‘ചില സാങ്കേതിക കാരണങ്ങളാൽ’

മതവും,വിശ്വാസങ്ങളും മനുഷ്യർക്കിടയിൽ തീർക്കുന്ന വേലിക്കെട്ടുകൾ നർമ്മത്തിൽ പൊതിഞ്ഞ്‌ അവതരിപ്പിക്കുന്ന ഷോർട്ട്‌ ഫിലിമാണ്‌ റഷീദ്‌ പറമ്പിൽ സംവിധാനം ചെയ്ത ‘ചില സാങ്കേതിക കാരണങ്ങളാൽ’.
ഫെബിൻ സിദ്ധാർത്തിന്റെ തിരക്കഥയിൽ ഒരുക്കിയ ഷോർട്ട്‌ ഫിലിം വർത്തമാന ജീവിതത്തിൽ കാലാകാരമാർക്ക്‌ പോലും നേരിടേണ്ടി വരുന്ന മാറ്റിനിർത്തലുകളും, അതിക്രമങ്ങളും ചർച്ച ചെയ്യുന്നു.
വിവിധ ഫെസ്റ്റിവലുകളിൽ നിന്നായി മികച്ച ചിത്രത്തിന്‌ ഉൾപ്പെടെ 20ഓളം അവാർഡുകൾ ഈ ചെറുചിത്രം നേടി കഴിഞ്ഞു.
പുത്തൻ ഫിലിംസിന്റെ ബാനറിൽ സന്തോഷ്‌ പുത്തൻ നിർമ്മിച്ച ഷോർട്ട്‌ ഫിലിം സാങ്കേതികമായും മുന്നിട്ട്‌ നിൽക്കുന്നു.
ചിത്രത്തിന്റെ ചായാഗ്രഹണം ശിഹാബ്‌ ഓങ്ങല്ലൂരും,സംഗീതം പി.എസ്‌ ജയ്ഹരിയും, എഡിറ്റിംഗ്‌ ഫെബിൻ സിദ്ധാർത്തും,കലാ സംവിധാനം ജയദേവൻ അലനല്ലൂരും നിർവ്വഹിച്ചിരിക്കുന്നു.

ഒരു ബാലേ ട്രൂപ്പിന്റെ ഒരു ദിവസത്തെ ഉത്സവപറമ്പിലേക്കുള്ള യാത്രയുടെ പശ്ച്ചാത്തലത്തിലാണ്‌ ഷോർട്ട്‌ ഫിലിം മുന്നോട്ട്‌ പോവുന്നത്‌.
സന്തോഷ്‌ പുത്തൻ, അഫ്സൽ കെ അസീസ്‌,വിനോദ്‌ തോമസ്‌ (അയ്യപ്പനും കോശിയും ഫെയിം),അരുൺ കുമാർ തുടങ്ങിയ നിരവധി കലാകാരൻമാർ ഷോർട്ട്‌ ഫിലിമിൽ വേഷമിട്ടിരിക്കുന്നു.

ഇതിനോടകം നിരവധി വേദികളിൽ നിന്നായി നിരൂപക പ്രശംസയും,പ്രേക്ഷക പിന്തുണയും നേടിയ ‘ചില സാങ്കേതിക കാരണങ്ങളാൽ’  യൂടൂബിൽ റിലീസ്‌ ആയിരിക്കുന്നു.

admin:
Related Post