മോഹൻലാൽ നായകനായ വെളിപാടിന്റെ പുസ്തകത്തിലെ ഗാനം ജിമിക്കി കമ്മൽ ചിത്രത്തേക്കാൾ വാർത്തകളിൽ നിറഞ്ഞതാണ്. മലയാളത്തിന് പുറമെ മറ്റു ഭാഷകളിൽനിന്നും ജിമിക്കികമ്മലിന് പ്രശംസലഭിച്ചിട്ടുണ്ട്.
ഇപ്പോൾ തമിഴിൽ ജ്യോതിക നായികയായെത്തുന്ന കോമഡി- ഡ്രാമ ചിത്രം കാട്രിന് മൊഴിയിൽ ജിമിക്കി കമ്മൽ പാട്ടിനൊപ്പം ജ്യോതിക ചുവടുകൾ വയ്ക്കുന്നു. വിജിയാണ് നൃത്തസംവിധാനം ചെയ്തിരിക്കുന്നത്. ജ്യോതികയോടൊപ്പം ലക്ഷ്മി മഞ്ചു, കുമാരവേൽ, സിന്ധു ശാം, മലയാളിയായ സാന്ദ്ര എന്നിവരും ഉണ്ട്.
ബോളിവുഡ് ചിത്രം തുമാരി സുലുവിന്റെ റീമേക്കാണ് കാട്രിന് മൊഴി. രാധാ മോഹന് സംവിധാനം ചെയ്യുന്ന ചിത്രം നിര്മ്മിക്കുന്നത് ധനന്ജയനാണ്. കാട്രിന് മൊഴി ഒക്ടോബര് 18ന് തിയറ്ററുകളിലെത്തും.
