ഓണമധുരം : ഓണം സ്പെഷ്യൽ

ഓണം ആഘോഷമാക്കാൻ വത്യസ്തമായി തയ്യാറാക്കാവുന്ന മധുരവിഭവങ്ങൾ

കാജാ റോൾസ്

  1. മൈദ – 200 ഗ്രാം ,,, വനസ്പതി – 75 ഗ്രാം ,,, ഏലയ്ക്ക പൊടിച്ചത് – ഒരു നുള്ള് ,,, ബേക്കിങ് പൗഡർ – ഒരു നുള്ള്,,, വെള്ളം – മാവ് കുഴയ്ക്കാൻ പാകത്തിന്
  2. മൈദ – 100 ഗ്രാം ,,, ഖോവ (പാൽ വറ്റിച്ചത് ) – 120 ഗ്രാം ,,, വെള്ളം – മാവ് കുഴയ്ക്കാൻ പാകത്തിന്
  3. എണ്ണ – വറുക്കാൻ ആവശ്യത്തിന്
  4. പഞ്ചസാര – സിറപ്പ് തയാറാക്കാൻ

പാകം ചെയ്യുന്ന വിധം :-

  • മൈദ, വനസ്പതി , ഏലയ്ക്ക പൊടിച്ചത് , ബേക്കിങ് പൗഡർ, വെള്ളം എന്നിവ യോജിപ്പിച്ചു നന്നായി കുഴച്ചു മാവ് തയ്യാറാക്കുക.
  • രണ്ടാമത്തെ ചേരുവയും വേറെ കുഴച്ചു മാവ് തയ്യാറാക്കുക.
  • ഇനിം ആദ്യത്തെ മാവ് ദീർഘചതുരാകൃതിയിൽ ഒരു മില്ലിമീറ്റർ കനത്തിൽ പരത്തുക.
  • രണ്ടാമത്തെ മാവും ഇതേ ആകൃതിയിലും കനത്തിലും പരത്തി,ആദ്യത്തെ ഷീറ്റിനുമുകളിൽ വയ്ക്കുക.
  • ഇനി ഈ ഷീറ്റുകൾ ഒരുമിച്ച് പായ് തെറുക്കുന്നതുപോലെ ചുരുട്ടി എടുക്കണം.
  • ചുരുട്ടിയെടുത്ത ഈ കുഴൽ ഒരു സെന്റീമീറ്റർ കനത്തിൽ മുറിക്കുക.
  • ഇതു ചൂടായ എണ്ണയിൽ ഗോൾഡൻ ബ്രൗൺ നിറത്തിൽ വറുത്തു കോരണം.
  • കട്ടിയുള്ള പഞ്ചസാര സിറപ്പിൽ അൽപസമയം മുക്കിവച്ച ശേഷം ചൂടോടെ വിളമ്പാം.

ഉരുളക്കിഴങ്ങു ജാമുൻ 

  1. പഞ്ചസാര – 300 ഗ്രാം
  2. ഉരുളകിഴങ്ങു വേവിച്ചുടച്ചത് – 150 ഗ്രാം ,,, മൈദ – 100 ഗ്രാം ,,, ബേക്കിങ് പൗഡർ – ഒരു നുള്ള്,,, ഏലയ്ക്ക പൊടിച്ചത് – ഒരു നുള്ള്  ,,, ഖോവ (പാൽ വറ്റിച്ചത് ) – 100 ഗ്രാം
  3. എണ്ണ – വറുക്കാൻ ആവശ്യത്തിന്

പാകം ചെയ്യുന്ന വിധം :-

  • പഞ്ചസാര ഒരു പാത്രത്തിലാക്കി പാകത്തിന് വെള്ളം ചേർത്ത് സിറപ്പ് തയാറാക്കി വയ്ക്കുക.
  • രണ്ടാമത്തെ ചേരുവ യോജിപ്പിച്ചു നന്നായി കുഴച്ചു ചപ്പാത്തിമാവു പരുവത്തിലാക്കുക.
  • ഈ മാവ് ചെറിയ ഉരുളകളാക്കി ചൂടായ എണ്ണയിലിട്ട് ഗോൾഡൻ ബ്രൗൺ നിറമാകും വരെ വറുത്തു കോരുക.
  • വറുത്തുകോരിയ ബോളുകൾ സിറപ്പിൽ മുക്കിയിട്ട് ചൂടോടെ വിളമ്പുക.

റവ ആപ്പിൾ കേക്ക് 

  1. റവ – അരക്കിലോ
  2. നെയ്യ് – രണ്ടു വലിയ സ്പൂൺ
  3. ആപ്പിൾ അരച്ച് അരിച്ചത് – അരക്കപ്പ് ,,, ചൂടുവെള്ളം – രണ്ടു കപ്പ്
  4. പഞ്ചസാര – 100 ഗ്രാം ,,, പാൽ – ഒരു കപ്പ്
  5. ഏലയ്ക്കാപ്പൊടി – ഒരു നുള്ള്

പാകം ചെയ്യുന്ന വിധം :-

  • ഒരു ചീനച്ചട്ടിയിൽ നെയ്യ് ചൂടാക്കി റവ വറക്കുക.
  • ഇതിൽ ആപ്പിൾ അരച്ച് അരിച്ചതും ചൂടുവെള്ളവും ചേർത്തിളക്കുക.
  • വരണ്ടുവരുമ്പോൾ പാലും പഞ്ചസാരയും ചേർത്തിളക്കണം.
  • ചെറുതീയിൽവച്ച് ഏലയ്ക്കാപ്പൊടിയും ചേർത്ത് നന്നായി വരട്ടി എടുക്കുക. തുടരെയിളക്കണം.
  • പിന്നീട മായം പുരട്ടിയ ട്രേയിലേക്ക് മാറ്റി ചെറിയ കഷണങ്ങളായി മുറിച്ചു ചൂടോടെ വിളമ്പാം.

സ്ട്രോബെറി ശ്രീകൺഠ് 

  1. കട്ടത്തൈര് (കെട്ടിത്തൂക്കിയിട്ട് വെള്ളം മുഴുവൻ കളഞ്ഞത് ) – അര ലിറ്റർ
  2. പഞ്ചസാര – 100 ഗ്രാം
  3. സ്ട്രോബെറി അരച്ച് അരിച്ചത് – ഒരു കപ്പ്

പാകം ചെയ്യുന്ന വിധം :-

  • മൂന്നു ചേരുവകളും ചേർത്തു നന്നായി യോജിപ്പിക്കുക.
  • ചെറിയ ഫാൻസി ഗ്ലാസ്സുകളിലൊഴിച്ചു തണുപ്പിച്ചു വിളമ്പാം.