ഫാഷൻ ട്രെൻഡുകൾ മാറാം, പക്ഷേ മമ്മൂക്കയുടെ സ്റ്റൈൽ എപ്പോഴും സൂപ്പർഹിറ്റാണ്

മലയാളത്തിന്റെ സ്വന്തം മെഗാസ്റ്റാർ മമ്മൂട്ടിയുടെ പുതിയ ചിത്രങ്ങളാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. പ്രായം വെറുമൊരു അക്കം മാത്രമാണെന്ന് വീണ്ടും തെളിയിച്ചുകൊണ്ട്, തികച്ചും പുതിയൊരു ‘ജെൻ-സി’ (Gen-Z) ലുക്കിലാണ് താരം ഇത്തവണ ക്യാമറകൾക്ക് മുന്നിലെത്തിയത്.

കാറിൽ നിന്നിറങ്ങി വരുന്ന മമ്മൂട്ടിയുടെ വീഡിയോയിൽ നിന്നുള്ള ചിത്രങ്ങളാണ് ആരാധകർ ഏറ്റെടുത്തിരിക്കുന്നത്. ലളിതമായ വെള്ള ടി-ഷർട്ടും, ഇപ്പോൾ യുവാക്കൾക്കിടയിൽ ട്രെൻഡിയായ വൈഡ് ലെഗ് (wide-leg) ജീൻസുമാണ് വേഷം. ഇതിനൊപ്പം സ്റ്റൈലിഷ് ആയ വണ്ണമുള്ള ചങ്കി സ്നീക്കേഴ്സും (chunky sneakers) പെയർ ചെയ്തതോടെ ലുക്ക് കൂടുതൽ ആകർഷകമായി. സാധാരണയായി സ്ലിം ഫിറ്റ് ജീൻസുകളിലോ ഷർട്ടുകളിലോ മുണ്ടിലോ കാണാറുള്ള മമ്മൂട്ടിയുടെ ഈ പുത്തൻ മേക്ക്ഓവർ ആരാധകരെ അമ്പരപ്പിച്ചിരിക്കുകയാണ്.

‘ഇതാര് പുതിയ പയ്യനോ’ എന്നാണ് ചിത്രങ്ങൾ കണ്ട് ആരാധകർ ചോദിക്കുന്നത്. പുതിയ തലമുറയിലെ പിള്ളേരെപ്പോലും വെല്ലുന്ന ഡ്രസ്സിംഗ് സ്റ്റൈലാണ് മമ്മൂക്കയുടേത് എന്ന് പലരും കമൻ്റ് ചെയ്യുന്നു. കാലത്തിനൊത്ത് ഫാഷനിൽ വരുന്ന മാറ്റങ്ങളെ ഇത്ര മനോഹരമായി സ്വാംശീകരിക്കാൻ മറ്റ് താരങ്ങൾക്ക് കഴിയുമോ എന്ന സംശയവും ആരാധകർ ഉന്നയിക്കുന്നുണ്ട്.

എന്തായാലും, മമ്മൂട്ടിയുടെ ഈ പുതിയ സ്റ്റൈലിഷ് എൻട്രി ഫാൻസ്‌ ഗ്രൂപ്പുകളും സോഷ്യൽ മീഡിയയും ഇതിനോടകം തന്നെ ആഘോഷമാക്കി മാറ്റിക്കഴിഞ്ഞു. ഏത് വേഷവും തനിക്ക് അനായാസം ഇണങ്ങുമെന്ന് അദ്ദേഹം ഈ ചിത്രങ്ങളിലൂടെ വീണ്ടും തെളിയിച്ചിരിക്കുകയാണ്.

Mammootty new trending look