചിത്രം എന്ന സൂചനയാണ് പോസ്റ്ററുകളും നായികയെ അവതരിപ്പിച്ചു കൊണ്ടുള്ള ഗ്ലിംബ്സ് വീഡിയോയും “കുട്ടി കുട്ടി പൂവേ” ഗാനവും സമ്മാനിക്കുന്നത്.
മഹാനടി, സീത രാമം, ലക്കി ഭാസ്കർ തുടങ്ങിയ ചിത്രങ്ങളിലെ മികച്ച പ്രകടനങ്ങളിലൂടെ തെലുങ്ക് സിനിമയിൽ ശ്രദ്ധേയനായ ദുൽഖർ, പ്രഭാസിൻ്റെ കൽക്കി 2898AD എന്ന ചിത്രത്തിലും ശ്രദ്ധേയമായ ഒരു അതിഥി വേഷം ചെയ്തിരുന്നു. അതിന് ശേഷം ദുൽഖർ അഭിനയിച്ച തെലുങ്ക് ചിത്രമാണ് “ആകാശംലോ ഒക താര”. ആരാധകരും സിനിമാ പ്രേമികളും ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന്റെ റിലീസ് ഉൾപ്പെടെയുള്ള കാര്യങ്ങളെ സംബന്ധിച്ചുള്ള കൂടുതൽ വിവരങ്ങൾ വൈകാതെ പുറത്തു വിടും. തെലുങ്ക്, തമിഴ്, ഹിന്ദി, മലയാളം ഭാഷകളിൽ പാൻ ഇന്ത്യൻ ചിത്രമായി “ആകാശം ലോ ഒക താര” പ്രദർശനത്തിന് എത്തും.
രചന, തിരക്കഥ – ഗുന്നം ഗംഗരാജു, കഥ – പവൻ സദിനേനി & വസന്ത് ജുറു, അധിക തിരക്കഥ – വസന്ത് ജുറു, ഛായാഗ്രഹണം – സുജിത് സാരംഗ്, എഡിറ്റർ – പ്രവീൺ കെ.എൽ, പ്രൊഡക്ഷൻ ഡിസൈനർ – ശ്വേത സാബു സിറിൽ, എക്സിക്യൂട്ടീവ് പ്രൊഡ്യൂസർ – ചന്തു നിമ്മഗദ്ദ, സഹസംവിധായകൻ – സുരേഷ് പരുച്ചൂരി, ലൈൻ പ്രൊഡ്യൂസർ – യെലെപ്പെട്ടി ശ്രീനിവാസ്, പ്രൊഡക്ഷൻ ടീം – ബത്തലൂരി ലോകേഷ് കുമാർ, ജതിൻ സി.എച്ച്, മുവ്വ ഗോപി, തേജ രാംകി, ഡയറക്ഷൻ വിഭാഗം – ഡിപിവി സന്തോഷ്, ഗയം ഈശ്വർ, സൗരബ് റെഡ്ഡി, സിഎച്ച്. നരസിംഹ റെഡ്ഡി, മഹാംകാളി വിനയ് കുമാർ, ചന്ദ്ര ശേഖർ ഹുഗ്ഗിഹെല്ല, വിശാഖ് പട്ടേൽ കോതപ്പള്ളി, കൊങ്ക രോഹൻ, പ്രീതം ശകുനാല, നിമ്മഗദ്ദ ആസീഷ് പ്രീതം, രാം മോഹൻ കോമണ്ഡൂരി, കോസ്റ്റ്യൂം ഡിസൈനർ – പല്ലവി സിംഗ്, കലാസംവിധാനം – വംശി കൃഷ്ണ, സൗണ്ട് ഡിസൈനർ – സിങ്ക് സിനിമ, പബ്ലിസിറ്റി ഡിസൈനർ – അനിൽ ഭാനു, വിഎഫ്എക്സ് – എഗ്വൈറ്റ് വിഎഫ്എക്സ്, Vfx സൂപ്പർവൈസർ – തൗഫീഖ് ഹുസൈൻ, കളറിസ്റ്റ് – ഷൺമുഖ പാണ്ഡ്യൻ എം, സ്റ്റിൽസ്- സായ് ശശാങ്ക്, മാർക്കറ്റിംഗ് – വാൾസ് ആൻഡ് ട്രെൻഡ്സ്, പിആർഒ – ശബരി
വയനാടിന്റെ ചരിത്രത്തിലെ ഏറ്റവും ഭീകരമായ പ്രകൃതിദുരന്തങ്ങളിലൊന്നായ മുണ്ടക്കൈ-ചൂരൽമല ഉരുൾപൊട്ടലിന് ഇന്ന് (ജൂലൈ 30) രണ്ടു വർഷം തികയുന്നു. 2024 ജൂലൈ 30-ന് പുലർച്ചെയുണ്ടായ ദുരന്തത്തിന്റെ നോവിക്കുന്ന ഓർമ്മകളിൽ നിന്നും വയനാട് ഇന്നും പൂർണ്ണമായി മുക്തമായിട്ടില്ല.
ദുരന്തത്തിന്റെ നാൾവഴികൾ
ആദ്യ ഉരുൾപൊട്ടൽ: 2024 ജൂലൈ 30 പുലർച്ചെ 1:45-ഓടെ പുഞ്ചിരിമട്ടത്തു നിന്നായിരുന്നു ആദ്യ ഉരുൾപൊട്ടലുണ്ടായത്. മലമുകളിൽ നിന്ന് കുത്തിയൊലിച്ചെത്തിയ മണ്ണും കൂറ്റൻ പാറക്കല്ലുകളും പുഞ്ചിരിമട്ടത്തെയും മുണ്ടക്കൈ ടൗണിനെയും തുടച്ചുനീക്കി.
രണ്ടാമത്തെ ആഘാതം: പുലർച്ചെ 3:30-ഓടെയുണ്ടായ രണ്ടാമത്തെ ഉരുൾപൊട്ടലിൽ ചൂരൽമല സ്കൂൾ റോഡ്, ചൂരൽമല അങ്ങാടി, വെള്ളാർമല സ്കൂൾ, പുഴയോരത്തെ നൂറുകണക്കിന് വീടുകൾ എന്നിവ തകർന്നുപോയി.
ചാലിയാർ തീരത്തെ നൊമ്പരം: ദുരന്തത്തിൽ ഒഴുകിപ്പോയ പലരുടെയും മൃതദേഹങ്ങളും ശരീരാവശിഷ്ടങ്ങളും കിലോമീറ്ററുകൾ അകലെയുള്ള ചാലിയാറ പുഴയിൽ നിന്നാണ് കണ്ടെത്തിയത്.
ഔദ്യോഗിക കണക്കുകളും നിലവിലെ സ്ഥിതിയും
മരണസംഖ്യ: ഔദ്യോഗിക കണക്കുകൾ പ്രകാരം ദുരന്തത്തിൽ 298 പേർ മരണപ്പെട്ടു.
കണ്ടെത്താനുള്ളവർ:32 പേരുടെ മൃതദേഹങ്ങൾ ഇനിയും കണ്ടെത്താനായിട്ടില്ല.
മുന്നറിയിപ്പ് നൽകിയ രാമസ്വാമി: ദുരന്തത്തിന് തലേന്ന് (ജൂലൈ 29-ന്) പുഞ്ചിരിമട്ടത്തെ കുത്തിയൊഴുകുന്ന പുഴയുടെ ദൃശ്യങ്ങൾ കാണിച്ച് മാതൃഭൂമി ന്യൂസിലൂടെ മുന്നറിയിപ്പ് നൽകിയ രാമസ്വാമിയും ദുരന്തത്തിൽ ഒഴുകിപ്പോയി. കണ്ടെത്താനുള്ളവരുടെ പട്ടികയിൽ ഒന്നാമതാണ് ഇദ്ദേഹം.
നിർമ്മാണ പ്രവർത്തനങ്ങളും ഇന്നത്തെ അവസ്ഥയും
തകർന്ന വെള്ളാർമല സ്കൂളും സമീപ പ്രദേശങ്ങളും കാടുമൂടിയ അവസ്ഥയിലാണ്. പ്രദേശത്ത് താൽക്കാലികമായി നിർമ്മിച്ച ബെയ്‌ലി പാലത്തിന് പകരം സ്ഥിരം പാലം നിർമ്മിക്കുന്നതിനുള്ള കരാർ പൂർത്തിയായിക്കഴിഞ്ഞു. കൂടാതെ പുതിയ റോഡിന്റെ നിർമ്മാണവും പുന്നപ്പുഴയുടെ പുനരുദ്ധാരണവും പുരോഗമിക്കുകയാണ്.
നിർമ്മാണ പ്രവർത്തനങ്ങളും പുനരധിവാസവും പുരോഗമിക്കുമ്പോഴും, മുണ്ടക്കൈക്കും ചൂരൽമലയ്ക്കും ഇനി പഴയതുപോലൊരു തിരിച്ചുവരവ് സാധ്യമല്ലെന്ന തിരിച്ചറിവിലാണ് നാട്.
മലയാള സിനിമയിലെ യുവതാരങ്ങളിൽ ശ്രദ്ധേയമായ മുന്നേറ്റം തുടരുന്ന സാഗർ സൂര്യ വമ്പൻ ചിത്രങ്ങളിലെ നായക വേഷങ്ങളിലേക്ക്. സംവിധായകൻ വിനയന്റെ ബ്രഹ്മാണ്ഡ കാൻവാസിൽ ഒരുങ്ങുന്ന പുതിയ ഫാന്റസി ത്രില്ലറിൽ ഗിന്നസ് പക്രുവിനൊപ്പം നായക കഥാപാത്രത്തെ അവതരിപ്പിക്കുന്നത് സാഗർ സൂര്യയാണ്. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ ഭാഷകളിലും ഒരുങ്ങുന്ന ഈ പാൻ ഇന്ത്യൻ ചിത്രം സാഗറിന്റെ അഭിനയജീവിതത്തിലെ ഏറ്റവും വലിയ പ്രോജക്ടായാണ് വിലയിരുത്തപ്പെടുന്നത്. ടെലിവിഷനിലൂടെയും സിനിമകളിലൂടെയും ശ്രദ്ധ നേടിയ സാഗർ, ഓരോ ചിത്രത്തിലും വ്യത്യസ്ത കഥാപാത്രങ്ങൾ തിരഞ്ഞെടുക്കുന്ന നടനെന്ന നിലയിൽ ഇതിനോടകം തന്നെ സ്വന്തം വ്യക്തിമുദ്ര പതിപ്പിച്ചിട്ടുണ്ട്. ‘പണി’ എന്ന ചിത്രത്തിലെ കരുത്തുറ്റ വില്ലൻ കഥാപാത്രം സാഗറിന് വലിയ കൈയടി നേടിക്കൊടുത്തപ്പോൾ, നായകനായെത്തിയ ‘പ്രകമ്പനം’ എന്ന ഹൊറർ-കോമഡി ചിത്രവും മികച്ച പ്രേക്ഷകസ്വീകാര്യത സ്വന്തമാക്കി.
ഇപ്പോൾ വിനയനെപ്പോലൊരു സംവിധായകന്റെ ഏറ്റവും ആകാംക്ഷയുണർത്തുന്ന പ്രോജക്ടിൽ കേന്ദ്ര കഥാപാത്രമായി എത്തുന്നത് സാഗറിന്റെ കരിയറിലെ നിർണായക ചുവടുവെപ്പായാണ് വിലയിരുത്തപ്പെടുന്നത്.
“When Three Worlds Unite, Miracles Unfold” എന്ന ടാഗ് ലൈനോടെയാണ് ചിത്രം പ്രഖ്യാപിച്ചിരിക്കുന്നത്. ഇരുപതോളം യുവതാരങ്ങളും ഇരുനൂറിലധികം പൊക്കം കുറഞ്ഞ കലാകാരന്മാരും അണിനിരക്കുന്ന ചിത്രം പുതിയ സാങ്കേതികവിദ്യകളുടെ സഹായത്തോടെ ഒരുക്കുന്ന വലിയ ദൃശ്യവിസ്മയമായിരിക്കുമെന്ന് സംവിധായകൻ വിനയൻ അറിയിച്ചു. ഹാരിസ് കാഞ്ചഞ്ചേരിയാണ് നിർമ്മാണം. ചിത്രത്തിന്റെ പ്രീ-പ്രൊഡക്ഷൻ ജോലികളും ടെസ്റ്റ് ഷൂട്ടും പുരോഗമിക്കുകയാണ്.
‘അത്ഭുതദ്വീപ്’, ‘ലിറ്റിൽ സൂപ്പർമാൻ’, ‘അതിശയൻ’ തുടങ്ങിയ ഫാന്റസി ചിത്രങ്ങളിലൂടെ ശ്രദ്ധ നേടിയ വിനയൻ, വർഷങ്ങളായി മനസിൽ സൂക്ഷിച്ചിരുന്ന സ്വപ്നപദ്ധതിയാണ് ഈ സിനിമയെന്നും വ്യക്തമാക്കിയിട്ടുണ്ട്. കഥയും കഥാപാത്രങ്ങളും ദൃശ്യവിസ്മയവും സമന്വയിപ്പിക്കുന്ന പുതിയൊരു സിനിമാനുഭവമായിരിക്കും ഈ ചിത്രമെന്നാണ് അണിയറപ്രവർത്തകരുടെ പ്രതീക്ഷ.
പൃഥ്വിരാജ്- വൈശാഖ്- ജിനു എബ്രഹാം കൂട്ടുകെട്ടിലൊരുങ്ങുന്ന ” ഖലീഫ”യിലെ, തന്റെ ഭാഗങ്ങളുടെ ഡബ്ബിങ് പൂർത്തിയാക്കി മോഹൻലാൽ. മോഹൻലാലിനൊപ്പമുള്ള ചിത്രങ്ങൾ പങ്ക് വെച്ച് കൊണ്ടാണ് അണിയറ പ്രവർത്തകർ ഈ വിവരം അറിയിച്ചത്. ചിത്രത്തിൽ മാമ്പറയ്ക്കൽ അഹമ്മദ് അലി എന്ന കഥാപാത്രമായാണ് മോഹൻലാൽ അതിഥി താരമായി എത്തുന്നത്. ഈ കഥാപാത്രത്തിന്റെ കഥ പറയുന്ന, ചിത്രത്തിന്റെ രണ്ടാം ഭാഗത്തിൽ മോഹൻലാൽ നായകനായി എത്തും. ഈ വർഷം ഓണം റിലീസായി ഓഗസ്റ്റ് 20 നാണ് ഖലീഫ ആഗോള റിലീസായി തീയേറ്ററുകളിലെത്തുന്നത്. ജിനു ഇന്നോവേഷൻ്റെ ബാനറിൽ ജിനു എബ്രഹാമും സൂരജ് കുമാറും ചേർന്നാണ് ചിത്രം നിർമ്മിക്കുന്നത്. സഹനിർമ്മാതാവ് – സിജോ സെബാസ്റ്റ്യൻ, ശ്രീലാൽ ശൂലപാണി.
മാമ്പറയ്ക്കൽ അഹമ്മദ് അലി എന്ന കഥാപാത്രമായി മോഹൻലാൽ നൽകുന്ന വിസ്മയ നിമിഷങ്ങൾക്ക് സാക്ഷ്യം വഹിക്കുന്നതിനായി, രണ്ടാം ഭാഗത്തിനായുള്ള കാത്തിരിപ്പിലാണ് തങ്ങളെന്നും, ഇതൊരു യാത്രയുടെ തുടക്കം മാത്രമാണെന്നും സംവിധായകൻ വൈശാഖ് സമൂഹ മാധ്യമങ്ങളിൽ കുറിച്ചു. ‘പ്രതികാരം സുവർണ്ണ ലിപികളാൽ എഴുതപ്പെടും’ എന്ന ടാഗ് ലൈനോടെ എത്തുന്ന ചിത്രത്തിൽ മാമ്പറയ്ക്കൽ ആമിർ അലി എന്ന കഥാപാത്രമായാണ് പൃഥ്വിരാജ് വേഷമിടുന്നത്. മാമ്പറയ്ക്കൽ അഹമ്മദ് അലി എന്ന മോഹൻലാൽ കഥാപാത്രത്തിന്റെ കൊച്ചുമകൻ ആണ് ആമിർ അലി.
ബോളിവുഡ് താരം നീൽ നിതിൻ മുകേഷും ചിത്രത്തിന്റെ താരനിരയുടെ ഭാഗമാണ്. നീൽ ആദ്യമായി മലയാളത്തിൽ അഭിനയിക്കുന്ന ചിത്രം കൂടിയാണ് ഖലീഫ. ചിത്രത്തിലെ “അസലായവളെ” എന്ന ഗാനം അടുത്തിടെ പുറത്തു വരികയും സമൂഹ മാധ്യമങ്ങളിലുൾപ്പെടെ സൂപ്പർ ഹിറ്റായി മാറുകയും ചെയ്തു. തെലുങ്ക് താരം മാളവിക ശർമ്മ ആണ് ചിത്രത്തിലെ നായിക. മാളവികയുടെ ആദ്യ മലയാള ചിത്രമാണ് ഖലീഫ. പൃഥ്വിരാജ് – മാളവിക എന്നിവർ അവതരിപ്പിക്കുന്ന കേന്ദ്ര കഥാപാത്രങ്ങളുടെ പ്രണയ നിമിഷങ്ങളാണ് “അസലായവളെ” എന്ന ഗാനത്തിലൂടെ അവതരിപ്പിച്ചിരിക്കുന്നത്.
സ്വർണ്ണ കള്ളക്കടത്തിന്റെ പശ്‌ചാത്തലത്തിൽ വലിയ കാൻവാസിൽ കഥപറയുന്ന ഒരു ബിഗ് ബഡ്ജറ്റ് എന്റെർറ്റൈനെർ ആണ് ഖലീഫ എന്ന സൂചനയാണ് ചിത്രത്തിൻ്റെ നേരത്തെ ഗ്ലിംബ്സ് വീഡിയോ നൽകിയത്. മാസ്സ് സ്റ്റൈലിഷ് ആക്ഷൻ ത്രില്ലറായി ഒരുക്കുന്ന ചിത്രത്തിൽ, ത്രസിപ്പിക്കുന്ന ചേസ് രംഗങ്ങൾ, ആക്ഷൻ രംഗങ്ങൾ എന്നിവയും ഉണ്ടെന്നും ഗ്ലിംബ്സ് വീഡിയോ കാണിച്ചു തരുന്നുണ്ട്. ‘പോക്കിരി രാജ’യ്ക്കു ശേഷം വൈശാഖും പൃഥ്വിരാജും ഒന്നിക്കുന്ന ഈ ചിത്രം ലണ്ടൻ, ദുബായ്, കേരളം, നേപ്പാൾ എന്നിവിടങ്ങളിലെ വിവിധ ലൊക്കേഷനുകളിൽ ആയാണ് ചിത്രീകരിച്ചത്. ആദം ജോൺ, ലണ്ടൻ ബ്രിഡ്ജ്, മാസ്റ്റേഴ്സ്, കടുവ എന്നീ സിനിമകൾക്കു ശേഷം ജിനു എബ്രഹാം – പൃഥ്വിരാജ് ടീം ഒന്നിച്ച ചിത്രം കൂടിയാണിത്.
ഛായാഗ്രഹണം – ജോമോൻ ടി ജോൺ, സംഗീതം – ജേക്സ് ബിജോയ്, എഡിറ്റിംഗ് – ചമൻ ചാക്കോ, പ്രൊഡക്ഷൻ ഡിസൈനർ – മോഹൻദാസ്, ആക്ഷൻ – യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ, കോ ഡയറക്ടർ – സുരേഷ് ദിവാകർ, എക്സിക്യൂട്ടീവ് പ്രൊഡ്യൂസർ – ഷൈൻ വർഗീസ്, കോസ്റ്റ്യൂംസ് – മഷർ ഹംസ, കലാസംവിധാനം – വിശ്വനാഥ് അരവിന്ദ്, മേക്കപ്പ് – അമൽ ചന്ദ്രൻ, സൗണ്ട് ഡിസൈൻ – സിങ്ക് സിനിമ, അഡീഷണൽ മ്യൂസിക് – ജാബിർ സുലൈം, ഫൈനൽ മിക്സ് – എം ആർ രാജാകൃഷ്ണൻ, പ്രൊഡക്ഷൻ കൺട്രോളർ – റെനി ദിവാകർ, വിനോഷ് കൈമൾ, കളറിസ്റ്റ് – ശ്രീക്ക് വാര്യർ, പോസ്റ്റർ ഡിസൈൻ – എയ്സ്തെറ്റിക്ക് കുഞ്ഞമ്മ, ഡി ഐ – കളർ പ്ലാനറ്റ്, വിഎഫ്എക്സ് – പ്രശാന്ത് നായർ (3ഡിഎസ്), സ്റ്റിൽസ് – സിനറ്റ് സേവ്യർ, പ്രൊമോഷൻസ് ആൻഡ് മാർക്കറ്റിങ് – വിപിൻകുമാർ പൊഫാറ്റിയോ, പിആർഒ – ശബരി
തമിഴ് നടൻ വിശാൽ സംവിധാനം ചെയ്ത നായകനായി അഭിനയിച്ച “മകുടം” ആഗോള റിലീസ് ഓഗസ്റ്റ് 14 ന്. ചിത്രം കേരളത്തിലെ തീയേറ്ററുകളിൽ എത്തിക്കുന്നത് ന്യൂ സൂര്യ ഫിലിംസ്. അതേ ദിവസം തന്നെ തീയേറ്ററുകളിൽ എത്തുന്ന സൂര്യ ചിത്രം “വിശ്വനാഥ് ആൻഡ് സൺസ്” കേരളത്തിൽ എത്തിക്കുന്നതും ന്യൂ സൂര്യ ഫിലിംസ് തന്നെയാണ്. വിശാൽ തന്നെ രചിച്ചു സംവിധാനം ചെയ്ത “മകുടം” ആർ.ബി. ചൗധരിയുടെ സൂപ്പർ ഗുഡ് ഫിലിംസ് ആണ് നിർമ്മിക്കുന്നത്. സൂപ്പർ ഗുഡ് ഫിലിംസ് നിർമ്മിക്കുന്ന 99-മത്തെ സിനിമയാണിത്.
വിശാൽ നായകനാവുന്ന 35-മത്തെ സിനിമയാണ് മകുടം. വിശാൽ വൃദ്ധന്റെ വേഷത്തിൽ ഉൾപ്പടെ മൂന്നു ഗെറ്റപ്പുകളിൽ എത്തുന്ന ചിത്രം വമ്പൻ കാൻവാസിൽ ഒരുക്കിയിരിക്കുന്ന മാസ്സ് ആക്ഷൻ എന്റർടൈനറാണ്. സൂപ്പർഹിറ്റ് സിനിമയായ മാർക്ക് ആന്റണിക്ക്‌ ശേഷം ജി വി പ്രകാശ് സംഗീതം നൽകുന്ന വിശാൽ സിനിമ കൂടിയാണ് മകുടം. ചിത്രത്തിലെ നായികാ വേഷം ചെയ്യുന്നത് ദുഷാര വിജയനാണ്. അഞ്ജലിയും ചിത്രത്തിലെ പ്രധാന സ്ത്രീ കഥാപാത്രത്തെ അവതരിപ്പിക്കുന്നുണ്ട്. ചിത്രത്തിന്റെ ഫസ്റ്റ് ലുക്ക്, ടൈറ്റിൽ ടീസർ, ഗാനങ്ങൾ എന്നിവയും മികച്ച പ്രേക്ഷക ശ്രദ്ധ നേടിയിരുന്നു. ജോൺ വിജയ്, ജയ പ്രകാശ്, തമ്പി രാമയ്യ,ചിത്ര ലക്ഷ്മൺ, അജയ്, വംശി കൃഷ്ണ, അബു സലിം, അർജായ് പ്രിൻസ്, വി. ജെ. ഝാൻസി, പദം കുമാർ, സാബുമോൻ, അൻപ്, ശ്രീലേഖ വാസന്തി, രാധിക, സബിത റോയ്, ബാലതാരങ്ങളായ അശ്വിൻ, മായാ, സഞ്ജയ്, റിയാൻ, സായ് സഞ്ജൻ, ജെറിക്ക് എന്നിവരാണ് ചിത്രത്തിലെ മറ്റു താരങ്ങൾ.
നിർമ്മാതാക്കൾഃ ബി. സുരേഷ്, R.B. ജീവൻ ചൌധരി, ജിതൻ രമേഷ്, ജീവ, ഛായാഗ്രഹണംഃ റിച്ചാർഡ് എം. നാഥൻ & അഭിനന്ദൻ രാമാനുജം, സംഗീതംഃ ജി. വി. പ്രകാശ് കുമാർ, കലാസംവിധായകൻഃ ജി. ദുരൈരാജ്, ആക്ഷൻ ഡയറക്ടർഃ ദിലീപ് സുബ്ബരായൻ,എഡിറ്റർഃ N.B. ശ്രീകാന്ത്, ഡയലോഗുകൾഃ പൊൻ പാർത്ഥിപൻ, വിശാൽ, അനദ് കുമാരൻ (തമിഴ്), രാജേഷ് എ. മൂർത്തി (തെലുങ്ക്), കഥഃ രവി അരസു, വരികൾഃ ഏകാദശി, വിവേക്, ഉമാ ദേവി, കരുണാകരൻ, വി7എച്ച്, കോസ്റ്റ്യൂം ഡിസൈനർഃ വാസുകി ഭാസ്കർ, നൃത്തസംവിധാനംഃ ബൃന്ദാ, ദിനേശ്, അസർ, അപ്സാർ, പ്രൊഡക്ഷൻ എക്സിക്യൂട്ടീവ്ഃ M.V. രമേഷ് വിഷ്വൽ ഇഫക്റ്റ്സ് സ്റ്റുഡിയോഃ ലോർവൻ സ്റ്റുഡിയോ, സൌണ്ട് ഇഫക്റ്റ്സ് & മിക്സ്ഃ ടി. ഉദയ് കുമാർ (സൌണ്ട് വൈബ് സ്റ്റുഡിയോ), ഡിഐഃ ബി2എച്ച് സ്റ്റുഡിയോസ്, ടൈറ്റിൽ ഡിസൈനർഃ ട്യൂണി ജോഹാൻ, പബ്ലിസിറ്റി ഡിസൈനർഃ കണ്ണദാസൻ ഡി. കെ. ഡി., പ്രമോ സ്റ്റിൽസ്ഃ സുദർശൻ, സ്റ്റിൽസ്ഃ സായ് സന്തോഷ്, മാർക്കറ്റിംഗ്ഃ ടിക്കറ്റ് ഫാക്ടറി
ഇന്ത്യൻ കോംബാറ്റ് സ്പോർട്സിന് പുതിയ അധ്യായം കുറിച്ചുകൊണ്ട് ലോകപ്രശസ്ത കിക്ക്‌ബോക്സിംഗ് പ്രൊമോഷൻ ടീമായ കെ-1 വേൾഡ് ജിപി ഇന്ത്യയിൽ പൂർണതോതിലുള്ള ഇവന്റ് പരമ്പര ആരംഭിക്കുമെന്ന് പ്രഖ്യാപിച്ചു. പദ്ധതിപ്രകാരം പ്രതിവർഷം രാജ്യത്തെ വിവിധ നഗരങ്ങളിലായി 10 വമ്പൻ അന്താരാഷ്ട്ര പോരാട്ടമേളകൾ സംഘടിപ്പിക്കാനാണ് ലക്ഷ്യമിടുന്നത്. പ്രഖ്യാപനം യാഥാർഥ്യമായാൽ, ഇന്ത്യയിലെ കോംബാറ്റ് സ്പോർട്സ് ചരിത്രത്തിലെ ഏറ്റവും വലിയ അന്താരാഷ്ട്ര വിപുലീകരണങ്ങളിലൊന്നായിരിക്കും ഇത്. ഡ്രാക്കോ ഫൈറ്റ് സീരീസ് ആയി ചേർന്നാണ് കെ-1 വേൾഡ് ജിപി ഇന്ത്യയിൽ ഈ പദ്ധതി ആവിഷ്കരിക്കുന്നത്. “Unleash the Dragon” എന്ന ടാഗ് ലൈനോടെയാണ് ഡ്രാക്കോ ഫൈറ്റ് സീരീസ് അരങ്ങേറുന്നത്.
ഇന്ത്യയെ ആഗോള കോംബാറ്റ് സ്പോർട്സ് കലണ്ടറിലെ പ്രധാന വേദികളിലൊന്നാക്കി മാറ്റുകയാണ് കെ-1 വേൾഡ് ജിപിയുടെ ലക്ഷ്യം. ഔദ്യോഗിക കെ-1 നിയമങ്ങൾ അനുസരിച്ച് ലോകോത്തര താരങ്ങളും ഇന്ത്യയിലെ മികച്ച പോരാളികളും ഒരേ വേദിയിൽ ഏറ്റുമുട്ടുന്ന മത്സരങ്ങളായിരിക്കും ഇവ.
കിക്ക്‌ബോക്സിംഗ്, കരാട്ടെ, തായ്ക്വോണ്ടോ, മുയ് തായ്, ബോക്സിംഗ്, മിക്സ്ഡ് മാർഷ്യൽ ആർട്സ് (MMA) തുടങ്ങി നിരവധി പോരാട്ടകായിക ഇനങ്ങളിൽ ഇന്ത്യ മികച്ച പ്രതിഭകളെ സൃഷ്ടിച്ചിട്ടുണ്ടെങ്കിലും, സ്വന്തം നാട്ടിൽ ലോകോത്തര എതിരാളികൾക്കെതിരെ സ്ഥിരമായി മത്സരിക്കാനുള്ള അവസരങ്ങൾ ഇതുവരെ വളരെ കുറവായിരുന്നു. ആ കുറവ് നികത്തുക എന്ന ലക്ഷ്യത്തോടെയാണ് കെ-1 വേൾഡ് ജിപി ഇന്ത്യ സീരീസ് അവതരിപ്പിക്കുന്നത്.
സംഘാടകരുടെ വിശദീകരണപ്രകാരം, രാജ്യത്തെ പ്രധാന നഗരങ്ങളിലായി വർഷം മുഴുവൻ 10 പ്രൊഫഷണൽ നിലവാരത്തിലുള്ള ഇവന്റുകളാണ് സംഘടിപ്പിക്കുക. ഓരോ മത്സരത്തിലും അന്താരാഷ്ട്ര കിരീടപ്പോരാളികൾ, ഉയർന്നുവരുന്ന യുവതാരങ്ങൾ, ഇന്ത്യയിലെ മികച്ച പോരാളികൾ എന്നിവർ പങ്കെടുക്കും. ഇതിലൂടെ ഇന്ത്യൻ താരങ്ങൾക്ക് വിദേശത്തേക്ക് പോകാതെ തന്നെ ആഗോള വേദിയിൽ കഴിവ് തെളിയിക്കാനുള്ള അവസരം ലഭിക്കും.
പോരാട്ടരാത്രികളിൽ മാത്രം ഒതുങ്ങുന്നതല്ല ഈ പദ്ധതിയെന്ന് സംഘാടകർ വ്യക്തമാക്കുന്നു. താരവികസന പരിപാടികൾ, പുതിയ പ്രതിഭകളെ കണ്ടെത്തൽ, അന്താരാഷ്ട്ര പരിശീലന അവസരങ്ങൾ, പ്രചാരണ പ്രവർത്തനങ്ങൾ, മാധ്യമ പങ്കാളിത്തങ്ങൾ, രാജ്യത്തെ ജിമ്മുകളുമായും മാർഷ്യൽ ആർട്സ് അക്കാദമികളുമായും സഹകരണം എന്നിവയും പദ്ധതിയുടെ ഭാഗമാകും.
കെ-1 വേൾഡ് ജിപിയുടെ ആഗോള ശൃംഖലയെ പ്രതിഫലിപ്പിക്കുന്ന തരത്തിൽ വിവിധ രാജ്യങ്ങളിൽ നിന്നുള്ള പോരാളികൾ മത്സരങ്ങളിൽ പങ്കെടുക്കുമെന്നാണ് പ്രതീക്ഷ. ലോകമെമ്പാടും അംഗീകരിക്കപ്പെട്ട കെ-1 റൂൾസിന് കീഴിൽ നടക്കുന്ന മത്സരങ്ങളിൽ നിലവിലെ ചാമ്പ്യന്മാർ, മുൻനിര റാങ്കുകാർ, ഉയർന്നുവരുന്ന താരങ്ങൾ എന്നിവരെ ആരാധകർക്ക് ഒരേ വേദിയിൽ കാണാനാകും.
കായികരംഗത്തിനപ്പുറം, ടൂറിസം, ഹോസ്പിറ്റാലിറ്റി, ഇവന്റ് പ്രൊഡക്ഷൻ, ബ്രോഡ്കാസ്റ്റിംഗ്, സ്പോൺസർഷിപ്പ്, പ്രാദേശിക ബിസിനസ് പങ്കാളിത്തങ്ങൾ എന്നിവയിലൂടെ സാമ്പത്തിക നേട്ടങ്ങളും ഈ സംരംഭം സൃഷ്ടിക്കുമെന്നാണ് വിലയിരുത്തൽ. വലിയ അന്താരാഷ്ട്ര കായികമത്സരങ്ങൾ, ആതിഥേയ നഗരങ്ങളുടെ സമ്പദ്‌വ്യവസ്ഥയ്ക്കും പ്രാദേശിക കായിക വിപണിക്ക് ആഗോള തലത്തിൽ ശ്രദ്ധ നേടുന്നതിനും ഗുണകരമാകാറുണ്ടെന്ന് വിദഗ്ധർ ചൂണ്ടിക്കാട്ടുന്നു.
ഇന്ത്യൻ പോരാളികൾക്ക് അന്താരാഷ്ട്ര പ്രേക്ഷകരുടെയും ടാലന്റ് സ്കൗട്ടുകളുടെയും സ്പോൺസർമാരുടെയും പ്രൊഫഷണൽ മാനേജ്മെന്റ് സ്ഥാപനങ്ങളുടെയും ശ്രദ്ധ നേടാൻ ഈ സീരീസ് സഹായിക്കുമെന്നും സംഘാടകർ പ്രതീക്ഷിക്കുന്നു. രാജ്യത്ത് സ്ഥിരമായി ലോകോത്തര മത്സരങ്ങൾ സംഘടിപ്പിക്കുന്നത് ഇന്ത്യയിലെ അടുത്ത തലമുറ എലൈറ്റ് കിക്ക്‌ബോക്സർമാരുടെ വളർച്ചയ്ക്ക് വേഗം പകരുമെന്നാണ് അവരുടെ വിലയിരുത്തൽ.
ഓരോ ഇവന്റും ലോകോത്തര നിലവാരത്തിലുള്ള നിർമ്മാണശൈലിയോടെയായിരിക്കും ഒരുക്കുക. ഉദ്ഘാടനച്ചടങ്ങുകൾ, ലൈവ് വിനോദപരിപാടികൾ, ഡിജിറ്റൽ കണ്ടന്റ്, അന്താരാഷ്ട്ര സംപ്രേഷണം, ആരാധകർക്കായി പ്രത്യേക അനുഭവങ്ങൾ എന്നിവയും പരിപാടികളുടെ ഭാഗമാകും.
ലോകത്തിലെ പ്രധാന പ്രൊഫഷണൽ കോംബാറ്റ് സ്പോർട്സ് കേന്ദ്രങ്ങളിലൊന്നായി ഇന്ത്യയെ ഉയർത്തിക്കൊണ്ടുവരാനുള്ള ദീർഘകാല പദ്ധതിയുടെ ഭാഗമായാണ് ഈ സംരംഭമെന്ന് കെ-1 വേൾഡ് ജിപി അധികൃതർ വ്യക്തമാക്കുന്നു. സ്ഥിരമായ വാർഷിക കലണ്ടറിലൂടെ താരങ്ങൾക്ക് ദീർഘകാല പിന്തുണ ഉറപ്പാക്കുകയും രാജ്യത്ത് ഈ കായിക ഇനത്തിന്റെ ആരാധകവൃന്ദം വിപുലീകരിക്കുകയും ചെയ്യുകയാണ് ലക്ഷ്യം.
ആതിഥേയ നഗരങ്ങൾ, മത്സര തീയതികൾ, പങ്കെടുക്കുന്ന താരങ്ങൾ, ടിക്കറ്റ് വിൽപ്പന, ബ്രോഡ്കാസ്റ്റ് പങ്കാളികൾ, വാണിജ്യ പങ്കാളിത്തങ്ങൾ എന്നിവ സംബന്ധിച്ച കൂടുതൽ വിവരങ്ങൾ വരും ദിവസങ്ങളിൽ പ്രഖ്യാപിക്കുമെന്ന് സംഘാടകർ അറിയിച്ചു.
പദ്ധതി പ്രഖ്യാപിച്ചതുപോലെ നടപ്പായാൽ, കെ-1 വേൾഡ് ജിപിയുടെ ഇന്ത്യ പ്രവേശനം ഇന്ത്യൻ കോംബാറ്റ് സ്പോർട്സിന്റെ വളർച്ചയിൽ ചരിത്രപരമായ നാഴികക്കല്ലായി മാറും. ലോകോത്തര കിക്ക്‌ബോക്സിംഗ് മത്സരങ്ങളുടെ പുതിയ യുഗത്തിന് തുടക്കമിടുന്നതിനൊപ്പം, ആഗോള കെ-1 വേദിയിൽ ഇന്ത്യയ്ക്ക് ശക്തമായ സ്ഥാനം ഉറപ്പിക്കാനും ഇത് വഴിയൊരുക്കും.
ദുൽഖർ സൽമാൻ ചിത്രം “ഐ ആം ഗെയിം” ട്രെയ്‌ലർ ദുൽഖർ സൽമാന്റെ ജന്മദിനം പ്രമാണിച്ച് കഴിഞ്ഞ ദിവസം പുറത്ത് വരും എന്ന് പ്രഖ്യാപിച്ചിരുന്നെങ്കിലും, സാങ്കേതികപരമായ ചില കാരണങ്ങൾ മൂലം ട്രെയ്‌ലർ റിലീസ് ചെയ്യാൻ സാധിച്ചിരുന്നില്ല. മാത്രമല്ല, ട്രെയ്‌ലർ ഏറ്റവും മികച്ച രീതിയിൽ മറ്റൊരു ദിവസം റിലീസ് ചെയ്യുമെന്നും അണിയറ പ്രവർത്തകർ വ്യക്തമാക്കി. ഇപ്പോഴിതാ, തനിക്ക് ജന്മദിന ആശംസകൾ നൽകിയ, ചിത്രത്തിൻ്റെ സഹനിർമ്മാതാവ് ജോം വർഗീസിനോട് ട്രെയ്‌ലർ എവിടെ എന്ന സരസമായ ചോദ്യവുമായി എത്തിയിരിക്കുകയാണ് ദുൽഖർ സൽമാൻ. തൻ്റെ ഇൻസ്റ്റഗ്രാം സ്റ്റോറിയിലൂടെയാണ് ദുൽഖർ സൽമാനും ട്രെയ്‌ലർ അപ്ഡേറ്റ് ചോദിച്ചത്. “ആശംസകൾ ഒക്കെ കൊള്ളാം ജോം, പക്ഷേ ട്രെയ്‌ലർ എവിടെ?” എന്നായിരുന്നു ദുൽഖറിൻ്റെ ഇൻസ്റ്റഗ്രാം സ്റ്റോറി.
ദുൽഖർ സൽമാനെ നായകനാക്കി പവൻ സാദിനേനി ഒരുക്കുന്ന പുതിയ തെലുങ്ക് ചിത്രം “ആകാശംലോ ഒക താര” യിലെ ആദ്യ ഗാനം “ചിട്ടി ചിട്ടി ചീമ” ലിറിക്കൽ വീഡിയോ പുറത്ത്. നായകൻ ദുൽഖർ സൽമാന്റെ ജന്മദിനം പ്രമാണിച്ചാണ് ഈ ഗാനം റിലീസ് ചെയ്തത്. ദേശീയ അവാർഡ് ജേതാവായ ജി വി പ്രകാശ് കുമാറാണ് ഈ ഗാനത്തിന് സംഗീതം നൽകിയിരിക്കുന്നത്. അരുൺ ആലാട്ട് വരികൾ രചിച്ച ഈ ഗാനത്തിന്റെ മലയാളം പതിപ്പ് ആലപിച്ചത് നിത്യ മാമ്മൻ ആണ്. ‘കുട്ടി കുട്ടി പൂവേ’ എന്ന വരികളോടെയാണ് മലയാളത്തിൽ ഈ ഗാനം ആരംഭിക്കുന്നത്. സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന, “ആകാശംലോ ഒക താര” തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവ സംയുക്തമായി അവതരിപ്പിക്കുന്നു. ചിത്രത്തിലെ നായികയായി വേഷമിട്ടിരിക്കുന്നത് പുതുമുഖം സാത്വിക വീരവല്ലിയാണ്.
ഗാനത്തിലെ ദൃശ്യങ്ങൾക്കൊപ്പം, ഗാനത്തിൻ്റെ മേക്കിങ് ദൃശ്യങ്ങളും വീഡിയോയിൽ ഉൾപ്പെടുത്തിയിട്ടുണ്ട്. ദുൽഖർ സൽമാൻ, സാത്വിക എന്നിവർ അവതരിപ്പിക്കുന്ന കേന്ദ്ര കഥാപാത്രങ്ങളുടെ ജീവിതത്തിലൂടെയാണ് ചിത്രം സഞ്ചരിക്കുന്നത് എന്ന സൂചനയാണ് ആദ്യ ഗാനത്തിന്റെ ലിറിക് വീഡിയോ നൽകുന്നത്. നൂതന ശൈലിയിലുള്ള കഥപറച്ചിലിനും അതുല്യമായ സിനിമാറ്റിക് സമീപനത്തിനും പേരുകേട്ട പവൻ സാദിനേനി ഒരുക്കുന്ന ചിത്രമെന്ന നിലയിൽ വലിയ പ്രതീക്ഷകളോടെയാണ് പ്രേക്ഷകർ ഈ ചിത്രം കാത്തിരിക്കുന്നത്. ശ്രുതി ഹാസൻ ആണ് ചിത്രത്തിലെ മറ്റൊരു നിർണ്ണായക വേഷം ചെയ്യുന്നത്.
ചിത്രത്തിൻ്റെ ഫസ്റ്റ് ലുക്ക് പോസ്റ്റർ നേരത്തെ തന്നെ പുറത്ത് വരികയും പ്രേക്ഷക ശ്രദ്ധ നേടുകയും ചെയ്തിരുന്നു. പ്രേക്ഷകരുടെ മനസ്സിൽ തൊടുന്ന ഒരു ഫീൽ ഗുഡ് ഡ്രാമ ആയിരിക്കും ചിത്രം എന്ന സൂചനയാണ് പോസ്റ്ററുകളും നായികയെ അവതരിപ്പിച്ചു കൊണ്ടുള്ള ഗ്ലിംബ്സ് വീഡിയോയും ഇപ്പോൾ പുറത്തു വന്നിരിക്കുന്ന ഗാനവും സമ്മാനിക്കുന്നത്. മഹാനടി, സീത രാമം, ലക്കി ഭാസ്കർ തുടങ്ങിയ ചിത്രങ്ങളിലെ മികച്ച പ്രകടനങ്ങളിലൂടെ തെലുങ്ക് സിനിമയിൽ ശ്രദ്ധേയനായ ദുൽഖർ, പ്രഭാസിൻ്റെ കൽക്കി 2898AD എന്ന ചിത്രത്തിലും ശ്രദ്ധേയമായ ഒരു അതിഥി വേഷം ചെയ്തിരുന്നു. അതിന് ശേഷം ദുൽഖർ അഭിനയിച്ച തെലുങ്ക് ചിത്രമാണ് “ആകാശംലോ ഒക താര”. ആരാധകരും സിനിമാ പ്രേമികളും ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന്റെ റിലീസ് ഉൾപ്പെടെയുള്ള കാര്യങ്ങളെ സംബന്ധിച്ചുള്ള കൂടുതൽ വിവരങ്ങൾ വൈകാതെ പുറത്തു വിടും.
തെലുങ്ക്, തമിഴ്, ഹിന്ദി, മലയാളം ഭാഷകളിൽ പാൻ ഇന്ത്യൻ ചിത്രമായി “ആകാശം ലോ ഒക താര” പ്രദർശനത്തിന് എത്തും. ചിത്രത്തിന് സംഗീതമൊരുക്കുന്നത് ദേശീയ അവാർഡ് ജേതാവായ ജി വി പ്രകാശ് കുമാർ ആണ്.
രചന, തിരക്കഥ – ഗുന്നം ഗംഗരാജു, കഥ – പവൻ സദിനേനി & വസന്ത് ജുറു, അധിക തിരക്കഥ – വസന്ത് ജുറു, ഛായാഗ്രഹണം – സുജിത് സാരംഗ്, എഡിറ്റർ – പ്രവീൺ കെ.എൽ, പ്രൊഡക്ഷൻ ഡിസൈനർ – ശ്വേത സാബു സിറിൽ, എക്സിക്യൂട്ടീവ് പ്രൊഡ്യൂസർ – ചന്തു നിമ്മഗദ്ദ, സഹസംവിധായകൻ – സുരേഷ് പരുച്ചൂരി, ലൈൻ പ്രൊഡ്യൂസർ – യെലെപ്പെട്ടി ശ്രീനിവാസ്, പ്രൊഡക്ഷൻ ടീം – ബത്തലൂരി ലോകേഷ് കുമാർ, ജതിൻ സി.എച്ച്, മുവ്വ ഗോപി, തേജ രാംകി, ഡയറക്ഷൻ വിഭാഗം – ഡിപിവി സന്തോഷ്, ഗയം ഈശ്വർ, സൗരബ് റെഡ്ഡി, സിഎച്ച്. നരസിംഹ റെഡ്ഡി, മഹാംകാളി വിനയ് കുമാർ, ചന്ദ്ര ശേഖർ ഹുഗ്ഗിഹെല്ല, വിശാഖ് പട്ടേൽ കോതപ്പള്ളി, കൊങ്ക രോഹൻ, പ്രീതം ശകുനാല, നിമ്മഗദ്ദ ആസീഷ് പ്രീതം, രാം മോഹൻ കോമണ്ഡൂരി, കോസ്റ്റ്യൂം ഡിസൈനർ – പല്ലവി സിംഗ്, കലാസംവിധാനം – വംശി കൃഷ്ണ, സൗണ്ട് ഡിസൈനർ – സിങ്ക് സിനിമ, പബ്ലിസിറ്റി ഡിസൈനർ – അനിൽ ഭാനു, വിഎഫ്എക്സ് – എഗ്വൈറ്റ് വിഎഫ്എക്സ്, Vfx സൂപ്പർവൈസർ – തൗഫീഖ് ഹുസൈൻ, കളറിസ്റ്റ് – ഷൺമുഖ പാണ്ഡ്യൻ എം, സ്റ്റിൽസ്- സായ് ശശാങ്ക്, മാർക്കറ്റിംഗ് – വാൾസ് ആൻഡ് ട്രെൻഡ്സ്, പിആർഒ – ശബരി
ഇന്ദ്രജിത്ത് സുകുമാരന്‍ നായകനായി ലിജോ ജോസ് പെല്ലിശ്ശേരിയുടെ സംവിധാനത്തില്‍ 2010ല്‍ പുറത്തിറങ്ങിയ സിനിമ ‘നായകന്‍’ റീറിലീസ് ചെയ്യുന്നു. പതിനാറ് വർഷങ്ങൾക്ക് ശേഷം 4K ദൃശ്യമികവിൽ സെപ്റ്റംബർ 04ന് ആണ് ഇത്തവണ ചിത്രം തിയറ്ററുകളിലെത്തുക. ലിജോ ജോസ് പെല്ലിശ്ശേരി സംവിധാനം ചെയ്ത ആദ്യ ചിത്രമാണിത്. തന്റെ കുടുംബത്തെ ഇല്ലാതാക്കിയവരോട് പ്രതികാരം ചെയ്യാൻ എത്തുന്ന, വരദനുണ്ണി എന്ന കഥകളി കലാകാരനെയാണ് ഇന്ദ്രജിത്ത് അവതരിപ്പിച്ചത്.
പി.എസ് റഫീക്കിൻ്റെ രചനയിൽ പുറത്തിറങ്ങിയ ചിത്രത്തിൽ ഇന്ദ്രജിത്തിന് പുറമെ തിലകന്‍, ജഗതി ശ്രീകുമാര്‍, ധന്യ മേരി വര്‍ഗീസ്, സിദ്ദിഖ്, വിജയരാഘവൻ, ലാലു അലക്‌സ്, കലാശാല ബാബു, ചെമ്പൻ വിനോദ് ജോസ്, ശ്രീജിത്ത് രവി, അനിൽ മുരളി, സാലു കെ ജോർജ്ജ്, ശിവജ്, കിരൺരാജ്, ടോഷ് ക്രിസ്റ്റി, മജീദ്, രാജീവ് കളമശ്ശേരി, അംബികാ മോഹൻ എന്നിവരും നായകനില്‍ ഒന്നിച്ചു. ഇല്ലുമിനാറ്റോ ഫിലിംസിൻ്റെ ബാനറിൽ അനൂപ് ജോൺസൺ കരേടൻ ആണ് ചിത്രം നിർമിച്ചത്.
റിലീസ് വേളയിൽ ചിത്രം പരാജയപ്പെട്ടെങ്കിലും, ഇന്ദ്രജിത്തിന്റെ അഭിനയ കരിയറിലെ മികച്ച പ്രകടനങ്ങളിൽ ഒന്നാണ് വരദനുണ്ണി എന്ന കഥാപാത്രം. ദേവദൂതൻ, ഛോട്ടാ മുംബൈ, ഫ്രണ്ട്‌സ്, സമ്മർ ഇൻ ബത്ലഹേം എന്നീ സിനിമകൾക്ക് ശേഷം ഹൈ സ്റ്റുഡിയോസ് ആണ് നായകൻ്റെ 4K ഡോൾബി അറ്റ്മോസിൽ റീമാസ്റ്ററിംഗ് ചെയ്യുന്നത്. ഹൈസിൻ ഗ്ലോബൽ വെഞ്ചേഴ്സ് ആണ് ചിത്രം തിയേറ്ററുകളിൽ എത്തിക്കുന്നത്. മനോജ് പരമഹംസയാണ് ചിത്രത്തിൻ്റെ ഛായാഗ്രഹണം. പ്രശാന്ത് പിള്ളയുടെ ശ്രദ്ധേയമായ സംഗീതവും നോൺ-ഇൻട്രൂസീവ് സ്കോറും സിനിമയെപ്പോലെ തന്നെ ഏറെ വേറിട്ട ഒന്നായിരുന്നു പ്രേക്ഷകന്.
എഡിറ്റർ: മനോജ്, സൗണ്ട് ഡിസൈൻ: രംഗനാഥ് രവി, ആർട്ട്: സാലു കെ ജോർജ്ജ്, പ്രൊഡക്ഷൻ കൺട്രോളർ: അനിൽ മാത്യു, മേക്കപ്പ്: രാജീവ് അങ്കമാലി, കോസ്റ്റ്യൂംസ്: സുനിൽ റഹ്മാൻ, ക്രിയേറ്റീവ് വിഷനറി ഹെഡ്ഡ്: ബോണി അസനാർ, പ്രോജക്ട് ഡിസൈനർ: അഭിമന്യു കൃഷ്ണൻ, കളറിസ്റ്റ്: ഷാൻ ആഷിഫ്, സ്റ്റുഡിയോ: ഹൈ സ്റ്റുഡിയോസ് & സപ്ത റെക്കോർഡ്സ്, അറ്റ്മോസ് മിക്സിംഗ്: ഹരിനാരായണൻ, മാർക്കറ്റിംഗ് ഹെഡ്: ജിബിൻ ജോയ്, റീസ്റ്റോറേഷൻ: അരുൺ സി.എസ്, മാർക്കറ്റിംഗ് & ഡിസ്ട്രിബ്യൂഷൻ: ഹൈസിൻ ഗ്ലോബൽ വെഞ്ചേഴ്സ്, സ്റ്റിൽസ്: കാഞ്ചൻ, ഡിസൈൻസ്: അർജുൻ@ ഹൈ സ്റ്റുഡിയോസ്, പി.ആർ.ഓ: പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.
തിരുവനന്തപുരം: സംസ്ഥാനത്തെ സ്കൂളുകൾക്കുള്ള ഇത്തവണത്തെ ഓണാവധി സർക്കാർ പ്രഖ്യാപിച്ചു. ഓഗസ്റ്റ് 22 മുതൽ 30 വരെയാണ് വിദ്യാലയങ്ങൾക്ക് അവധി ലഭിക്കുക. പതിവുപോലെ 10 ദിവസത്തെ അവധി ഇത്തവണ ഉണ്ടാകില്ല; പകരം ഒൻപത് ദിവസമാണ് ഓണാവധിയായി അനുവദിച്ചിരിക്കുന്നത്.
ഓണപ്പരീക്ഷകൾക്ക് ശേഷമായിരിക്കും സ്കൂളുകൾ അടയ്ക്കുക. പരീക്ഷാ തീയതികളും വിവരങ്ങളും താഴെ നൽകുന്നു:
എൽ.പി, യു.പി, ഹൈസ്കൂൾ വിഭാഗങ്ങൾ: ഓണപ്പരീക്ഷകൾ ഓഗസ്റ്റ് 13-ന് ആരംഭിച്ച് ഓഗസ്റ്റ് 20-ന് അവസാനിക്കും.
ഹയർ സെക്കൻഡറി വിഭാഗം: പരീക്ഷകൾ ഓഗസ്റ്റ് 14-ന് ആരംഭിക്കും.
പരീക്ഷകൾ പൂർത്തിയായ ശേഷം ഓഗസ്റ്റ് 21-ന് സ്കൂളുകൾ സാധാരണപോലെ പ്രവർത്തിക്കും. അന്നേദിവസം വൈകുന്നേരത്തോടെ വിദ്യാലയങ്ങൾ ഓണാവധിക്കായി അടയ്ക്കും. ഓണാവധിക്ക് ശേഷം ഓഗസ്റ്റ് 31-ന് സ്കൂളുകൾ വീണ്ടും തുറന്ന് പ്രവർത്തിക്കുന്നതായിരിക്കും.
